博多·爐端燒

营业中

休息中

熱情款待，新鮮食材和美味的烹調，我們叫了一夜干池魚和浉魚，燒海饅，雞翼，和牛，豬小排，芝士和醬油燒飯團🍙很美味，還有前菜小碟一堆，雞泡魚皮，牛舌前菜，芝士豆腐，腐皮納豆，時令青椒，関東煮小碟，新鮮淮山，白玉米，汁煮嶸螺，重點推介係生蠔，好鮮甜。我們一行六人被安排在一小包廂內，服務態度很好，食物新鮮，燒得啱啱好，外脆內軟，肉汁被鎖在脆的皮內，客人很多但是也不用等很久，真是美好的體驗，一定會再來！謝謝

踏進店內，環境氣氛彷彿置身於日本，侍應服務熱情主動，清晰熟練推介各樣食材，日本師傅燒烤技術出色，功架十足，一路望住燒烤，過程賞心悅目😄今次食材全部由日本直送，質量十分好！ Wow...菜式😋😋😋😋😋1. 梅酒 - 香甜，易入口，正！ 十分受歡迎，本來想叫多杯，但已經賣晒😅 2. 生蠔 - 爽、鮮、甜！正！3. 燒鱔 - 魚年處理十分好，沒有一絲骨剌，肉鮮嫰，師傅耐心燒到啲皮脆卜卜，配燒汁一起燒，惹味，正！4. 焦糖雞蛋布丁 - 加檸檬汁海鹽一起食出奇地好夾，正！ 用餐體驗10分滿意，絕對可再度光顧😇

呢間餐廳嘅老闆係日本人，所以食物都係由日本新鮮空運直送，聽落都覺得正。而坐位有分2邊，一邊係普通坐位，另一邊就係bar枱，而我就坐左bar枱嗰邊，可以欣賞到師傅嘅手藝同技術。而我今次覺得值得推介嘅有和牛肉同牛蒡，佢嘅肉質鮮嫩，而且D牛好有牛肉味，好香，加埋特別嘅醬汁，好食到停唔到口。另外，惠比須蠔都好正，佢有得選擇2種食法，生食嘅就食到蠔嘅海水味同啖啖肉，都算係幾大隻，而燒蠔就會有鮮味出左黎，好香，甜甜地咁。

訂了坐吧枱晚飯，下午路過餐廳諗住睇一睇位置，見到坐位比較近門口，我問有機會轉枱嗎因為帶住兩位老人家，服務員很有禮貌同我講今晚full booking ，跟住我走了，轉頭約半小時，服務員打俾我已經安排裡面嘅枱。今時今日咁好服務咁貼心，確難得。晚餐時間到，點知坐嘅枱上面有滴水，服務員轉返我坐吧枱，不但見到師傅嘅高超廚藝，另外兩位吧枱服務員講解貨品源產地好清楚，仲推介特別食物俾我哋如福崗蕃茄、芝士豆腐，食物質素很高同新鮮，師傅功架了得，兩位助手對食物品種、來源、季節時令全部都係很清楚，從中得到新知識。Menu 方面有即日新鮮運到嘅list 同Standard Menu, 我大部份都係order左即日嘅菜式，絕對用心之作，值得推介一定會再嚟幫襯👍💪

今日想食日本爐端燒，聽朋友講呢間餐廳廚師係日本人，好地道就決定去試下餐廳裝潢華麗，燈光偏暗好有氣氛一開始先上頭盤分別係竹筍土佐煮(右上)，築前煮(左上)南瓜紅豆煮(左下)，長芋魚肉沙律(右下)每一樣食材都好新鮮，煮得好入味好軟淋完全幫我個胃熱好身燒平貝好大塊既平貝配上紫菜中和返個咸味岩岩好好神奇西班牙黑毛豬柳呢碟菜一見到以為係牛因為唔係全熟肉帶粉紅色但師傅話係黑毛豬 有保證可以放心食之後放入口完全不得了肉味好香完全唔似一般豬肉勁好食真係大開眼界原來只要隻豬夠靚就唔洗食全熟極上和牛牛舌又少得真正既牛肉牛舌熟度剛好食落好嫩滑美味天神布甸+雪糕為呢餐作最後既點綴布甸好滑好濃蛋香雪糕有陣陣薑味好特別好滿足

呢間餐廳就由日本人親自主理食物，而大部份嘅食材都喺日本直送，聽落去都已經好吸引～店員安排咗我地坐吧枱，有機會可以近距離見到師傅嘅功架啦！本日之萬菜意思指日本嘅傳統家鄉小菜，簡單而言即係佐酒菜或者餐前小菜~師傅會隨時間更改款式，比客人試吓充滿家鄉味道嘅小菜。•南瓜紅豆煮••茄子揚煮••長芋魚肉沙律••博多海帶蒟蒻條••博多築前煮••和牛肉牛蒡••宮崎菠菜與茸御浸••宮崎煮蘿蔔乾••白粟米土佐酢•-每款都各有特色，和牛肉牛蒡我就最欣賞，雖然係燉肉，但肉質腍身兼且牛香味重。 而博多築前煮就最具特色，充滿日本家鄉風味。•惠比須蠔🦪•-分別兩種食法，生食可以突顯到蠔嘅飽滿，偏海水較重;燒蠔就增添鮮甜感。•琵琶海老🦞• -師傅拿捏熟度剛好，肉質彈牙，蝦膏香而不膩。•極上和牛牛舌🐮•-牛舌厚身，口感爽彈而且牛脂豐富。配埋辣味噌，惹味香口。再食啖自家製醃菜，令到味道更為清新。•燒飯團🍙•-有芝士同辣味噌口味，外面燒得焦香，脆脆的。甜品•天神布甸•-蛋味香濃，焦糖甜度適中•星野村布甸•-布甸口感滑嫩，配埋抹茶味道清香。.整體餐廳食物質素勁高質！加上可以望住師傅主理 新鮮熱辣 一路食師傅仲會同你傾吓計好c

在不起眼的金巴利道，發現一個高質燒爐燒。我喜歡坐bar枱，可以與師博交流又可以近距離見到燒爐。其中一個師傅是日本人，家鄉就是博多。餐廳的裝修明亮高檔，整潔考究，濃濃日本風，氣氛好好。他們推介appetiser，說是日本博多的特色，他們會一邊食下前菜、飲下酒、談天。我們點了好幾款前菜，一個個圓兜上，很是震撼！.雞軟骨南蠻漬 - 酸酸地好開胃，雞軟骨俐落爽脆。長芋魚肉沙律南瓜紅豆煮/宮崎菠菜與茸御浸/金平根菜 - 連蔬菜都好可以咁精緻，是日本人也有這個心機。白粟米土佐酢 - 白粟米好清甜，第一次咁樣食粟米，好高級的感覺 lol 胡麻芝士豆腐 - 我的最愛，賣相似豆腐，texture 接近芝士，有低調的豆腐及芝士味，很玄的感覺。平凡得來又帶點驚豔。博多海帶蒟蒻條 - 特色必點之一，用蒟蒻做成麵條，更涼爽。而且比一般麵條低卡路里，伴上酸香的特製汁，異常好食開胃。築前煮（雞肉）/和牛肉牛蒡 - 雞肉和牛煮得很入味，家的感覺。和牛香郁牛肉味，十分惹味。博多風豬胖腩肉拌醋椰菜 - 豬腩肉燒得很香，食得出是爐火燒的那種焦香，肉質爽彈，加上椰菜食不覺肥膩！.燒龍蝦 - 海鮮好新鮮，清甜爽脆，啖啖肉，燒得

仲好記得之前去日本旅行既時候，去過一間居酒屋，裏面有好多日式小菜可以食，但係香港一直搵唔到類似既餐廳。前排上網見到有人介紹哩間博多·爐端燒，當中既日式小菜幾吸引，所以今日就去左試下啦。餐廳既環境好似日式居酒屋，幾有氣氛，座位可以望到師傅烹調食物既過程，而餐牌上既本日之萬菜（日本既小菜）同海鮮每日都唔同，會選擇當造既食材，哩點真係幾好👍🏻🎈本日之萬菜：（11款小菜）- 博多海帶麵條有麻油香，質感似蒟蒻，非常滑溜- 持田農園 芥屋 冷蕃茄3至4月先有，番茄新鮮，爽脆清甜- 長芋魚肉沙律有魚油香，質感綿滑，配合洋蔥絲好清新- 和牛肉牛蒡牛肉軟冧，味道濃郁，牛蒡入味- 白粟米土佐酢好香木魚味，有少少青椒辣味，酸酸辣辣- 南瓜紅豆煮紅豆大粒飽滿，南瓜軟冧，味道清甜- 茄子揚煮味道較清，入口多汁，茄子滑嫩- 宮崎波菜與茸御浸味道較清爽，有麻油香，菇片爽口- 雞胸軟骨南蠻漬胸軟骨爽口好咬，微酸，有少許檸檬香- 博多築前煮有紅蘿蔔，蒟蒻，雞肉等，用日本醬油烹調，味道較濃- 金平根菜有蓮藕、牛蒡、紅蘿蔔，味道微甜，爽脆🎈北海道燒薯仔🥔烤得好香，表面帶有金黃微焦。味道香甜，口感細膩，推介👍🏻🎈鱩魚天日干🐠

真係做到有日本感覺 而且嘢食質素好高質嘅端爐燒～～～呢間位於尖沙咀金巴利道嘅日式端爐燒餐廳裝修好fancy 成個感覺好日本 除咗背景個日文歌之外 亦聽到某啲端爐燒師傅講日文 另外服務態度亦都好好 令人有種瞬間去咗日本嘅放鬆感覺🇯🇵～～～佢哋嘅餐牌食物種類幾多 尤其係有大量好特別嘅日式appetizer 配酒一流😋不過同行朋友因為今晚仲要返公司做嘢 所以我哋冇飲酒 但係都忍唔住叫咗好多款前菜黎試下 包括有博多築前煮 茄子揚煮 和牛肉牛蒡 南瓜紅豆煮 金平根菜 宮崎菠菜與茸御浸 長芋魚肉沙律 白粟米土佐酢 同雞胸軟骨南蠻漬～～～睇住款款唔同嘅前菜逐一上枱 感覺非常療癒 好豐富 令人食慾大開 咁多款前菜 基本上每一款嘅味道都好唔錯 另外有幾款特別令人感到驚艷 例如有和牛肉牛蒡 南瓜紅豆煮 同博多築前煮 😊～～～先講吓佢嘅和牛肉牛蒡 呢道菜嘅重點唔係牛肉而係牛蒡 因為平時我係唔食牛蒡嘅 但係佢哋嘅牛蒡就整得非常之爽脆 亦都冇咗牛蒡本身嗰種有少少似中藥嘅味道😄～～～之後就係佢哋嘅南瓜紅豆煮 呢到前菜最出色嘅位就係佢嘅南瓜同埋紅豆都用得好靚 南瓜入口即化 紅豆就好大粒～～～最後博多築前煮亦係出色得

今日放工之後好開心同朋友嚟到尖沙咀附近食爐端燒，我哋就叫咗好多個前菜，再加啲燒物一齊食。一入餐廳就好有日本feel，我哋坐吧枱，可以見到師傅即埸燒，真係一件賞心樂事。師傅係日本人嚟，咁啱坐隔離嗰台都係日本人，超似去咗日本😍我哋叫咗好多前菜，全部都係日本嘅蔬果，每一件都係好有特色同感覺到食材嘅新鮮。我特別鍾意冷蕃茄同胡麻芝士豆腐。冷蕃茄 $88呢個冷番茄🍅好好味！因為佢好甜好爽，店員仲同我哋講話佢係三四月盛產🤤所以食落去好鮮甜，就好似食緊個水果咁🤤完全打破咗平時食蕃茄個種酸味🙈呢個真係令人意想不到咁好食😋胡麻芝士豆腐$68呢一個係每日限定，隨着時令材料改變。咁呢一個豆腐令我印象好深刻😍，因為我本身睇佢個樣以為同平時一般嘅滑豆腐一樣，中間夾咗芝士咁。原來一咬落去，佢已經將胡麻、芝士，豆腐一次blend好再倒入豆腐模，重新整過豆腐。口感好creamy，甚至有啲似芝士蛋糕。不過成件食都幾飽，所以師傅特意放咗啲豉油同wasabi，可以俾你解膩。之後叫咗啲燒物，包括：日本甜番薯 $48平時行Donki都好有興趣食甜番薯🍠，但今次係即叫即燒，一定好味啲嘅。甜番薯上碟時仲有一絲絲嘅白煙，熱辣辣，好香甜

全部小菜都喺($38~48) +1 左右，主要講我食左邊款比較覺得推薦先🤫.茄子揚煮($48)冰凍的茄子唔會太淋身食落清爽，鍾意食茄子嘅人啱曬🍆博多海帶蒟蒻條($38)將海帶整成的蒟蒻條的形態，感覺幾有趣🤭南瓜紅豆煮($38)南瓜吸收左紅豆嘅甜再加上南瓜嘅口感，食落幾出人意表😌.和牛肉牛蒡($68)可能你會覺得黑色一碟賣相一般，但我最鍾意食嘅喺佢🤤煮到淋曬嘅和牛肉，脂肪唔會太多太油，牛味又夠~真喺值得一讚😆.博多地雞手羽先一夜幹($68)同我去博多嘅時候食嘅雞翼好相似，外面感覺喺燒到脆身嘅雞皮再鎖住入面嘅肉汁，喺有博多嘅風味😎.日本北海道甜蕃薯($96)細細嘅燒甜蕃薯點少少鹽，甜得嚟唔會太膩，剛好中和左😌.博多風雞頸肉拌蛋黃柚子醋($176)個人相當欣賞佢嘅口感，雞皮微微脆身好似炸雞皮咁，雞肉嫰滑，中間仲有層軟骨隔住，食落口感豐富~再加埋佢蛋黃柚子醋帶點酸酸的味道，夠果胃👍🏻.芝士燒飯團($76)&滑金菇燒飯團($76)個人覺得滑金菇燒嘅汁燒比芝士好食😚.薑味雪糕($38)冇我想像中強烈嘅薑味，薑味香中帶左少少甜，食到飽一飽幾解膩☺.天神布甸($48)焦糖布甸配檸檬同鹽， 就咁食個焦糖

約咗朋友喺尖沙咀食飯，佢知道我鍾意食日本料理，包括爐端燒 Robatayaki 炉端焼き，咁就帶咗我嚟呢間餐廳，話想同我一齊試吓😆我哋叫咗好多嘢食，而呢間爐端燒餐廳有好多款Appetizer選擇，我哋竟然一共要咗九款😆Appetizer：南瓜紅豆煮、築前煮、茄子揚煮、長芋魚肉沙律、博多海帶蒟蒻條、宮崎菠菜與茸御浸、宮崎白蘿蔔乾、和牛肉牛蒡、雞軟骨南蠻漬：基本上全部都好食😋，其中特別美味嘅有：「茄子揚煮」嘅茄子輕輕用醬油煮過，超新鮮美味😋；「和牛肉牛蒡」一齊煮，味道出奇地夾😋；「雞軟骨南蠻漬」係真正嘅雞軟骨，應該係雞胸末端嗰條小軟骨，係一條條嘅（並唔係一般見到一粒粒嗰啲😆），呢個真係超正，未試過嘅一定要試吓，有小驚喜😋海鮮與料理：- 生蠔：超新鮮味美，來自北九州，充滿umami，爽口😋- 燒牡蠣：好食, juicy😋- 燒琵琶蝦：來自印尼，蝦肉結實鮮甜😋- 博多風雞頸伴蛋黃柚子醋：雞頸肉軟熟得來有啲爽脆，配蛋黃柚子醋食好開胃😋- 滑金菇燒飯團、芝士燒飯團：飯面燒到微焦脆脆地好香口，裏面米飯好軟熟，充滿米香，好正😋甜品和飲品：- 「星野村布甸」有淡淡的綠茶香味，「天神布甸」有濃郁嘅焦糖味😋

尖沙咀有間居酒屋叫做「博多·爐端燒」。招牌寫住「博多よかろうもん」。原來「よかろうもん」係博多方言，解作很好吧/不好嗎。餐廳確實有日本師傅坐鎮，用方言做店名變得好自然。餐廳每日有十幾款萬菜（おばんざい）。 細細碟嘅菜餚，無論作前菜抑或係下酒菜都好合適。今次試咗九款，當中以🧀胡麻芝士豆腐（$68）最令人回味。入口似平時凍食嘅豆腐，但會有淡淡嘅芝士味滲出嚟，而口感則似香滑嘅cheese cake。另一款較推介嘅係🌽白粟米土佐酢（$48）。白粟米嘅清甜加上土佐醋嘅酸味，味道變得好溫和，仲好開胃。食萬菜食到差唔多，燒海鮮開始上枱。值得一提嘅係唔少魚類都經過aging，味道變得更濃郁。鰈魚一夜干（$58）加入甜味醬汁燒製，魚肉變得香甜多汁。蕾魚天日干（$58）經過簡單鹽燒，香脆可口。🦪唐泊燒惠比須蠔（$70）係一款由福岡縣唐泊港直送嘅得獎蠔。蠔肉飽滿大隻，有好重海水味。琵琶蝦（$238）味道鮮甜，肉質結實彈牙，食得出好新鮮。雖然爐端燒以海鮮為主，但亦有其他選擇。極上和牛牛舌（$198）選用牛舌芯，肉質嫩滑軟身又帶有彈性，配埋辣味噌特別惹味。大蔥（$48）味道清甜，燒得好香。我哋仲試咗🧀芝士燒飯團

日本菜食得多，第一次食以海鮮爐端燒為主打的餐廳。單單前菜已經有好多款，每款大約$38/48，份量都幾大，而且配搭新穎，好特別。持田農園 芥屋 冷番茄宮崎菠菜與茸御浸宮崎切り干し大根胡麻芝士豆腐白粟米土佐酢博多海帶蒟堇蒻條五目鹿尾草博多築前煮 - 有栗子、菇等等不同材料金平根菜 - 牛蒡接住食左師傅精心製作的爐端燒，細問一下知道日籍師傅來自田舍家呢！燒榮螺 - juicy 燒椎茸燒茄子燒牡蠣 - 呢種惠比須燒蠔，冬季限定呢！燒琵琶蝦 - 產自台灣，啖啖肉好似食緊龍蝦一樣。蒲燒熟成大鰻魚 - 好香脆，鰻魚皮脆肉嫩！燒飯糰 - 兩款口味：滑金菇，梅子醬紫蘇口味，師傅要慢慢燒，飯糰外皮脆口！最後點少得我最鍾意的甜品呢！紅豆年糕湯 - 燒年糕好香，紅豆湯整體較甜。天神布丁配檸檬鹽 - 焦糖布丁好好食呢！最推介燒鰻魚、燒蠔，以及一系列前菜！

🔻 博多·爐端燒尖沙咀金巴利道82A-84A號金閣大廈地舖///🧃本日之萬菜 $38-$68/碟萬菜係日本非常傳統嘅小菜，冇統一嘅做法，通常都係按照廚師本身鄉下嘅味道造成，好似依間餐廳嘅廚師，佢嘅家鄉係九州，所以我哋食到嘅萬菜非常有九州特色，仲要每日不同款。味道偏重一d，好適合送酒，建議點都要嗌三四樣試吓/🧃鰈魚一夜干 $58一夜干由日本空運到港，魚肉入口彈牙，帶一點點甜味，喺口腔入邊咀嚼滲出濃厚嘅魚香味/🧃福岡志賀島 沙拔蠑螺 $48/隻蠑螺由日本直送，非常新鮮，入面加咗少少醬汁，提升味道嘅層次，螺肉本身亦都好彈牙，尾部有少少苦味，但係一啲都唔討厭，味道偏向甘香，好特別/🧃極上和牛牛舌 $198牛舌取自鹿兒島野崎和牛，口感非常嫩滑彈牙，每一口都滲出豐富嘅牛脂香味，美國牛或者澳洲肥牛都絕對無法比擬，絕對係小妹喺香港食過最好嘅牛舌之一/🧃日式燒飯糰 $38/個小妹揀咗兩款口味，醬油同埋日式瑪格麗㙮，完美體現到乜嘢叫做簡單嘅嘢最難整，飯團軟熟得來緊致，面頭嘅飯粒帶焦香，食落口又唔會癡牙，淨係食個手工都值回票價。至於揀咩味道就好個人，個人認為醬油保守得來岩所有人口味，推薦第一次可以先試呢款/