原味棧 (已結業)

有朋來自遠方，以前在外國唸書時的好友帶了女友來香港旅行，我當然要一盡地主之義帶他們見識下香港的火鍋吧。黃埔新開的火鍋店半任食也只是 $208 一位，四人也不需一千元，真的掋食，請客一流！因有遊客在場，所以刻意點了震憾的火焰臺山五味醉鴨。店員會先把高醇度白酒倒進鍋裡，然後用火槍讓它起火。鴨子著火了！朋友還很高興，不停拍照。大滾後的鴨子很稔，吸收了酒味後十分惹味。套餐還附送豪華海鮮拼盤 - 龍蝦，鮑魚和蝦是必有的，而其他海鮮就根據當日什麼新鮮而提供。我們的拼盤就有蟹肉，青口和蜆。龍蝦已開邊，肉質爽口彈牙，美味不而。不得不讚鮑魚，本以為那麼大隻放在湯裡滾可能會太韌，但卻煙韌得來又稔，還很新鮮。美國安格斯肥牛片非常好吃，肉質鮮嫩，肥瘦均勻，牛肉味還十分重。一吃便知是高質牛肉。時令菜籃有很多材料呢～而汽水也是任飲的。其實吃到這裡已很飽，但因是半任食，店員會提供點菜紙可剔想吃的。鮮雞件嫩滑鮮甜，肉質不粗糙。爽口魚蛋竟然有13粒那麼多，果然爽口彈牙！但因為太飽，所以每人只能吃到一兩舊。本來以為百福滑豆腐會切片，但竟然原條上！和寶寶最喜歡吃火鍋下豆腐，滑溜得來又好味健康，可惜外國朋友就不太欣賞了哈！快

以前，崇潔街好出名好輝煌架，因為入面有間日本餐廳長期贊助節目「超級無敵獎門人」。今晚同朋友搭的士嚟，唔係食日本野喎，係嚟原味棧食火鍋。一落車就見到街頭大大個牌寫住「崇潔美食街」，其實崇潔街係一條小巷，喺紅磡北部，紅磡廣場附近，全長大約80米，所以嚟美食街搵餐廳，好快就會搵到。主牆用一啲3D畫做裝飾好似啲動物想走出嚟咁，幾特別。天花掛住好多燈泡，所以場內燈火通明夠晒光猛:餐具係一整套嘅。原味棧除左小菜，亦有火鍋套餐，正價時段6:30-9:30pm $208/位；特價時段9:30-11:30pm  $188/位。已經包湯底、海鮮拼盤、美國安格斯手切肥牛片、時令菜籃，同埋任食25款火鍋配料。火鍋幾抵，所以揀左火鍋，店員好快就將醬料奉上。我地揀左「龍穿鳳」湯底，即係胡椒海蝦雞窩。一大鍋，有鮮雞有鮮蝦，胡椒份量亦可按個人口味作加減，成個湯底滾起都幾香胡椒味。個套餐賣點係海鮮拼盤，按人頭數上的。一大盤抬上枱，都幾震撼。有鮮蝦:青口:鮮蜆，隻隻都開晒口:鮑魚，好新鮮，仲郁緊架:大花蟹，特別鮮味，仲有膏:連龍蝦都有，好驚喜。龍蝦肉爽口彈牙，啖啖肉，仲吸左胡椒香味，正。任點任食25款火鍋配料，必叫嘅鮮雞

今日出去紅磡做野順便可以搵個朋友食早飯，我當然要問下住紅磡的他附近有咩撚手小菜食，佢就話崇潔街這邊都多可以去睇睇去到見到這間'原味棧'朋友話應該係新開既問我試唔試下，我見佢啲地方幾整潔、有小菜又有火鍋價錢又唔算貴就入去試下可能時間尚早關係（18:15）客人不太多。我和朋友睇完menu後就決定要個火鍋任食，因為平時食親都係雞煲底，但這間店就有醉鵝煲、火焰魚煲比較特別先來一個火焰煲，煲內配菜有蕃茄、豆卜、娃娃菜、魚就係用了鯇魚非常多肉。當時朋友都驚唔會驚好腥，但佢加了適量黑胡椒，就完全沒有腥味，少少胡椒味已經好香口再來就係海鮮併盤，有龍蝦、蟹、大蜆、蝦、鮑魚和青口，材料豐富又新鮮。最鍾意係蝦肉夠彈牙，龍蝦又鮮甜之後就係安格斯肥牛，佢油脂分佈均勻，口感煙韌又juicy最後就有蔬菜一籃如果仲未夠飽唔緊要，仲有其他任食配料任君選擇

去紅磡覓食，到了崇潔街的原味棧，見有火鍋任食，一於試下！店內的牆上畫上動物圖畫，好靚！雞煲吃得多，鵝煲也真的比較少有，大家這次就選了很特別的火焰鵝煲火煱。主角火焰鵝，侍應倒了一小瓶白酒再點火，賣相100分，大家都爭相拍照！炆煮一會再吃鵝，鵝肉滲出淡淡玫瑰露酒香，特別一讚是鵝肉一點也不肥，嫩嫩的。一上桌非常觸目的海鮮拼盤，龍蝦、鮑魚、大蝦、花蟹、蟶子、花甲，生猛又新鮮，全部都是活的，仲郁下郁下！鄰桌食客看到也忍不住問我們點的是甚麼套餐呢！龍蝦大大隻，估唔到任食放題配上這麼高質的龍蝦！龍蝦好新鮮，不單止有膏，蝦肉極彈牙，咬落非常爽口好吃！大蜆，真係幾大隻，仲好多汁鮑魚爽彈，味道鮮甜手切嫩牛一大碟，絕不欺場，牛朋友至愛。牛肉味道濃香，口感軟滑！打邊爐怎能缺菜呢？蔬菜籃也是新鮮一大籃，不錯！除了鵝煲、牛肉和海鮮，仲有好多配料任食，大胃王也不用擔心不夠飽。埋單每位才＄250不到已經飲飽食醉，絕對適合一大班朋友暢聚！

今日一家人竹戰完畢，老豆贏咗我地唔少，決定請我哋海鮮火鍋補返數，老豆話之前同班friend嚟呢度食過，覺得質量不錯，所以同我哋嚟食吓。喺門面感受唔到，但入到去原來幾有古雅feel，牆壁望落去好似磚切出嚟咁，壁畫亦都卡通得嚟又幾有中國風。我哋4個人叫咗【火焰鍋套餐A】- 龍穿鳳，即係胡椒海蝦雞窩，包括豪華海鮮拼盤、美國安格斯手切肥牛片、時令菜籃同埋任食火鍋配料。任食火鍋嚟講基本嘅火鍋配料都有。【龍穿鳳(胡椒海蝦雞窩)】胡椒令到個湯底鮮味得嚟又香口，辣度適中，媽媽唔可以食好辣都可以接受到。入面啲海蝦同雞肉數量都算多，仲想食多啲雞可以喺火鍋紙度點幾多都得。【豪華海鮮拼盤】真係好豪華豐盛嘅海鮮拼盤，有大大隻龍蝦、大大隻鮑魚、海蝦、青口、花蟹同埋蜆。每樣都非常新鮮，啲鮑魚仲郁吓郁吓架~。媽媽最buy嘅係隻蟹係花蟹，肉質較肉蟹羔蟹鮮甜好多。最正梗係龍蝦啦，淥完出嚟雪白嘅龍蝦肉真係非常鮮甜爽口，食落啖啖肉真係好滿足~【美國安格斯手切肥牛片】老實講份量嚟講就比較少，肥膏部份真係多咗啲，不過食落勁有鮮牛肉味又juicy。【時令菜籃】有生菜、冬菇、粟米、蕃茄、秀珍菇，唔會凈係俾一堆菜你，都算多元化。任食火

以前成日係呢條街食飯 以家d餐廳都唔同哂 咁就來左呢家有小菜有火鍋既餐廳試下啦餐廳係做緊6:30-9:30任飲任食$208同9:30-11:30任飲任食$188~價錢合理咁佢有四款火鍋比你揀一開始見到火鍋菜式唔算話好多 都有少少失望但原來好戲在後頭另外要提提大家 兩至三個人叫半份就好 一份份量真係好多好足由唔同既配料比我地選擇 打邊爐方便就算家用咁用一個電磁爐 有家的感覺 呢度有呢啲圓枱同埋卡位 都好闊落 就算多d人都坐得舒服牆上有唔同動物既壁畫重點來了叫任何火鍋套餐都會包左呢個海鮮拼盤同手切安格斯肥牛(會以人頭計算 上面既只係二人份量)海鮮拼盤包括龍蝦鮑魚蟹蝦等等 非常新鮮 來到仲動緊 而且都大大隻 仲有好多膏係裏面 肥美 正 實在驚喜呢個價錢食到咁多高質海鮮連鮑魚都有個牛肉都好薄好滑 六一六就好快熟 仲另外叫左呢D 都已經食唔哂

紅磡多嘢食就係人都知嘅再加埋而家黃埔通左車咁就喺呢度越嚟越方便 今次呢就去咗一間喺紅磡(其實佢近土瓜灣啲嘅) 一間新開火鍋小菜店 呢間火鍋店佢嘅特色就係一個海鮮鍋放題所以今次特登要來試一試啦! 環境都幾闊落仲有電視睇~ 睇咗餐牌我哋就決定梗係要試一試呢個海鮮放題鍋$208 包一個鍋(三款選擇 + 一個海鮮拼盤+一盤菜+安格斯肥牛片+一round任點火鍋配料) 最後根本已經唔會再點到任點紙嘅菜因為已經太飽喇 ...一坐到去店員俾一個爐我哋 頭一輪既鍋 有三款第一款係火焰台山五味醉鍋但係就要再加＄30 另外呢就係火焰魚窩，仲有龍穿鳳即係胡椒海蝦雞窩，因為媽媽鍾意食魚所以我地選擇火焰魚鍋！等緊窩嘅同時店員亦都攞咗火鍋醬料畀我地 除咗豉油蔥蒜等仲有一個牛肉醬 吖又幾好味～冇幾耐火焰魚鍋亦都上到嚟啦 好大份! 鍋裏邊除咗魚之外亦都有大量嘅白菜仔同埋豆腐卜 跟住店員會倒啲火酒上去之後再用火燒一陣然之後就可以食啦而成餐主菜海鮮拼盤都跟住上場喇! 你個海鮮拼盤不得了好豐富有龍蝦蜆青口鮑魚同埋蝦 全部海鮮都好新鮮上嚟嘅時候仲跳下跳下鮑魚仲郁下郁下! 對唔住喇依家要一獲熟食晒你哋啦～鮑魚同大蜆都好新鮮 龍

近來好像是轉工的旺季同事一個接一個的辭職都不知吃了多少散水餅和Farewell飯了今天又有一位同事Last Day為了令同事可以「跨火盆」去霉運我們選擇了主打火焰煲的原味棧作Farewell飯原味棧位置在紅磡崇潔街的中間位置大大隻招牌很好找的店內的裝飾都別有一番心思牆上都有不同的油畫餐牌上有不同的火焰煲可以選擇如不想吃煲也有多款小菜選擇醬料什麼都有 隨便下!火焰臺山五味醉鵝我們選擇了「火焰台山五味醉鵝」鵝件已預先斬件後以自家醬汁燜製食法跟雞煲一樣 先吃鵝 再加水吃火鍋店員會先加入自家製的玫瑰露和米酒隨即點火 藍色的火焰伴隨著酒的香氣 待火焰熄滅後 把煲蓋蓋上令酒精揮發後便可起筷鵝肉軟腍入味 醬汁的濃淡恰好脂肪部位不多 肉質一點也不「鞋」手切肥牛片吃鵝煲還有一碟手切肥牛片附送肥牛帶亮澤的鮮紅色 不像雪藏牛暗啞而且吃起來有濃濃的牛肉鮮味 不錯!豪華海鮮拼盤說到最有驚喜的切定是豪華海鮮拼盤!!一大盤塞得滿滿的  超級大方! 上桌時有一些海鮮還在動鮑魚都還在轉圈圈 (不誇張)先來個大蝦乾杯!你看看大蝦的色澤多新鮮! 每人有半隻手掌般大的龍蝦! 放四隻龍蝦下去煮就已經把煱填滿了!龍蝦口感扎實 越

一行4人經朋友介紹黎到呢間位於紅磡祟潔街既原味棧，地點有點隱閉， 唔係朋友帶黎會唔識路，去到先見到原來就喺加太賀附近。講到加太賀，回憶都番哂黎，n年前男朋友都帶我去食過一次。不過anyway，原本未入餐廳， 以為係食小菜呢，因為見到menu都有唔少中菜選擇…不過我地今日係黎食火鍋。餐廳唔算好大間，但位置都幾闊落。入到去坐低就揀左個店員推介既胡椒海蝦雞窩,，想試下海鮮混搭雞煲感覺係點。除左海鮮同牛唔係食，其他配料都可以任食，$208/位，只係睇價錢黎講, 如果加埋海鮮拼盤都算抵食火焰魚/豬手骨/海蝦雞窩+海鮮拼盤（人頭份）+安格斯手切肥牛片（人頭份）+任食配料（畫紙仔）$208/位，9點半後 $188，仲平啲。湯底無論加幾多次都一樣咁濃，好入味， 感覺好足料而且值得一讚嘅係，海鮮拼盤按人頭俾，有龍蝦、蟹、蝦、蚌、魚片，材料新鮮。特別係龍蝦、蟹，分開一半仲郁郁下，肉質好豐富又彈牙海蝦就同出面既差唔多。魚片我本人就唔覺得好腥，都好滑，口感幾好！只係好多骨， 但朋友就話有啲腥了， 所以如果怕腥/多骨就唔好試，因為唔係一般出面食既脆肉鯇咁脆口。牛肉色澤平圴， 都算質素唔錯，只可惜唔係任食，牛的話

有一段時間冇見過兩位朋友，週四晚相約喺紅磡食晚飯。黎到崇潔街，我就諗起多年前同男朋友黎過加太賀，真係那些年。呢間原味棧雖然係新新地嘅食店(?)，但事前睇左幾篇食評都似模似樣，加上有朋友推薦，我地就選定喺度打邊爐。餐廳唔算好大，但平日晚上客人唔算好多，店員安排我地坐靠近店內較入面嘅位置，有電視可以睇下。7點零8點鐘時都近半滿，但到我地離開接近10點幾大部分客人都已經離開。揭過餐牌先知，原來佢地除左火鍋，仲有炒小菜，選擇豐富，但今次人少，有機會再試下。火鍋方面，劃一收費，9:30pm前屬正價時段，定價 $208/位；9:30pm後特價 $188，冇收加一，定價合理包鍋底、人頭份量海鮮拼盤、美國安格斯手切肥牛片、菜籃，只外有牛肉、雞件、丸類、蔬菜等配料任食，汽水任飲。火鍋方面有幾款湯底，除左火焰臺山五味醉雞煲要每位+$30外，其餘火焰魚鍋、鮮茄雜菌豬手骨鍋、胡椒海蝦海鍋都係包括在內，不另收費。落單後，店員好快送上茶、醬料。龍穿鳳 (胡椒海蝦雞鍋) 平時食雞煲都食得多，加埋海蝦嘅鍋底都係第一次食，賣相唔錯呢，色澤鮮豔，除左蝦、雞件、加上彩椒、洋蔥等材料，配合胡椒湯底，聞到都好惹味雞煲唔算好辣，

上次食完以為佢地係火煱店。但同大厨城哥閒聊覺得佢講得頭頭事道。於是我地六個大漢同佢訂左星期五午飯。同佢定左ㄧ隻新鮮雞做咸雞。ㄧ条水庫魚三食收四佰大洋。超低食。今日試過所有人都非常滿意。雞如果可以吊亁身D會更好。由於我要求今天早上先做而我地又要求l中午十二點開餐。冇法啦。另外見到魚缸内有两条紅色魚似大眼雞。ㄧ問係海魚而只係收$160。即刻又蒸ㄧ条。果然唔錯。ㄧ魚三食係客家咸菜炇魚腩。內有咸菜凉瓜及豆卜。非常入味。骨滚湯。頭豉汁蒸,超正。另ㄧ個砵仔醸凉瓜好好味。呢餐都係$1300。CP值超高。诚哥係可以做你想食的菜式。收费又唔责。值得推薦支持小店。