喜棧 (已結業)

誤打誤撞入左去，好彩仲趕到有得嗌早餐。早餐黎不開多士肉扒加粉面，依間都唔例如啦。但幾surprised 個豬扒好大塊又唔hi口亦唔會好硬，唔錯但個炸菜米就lum哂。另外個fd就叫左牛筯撈面，佢話牛筯整得唔錯，面質就普普通通啦。另外想提一提，間野有個人最低消費，所以入去前記得留意下。仲有openrice話係B出口，實情係A出口一出上扶手電梯，之後直望就到。希望大家唔好出錯啦！

筆者唔少朋友親人都係住大埔既，所以經常都會進出大埔，今日探完幫友，係大埔搵tea食，就搵到呢個商場門口既餐廳。筆者最鐘意就係黎食呢到既瑞士雞翼撈一丁，真係好正好好食。雞翼多肉又幼嫩，吸哂瑞士汁d味。而瑞士汁甜甜地香香地，又不會太鹹，美道適中。一丁不會過，軟硬剛剛好。茶餐包埋火腿蛋治，這個不用多說，經常都會吃。可以一讚係d蛋炒得好嫩，又不會過老。

服務員態度惡劣 唔聽清客人要求 之後仲要話你落單時講清要咩 比錢埋單 唔係親手交錢比你 係放係枱到 佢行開唔理人 仲要多謝都冇句。。。 係早上食面仲衰 滾兩下上枱 個面係生的。。。。。你話點食。。。。

服務質素有d差，上菜好快。52蚊午餐 酸辣米線得三粒魚片頭＋兩粒墨丸，ok fine！墨丸咬開熱都唔熱，仲有好大腥味。餐廳管理人員亦都無所謂，淨係揾廚師重新煮咗一粒。無論係食物味道或者服務都差過隔離越棧好多，絕對唔會去第二次。

上班前想吃個小飯，但看來看去都找不到餐廳被店外下午茶招牌吸引進餐後點了炸醬麵事實上還有好多好多選擇，眼花撩亂有飯，多士，麵類炸醬麵到場，首先色澤鮮美份量適中炸醬的味道酸酸甜甜十分開胃肉碎為整個菜式加分而麫條的硬度剛好令人充滿口感，又不致難嚼配上的菜心，用雲吞鹶水烹調過，軟度合適，亦十分入味配上一碗高湯搭麫而吃高湯充滿的是雲吞麵的味道有點過咸，但加入麵食剛好老師傅的功力，整個搭配十分成功！滿意！

今日去開大埔做野，所以就順便係個度搵食，由於早餐已經食得太多，所以午餐根本食唁落，於是就想食個麵了事，行行下見到呢間餐廳，跟手就入左去 坐低後就叫左呢碗牛腩撈麵，外貌得得地，食落牛腩好入味又好淋，牛根又JUICE又有口感，麵質爽彈無比，而醬汁就更係一絕，充滿牛肉鮮香之餘，還帶有微甜，唔會過咸，甚是滋味，加上份量又適中，食完真係好滿足呢

今日去左大埔搵我表姐食飯，去左佢成日都去既茶餐廳叫左小菜食 第一度菜就係我最鍾意食既滑蛋炒蝦仁  平時食個d滑蛋會好乾好似煎蛋，但呢個就好滑，加埋d蔥就更加香口，份量亦都偏多，送飯食就岩曬。再黎係表姐最愛既菠蘿咕嚕肉 吧個咕嚕肉真係啖啖肉，唔係得d炸粉。個汁偏甜，我自己就特別鐘意食甜既咕嚕肉，岩曬我。同埋菠蘿一齊食，酸酸甜甜好開胃。唔覺唔覺，一人一舊就好快食完。食得咁上下，就梗要叫d飲品潤潤喉，今次我揀左龍鳳可樂 原來龍鳳可樂即係可樂加入新鮮及鹹的檸檬在內！平時d檸樂就飲得多，加埋鹹檸檬原來又係新口味。一黎鹹鹹地，二黎對喉嚨好，值得一試。而都好注重健康既表姐仲叫左碟魚湯油菜，令成餐營養更均勻之餘，亦無咁乾，加上魚湯味濃，d菜索左魚湯後就好香，連我唔鐘意食菜既人都食左唔少，今餐都總算係唔錯，真係幾好食呀~~

仔仔話想食雞亦，見到menu有set lunch 有瑞士汁鷄翼，甘就入去試下啦。個鷄翼整得唔好食，d味好怪，沒有瑞士汁的甜味同香味。因爲唔想比阿仔食公仔面所以轉左米粉，點知d味仲怪。連中意食鷄翼gei仔仔都放弃。真系好麻麻。阿仔唯有食跟餐個火腿炒蛋同面包，味道正常的。跟餐杯咖啡都很麻麻，很淡，也沒有奶味。叫其它餐飲可能會好d.

相約哈韓的老友見面吃個飯。今趟出奇地不打算挑選韓食店來落腳 (始終最近自己是已試了不少類型各有不同的韓菜舖子，感覺開始是有點生膩了)，取而代之的是這間主打粥粉麵加小菜的店....天氣忽地下降了六至七度。有甚麼東西會好過嘆一口熱騰騰的生滾粥 ?眼前的這碗久違了的及第，粥底夠杰又極度綿滑黏身，吃時亦隱約嚐得出米香之餘味也相當甜，之前實在沒有預料到這粥底有如此水平，確令人甚有驚喜....及第的材料不外乎是一眾的豬內臟部份如豬肝、豬肚及豬腸一類的物事。好吃的關鍵當然是繫於材料是否新鮮。今天在這裡吃到的，水準同樣不俗，特別是肝及肚，前者厚身夠爽彈沒見苦味，後者同是厚夾爽咬起來還能聽到嗦嗦有聲....搭單還有兩小顆肉丸。嗒落不是屬吃至滿口粉的貨色，有肉香之外也蠻實淨的....隨粥餐跟來的炸小雲吞，咬下去卜卜脆未覺超油膩，收貨....除了粥及小食以外亦和老友一起點了兩味小菜試試掌勺的手勢....眼前的這道老干媽菜心炒牛肉，食起來比起正常的菜心炒牛肉多了一分辣醬帶來的刺激，入口沒有那樣單調用來送飯絕對合適。菜心沒有被炒老掉，莖部仍是爽甜的；牛肉沒全經梳打粉處理，縱然咬下去肉質有點韌但這總好過那些軟淰到

這日應承了陪小朋友去大尾篤踩單車，睇水塘，不過假日大家訓到自然醒，去到大埔火車站已經中午了，直接在大埔火車站附近搵嘢食，補充體力 一上去便見到這間餐廳，看看餐牌，食物種類大人小朋友都啱食，又夠飽肚， 立刻拿號碼票，等了5分鐘左右就可以入座了 餐廳內部頗大，設有普通座位及卡座， 職員安排我們一行4人坐卡座，小朋友便可坐在裏面 裝修比一般茶餐廳較高雅，有點像茶室 而最吸引我的是牆上的“清明上河圖”， 加上懸垂的燈飾，把整個餐廳的格調都提升了 餐牌有很多選擇，以中式粥粉麵及小食為主 小朋友望到餐牌的瑞士雞翼，話好想食，於是滿足一下佢 因為第一次來這餐廳，未知份量如何 先點了一個瑞士雞翼撈麵餐及一份炸醬撈麵餐， 再加一些小食及原汁柱候牛筋腩先 職員稍後為我們添了茶水，最初還以為是一般茶餐廳的淡到冇味的茶， 點知一飲便飲到很清香的菊花味原來這餐廳每日都提供不同類型的養生茶， 是日便是桂花菊花茶，茶色金黃，十分吸引 哈哈，咁啱這段時間都有少少熱氣，乘機飲多兩杯先 首先上來是原汁柱候牛筋腩 份量好多呢，筋腩份量各半 看到腩汁的顏色，便知道這腩汁有多濃了 牛腩炆很好腍同好入味，肉質鬆軟，小朋友都可以輕

今晚去左搵阿哥阿嫂，係大埔行左一陣都唔知食咩好，行行吓就見到喜棧，咁就入去坐底左，店內有不少晚市套餐，我地就揀左魚香茄子、菠蘿咕嚕肉、豉汁蒸黃立倉同雲吞麵，黎到後貌相唔錯，上菜速度都好快，茄子勁入味之餘仲好有咸魚香味，肉碎更是入味之最，用黎送飯食真係一絕；另菠蘿咕嚕肉就甜甜酸酸，肉塊表面既炸粉又唔會過多，食起上黎真係食到肉香；豉汁蒸黃立倉則蒸到剛剛好，勁滑又啖啖肉，最岩就係我呢d怕魚骨既人，同時個豉汁又唔會過咸，鮮味十足，我阿哥都食到猛話正；而我阿嫂最鍾意既雲吞麵都好好味，雲吞勁爽口，麵質又彈牙，湯底仲好鮮甜；總括黎講水平都幾高，相信會再次幫襯！

和家人到新達廣場喜棧吃晚飯，不要問為什麼，你懂的。最近被很多事情煩悶著，心情一般般，喜棧感覺尚算優雅。母親大人一看menu， 更覺驚喜，有豉椒蒸紅鮪，蟲草花蒸雞， 椒鹽排骨， 魚湯浸菜心。有住家菜的感覺，的確省回不少煮飯時間和買餸時間。 先講 豉椒蒸紅鮪，蒸得恰到好處， 魚肉清甜可口，我最喜歡的還是那個蒸魚的豉油汁，總是覺得甜甜的，好好味。 蟲草花蒸雞，雞肉滑溜美味，用料新鮮。 魚湯浸菜心，賣相很好，味道鮮甜美味，。 椒鹽排骨食落亦唔錯。排骨裹上蛋糊，放入五成热的油中炸酥，脆身帶油膩。  今次很滿意，交通亦方便， 鄰近港鐵大埔墟站 ，扶手電梯上即到， 有時間會再去。

國慶假期在家休息了一整天，晚上不想煮飯就跟家人到屋企附近的喜棧吃晚飯。 不用茶錢，但每天都會提供不同茶品，星期四是菊花普洱茶，具清熱去油膩之用。我們一行三人，點了兩個小菜套餐加豬手一碟。我跟妹妹都愛吃豬手，美味又充滿骨膠原，這裡南乳豬手做得非常淋身，南乳味完全滲透豬手內，入口膠質豐富，很惹味，推介!!一碟有六件，三人分享剛剛好。 菠蘿咕嚕肉，咬下去很脆身，粉漿不算厚，而咕嚕肉甜酸調味很平衡，外脆內嫩口感不錯。薑沖霸王雞，雞肉肥瘦適中，雞肉的口感很彈牙濃郁但不算滑溜，水準一般。小菜套餐加$18魚湯油菜，生菜嫩口新鮮，浸魚湯有清甜的魚鲜味，清清的是健康之選。外面較少有的龍鳳可樂，是可口可樂混合鮮檸及鹹檸，甜甜酸酸好好喝!爸爸說這裡的粥很不錯，所以再點一碗招牌及第粥，我試了一口，粥底又綿又密，配料份量挺多的，果然不錯!!每人不用$100，非常抵食!

早前到過大埔舊警署內的素菜餐廳慧食堂用餐，可惜當日是星期二，展覽館未有開放，故此，難得家人回港休息，也帶他們來參觀一下. 不過他們對素菜不大感興趣，而且自從動新聞介紹過餐廳以後，這次重來寧靜不再，所以我們到新達廣場午餐好了.家人愛吃粥粉麵，就到了喜棧用餐，店內有不少卡座，比起一般的粉麵店坐得較舒適.午餐時段，吃午市套餐就最化算，而且食物款式眾多，從湯粉麵、粥品、炒麵等都有供應，真是花多眼亂呢!蝦子雲吞水餃撈麵 ($52) 幼麵很爽口，加上大量蝦子，更香口美味. 雲吞小小一粒，內裡蝦、肉比例恰好; 水餃漲卜卜又飽滿，爽口吸引，可以一次過吃到雲吞以及有水準的水餃，太幸福了.鮮魚湯油菜 (跟餐+ $16)生菜新鮮嫩綠，以清淡鮮味的魚湯來煮，簡單又健康.南乳豬手撈麵 ($52)家人選了豬手撈麵，三大件肥美飽滿的豬手賣相實在吸引，而且相當入味，實在不錯.炸魚條3條 (跟餐+ $13)魚條即叫即炸，入口相當熱辣，而且爽口彈牙，魚味甚濃.招牌及第粥 +鮮蝦雲吞3粒 ($58)粥底香甜綿滑，材料新鮮，加上豬肉丸等，清新美味，而且粥品大大碗的，足夠3人分來吃.瑞士雞翼 (3隻) $48個人很喜歡吃香甜的

有時口淡淡想食碗麵，落街最方便一定是去商場。喜棧夾在太興和越南粉中間，三間之中我覺得喜棧相對上比較便宜抵食。午餐下午茶全部有套餐，總有一款配合到你今日心情。柱侯牛腩，勁淋勁入味，沒有可以挑剔的地方了。魚蛋魚腐河粉，足料大碗。這是當天河粉沽清前最後一碗，所以粉比較短和碎…吃得沒那麼盡興就是了。(雪雪聲食法，你懂的…)皇牌推介雲吞蝦子撈麵，雲吞靚料漲卜卜，麵底沒梘水味，仍然爽口，不俗不俗，我個人覺得和劉深記差不多，只欠那裡的酸蘿蔔。蘿蔔糕亦不錯，吃到蘿蔔絲，煎的火候比茶樓有誠意，略油。糯米雞，超巨型，而且同樣足料，這隻東西，我相信四個人都夠分(但我那位大食兄弟一個人吃光…)吃著吃著我覺得有點像茶樓fushion雲吞麵檔，這裡的茶真心好飲，是日是桂花菊花茶，一至日都有不同的健康茶提供，好飲到平時無奶茶不歡的我都沒點奶茶！午餐和下午茶都好抵食，大埔人一定要試一試！