喜棧 (已結業)

因為工作關係好耐都係食住家飯啦!!! 所以一諗就諗起喜棧!!環境非常舒服！滑蛋炒蝦仁＋白飯 $62雞蛋好香好滑，蝦仁都好大，味道唔會太濃，真係好似係媽媽既味道！而且唔會有好多油，係非常健康，又有營養！菠蘿咕嚕肉＋白飯 $62啖啖肉既咕嚕肉，外皮好爽脆，同埋食得出佢地用既油都好新鮮，唔會有陣炸過好多次既味！菠蘿特別甜！！正！！魚湯油菜 +$18魚湯一點都唔馬虎，味道濃郁，再加上菜芯吸哂湯既味道，正！龍鳳可樂 +$12兩個人食咁多野，埋單都係百零蚊！抵！

今日出左黎大埔食午餐，間間都好多人等位，最後揀左食喜棧，全靠店員熱情招呼，佢話緊枱好快有位，又sale啲抵食午餐，睇兩睇又真係幾吸引，一於食你啦。原汁柱候牛筋腩招牌野，梗系要叫番個share食，燜得十分入味，牛腩有肉感但又夠淋，牛筋入口溶化，真心堆介！豬潤肉丸粥唔多想食麵飯，叫碗粥食下先，有數片豬潤同肉丸，豬潤大大塊厚切，爽口得黎又唔係化學個種，肉丸鮮甜唔硬，大大碗好飽肚。鮮魚湯四寶四寶有魚蛋，魚條，魚腐同墨魚丸，味鮮爽口彈牙，魚湯清甜非味精，唔錯。糯米雞大大隻友人叫嘅糯米雞，荷葉香又夠熱，入面有鹹香嘅鹹蛋，軟腍嘅叉燒，仲有嫩滑雞肉同豬肉碎，十分飽肚。炸雞翼午餐包一個主食，一個小食同飲品。友人揀左炸雞翼，有兩隻雞全翼，真係幾抵食呀！友人話雞翼係生炸嘅，炸之前仲有豉油調過味，好正喎！！午餐好抵食，四十幾蚊食飽飽，最正係有杯茶飲下，杯茶每日唔同嘅健康茶，是日係桂花菊花茶，茶清又香，店員好勤力refill，正。

幫襯喜棧已經有一段時間，貪佢位置夠方便，食完早餐就可以番工。每次嚟必叫有兩樣嘢就係沙嗲牛肉麵同埋佢地自家製糯米雞。依度既糯米雞大大隻，饀料豐富內有燒肉，叉燒等材料，味道十分之好。至於沙嗲牛肉麵其沙嗲醬汁夠曬香濃，充滿香味，配合彈牙既公仔面，係一份唔錯既早餐。不過要投訴一樣嘢就係依間舖既經理服務態度好差，對客人呼呼喝喝，黑口黑面，懇請此餐廳要正視此問題。

是日，相約Cc由大埔墟，沿吐露港公路，趴走至科學園。一早起床梳洗後，就背起背囊出發了。來到大埔墟，未出發，先吃一頓豐盛的早餐。喜棧，佔盡地利，無疑是最佳選擇了。西式早餐有九款，包餐飯一杯，由$29-$34不等，遠比華富邨的殘舊冰室來得便宜。小妹要了鮑魚絲火腿螺絲粉配鮮奶炒蛋，火腿和牛油厚多士，以及熱檸茶一杯，也不過是三十大元。螺絲粉入口仍具嚼勁，湯底不過不失，配料有鮑魚絲，火腿絲，紅蘿蔔絲和生菜等，口感豐富之餘，又蠻清新輕盈健康！烤過的多士不算太脆，幸塗上牛油同吃，已經好好吃了！兩片火腿實屬一般貨色，幸牛奶炒蛋夠晒香滑鮮嫩。餐後，呷下一杯熱檸茶。是時候，踏上征途了。

是日做完瑜珈，到大埔車站路上巧遇剛買完餸的媽媽，就一起來這兒午飯~媽媽點了鮮魚湯魚腐河配熱檸蜜，我要了蝦籽鮮蝦雲吞麵配熱鴛鴦~媽媽的湯河魚湯奶白鮮甜味清，與她交換了一粒魚腐嚐嚐，魚腐軟腍微爽，有魚鮮味~我的雲吞麵湯底是清甜的大地魚湯，有鮮香的蝦籽伴著，我喝了大半碗呢  雲吞大小適中，每粒均有爽脆的鮮蝦仁，皮夠薄滑，麵質軟硬度剛好，鹼水味不太重，但沒有蛋香，不過不是該店主打食品，是外購的麵餅，所以對此要求不大~飲品比起一些街坊茶餐廳還要差，檸蜜的檸檬不新鮮，鴛鴦茶味蓋過了咖啡味，比茶咖比例不當，且有少許苦澀味 反而每日指定的免費養生花茶更吸引人，今天星期日是菊花茶，茶色金黃，富菊花清香，光喝這個，不需餐飲已很滿足

九時許臨近廚子收工才進去, 友人們欲點小菜便需快快決定, 而我只叫米線的便不急. 剛從山上下來比較口渴, 那杯小小的花茶真的不錯, 一口喝了再添.米線雖名'酸辣', 卻不像雲貴那種, 端上來時上面放點酸菜, 吃時才覺有點辣. 由於小菜製作需時, 待友人們的東西全上來時, 我的米線已浸了一回, 幸不覺太軟. 最好味的便是那菜肉雲吞, 它饀料味精不明顯, 皮又很滑, 約有4-5隻吧! 喝了點湯底, 過後也不至有重味精反應, 滿意.熱檸茶的杯略小, 數片檸檬, 茶色濃, 總覺同樣的量和料放大點的杯, 稀點的茶會更好. 唯一是由於米線不算特別大碗, $45的套餐略貴, 大概受租金影響吧?店很新, 因為由麥當勞以後最少它已是第3手了, 連前者也捱不住的租金, 又的確很難捱. 友人們的小菜包括金銀蛋莧菜和雲耳蒸雞, 份量頗多, 反而那碗飯略少. 餸菜看來很有住家味, 不會很油膩, 他們都讚賞.

一早帶著好心情出發往大埔墟的集合點和水爺在那裡吃個豐富早餐時間不多，我們一到新達廣場上扶手電梯即選了最當眼的喜棧我倆都是點火腿鮑絲米粉配火腿炒蛋及牛油多士上菜時間非常快剛下單後不過幾秒時間即上食物非常有效率，讚﹗米粉份量頗大鮑絲又頗美味夠彈牙還有少許蘿蔔絲，夠健康火腿很普通沒有特別只是烚的炒蛋份量較少，但味道不錯而且炒得剛剛好不會過熟又有少許蛋汁流出來多士的底其實烘得有點燶但因為時間趕，沒有要求換早餐都配餐茶的熱檸茶是水太太早餐的最佳拍擋yummy!!

自從囝囝開學之從，可以交談聊天的日子漸漸減少，就趁放假天，陪囝囝吃個早餐。喜棧位處新達廣場，地點方便就腳，火車站一出，沿扶手電梯一上便是。鮑魚火腿絲通粉用的當然是切絲螺片，通粉軟硬度適中，不錯；而且加有甘筍絲，算有誠意了。炒蛋略嫌過火，多士配獨立包裝牛油，清潔衛生。吃著聊著，時間過得真快，看見囝囝揹著書包說再見的身影，我彷彿看到了囝囝當日上幼稚園的光景。

這一個早上，由大埔出發，而且是一個難得的早，比起平時有更多時間吃早餐。不過，近來工作忙碌，不想太遲回公司，計劃到新達廣場大埔飲茶就臨時決定取消了，同樣在火車站旁的這一個商場，食早餐的地方除了酒樓，連鎖快餐店之外，這一間午市主打粉麵的連鎖麵店《喜棧》也有早餐供應，於是我沒有理會東西啱唔啱食，就入來開位食早餐。首先，概括一下香港的飲食文化，香港人食早餐，好多都講求簡單同快，而公仔麵，通粉，材料可以晚上準備好，明天一早開檔準備其他野食時，就可以以這些簡單的材料，製作早餐，所以，早餐，大多數都是以一些罐頭類食品為主。所以，即使是麵檔，牛腩雲吞欠奉，早餐，食通心粉、公仔麵啦。所以，我來到喜棧，沒有吃到麵，一早點了一個螺絲粉餐，看看又是怎樣的一回事。火腿絲鮑片螺絲粉，做法十分之簡單，以煮到發脹的螺絲粉作底，再加上一個似有用雞粉但完全吃不出味道來的湯底，令到整個東西最有味道的竟然是火腿同鮑片。多士，火腿，炒蛋，也是非常簡單的即做現成配料，只是炒蛋需要少少功夫而已，不需要多作評價。沒想過是這樣的簡單，簡單到有如求其整餐野食給你的一樣。而且員工服務態度令人不滿意，叫他拿走一杯沒有人認領的杯，姐仔理也沒有

因位置就腳, 故黎親大埔開工都會食呢間早餐. 即使店內坐滿客, 侍應們都好勤快地執枱, 落單, 值得一讚.最愛吃那兒的沙嗲牛肉面 + 火腿蛋 + 多士餐, 連凍飲都只是 $35, 算抵! 個面的湯底好有味, 牛肉有咬感得黎唔會韌到咬唔開, 感覺唔似罐頭貨色. 多士烘得金黃, 正! 呢個價錢去到第二d坐得比較舒服的餐廳未必食得到咁既質素!!

黃色暴雨都出街食個lunch,真俾面，叫咗一個午餐，水餃麵，加$12有兩隻雞翼，麵質爽無鹼水味，ok,水餃有d皮包得唔夠平均，有d厚咗嘅感覺，仲得三粒，個湯底就真係唔正宗，仲要加兩條菜落d湯度，其實真正做雲吞麵嘅店鋪絕對唔會咁樣做，你哋可以留意吓，炸雞全翼新鮮炸嘅，但不太油膩，睇到都已經漏口水，辣椒油就唔夠辣，而且應該用辣椒醬。,但係都抵食，一碗水餃麵，兩隻炸雞全翼同一杯熱檸蜜都係$48

四點幾先嚟下午茶, 諗住食少少嘢, 點知真係食完都好似冇食咁, 唔飽的~~由於未試過呢間嘢, 而其他地方又好似好多人, 於是走入嚟食碗粉................ 菜肉雲吞河只得3粒仔菜肉雲吞, 當然係菜多過肉啦, 而雲吞皮又多過菜咁啦~~ 細粒到我諗小朋友都可以一啖一粒~~河粉又係得一大啖, 不過煮得啱啱好, 食完都唔會浸到林~湯底非常清, 而且冇心鹹水味~ 魚腐河只得3粒仔魚腐, 雖然唔算好彈口, 但起碼唔腥~ 仲有, 佢D蔥花仲多過D菜~ 熱華田加飲品仲要加$3, 仲要得細細杯, 又係一啖可以飲哂, 不過算幾濃味~呢餐真係貴夾唔飽咯~~~

行山前, 先食一個豐富的早餐, 唔係一陣唔知有冇得食。]環境我提早了點出門口, 之後去到大埔集合地點附近的新達廣場看看有什麼野食, 上一電梯就見到呢間冇咩人, 又有正常的早餐食, 所以就入來坐底左啦。環境不錯, 勝在夠近。.食物今次ORDER了MENU上最豐富的。 蓄茄排骨螺絲粉早餐SET (轉米粉)呢個豐富的早餐包 了 火腿炒蛋厚多士, 蓄茄排骨米 同 飲品。 火腿炒蛋厚多士多士都好厚, 不過就不是多士, 軟林林的, 都OK好味。 火腿好好, 有2塊(3角形), 而家出面早餐都只有一塊(3角形)。蛋都炒得好香。食完之後已經FULL了9成。味道: 蓄茄排骨螺絲粉 (轉米粉)由於太快來到, 我又食左個 火腿炒蛋厚多士 先, 所以米粉已經林晒, 不過米粉林晒係沒關係的。 蕃茄個味好好, 排骨都好林, 可能係用西施骨, 好好味, 份量都好大。所以食完已經FULL到唔FULL。 鴛鴦一般茶餐廳SIZE, 呢杯都唔錯好香茶味, 但咖啡味就唔係好出, 不過都好夾好好飲。價錢$30, 現在的早餐真的好貴。我細過的時候, 呢D早餐只係$18, 當時都覺得貴, 而家要$30, 不過跟大家樂個D比

一大清早出行，看到此店的早餐挺豐富，與朋友分別點了：～香煎豬扒、鮮奶炒蛋、火腿及厚多士，配熱奶茶～XO醬炸菜肉絲魚片米粉及厚多士，配熱檸蜜早餐選擇有多款，但種類還是扒類、火腿、雞蛋、粉麵等，個人感覺滿意。不久，早餐送來了，熱騰騰的，豬扒煎得香，肉嫩，鮮奶炒蛋挺滑，火腿微溫，厚多士略有烘香之感；米粉麵條夠軟，少許的ＸＯ醬令米粉吃下更惹味；炸菜爽口有甜味，不錯；肉絲質地易嚼。至於飲品方面，奶茶不苦澀，奶與茶平衡不錯，亦夠滑；檸蜜濃度恰當。這次吃了一頓醒神的早餐，讓人感到滿足，有機會再嚐。

眼見店外的食物相片，份量、價錢和相貌也OK，所以入去一試。食物：叫了個早餐，魚片窄菜肉絲米醒多士腸仔。腸仔竟是超幼身的小紅腸，是煎，還是用水煮熟？碟內竟有脫了的暗紅色水，不知是否小紅腸脫色！！！ 魚片只有3片，有窄菜就無肉絲，唯有剩食米粉。環境：店內環境尚算可以，可惜比茶餐廳更差的食品格格不入。價錢：一個早餐$28，凍飲加$3，盛惠$31???...超不值，根本食物相片和真正的食物完全不付。