嘉門鐵板燒 (已結業)

First things first:* 有午市套餐，適合商務飯局* 有包廂，房間連私人廁所（餐廳經理話過時過節個景仲可以睇埋煙花）* 師傅好好傾，不停講解，服務態度好好* 和牛好味！食鐵板燒食到上晒癮。嘉門鐵板燒喺銅鑼灣V city，之前有做過午市指定時間五折優惠，但而家已經冇咗lu~ 我哋三個人上咗去食叫咗三個午市鐵板商務套餐，有黑豚肉、美國牛肉薄燒、日本宮琦A5和牛揀。餐廳望樓景加少少海，都幾靚！茶碗蒸幾滑。好大粒嘅北寄貝帶子，爽。銀鱈魚配直菇洋蔥湯，師傅將魚同埋魚皮分開黎整，魚皮用炸嘅方式，好脆口！師傅係燒牛之前比我哋睇一睇舊牛，一舊厚和牛，兩片美國薄燒牛。和牛煎完出黎係甘，好腍，入口即溶！鱸魚用番茄汁煮，開胃！珍珠蠔配舞茸湯，我唔食蠔，同事話個好湯好鮮甜、蠔係嫩同新鮮。炒飯冇乜特別，稻庭烏冬彈牙好味，舊wasabi 係碗邊～ 食野既過程，師傅不停咁同我地介紹佢間餐廳、食材，我哋問咗佢唔少問題，佢都好有耐性咁解答，服務態度唔錯，抵讚！

這次是我首次寫食評，這餐廳的服務態度實在太差我們一行七人（三大四小）到來午膳，當我們詢問經理有什麼套餐一通適合小朋友時，佢只是說「我們有98元的牛肉反和128元的烏冬」，也沒有意慾給我們看一看單點menu ，跟住全程也是黑口黑面，我肯定茶餐室的服務更加專業這𥚃食物質素一般，但中午價錢也不算太貴（以地點景觀計算）當然同樣價錢其實也可以有其他選擇但這樣的服務態度，我絶對不會推介

birthday dessert is disappointing, 廚房唔記得整，臨時整，價錢和質素不合理。 但menu 食物正常。may not come back for second time. The view is nice though.

約了友人去食lunch，12：30pm左右坐低，入到去以為很高檔，問有咩飲，侍應話有水，同埋只有熱水或凍水，無暖水，比同級西餐廳還要差，亦無話有綠茶，結果要到我地見到隔離枱有茶，再問先有。另外，仲要個杯有唇膏跡，要換個杯水。跟住叫咗個銀鱈魚鐵板燒餐，價錢唔平，每位$320+10%，結果鐵板燒師傅好似趕住收工咁，我地未食完一碟，佢已經整咗後面1、2碟出黎，同經理投訴都無用，結果d嘢全部攤凍嗮，味道亦唔好，所以唔會再幫襯囖!

To celebrate Fd’s birthday and found this good restaurant with a beautiful harbour view.The waiter is very professional and friendly who would recommend and introduce us the dishes. This was our first time visit, so we ordered the set dinner for one and on top ordered some from the a la carte menu. Starting from the appetiser with the small dishes, the walnuts with tiny fish, jelly and seaweed with fish. The cod fish, was cooked in a different style compare with traditional sauces. The sauce was

連續兩日海景餐廳，今日輪到去銅鑼灣食鐵板燒（尋日是「三家村水產」）。今日的「嘉門」無論地點、裝修、格調都明顯較高檔次。當然，價位亦是另一境界。不過是壽星自己選的，大家也沒有異議啦。今晚有啲落雨，海景比較朦朧，但可以想像在良好天氣下，海景應該不俗。套餐由 $580 一位至 $1288 不等。我們 7 人，選了 3 份大蝦餐、4 份鮑魚餐分享，另外 upgrade 了牛肉要和牛。食物方面不能盡錄了。整體不錯，印象較深的有銀鱈魚、及厚切和牛，比較出色。到最後的炒飯則離奇地失色。一般鐵板燒店的炒飯都好好食，今次這裡味道一般，而且好濕、唔乾身。唔知係咪犯了炒飯大忌：冇用隔夜飯呢。本店據說開瓶費$350。朋友話唔好帶酒喇。開了一瓶 1.8L 「匠」純米大吟釀（$1480）。另外此店提供印有自家名字的高質素酒杯，所以我都跟返近代流行飲法，用白酒杯飲Sake。支酒質素不錯，順喉，稍嫌唔夠香（已經係落酒杯飲）。不過店員非常殷勤加酒，這點加分。埋單唔計壽星女，每人夾 $1250。符合入來之前的預期。同呢班朋友食生日飯超過10年了，由人均3、400蚊，食到$1200⋯⋯足以印證香港物價飛漲；再諗，亦印證朋友

之前去開東角同雪乜，宜家去嘉門。侍應很讚，服務醒目。食物精緻，不儲單做。個炒飯真係好味。我多吃午餐，之前用app好平，不過宜家無晒discount我都成日去。環境都靚。

前菜有小沙律同埋日式蒸蛋口感豐富！🥰之後有煎帶子同埋清酒煮蜆😋同普通鐵板燒一樣份量雖然比較少但口感一流味道超贊！焦點一定係和牛，入口即溶！不過多食都會太溜🙈和牛配左好多炸蒜片一齊食超級香脆口感十足😍除咗lunch set另外加咗雞翼串燒同鵝肝，我最愛嘅鵝肝好彩冇令我失望流晒口水🤤 最後加個炒飯超級香蒜 一定飽肚 最後加多個綠茶雪糕超級綿😍👍🏻 午餐黎食真係抵好多🤪

今日試咗呢間係V point28樓嘅嘉門鐵板燒先講個景，係得V point 高層嘅，一定係靚景🏙佢有分鐵板燒counter, 同埋普通枱，鐵板燒counter都有分對住個景同背着個景，所以訂位嘅時候記得要講清楚，要對住窗嘅鐵板燒counter啊😉講番啲食物先，叫咗一個銀雪魚lunch set同埋大蝦lunch set，咁就一次過可以試晒蝦🦐，蜆🐚，三文魚🐟，銀鱈魚🐠，珍珠蠔🐚，鴨肝🐔，薄燒牛肉🐂，同日本和牛🥩喇當然仲有沙律🥗，炒飯🍚，漬物麵鼓湯🍲同埋甜品🍨啦聽落係咪好多嘢食呢？🤤🤤咁多嘢食每個set都係三百幾蚊咋，好抵食呀🤘🏻想舒舒服服慢慢食個lunch，又要有靚景，呢度係一個唔錯嘅選擇🤗

好友相约銅鑼灣食晏、話有好介紹，於是跟佢上咗位於登龍街V point 28樓嘅日本餐廳，v point 嘅食肆大部份都有靚景，位於高層個景更無敵，整間餐廳都俾天然光包圍，中間位置見到師傅煮鐵板燒我地叫每人叫咗大蝦鐵板燒一人套餐，侍應先上日本水菜沙律，沙律新鮮，酸酸地嘅醋汁，令人好開胃清酒煮蜆，蜆大大隻新鮮脹卜卜，鮮甜美味大蝦配柚子胡椒汁，大蝦煎得香口，肉質彈牙新鮮，點上有柚子汁，感覺清新唔油膩三文魚扒配野菌忌廉汁，賣相很吸引，見到都已經味蕾大爆發，外層煎得金黃，食落鬆軟，香囗美味澳洲M5和牛厚燒，雖然份量唔多，但配合埋其他食物，就剛剛好，所謂少食多滋味，不用多形容，食過嘅人都知和牛果種入口即溶，肉汁豐富，牛脂充滿口腔但唔肥膩嘅感覺,和牛炒飯+新香物， 炒飯粒粒分明，美味可口新香物有蒜頭，牛蒡，醃黃瓜，都係水準之作赤麵豉湯，麵豉味濃加上滑滑豆腐同紫菜，熱辣辣，舒服暖胃最後甜品我揀咗個栗子雪糕，甜度適中，入邊有一粒粒栗子蓉，特別又美味$250一個套餐，有10樣唔同款嘅嘢食，食物水準高，環境又靚，絕對超抵食！唔掛得知，下午都座無虛席

今個星期六臨突然間想食鐵板燒，本身捻住食和三昧，但係人啲已經full晒不過我係eatigo見到嘉門仲有位，仲有7折添（淨係for兩款lunch set同散嗌d嘢食哦），加埋之前都聽人介紹過呢間，於是決定give it a try啦！ 上到去環境真係幾靚喎。中間有四個鐵板燒檯，仲有一排窗邊位可以睇到海景。由於我啲到果時已經兩點啦，海景位全部有人坐緊，我啲唯有take鐵板燒檯啦。不過食鐵板燒睇住師傅煮嘢都係樂趣所在。 我啲揀左龍蝦二人餐。個餐本身有沙律、蒸蛋、鐵板蠔、龍蝦、三文魚、澳洲和牛、miso soup、和牛炒飯同甜品，價錢1200蚊度，我啲加錢將三文魚轉左銀鱈魚。 好快就有沙律食，正常啦，都幾新鮮既 食得差唔多就有師傅將準備好d食材擺係鐵板前，間我啲就來食完就開始燒蠔啦。蠔係日本宮崎蠔，見到師傅落左牛油、白酒去煮，上碟又鋪左d菜、蒜粒同埋煙肉，睇落好colorful呀。個蠔真係好正呀！帶有海水味，口感超級creamy，三隻真係唔夠喉！我個人就唔鍾意煙肉既，所以我prefer唔加煙肉咁食，原味已經好好味啦！

女友的大日子，所以揀左呢間有景睇既鐵板燒。係openrice訂左位，前一日就有人同我whatsapp聯絡確認日子，同埋問我地想坐邊度同要唔要預留限定食物，我地最後揀左鮑魚，對話過程中，服務非常好。我地揀左坐係bar檯上面（即係有廚師係我地面前燒既位），正前方就已經望到維港景色，非常靚。不得不讚既係，佢地既裝潢好貼心，因為我地身面有一塊鏡面牆、影相既時候可以反射到維港景色。由於前日已經確認晒所有野，所以好快就已經落好單。先黎一隻鮑魚可惜汁既味道太濃太咸，蓋過晒鮑魚既鮮味。刺身一流佢地做到有炸魚片既炸，同時保留到魚既滑同鮮我地另外叫左鴨肝，煎得岩岩好，但同樣偏咸。A5和牛，入口即溶最後自己帶左蛋糕係餐廳切，但佢地冇收任何切餅費，相比其他西餐廳要收250蚊，感覺成件事平左好多。雖然野食整體都偏咸，但服務同景觀一流。（P.S 美中不足是VIP房裡面有一大班內地人，不停喧嘩，尖叫，破壞氣氛。）

今日係我同老公一齊之後過的第一個生日，因為去年他去了公幹佢老婆我好有智慧地係eatigo 揀咗呢間餐廳一去到，環境唔錯係半開放式的。雖然望唔到廚師在面前燒，我們坐在一角，整間餐廳都好靜唔錯牛舌好夠味，一開始像有點老但食落又不覺得。剛剛好，又有咬口出面少有的燒明太子，我在外面沒有吃過。有點鹹香送酒一流這裏沒有鵝肝只有鴨肝，好油潤但略嫌有了一點，燒得10分好，勁軟滑！鵝肝lovers 必試！燒雜菜睇得出好有心機連茄子都切晒花！蔬菜都不會淡茂茂，兼且吃得出來自日本的蔬菜很新鮮全晚重點是這個和牛厚燒！痴線的真的超級超級超級好味！五成熟一流，有肉味有油花雖然不至於入口即溶但還是超級超級好味在外面吃過不少鹽燒雞翼，這個肉嫩有肉汁，但皮就不夠脆了西京燒銀雪魚，塊魚滑過我塊面就當然全晚如果一定要數，就是這個銀雪魚皮燒燶了😂😂美中不足的是這裏如果想在甜品上寫Happy birthday要另外加$80。除了這個整體的Service，價錢(以eatigo計) 基本上是超值的, 食完我同老公講驚距會執笠添做到咁平😂😂今年生日過得超級開心❤️❤️ 多謝老公😘😘

我係職埸上最聽話的 老板一聲令下。。。吹雞，去開飯啊! 我一定第一個舉手和拿手袋的 你睇個門面設計，超高級超有水準! 據聞 Interior Designer 是得過奬的 一行8人，浩浩蕩蕩 每人叫了不同的商務鐵板燒套餐，特別介詔以下菜式:大蝦配柚子胡椒汁 很 fresh 的柚子汁， 蝦新鲜夠 Q彈的，如果體積能大只一些就更好了!日本黑豚肉薄燒伴温室野菜 ~ 吃氣氛吧! 味道一般般，未有什麼驚喜呢!南極犬牙鳕魚配魚奶汁 這個小鍋子很別緻， 颜色多嬌艷 魚魚很嫩滑，味道不錯呢!

朋友請食飯, 一共十個人, 通知我地食鐵板燒,去到個環境一流, 私隱度高,十個人圍住一個爐一間房,岩岩好。對住呢個境,雖然未無無敵大海景,但都令人心鄺神怡。先黎個前菜, 上面望落係豆腐既野,係芝麻味既豆腐, 而下面兩款都好好食,但唔記得個名。再黎有兩款刺身, 刺身表現麻麻地, 個魚好實,唔鮮既 隻蝦又細隻。。麻麻地呢個係第一味鐵板燒既餸, 蝦彈牙鮮美,師傅調味亦剛剛好。日式沙律, 感覺一般, 蕃茄太凍太實,有如未解凍般。菊花薰帶子, 呢個好特別, 個銅色壼打開只係比你聞下,同埋話你知之前個帶子放左入去薰, 食落帶子好重菊花味,但仍食得出好鮮甜爽口, 仲好肥厚。燒貝, 無咩特別,而且比較老和牛薄燒, 好香,入面仲包左蔥但食落好夾麵豉湯, 好濃略咸呢個埋尾既炒飯就可以話係失敗之作。。無味, 仲要連蛋香味都無。抹茶甜點, 還可以鐵板食肆做鐵板合格有餘, 但其他仍有進步空間, 開左酒, 人均要千六,所以可以更好。