囍越 (屯門市廣場) (已結業)

今日去買波鞋經過見到間越南野未食過就拿左飛再行左大約半個鐘有得入去。入去到我地叫左小食，面，野飲同甜品食。馬拉盞通菜：份量多同炒得夠淋身，好入味而吾咸。蛋網海鮮炒金邊粉：蛋整得好薄身，金邊粉煮得剛好仲有口感，少少酸的醬汁好醒胃，如果海鮮分量更多就更好。豬頸肉配濱海：原來濱海係米粉整出黎的網，吸晒汁好入味吾咸，豬頸肉夠厚身而又淋同邊有少許香口味，如果生菜細片少少就更好。芒果沙冰和三色冰：沙冰朋友覺得似芒糖味一般，三色冰椰汁味出色好味。最後我地食甜品作結尾芒果黑糯米飯：糯米煮得好有口感，椰子味都香但吾夠，芒果本身好味但偏酸左少少。

今次來到屯門,選擇了食越南菜,呢間係新派菜,所以唔太越南,點了4個菜,先來黑松露香芒蟹柳脆脆卷,有蟹柳,黑松露醬,芒果,同類似油炸條,脆得來有香芒松露味,再來越式蒸粉包,似腸粉般,入面是似潮州粉果的料,比較清新,不太濃味,再來豬同雞串燒,肉豬嫩,雞肉燒得夠香,唦嗲汁好香花生椰香,最後是原個椰青海鮮焗飯,海鮮唔多,但椰汁啖啖香濃,十分好味,有魷魚,蝦,貝類,飲品點了紫醉金迷,係提子加芒果梳打,桂花蜜,清香比較淡口,甜品是越式千層糕,有點似榴槤糖,不太甜,幾好,總括來就,新派菜比較受青年人接受,味道唔錯

屯門市廣場算係屯門中心地帶…又點會搵唔到野食…今次黎試試好少會食既越式菜…呢度既menu相片顏色都比較豐富...朋友見到樣樣野都好想order...就公平d…每人點兩樣…飲品當然自己選擇啦…朋友難特別…選左杯紫醉金迷…實則係葡萄溝芒果汁黎…味道ok...而我果杯熱桂花香蜜…只聞到桂花香…但好淡味…呢碟色彩繽紛既係黑松露香芒蟹柳脆脆卷…黑松露比較少…反而其他材料都好平均…開胃又健康…呢碟看似腸粉既…其實係越式蒸粉包黎…餡料係中式粉果既料…雖然餡料有茨汁…但無豉油...感覺還是乾左d...…每次食越式餐…朋友必點原個椰青海鮮焗飯…雖然海鮮只得面頭果幾舊魷魚瑤柱蝦…但朋友志在食椰汁…因為又香又甜…撈飯最好味…其次必點串燒沙爹…豬牛雞各二…沙爹汁超香濃…肉質嫩滑好咬口…仲好好肉地…最後必點係甜品…可惜無南瓜燉旦…改要越式千層糕…暖笠笠煙韌韌…甜度適中…閒時好少可會食越菜…呢度不失為一個好既選擇…

印象中去屯門的次數應在5隻手指之內, 即使有了西鐵, 感覺還是遙遠似的. 不過自從搬到左鄰右理的元朗, 情況就不同了, 出市區車費貴時間長, 假日想找地方歇一歇, 屯門就成了我們很經常到的聚腳地. 以前覺得沒有什麽好逛, 但現在區內多個商塲接連在一起, 又有大型百貨公司連瑣店等, 十分適合推住BB車去逛, 最重要是時間快, 感覺跟之前住青衣時到荃灣葵芳一樣快捷方便. 說到吃, 這裡大大小小的食店任君選擇, 只是假日人比較多, 要容易找位, 得早一點吃才行. 之前在Baby Cafe吃過一次, 已留意到隔鄰的越南餐廳What The Pho, 今次週日6時多來到揾食, 見人不太多, 又不想再找別的, 就直接選這裡晚飯了. 餐廳分了2邊, 一邊是室內近廚房, 另一邊則靠近走廊, 相對比較開揚. 本來侍應安排走廊一邊的座位, 但因推着BB車, 在我們要求下, 餐廳也願意給我們另一個較寬敞的位置. 雖然BB還未能自己坐着吃飯, 但做媽媽後外出用膳就特別留意餐廳的幼兒配套, 剛巧給我看到有一嬰兒餐椅可供使用, 還算貼心周到. 餐廳走的是新派越菜路線, 沒有瑰麗豪裝, 牆上一大幅彩繪塗鴉, 加上粉

特登入到屯門咁遠就係為左食呢間越南野，真係不枉此行。除左選擇多，食物質素都吾錯！原個椰青海鮮焗飯 $88意想不到咁大個椰青，店員叫我地搞一搞個椰漿先食，咁就成個飯都有椰香味，但份量多到想搞都搞吾到😂，唯有不出尼搞！最中意就係好爽口既魷魚，仲有帶子粒同蝦！而炒飯加左椰漿，每一啖都有好清香椰香味，我靜係食飯我都可以食好多！食到咁上下仲可以不d椰子肉食，椰子肉因為有熱力焗得小小腍，好易不出尼，真係好香好香！中意椰青既人切勿錯過😚！WTP湯河粉 (火車頭) $68超足料既越式湯河，有切到好薄既牛肉、好腍既牛腩、好香好軟既牛筋、好重牛肉味既牛丸、好爽口既牛栢葉，一碗滿足晒喜歡牛既你😆！放左咁多野落去煮湯底味道好鮮，再加左九層塔，令成碗味道再有提升！牛油單骨雞中翼$58炸得好脆好香口，油吾算多感覺吾油膩！特色越南蒸粉包 $68味道較清淡，點d魚露食就更提味喇！香芒軟殼蟹米紙卷 $68好薄身米紙卷， 色彩繽紛既材料有香芒、軟殼蟹、檬粉令人好開胃！椰汁糕 $34好清香椰汁味，作為飯後甜品非常好！

既然我跟好街坊大家也住在屯門，他也在屯門返工，不如找晚在屯門食更方便！ 印象中，上年聖誕節帶媽咪到一間新開的新派越南餐廳 <囍越> 食午餐，質素都算不錯，而且坐得舒適！  帶他來食餐飯都好！ 餐廳分室內或商場範圍，恰巧！商場範圍的餐桌已 full!   我們被安排到室內，當時室內只有我們一枱，自成一角！  寧靜的環境下進食也不錯！ 印刷精美的餐牌，美食實在太吸引嘞！  我們先點飲品解渴！紫醉金迷 $38似無汽的巨峰提子糖水！好睇不好喝！ 三色冰 $34望落似模似樣，飲落卻是一般！ 熱香茅蘆薈 $34香茅帶出獨特的清香而滋潤！ 香芒軟殼蟹米紙卷 $68/ 6 件薄身而晶瑩剔透的米紙卷，口感柔軟而煙韌， 色彩繽紛的餡料清晰可見！令人開胃！滿載香芒、軟殼蟹、檬粉、沙律菜、甘筍絲、白蘿蔔、甘不換…等！既豐富卻又食味輕盈清新！特色越南蒸粉包 $68表面舖滿爆香的蔥粒及花生粒，香口惹味！薄切帶爽口的扎肉，炸香的蒜片，蘸上魚露，口味即時生色不少！ 粉皮薄而柔軟！內裡的餡料包括：甘筍粒、沙葛粒、木耳粒等，相當爽口！ 同時豐富了口感層次！牛油單骨雞中翼 $58睇清楚張

來一張美食全景圖~~幾正原先我以為what the pho 係一間餐廳內咁, 點知宜家屯門商場好多都係有open 位我幾喜歡呢種開放, 坐得比較舒服由於黎到, 朋友仲未到, 所以即刻叫左杯野飲見到平時較小喝到的椰汁沙冰, 即刻毫不考慮就叫佢好大一杯白雪雪的野飲~~好可愛其實有D易溶, 建議唔好影相影好耐, 唔係就好似我咁到最後拎黎拎去, 倒瀉左 味道好濃郁的椰子味, 好適合夏天飲, 亦令我想起在泰國一天吃4杯椰子雪糕的感覺朋友黎之前我己經叫左D 小食米紙卷係我好鍾意的一款越南小食去過越南後更係香港自己試過整幾次呢個米紙卷材料豐富, 因為有唔同質感的食材故食落口層次好足夠!!!!!因為有芒果係入邊, 甜甜地好開胃不過正正因為呢個芒果, 令我有疑問係咪要點魚露呢最後我只係點左小小勾下味hahaaaaaaaaaaaa呢個清新之選真係好唔錯之後呢款小食, 我真係超級鍾意丫係全晚最鍾意的一款食物越式蒸粉包, 最初叫時, 只係因為見到隔離枱有個木箱貪得意叫下點知黎到我係最鍾意粉皮超薄的, 入邊包著左蝦米粒, 肉碎, 木耳絲, 等等的材料成個暖粒粒又脹卜卜咁好可愛面上有埋D紮肉, 加埋真係好好味我唔

今日黎到囍越試下佢地既越南菜式 東南亞天氣又熱又濕 所以感覺上 菜式方面會酸／辣／好清新 比較消暑叫杯野飲先！龍眼冰 $38 甜甜地幾消暑 都算大杯火車頭湯河粉 $68 生牛肉非常鮮嫩 牛腩好濃味 豬肉丸亦都好夾口彈牙～ 加入洋蔥香葉令味道更加提升 河粉好滑 讚一個！ 原個椰青海鮮焗飯 $88 大大個椰青 賣相搶眼 以椰汁焗製而成既海鮮飯好香 海鮮料有蝦 魷魚圈同帶子 仲可以刮埋入面d椰子肉黎食 正！香芒軟殼蟹米紙卷 $68 呢個真係麻麻地 軟殼蟹唔夠脆身芒果鮮甜 不過加入左金不換 感覺有d唔太match 特式越南蒸粉包 $68 味道似粉果 比較清淡配合泰式醬汁同扎肉 粉皮夠薄 好晶瑩剔透味道不過不失 但未必迎合香港人既口味牛油單骨雞中翼 $58 超級好食！！無可挑剔 雞翼超鬆脆 仲有好香既牛油味一d都唔油膩 好香口單骨好貼心手殘都識食 食到停唔到口呀正呀！地址：屯門屯順街1號屯門市廣場1期3271號舖

第一次幫襯，諗住越南野，應該ok,叫左個蝦頭唔知咩札肉炒飯，未食過咁咸咁難食嘅炒飯，完全食唔落 ，飯中間好硬嘅飯粒，中間有啲胡椒粒，超級難食！連杯咖啡都好難飲，唔係講笑！

小時候與大時代細細個因為家人住在屯門，公公住址又係青松觀，屯門係成日去嘅地方。人越大，反而越黎越少去，以前細個家人可能會去下屯門市中心食飯，而家家人因為各有各忙，同埋始終屯門都有少少距離，我們都好少去個度食飯了。今個星期六，突然有時間經過屯門，想起小時候的一些事情，不如過黎行下，來到屯門，懷念下小時候的一些小事情，小感覺。誰知感覺真係完全唔同了，這個不是我認識的屯門了。小時候，那麼多的小店，買下文具，買下家用品，全部都係茶餐廳，酒樓，小食店，而家屯門市中心有嘅係大品牌，買衫買袋買鞋，消費的社會，時代的變遷，這樣的一個商場告訴你時代的轉變。吃的地方沒有了小店，有的是lab made ，是school food，是麵屋武藏，原來我已經老了十年，再不是那個中學時代的我，那些年代已經過去了。行行下才發現社會真的不同了，就如今年選舉，那些人和事都非常新鮮，一些經驗人士下馬，沒有從政經驗的年青人上位，這些是否也意味著社會真的已經改朝換代呢？突然，思緒越來越亂，還是唔行街，坐下吃個下午茶便算了，大時代的我們，從來都不應想得太多，更加懷念小時候的單純。係間間大型的店裡我選擇了What the Pho，

山長水遠去屯門，竟是為了陪我的好友逛街。小姐，H&M, Zara和Mango，隨便找個商場都有。不找間特別的餐廳吃飯，恕我絕不奉陪。來到屯門市廣場，熙來攘往，一遍熱鬧。遠遠已看到今天的目的地 - What The Pho搶眼的燈。走近才發現，全場滿座。餐廳座位分開兩邊，一半在店內，另一半靠著商場的玻璃欄，更加開揚，還可以看到商場的大電視。餐牌的顏色選得奇怪，跟增加食慾完全扯不上關係。難道是，使食客為了避開古怪的封面，而趕快打開餐牌？揭開後一頁又一頁色彩繽紛的圖片，比封面吸引得多。墊枱的紙，反而設計得輕鬆帶玩味，還有賣相精美的招牌美食。百香洛神越式寒天熱飲系列的其中一款。酸酸的熱情果，跟帶甜的洛神花混在一起，十分開胃。越式滴漏咖啡沙冰咖啡打成沙冰，有咖啡香，又夠冰涼，最適合炎熱的十一月。WTP湯河粉（火車頭）越南菜常見到火車頭，到底是甚麼意思？原來，從前越南的火車站總有湯河售賣，乘客上下車時都習慣吃上一碗牛湯河，久而久之，牛湯河又稱為火車頭湯河。這碗WTP火車頭湯河，賣相簡單，份量十足。撥開芫茜，內有乾坤。火車頭總叫人驚喜，一碗河粉有齊牛的各個部位。有爽口彈牙又富牛肉香的牛丸、入口又黏又

因為果日朋友話我放假都唔出城唉 我今日就決定搭多2個站去屯門行下啦之前都食過呢間囍越都覺得野食唔錯幾有heart的第一次試呢個椰青海鮮焗飯而家係咪咩都興原個上啊？好大個椰青呀果然冇令我失望海鮮雖然唔算多但好香椰子味鋪在面層的白醬以為冇咩特別原來內藏椰肉仲係大大塊椰肉 好有口感裡面都唔係揸流灘係炒飯底 個椰殼內d椰肉都自自然然被熱力蒸到好軟用支匙不一不已經不到d椰肉連埋炒飯食面層時味道較濃下層反面d飯焗得耐左吸引左d椰子味唔洗加醬都一樣好味蒸粉包其實即係蒸粉皮啦有少少似春卷咁不過由煎炸改用蒸既方法感覺冇咁肥膩而家真係唔太好肥膩野粉皮好薄 lol 餡料脹卜卜內餡有好足料既蝦米粒，仲有肉碎，木耳絲，蘿蔔絲等等餡料好豐富 好有口感蝦米味好濃想味道濃d?夾埋面層既扎肉絲和油蔥一齊食立即變成重口味亦得 得左仲有4舊脹卜卜 食呢碟都夠我飽唔食落去都唔知係單骨雞翼因為個樣太大舊啦上面鋪滿蒜粒好似避風塘炒既feel不過個皮略為厚 但雞翼都保留有肉汁 唔錯內有肥牛 牛丸 牛柏葉 牛肉 等等大量牛岩晒無牛不歡既牛王可惜我已介牛不過聞落好大陣香料味朋友食都話唔錯可以一次過食唔同既牛食材呢個岩我食呀好似好健康咁

Whatthepho？剩係聽餐廳名都唔知食咩菜 原來係越南菜平時好少食越南野～今日試左一個前菜一個主菜牛油單骨雞中翼 $58越南菜點可以少得牛油雞翼呢碟雞翼將港式避風塘同越式提昇到另一層次乾蔥炸蒜加上牛油 真係香氣撲鼻而且即叫即整 上到枱仲熱辣辣 脆卜卜仲要體貼到單骨上 三個字講哂 無得輸原個椰青海鮮焗飯 $88睇到成個椰青上 已經好吸引上面白色嘅係椰漿汁 食嘅時候先將飯同汁撈均撈撈下就會發現入面有蝦 魷魚同帶子食落足滿椰香 絶無花假 正

我屯門的朋友經常就我入元朗，但有時總要入屯門的，就是去睇戲～睇戲前食一餐，東南亞菜一直是我最愛，介紹一下屯市的囍越。招牌河粉，有生熟牛肉，牛丸，牛栢葉，十分足料，感覺沒太多味精，吃罷不覺得口乾。嘩，驚喜！竟然發現牛腱！好大碗，一個人吃會好飽～香芒軟殼蟹米卷，好香脆，必食之選！！可以沾一下魚露更好味～說到魚露，我覺得簡直是一家越南餐廳的黃牌。這裡的魚露不夠酸，對我來說就是有點點的遺憾…蒸粉包，內裡包著豬肉，蝦米，面有大量蒜粒蔥花和扎肉。皮薄，餡料塞得滿滿，不過我覺得真的有點略咸，同行的朋友都有同感。這其實是單骨牛油雞翼，脆卜卜的食物那有人抵擋得住啊？個人覺得炸漿不太出色，看外形已略知一二。焗椰汁海鮮飯，整隻椰青上桌，甚具霸氣。味道不錯，份量比想像中多，椰汁不夠香，美中不足啊。影一下內裡給大家參考，椰肉早早刮清，沒得吃～除了椰青外還有其他特色飲品。最特別的是椰汁沙冰，而涼粉紅豆冰亦不錯。這裡的飲品沒看甜，所以很解渴又涼透心。除了河粉外，感覺上餐廳的食物偏咸，少許重口味，吃罷口裡整天散發著：「好多味精啊！」的訊息。出外用膳，本來在所難免，唯有自我節制，不要吃過量，適可宜止吧！

和朋友在屯門睇完戲後,在屯門各商場行街無意中發現這一間餐廳,晚飯時間已有很多人在等位,好在佢可以用app等位咁就可以行住街等位,又唔會miss左自己張枱 小食叫左兩樣特色越南蒸粉包蒸粉包放在木盒內,賣相幾特別外表看來似腸粉,皮唔厚,而且仲好滑入面餡料豐富,有肉粒,木耳,馬蹄,食落爽口不過略嫌上面的札肉有點咸,一定要與蒸包一齊食 香芒軟殼蟹米紙卷非常足料,內有芒果,飯,軟殼蟹,蘿蔔,生菜中間有脆口感覺之飯,生菜仲好fresh作為小食唔錯火車頭火車頭呢個火車頭不得了啦,真係超足料裡面有牛筋,牛腩,牛爽腩,牛丸,啲配料全部都好腍湯底仲加左少少九層塔,令成個湯底更加惹味河粉份量好多,2個人都食唔哂 原個椰青海鮮焗飯這個飯為全晚的亮點將椰青清空,再放入炒飯,上面配上魷魚,蝦等海鮮再加埋啲椰醬上去,真係好特別有淡淡既椰香,不過味道可以再濃啲而最後更可以輕輕刮啲椰肉出黎好清甜新鮮