囍越 (屯門市廣場) (已結業)

收工去左市中心補給下日用品，逛逛下買買下真係身水身汗，男朋友提議食越南野，咁岩見到三樓呢間未食過就去先～Staff安排左我地坐室內位,佢有open area對住大電視果邊,室內果邊裝修得幾靚又寬闊, 坐得幾舒服!最怕食飯坐得太迫, 想好好享受下野食都周身唔舒服咁睇睇餐牌比我想像中便宜,50-80就有交易!食飯果陣已經差唔多8點半度,超級肚餓呀所以叫左4款野食!行到勁口乾叫左野飲先!龍眼冰同芒果沙冰!凍冰冰勁爽呀!呢個小食拼盤有燒香茅牛肉蝦片,絲網春卷,燒豬耳札肉同青木瓜絲沙津,分量岩岩好!兩個人share可以每樣試少少,我本身其實唔係幾食札肉, 男朋友食左一舊叫我試試,真係同平時果D札肉唔一樣,有D似豬肉丸咁彈牙燒香茅牛肉蝦片個牛肉超級香!!!!!!!佢底下有少少粉絲,加埋個酸酸地ge汁,好食!青木瓜絲沙津超級開胃,個汁有少少辣辣地~絲網春卷唔油wor! 可以一啖放落口! 由於太肚餓叫左個燒豬頸肉配濱海,生菜豬頸肉好得好食,燒得好軟身又唔乾~個汁係勁好食! 酸酸甜甜! 我地點哂仲想問佢地拎多碟汁~濱海姐係米粉團咁,我將半舊濱海加豬頸肉包生菜咁食真係好豐富好滿足呀!食晚餐都係要叫返個馬拉

晚飯時間又去左屯門市廣場搵食，今晚想食炒粉麵。唔太肚餓嘅話，通常都會叫一個炒粉麵加一碟菜，感覺好似會平衡d。今次叫左個冬蔭公炒金邊粉同埋蒜蓉炒椰菜苗。之前都曾經喺呢間食過佢嘅椰菜苗，廚師本身炒得比較生，我諗係為左保持佢嘅爽脆。我地就嫌佢硬左少少，今次落order嘅時候特意要佢炒耐d，咁就可以淋d。果然今次真係淋d，不過d菜望落去顏色相對上就無咁靚喇，味道就無影響嘅！至於冬蔭公炒金邊粉有d驚喜wor，雖然佢餐牌上面係寫住辣嘅，食落又唔覺得辣，而且仲有冬蔭公嘅香料味tim，好惹味又唔會太辣，不過食到個底就覺得油左少少，如果少番d油可能會好d d。

2個人食，去到6:30pm 冇人等仲有幾張吉枱，攞位嘅時候帶位嘅同我講: 今日用餐時間75分鐘，有冇問題? 我心諗又轉左用餐時限?! 之前個半鐘，依家75分鐘，原本都算，諗住2個人都唔會食好耐，冇所謂。坐低叫左 3 碟嘢，好老實咁講，呢3碟嘢唔係特別好食，又唔係平! 食完收碟收得好快。擺明趕你走!只係食左46分鐘，叫埋單放低份意見書! 我嘅意見係: 唔係超趕時間，隔離左右冇位都唔會再去食!

同朋友去UA cinema睇戲想快快趣趣食個靚晚飯~屯門市廣場頂層選擇都幾多台灣菜,日本拉麵,韓國菜,西餐cafe同越南野~~望過餐牌後 都係拍板選擇多又吸引既越南菜餐廳環境幾舒適 坐位好闊落 唔錯食物價錢 可以接受的揀左一份牛肉蝦片(6件)牛肉好入味 蝦片脆身 配埋魚露好滿足!!!另外點了法式牛柳粒紅飯份量夠多 個汁就覺得麻麻 但牛柳粒都淋馬拉盞炒通菜 味道都惹味 份量都算多總結 都可以接受~想試甜品 但因為太飽關係 要留番下次 ~~

晚飯先返喺屯門食真係好難， 終於見到呢間比較有特色嘅，特登黎試吓。 食物質素普通，完全沒有驚喜，只可以用大集團質素形容。 食物普通唔緊要，但係啲服務態度真係。。。餐廳除咗食物，服務質素都係好重要。咁嘅服務質素，可能早期好多人來。。但服務質素唔提高，人客會選擇離開。

第一次黎屯門食What the pho，之前同一大班friend 去完越南旅行，對越南菜念念不忘，所以特意黎試下呢間越南餐廳，平日都有好多人排隊既。叫左一個菠蘿炒飯，越式小食拼盤，火車頭濛粉。小食拼盤都幾好食，但個菠蘿炒飯就麻麻地，伴碟有燒過既菠蘿，但個菠蘿係凍既，好失敗，飯炒得不過不失啦。火車頭濛粉有好多牛肉，幾抵食既，但絕對比不上越南街邊既攤檔仔，價錢方面，算係合理既，不會太貴，但不要期望食到好越南既野。

本人昨天一行4人(兩大人兩小童), 大約下午三點多，根本唔太多人食，都幾多吉枱，我地就向住某張4人吉枱行過去時，已比一個應該是經理級嘅職員喝停，問本人幾多個人，態度已不太好，其實全店員工d面口都唔係店名咁"囍越"，係鞋口鞋面咁，咁我地話4個人，要兩張bb櫈，咁我地坐抵後，見隔離枱無人坐，就拎咗張櫈嚟放背囊同袋，跟住個男職員過嚟同我地講，我地d櫈唔係比你地用嚟放袋㗎，我要拎走佢嘞，嘩~咩態度呀～佢跟住話我最多比個鉤你地用嚟掛袋囉～我地見已安頓咗兩個小朋友，同有少少肚餓 (其實其他食市都 full, 呢度有咁多位淨)，唯有忍下啦～咁我地就快快咁落 order ，咁我地就叫另一女職員 (我地會叫佢做阿夢)幫手落單，我地叫了一個豬頸肉湯金邊粉及雜菌肥牛炒檬粉，我地講個粉嘅 No. 佢就問係咩嚟，咁我地講個粉名，佢又問係咩 No.,我地面色真係沉到落底~最後比個餐牌佢自己睇，我地 order 完就話留一本餐牌再睇睇，睇睇下放抵咗傾兩句計，阿夢問都唔問就過嚟拎走我地本餐牌，咁又咩態度呢～呢間野係點教d員工㗎~呢間野唯一好嘅就係食物味道還可以，但我地就唔會再幫襯囉～

有時晚餐想食清清而咁岩我又出去屯門的話，都會去食呢間越南野。佢嘅湯河，感覺上係清清地但係會有D 味但係又唔會話好淡口。之前已經食過佢嘅火車頭，餸嘅份量都算多！今次叫左個燒豬扒湯金邊粉，個餸同埋個湯金邊粉係分開上嘅，咁個豬扒就唔會淋晒啦！最怕就係放埋一碟食到尾嘅時候個餸又淋晒，個湯粉又油晒！佢本身係跟河粉，但係下面都有幾款選擇俾人揀，而我就鍾意食金邊粉多d！另外仲有d香料，芽菜同埋檸檬佢分開一個碗仔上，可以自己就番自己口味去加。

早收工, 去了屯門探班, 找老公補食情人節晚餐~~找到這間環境幾靚既越式餐廳~環境: 整間餐廳8成滿坐, 分開兩個區域坐, 中間隔條走廊, 一邊內有梳化位, 另一邊可以望商場廣場位, 那邊比較熱鬧, 可能大家喜歡睇下外邊環境~ 我地就坐到梳化位, 又靜又舒服, 啱晒兩個人談談情, 哈哈~ 要特別一提的是, 餐廳一直播著越南歌~~ 感覺有點像泰文歌, 滿有喜感~ 整餐飯也吃得很開心~咁啱望到對面有BB一齊食, 有Baby sit提供, nice~~~~話晒補祝情人節~~~ 梗係食多啲啦!查實我很喜歡食泰越菜~~ (再諗真D... 其實我係咩國菜都啱~ 好食就得啦~! 理咩菜丫~!)樣樣都想食, 結果吃了很多, 哈哈~~~越南四式凍檬粉$84 : 一個菜4款餸(燒豬耳扎肉, 燒肉串, 燒豬頸肉, 香辣豬手), 一次過滿足四個願望~~ 原以為泰越凍檬味道差不多, 原來醬汁相似但不一樣~ 撈檬的汁較泰式酸少少, 很開胃~而且再提供兩款汁配不同肉~ 配豬頸肉的汁較酸, 配燒肉串的汁較甜~燒豬頸肉: 醃得很入味很冧, 薄薄一片的, 吃完想再吃~燒豬耳扎肉: 有濃濃黑椒味, 加了豬耳更有口感, 很特

豬手湯檬味道正常冇特別，但份量偏少。越式牛柳配茄汁粉飯，牛柳和炒飯味道ok, 原來佢用大量紫洋蔥墊底, 牛肉放上面, 配菜多過肉, 集團式經營都是賺到盡。再嚟過馬拉盞炒通菜, 我從未見過炒菜有兩大塊菜葉墊底, 碟菜份量極少而味道很咸, 貫徹賺到盡作風。最後嚟個越色單骨炸雞翼, 賣相正常但咸味和香味沒有, 炸粉勁厚好似食炸粉一樣, 仲要等咗好耐, 好失望。之前嚟過食午餐但味道和賣相都好正常，估唔到晚餐就……，食飽後發覺非常口渴味精超濃， 口渴了幾個鐘頭， 果然係師傅落師傅，客人好痛苦，一定冇下次! ><😠😭🙅👎👎

越南菜係我屋企其中一種至愛菜，好耐以前屯門只有一間小巴黎，而屯門市中心就超過5間越南菜，因為多就會有比較，亦會分得出高下，what the pho 係咁多間入面，無論品質，種類既選擇，亦係咁多間裡面最好個間推介菜色：紅酒燴牛尾：牛尾燜得林又入味，唔似其他餐廳「拿」到無晒肉味，紅酒汁味道帶有少少蕃茄酸甜味，雖然濃左少少，但可以接受！粉皮生菜包，有別於泰式生菜包，除了有粉皮一齊包黎食，炒肉碎有少少偏酸，適合不好辣既朋友，個人認為辣少少會更惹味冬蔭功炒粉，第一次嘗試，有不錯印象，下次會再叫！

今日放假同男朋友落屯門市中心一期UA睇戲，睇完戲突然覺得非常肚餓！行左去一期三樓 好多食店個個角落！大多數食店都好少人 唯獨一間越南餐廳爆晒棚，事出必有因！拿拿聲捉住男友過去拎飛等位！😌等左唔夠五分鐘就有人出黎招呼我地入去座，餐廳裝修充滿異國氣息仲要播埋越南音樂淨係食個氣氛都夠了！雖然直覺話我知應該試佢既生牛肉湯河，但我今日想食飯！所以叫左個冬陰公炒飯，椰菜苗，椰青同埋廚師推介既趣趣越南春卷配生菜雖然上菜速度非常快，但味道又不失水準。炸越南春卷配上魚露同生菜，雖然係炸但食落唔會太油！全歸功於生菜同魚露，口感，味道，配答非常好！之後上既係香辣椰菜苗，味道同泰式椰菜苗味道 有些許分別，非常難去形容！需要你地自己試過先感覺到🤤最後冬陰公炒飯，香草味同酸味味既味道就算食完之前兩碟菜都令到我食慾大增！埋單價錢合理！成件事非常滿足！有機會會再黎多幾次😍😍

我和朋友叫左個tea , 仲叫左個冬蔭公湯，幫襯都唔少。等湯時朋友食左兩塊魚乾，點知個侍仔走過黎嫌我地將杯水擺過界，其實3 4點根本冇人再黎。佢竟然最後加句警告話: 唔准食外來野， 再食收 charge! 其實冇人，侍仔唔忙，點解講野咁mean? 我覺得呢種servuce極差，決定唔再幫襯!:@ 

this place is bad. they gave me pho with cold soup...as soon as I sat down they asked me to leave within an hour..also...the y dont have the sweet sauce for the pho (although they do have the spicy sauce). the overall quality is poor...definitelyvwould not come here again!

🗓26 Jan係屯門plaza 睇完戲 係商場求其揀間尼食起初望以為係泰國野 望真原來係越南野 冇所謂反正我一向認為 both Thai or 越南野都好少出事 But今次真❤️有＂驚喜＂甘難食 重要係叫大路野 沙田柚蝦沙律 D🦐唔多新鮮甘 串燒🐔D沙嗲醬本來幾好味 入口正以為ok 點知D🐔肉係冇味 唔知係咪雪藏得太勁 最難受係個菜 硬到好似咬木甘 🤢🤢🤢🤢真係好少食完 我會有種難受既感覺 下次一定唔會再尼🤢🤢🤢🤢🤢