囍越 (屯門市廣場) (已結業)

昨晚同媽咪懶煮飯，去左以前都有食過既囍越，環境ok唔錯都坐得舒適、舒服，但食物就麻麻！香辣肉絲粉皮生菜包，生菜都洗得乾淨企理，份量亦適中，但粉皮口感麻麻，太林痴埋晒一埋好難分開，肉碎完全冇辣味同冇乜味，味道好淡！冬陰公海鮮金邊粉，配料算多，魷魚，蝦，蛋絲，芽菜，菜苗樣樣都有，蝦同魷魚都爽口彈牙，味道唔差但食唔出係冬陰公味，同炒得唔夠乾身，炒乾身d會好食好多！炸春卷，份量都唔算多得4條，都炸得好金黃香脆，但d菜好多水，包埋一齊食又濕林林唔好食，變得唔脆，最後都係分開食，但分開食d菜就咁食，唔好食！結論，冇咩野都唔會特別走黎食

一入到黎見到台台都有客人叫個冬陰公湯我就緊係唔執輸啦因為事關冬陰公嗰種香味連我係出邊排隊入座嘅時候都已經聞到流晒口水個冬陰公湯用上原鍋上而且仲係熱辣辣出晒煙啱晒我呢啲最鍾意飲湯嘅人而且呢個湯入面嘅海鮮直情好似唔駛錢咁果兩隻越南大虎蝦直情又足料又飽滿通常大大虎蝦用到去煲湯都怕佢係用一啲急凍冷藏貨怕去食落口就已經每晒完全唔爽口但係呢度個冬陰公湯既大虎蝦完全出乎意料之外因為用大虎蝦去煲完湯肉質唔會松松散散之外食落口仲依然鮮甜無比而且彈牙爽口如果冬陰公湯亦都較得啱啱好唔會過分地酸同埋咸而且嗰種剛剛好驚辣味重更加令人開胃之後叫多咗款香辣肉鬆粉皮生菜包通常食生生菜包就只係夾住啲肉鬆但係呢度好特別就會加埋一種粉皮係入邊咁樣令到個生菜包外邊爽脆入面有香濃嘅肉碎之外更加加左一種煙煙銀銀嘅粉皮係入面而且個粉皮就更加索汁吸收埋個香辣嘅肉鬆仲更加惹味最後在叫多咗個WTP金邊粉原來就係火車頭越南河粉食親越南河粉個湯底就緊係十分之重要因為越南可最出名就係清湯再配合唔同嘅香菜造成嘅粉面上面個五花肉更加係神來之筆足足有5層肉丸子更加係彈牙孖筋膠質十足其他配料都好豐富最後食到七成飽嘅時候叫多咗一杯龍眼冰甜甜嘅龍眼冰簡直

今日放假約左朋友去屯門行街, 到夜晚唔知食咩好, 就上open rice search 有咩好野食, 見到呢間泰式風味既餐廳, 食評唔錯, 就黎試下! 黎到7點左右, 都見到有人等緊位, 等左幾分鐘好快入座。侍應生服務很細心, 送煲仔時, 提醒我們小心火爐, 也很有耐性介紹餐廳食物。選用新鮮大蝦, 柚子沒有苦澀味, 沙律帶酸甜味, 作為前菜, 好醒胃!個湯用左椰青水, 東菇及大蜆煲, 入口清甜, 滋潤喉嚨, 蜆肉肥美, 有海水鮮味, 值得推介!咖喱好香濃, 好香椰香同咖喱味, 牛筋腩, 肉質鮮嫩, 好淋好入味, 餸飯一流, 有火爐慢火保持食物溫度, 唔怕凍左, 暖粒粒. 臨尾忍唔住打包個咖喱汁回家吃。蝦肉彈口!蒸熱出黎, 口感煙靭, 帶有椰香味, 配搭椰汁, 更覺美味!

今天晚上，我和男友去屯門市中心逛街，我們都想吃越式菜，於是我們便去這間餐廳吃晚餐。我們叫了香芒龍脷柳米紙卷，冬蔭功海鮮炒金邊粉（走芽菜），原個椰青海鮮焗飯和香芒糯米飯。香芒龍脷柳米紙米卷方面，賣相一流，龍脷柳是即炸的，十分香脆，芒果甜甜的，完全不酸。不過，米紙卷內的雜菜（生的）十分難吃，雜菜表面的汁十分難吃，所以整體味道一般。冬蔭功海鮮炒金邊粉方面，金邊粉的顏色十分淺，完全不像冬蔭功金邊粉。而且，冬蔭功炒金邊粉竟然完全不辣，一點辣味都沒有！點解可以稱為冬蔭功炒金邊粉？另外，金邊粉（痴埋一舊），魷魚圈淡而無味，蝦都沒有什麼味道，十分難吃！原個椰青海鮮焗飯方面，這款菜十分特別，賣相一流。一上碟，椰香味便撲面而來，嗅了都十分想吃。椰青Size適中，不過椰青內的飯十分少，真的完全不飽肚。不過，焗飯上的椰醬十分美味，甜甜的，和焗飯一起吃時十分美味！可惜，焗飯內的魷魚圈都是淡而無味，大蝦味道還可以，整體味道都不錯，3款菜之中，最美味的便是它了。香芒糯米飯方面，餐廳表示沒有黑糯米，我沒有所謂。一上碟時，我呆了一呆，因為賣相十分差劣！椰汁倒到不知所謂，看了都不開胃！不過，我即管試一口，味道不錯啊。芒果

在屯門市中心，要想找一間價錢合理又好味的餐廳，絕對是有一定難度，今晚終於都找到了………「囍越」他已經開業了一段時間，今晚跟老公剛巧經過，見到人客算多，相信都有一定水準😁，我們點了三道菜1）越式碌冧鳳爪，味道很好，只是份量小了一點。；2）蝦肉雞絲米卷，很足料，外皮煙勒得剛剛好，味道都很好；3）冬蔭公海鮮粉金邊粉，海鮮配料略嫌太少，只有兩隻蝦仔，三個尤魚圈，十數粒迷你帶子，但味道也不錯。結論：份量是較少，以越棧的價錢，但水準一定超過越棧X倍😸，可以一試，服務態度也很好！會再去試多幾款不同的菜色😻

家姐生日，當然去下新地方。係眾多餐廳下，家姐揀左呢間what the pho試。本身一直以為冇得訂位，於是一心打算walk in啦。點知去到發覺佢有app可以預先拎定飛，確係方便，但一早知會更好！入到去，我地一行5人，佢比一張長的8人枱我地，仲話之後可能會有人搭枱。我就唔係幾想，見有張4人枱，就問可唔可以加凳。其實正常人都想成班人一山齊坐，邊個會想搭枱呀？！點菜時間：唔算做得好出色，對比真正的海南雞飯仲有d距離，但算入得口啦，起碼雞嫩，皮爽。個人覺得最正係小食拼盤，滿足晒為食嘅我，又想試呢樣又想試果樣嘅心態。春卷炸得好脆札肉厚到好似午餐肉，燒得香，好正！香茅牛肉蝦片，味道配搭好好，又脆又香。中間沙律食落好清新個人最愛紙米卷！清新，紙米夠軟，配搭雞絲同蝦肉，味道一流！原個椰青炒飯比想像中差。一方面椰汁佢得面果層有，下面同普通炒飯冇分別，加上個汁幾強烈，口感一般。驚喜之作！可能冇期望。首先有5大塊豬頸肉，濕炒的水分量剛好，唔會水淋淋，又唔會太乾！正常咖哩雞，咖哩唔係辣果種。我地即刻叫左兩碗飯，撈白飯一流！加甜品單叫左糯米飯，侍應話冇黑糯米，剩白糯米得唔得。由於我地好喜歡食呢個，冇黑糯米都照

暴雨連連，商場食肆絕對係最方便舒服，眼見朋友落湯雞咁，都係唔好去街邊打冷，佢會濕上加濕😂所以都係留係商場食好啲🙈好耐冇食過越式河粉，叫碗火車頭河粉都好，夠多唔同種類配料，生牛肉，牛丸，牛筋，牛栢葉，牛腩。牛丸迷你頗彈牙，牛筋軟腍，牛栢葉夠爽口，生牛肉鮮嫩，河粉幼身薄滑，配合清甜湯底，整體味道不俗。呢期鐘情食海南雞，今餐都唔例外又叫左半雞食~ 雞脂肪應該經過多番過冷河將油脂通通去除，女仔最鐘意😆雞肉嫩滑冇骨，而且仲要啖啖肉，醬汁亦有3款選擇，隨自己口味添加，我就鐘意點酸辣青檸魚露，朋友就獨愛蒜香十足既蒜蓉醬。成日食咖哩牛腩咁悶，今次食下順化鮮茄牛腩，轉轉新口味。牛腩用左大量蕃茄，洋蔥烹調，酸甜新鮮茄汁濃稠，牛腩經醬汁慢慢煲煮，醬汁滲透牛腩變得軟嫩，非常好食。朋友好奇問我咩叫炸蛋，因為佢係menu見到炸蛋軟殼蟹沙律呢個item， 其實好簡單，就係炸雞蛋。炸蛋流心度頗高，軟殼蟹炸至酥脆，#木瓜 切得非常幼細，清爽生菜混合酸辣沙律汁異常開胃，想食更多野。

住元朗既朋友帶我到屯門行街，又再次體驗下做一日既新界人。 行到咁上下，朋友們就帶我食晚飯！屯市食肆很有特色，同一間舖分成左右兩邊！晚市時段，門外也有不少人輪候～門外掛起的推介菜式頗合口味，賣相看落也不錯～有指定六款冰紅茶及人氣菜式。選擇相當多，令人眼花撩亂！火車頭湯河粉 - 材料豐富～有牛柏葉、牛筋腩、生牛肉、牛丸等等。河粉幼身滑溜，索湯度亦高～生牛肉薄薄一片恰到好處，牛柏葉爽口有嚼勁，牛筋腩尚算軟稔～炸蛋軟殼蟹沙律 - 炸蛋外面皮脆金黃，蛋尚算流心，食落亦富有蛋香。軟殼蟹熱辣辣，炸得酥脆可口，不太油膩。墊在底下的沙律菜爽口清新，配上酸酸味味的蕃茄仔，可以一洗滯感～越式海南雞(半隻) - 雞肉嫩滑，亦頗有咬口～點上醬汁後更能帶出雞的味道，旁邊附有西蘭花可以清新味蕾，平衡營養～順化鮮茄牛腩煲 - 牛腩在保持著一定熱度的情況下味道不錯，食落口感軟稔而不黏牙，索了茄汁酸酸味味更加開胃～配有洋蔥蕃茄等等的配菜，令菜式不再單調。香芒糯米飯 - 芒果甜甜，質感軟綿～糯米飯砌成心型，有心思！食落質感煙韌得來亦不會太硬蹦蹦～(左) 紫醉金迷「金葡萄汁 + 芒果汁」 - 小試一口，把兩種果汁加以拌勻來飲

本身都幾鍾意越南菜，呢間What The Pho開咗都幾耐，但完全未食過，呢日趁去開呢頭就食吓。裝修都幾新式，座位就晌商場走廊左右兩邊，無咩遮擋，途人就咁路過已經可以望晒成間舖。打開餐牌，發現除越南菜外，呢度仲有唔少偏向泰國風味嘅菜式。咁越南同泰國地理位置相近，都叫做可以理解。呢度用Pho命名，就決定試試佢哋嘅Pho（湯河粉）、Bun（凍檬粉）同前菜之類。鮮蝦柚子沙律，蝦肉切半，以原整計實際大約係三幾隻。柚子肉香甜唔澀，醬汁辣味唔強，酸酸哋都幾開胃消滯。香芒軟殼蟹米紙卷，半透明米紙皮煙煙韌韌，中間包住軟殻蟹、鮮芒果、胡蘿蔔絲、蘿蔔絲、青瓜絲、生菜絲同檬粉，惟軟殼蟹嘅脆度較失色。越南四式凍檬粉，四式係指燒豬耳扎肉、燒肉串、燒豬頸肉同香辣豬手，另有番茄、青蔥、炸乾蔥，底層就係切絲嘅胡蘿蔔、蘿蔔、青瓜同生菜。先食上層嘅肉類，燒豬耳扎肉厚身爽口、燒肉串外層微脆、燒豬頸肉有香茅味、香辣豬手表面醬汁好似泰式辣醬，都幾軟腍。之後先食下層嘅檬粉，將所有配料撈勻，再加啲魚露，晌呢段溫度仍有少少高嘅天氣下食都唔錯嘅。WTP火車頭湯河粉，呢度嘅河粉較幼細，以為份量巨型，原來同其他款式嘅湯河粉大小相若。入面有

好久沒來到屯門市中心了，行完街同母親大人開餐，來到了what the pho，食下越南菜先。先來特飲，要了三色冰 ($34) 同薄荷青檸冰 ($34)，呢個價錢真係有點少貴啊，但食越南野無理由唔叫野飲嘛。三色冰不過甜有椰子香，不錯。薄荷青檸冰不夠薄荷味，都幾好飲，夠解渴。主食要了越南四式凍檬 ($84)，滿滿的好豐富喎，有札肉，豬肉串燒，豬脛肉，同豬手，味道還不錯，檬粉則一般，比較硬同散。再加了越式海南雞半隻 ($98)，雞好嫩滑，雞味香濃，皮下脂肪不多，基本上已去骨，啖啖肉好正。最後要了甜品香芋西米糕 ($34)，椰汁香滑，下層芋頭容帶少少感味，好好味呢，唯美中不足係出水了，濕濕糊糊的……坐位很迫，枱很少，每次隔離枱有人出入便要起身讓路，好麻煩呢。

有了上回的驚喜，這天開飯便不期然想到囍越。晚餐不想吃得太飽，一碗簡單粉麵就好。點了兩碗麵食，一份菜蔬，鄰桌客人也是選擇相若。雖然屯市有較親民的越棧，但若然想吃得舒服一點，囍越也是不錯的選擇。這兒的粉麵由五十多元起跳，價格跟主菜其實相去不遠。冬蔭公海鮮湯河粉($78)侍應表示即煮的關係要等上20分鐘，果然上桌時一整碗熱騰騰的，跟老公那碗是兩碼子的事。殷紅的冬蔭湯濃得很，味道是個亮點。冬蔭該的香料味道它都有了，而且還多添一股蕃茄的濃香酸甜，只覺香而不會死辣，單是喝湯已很滋味。加上這碗的海鮮不少，而且不是以冷凍海鮮湊合便算。大顆的車厘蜆、開邊大蝦、鮮魷魚圈、小柱貝，是有誠意的。選配的河粉較為普通，若然選金邊粉效果會更佳，不過其實湯好就足夠了。WTP火車頭湯河粉($68)配料有生牛肉、牛腩、牛筋、牛柏葉、牛丸等，牛腩算是嫩稔，生牛肉卻顯粗嚡，其他配料也只平平而已。湯頭微温是個大忌，相信是配料是預制好的而導致問題出現，這火車頭的定價與水準是不成正比，同是令人失望。馬拉盞炒椰苖($64)姗姗來遲的一道，也是最欠誠意的一道。説是炒菜卻是先灼熟然後澆上汁醬而已，不知是個偶然還是常態。雖然不少食肆也是如

因為個冬陰公海鮮金邊粉好食所以再嚟食，但係冇上次咁入味，而且真係好唔夠食。份量很少，海鮮都很少。份量似買越南即食Pho 極其細包果種。好味先再黎，但係兩次都好似成日有人想趕走既感覺。第一次黎時，明明未食完，唔記得有冇問我地啦，想清枱收野3次。今次都有差不多。都建議人去，不過要預之後去食甜品先夠飽）（上次叫左椰青海鮮焗飯（DD香但淡）、木瓜芒果沙律（好味）、椰青、冬陰公海鮮金邊粉（好味））

同朋友去完黃金海岸曬咗日，兩個人都心郁郁想食泰國菜，不如就近近哋揸車過去食WHAT THE PHO啦!好彩喺晚市時間前小小去，咁就避開晚餐高峰期唔洗等位啦。我呢就叫咗燒牛肉扎肉撈檬，另外再叫咗個生菜包share。燒牛肉扎肉撈檬賣相吸引，材料亦相當足，而且餐廳亦絕不吝惜酸辣汁，一豌檬粉就配一支。牛肉、扎肉同檬粉整體都做得唔錯，如果一定要比個建議的話，我會覺得炸蒜同花生碎嘅份量可以更多，令到碗檬粉更香更有越南風味!再嚟就係豬肉包，餐廳嘅豬肉包同出面嘅略有不同，平時食開嘅豬肉包都係生菜包豬肉就算，但餐廳嘅豬肉包就加入咗粉皮!大家千奇唔好睇小哩個粉皮，餐廳提供嘅粉皮都算比較厚身，將粉皮擺上去生菜，然後再裹上辣味嘅豬肉，粉皮嘅味道完全為個豬肉包注入咗靈魂同口感!係靈魂同口感!就個人而言，我相當之喜歡!大家有機會嘅都試下個豬肉包，睇下同我嘅口味一唔一樣嘻嘻!

之前都食過幾次， 不過就有set食～ 星期六係無set, 但係都照食 上次食左個冬陰公海鮮炒飯覺得幾好味， 甘今次男友媽媽都話想試下，所以我地叫左個冬陰公炒飯同一個豬手扎肉撈檬 share 一齊食 🙆🏻但今次個冬陰公飯有點失望， 味道無第一次食甘好味，同埋冬陰公味今次稍微遜色，仲有佢入邊啲海鮮啲海鮮冇乜味嘅 ， 唔知係咪轉左廚師呢😂當然最後都有叫我鍾意食嘅甜品呢， 就係椰汁千層糕 ，味道仲keep到， 無令我失望，喱個甜品每次黎都一定會食，因為我好鍾意食喱類型既甜點另外仲叫左兩杯野飲 ， 金葡萄冰茶同洛神冰茶， 見張圖同名都吸引，就叫黎試下啦！ 金葡萄以為會重提子味， 但葡萄味吾重，吾係想像中既野

我例牌係越南菜餐廳8成時間會叫豬扒撈檬，感覺上豬扒份量會多啲，抵食啲。😂黎到時見到碗檬粉即刻眉飛色舞，因為有好多豬扒，而且仲肉好厚添。啲豬扒雖然厚，但佢好似豬頸肉咁爽滑，呢樣真係喜出望外。仲有撈檬魚露酸醋味道得宜，唔會過份酸，撈埋蘿蔔絲，蕃茄等蔬菜清新感十足。食野點都要叫番杯野飲，我見有石榴紅茶，平時好少紅石榴既野飲，所以都叫番杯飲，味道唔錯，好香石榴果香，紅茶味濃唔太甜，飲呢杯野記住搞勻底下果醬，唔係就會冇乜石榴味甜味。啲野食野飲雖然好味，但連埋加一都要90蚊，以下午茶時段黎講真係唔平，如果星期日都有啲下午茶set就好，咁就可以多啲幫襯。