堂記腸粉專門店 (已結業)

10-2-2012 (星期五)晚上7點前去到等位,都等左35分鐘先可入坐,即係order野食,等左15分鐘左右, 開餐啦!!!(堂食或外賣等的時間都一樣．耐) 叉燒鮮蝦腸(腸粉真係好滑,但味道一般) 牛肉豬潤腸(第一次食豬潤腸,都唔錯喎!!) 柴魚花生豬骨粥(味道好濃,粥內有好大舊豬骨,Good!!!) 食就食5分鐘, 等就等1個鐘!!!!不過第一次食想試下就無計啦,應該無下次lu~因為未至於好食到要等1個鐘咁耐囉~~

本來是買外賣的, 店家說要等45分鐘, 所以就先去吃甜品, 到吃完甜品來取時已經有位, 所以就坐下了!每次來到, 還是點同一樣的, 就是"燒鴨臘腸腸粉", 第一次吃到時真的被它的燒鴨香加上臘腸香吸引住了! 老實說, 二者感覺有點不相關, 但又想不到兩種香味這麼夾! 而本身兩種食物都是鹹香味十足, 但配上沒什麼味道只有淡淡米香的腸粉, 卻有中和效果~ 如果你從未試過這裡的腸粉, 我真的覺得一定要來試一次!

已經好耐好耐冇去堂記, 因為真係唔想等. 唔係話等 20-30 分鐘嘅耐性都冇, 而係師傅堅持即叫即做, keep 住品質之餘, 仲係一張枱嘅 order 還一張枱嘅 order 去做, 而唔係一 log 過出同一款, 所以如果前面嗰枱叫得多, 就大件事啦, 閒閒地都要等成粒鐘, 所以, 真係好怕去等. 但唔付出 ( 時間 ), 係唔會有收穫 (腸粉) 的, 所以, 要忍耐, 耐心等候呀. 而且食過佢哋嘅腸粉之後, 會將其它大部份地方的腸粉比下去. ( 我又唔敢話所有, 始終可能仲有好多地方嘅腸粉都會好食 ) 大家都覺得佢哋嘅有料腸粉好好食, 但我比較喜歡食佢哋嘅炸襾同齋腸 ( 特別係炸襾 ). … 但 … 真係好耐冇去啦, 耐到已經冇炸襾同齋腸都唔知, 問阿姐至知, 原來冇咗成年啦 v_v 雖然冇炸襾同齋腸, 但仲有豬潤腸, 另外亦叫了蝦腸. 左 : 蝦腸 右 : 豬潤腸 基本上所有的腸粉都係來自於嗰個粉漿. 腸粉係師傅即叫即拉的, 腸粉厚薄適中, 唔會過厚好以食粉卷咁, 亦唔會太薄好易穿. 豬潤腸嘅餡料豬潤十足, 而且師傅控制時間控制得非常好, 豬潤夠鮮味又唔老, 腸粉又滑,

同一般酒樓無分別,只係多點款式,個粥無特別,料不夠,不過無味精,抵讚!!我都不明腸粉即叫即整,點解出來吾夠熱既!!如果在夏天真係咪搞啦!!又要等位,等了位後又要等腸粉出來.......無冷氣熱都熱死!!

我敢講食過佢呢度d腸粉你會覺得其他既都係垃圾, 你真係會比佢碟腸粉所感動!! 當你見到佢個皮咁薄, 但用筷子夾起都可以唔爛.......Oh My GOD!!真係鬼斧神工!! 值得一提既係佢係有雙拼腸既, 同埋地方淺窄, 整一碟腸粉需要30分鐘到, 所以邊食住粥邊等就岩數~

這日黃昏我們去堂記吃布拉腸粉。選擇這時候來，是為了避過人龍，因我們都是很懶排隊的人。我們點了雙蝦腸和叉燒蝦米腸各一份。雙蝦腸，即鮮蝦配蝦米腸，和叉燒蝦米腸，兩者都做得皮薄又滑，很好吃！餡料也新鮮。才賣$17一份，很抵。價廉物美，難怪每晚也要大排長龍。

同老豆行element行到好鬼肚餓~又難得去佐敦~又好難得等到堂記開門~我地就食腸粉去~老豆話呢度蝦腸好得~以前係擺街邊檔~價錢都好平~一碟腸粉都係九蚊咋(唔知幾多年前)而家入左鋪~價錢都加左好多啦~我一心想食豬潤腸($16)~上網睇話叉燒燒鵝腸($21)好食~我地又叫埋~當時都幾多人架~好在一去到有人走左~腸粉好滑好薄ar~不過佢新鮮整出黎都咁凍既再熱d好味d豬潤又好好食，平時食既大多數好鞋~~不過食唔慣既人可能會覺得有少少腥~叉燒燒鵝腸都ok~不過冇之前既人講到咁特別囉~老豆食完就不停話最好食都係蝦腸......其實成十幾廿蚊腸粉就唔係平架啦，不過入左米豬蓮list~都叫買得平~~希望下次再試埋d粥同蝦腸啦~~

得知第一腸粉成為米芝蓮推介,滿腦子是問號尤其剛吃過第一腸粉,質素尚算不錯,但論第一,恕不能認同論腸粉質素,依我見,大埔陳漢記和佐敦堂記絕不比第一腸粉遜色正當人家爭吃第一腸粉的時候,我們就靜俏俏來到堂記位置較為不就腳,加上其特別的營業時間(尤其是星期日不開鋪的),劃多劃少影響了其受歡迎程度老闆鄒師博入行廿多年,由最初手推車仔賣到入鋪,成為的士,小巴司機的聚腳地是日接近七點來到,剛好是堂記開鋪即叫即拉,三十六款不同選擇,總有一款合你心意,除非你根本不愛吃腸粉有幸成為是晚第一對顧客,更有幸趁有空檔,能與鄒師博閒聊幾句問鄒師博製有何秘訣,他只謙稱是功多藝熟其實,不要看做腸粉是那麼的手板眼見功夫先說做腸粉的米漿,基本材料包括粘米粉,炖麵和米混和的份量和比例每間店都有不同,質素就在此分別出來(當然師博的手勢也很重要)米漿既不可太稀又不能太稠蒸腸粉的時間也很講究時間短一點,腸粉會較滑溜長一點的話,腸粉就會較煙韌要在兩者取得平衡,只有經驗豐富的師傅才能掌控得好我們就有幸看到我們點的腸粉誕生之過程先將調較好的米漿倒在白布上,再攪拌和掃平米漿,令蒸出的腸粉均勻,不會有部份太薄有些又太厚然後將選好餡料放在米

都有幾年無食過堂記, 對佢既燒鴨腸粉同埋豬骨粥念念不忘, 呢一晚難得係廟街附近行完街, 順道過黎宵夜不嬲都多人架喇, 但以前都無咁誇張, 黎到先知原來又係車胎人係度攪事, 攪到十幾人係度排隊, 阿姐仲講到明有位先好落單, 腸粉要等20-30分鐘, 即係計落要成個鐘先可以完成咁簡單既一餐......既然無咩幾可黎到, 等就等啦, 終於等左廿幾分鐘有位喇, 叫左碗豬骨粥, 朋友叫左碟蝦腸再等多十分鐘, 千呼萬喚始出來既豬骨粥, 未至於令人失望但係驚喜欠奉, 只可以話比平凡再好DD, 畢竟$17細細一碗粥並不便宜偷試左朋友一舊蝦腸, 更加係失望, 腸粉皮不薄不滑, 最離譜係D蝦肉有少少腥臭味我明白蝦腸並唔係呢度既主打, 但係都無話咁甩皮甩骨架如果呢度唔使點等位快快食個宵夜還可以, 但係花費成粒鐘而品嚐如此質素既食物, 實在吸引唔到我再黎

呢度係以前我最鍾意食宵的地方之一，一嚟夠地道，人多氣氛好，二嚟啲食物的確好有水準。菜干豬骨粥，粥底香滑，菜干及豬骨的香味濃郁。豬骨大大件，好有鹹香味。呢度啲腸粉，用四個字形容「皮薄餡靚」。豬潤腸粉，黄沙豬潤，份量十足。豬潤最難掌握熟的程度，過熟會好鞋，吾熟會有血水。呢度做得啱啱好。燒鴨腸粉，燒鴨特有酥味及油香在薄薄的腸粉下配襯得天衣無縫。好好味！！！由於做腸粉的只有一個師父，要食好嘢就要等吓啦。

是夜與友人在佐敦想一試人氣腸粉店。約九時後到。 見長長人龍，心想希望係值得等喇！粥。只有鴨腎菜乾豬骨粥同柴魚花生豬骨粥選擇，因為友人不吃鴨腎所以點了 柴魚花生豬骨粥 - 粥身軟綿綿帶有果皮甘香味。 豬骨疑似用上燒豬骨， 所以帶有鹹香味 豬膶腸粉 – 豬膶切厚條。 豬膶爽口 ，不會又腍又粉。 蝦米腸粉 - 雖用上大量蝦米， 但不覺有蝦米香味。友人話可能蝦米未經油爆香， 所以欠缺了蝦米該有的香味。腸粉皮有米香味，皮薄滑溜。用上大量餡料，感覺絕無欺場! 軟綿綿粥配有米漿味腸粉。雖然食肆環境一般，座位狹窄。但食物質素同服務員態度都可以彌補不足。

廣東點心是港人吃得最多的食物之一, 既是因為那飲茶的文化在我們心中的地位無可取代, 也是因為點心總是百吃不厭的... 而腸粉更是其中最受歡迎的點心之一! 熊仔向來都很喜歡吃腸粉, 但就竟然未曾來過這著名的腸粉店子! 感激豬仔當晚提出來這裡, 即使我倆圍著圓方繞了一圈也沒關係~ 在圓方看完由OR送出的"滾搞了愛情"電影券之後也接迎10點, 我們離開商場後就一直走到佐敦, 再回到這裡.. 那時我倆很幸運地找到位, 但老闆娘已講明腸粉要等半小時! 不要緊, 我就等! 先說說這裡的腸粉, 賣的除了典型的叉燒鮮蝦牛肉之外, 也有比較特別的餡料, 如燒鴨, 臘腸, 魚片等~ 更可以來個雙拼~ 配腸粉的少不了粥品, 是晚就只有兩款粥品供應, 不過天氣仍然炎熱, 豬仔沒有興趣吃粥也就算了... 我倆就只要了兩個雙拼腸~ 順帶一提, 店子不供應飲品, 請自帶或去對面士多購買~要等這麼久就是因為師傅一直都在裡面不停手地拉腸粉, 我倆的座位看得比較清楚... 腸粉這種食物真考手力, 要拉得薄的話, 小一點氣力也幹不成呢! 等了20分鐘我們的食物姗姗來遲地上枱, 賣相不錯呀! ~~ 叉燒燒鴨腸~~腸粉晶瑩剔透

去完添記買包就快趕去堂記了, 怕等位等得耐. 怎知去到竟不用等位! 太好了!我們先點了菜干豬骨粥和燒鴨魚片腸粉. 然後再慢慢食添記法包. 沒有人理, 真好.菜干豬骨粥是最平的粥, 好像$16. 真材實料, 粥底都煲到淺綠色了. 還有兩大舊豬骨. 個粥勁濃味.腸粉和魚片依然好滑, 皮超薄的!這次比較好的是沒太多人, 所以腸粉都不用等太耐.

鍾意食腸粉嘅朋友，冇理由唔認識渡船街文英樓”堂記”嘅老闆 - 鄒師傅。都唔記得幾時開始，食過鄒師傅嘅腸粉後，才知道原來腸粉係咁好食堂記每晚都幾乎座無虛席要食到鄒師傅嘅腸粉，起碼都要等半個鐘，人多的話，至少一個鐘雖然大熱天時，又冇冷氣，但係每晚都有唔少食客係度等食。一直以來，所有腸粉都係鄒師傅親手做，絕不假手於人，十年如一日；錢，我想是賺到的，但鄒師傅仍然堅持自己親手做，亦冇開分店，絕不會為咗賺多一點點，而犧牲食物嘅質素；反而這兩年，除咗星期日之外，連星期三都休息，我想鄒師傅都希望多一點時間休息吧了。腸粉，最緊要熱食，即叫即做，這點絕對難不到鄒師傅。皮要簿，皮太厚，就好似食粉皮，食唔到餡嘅味道；皮太簿，易鬆散，難夾起；鄒師傅對於皮嘅厚簿，掌握得非常好，夠簿但唔會散；眼見鄒師傅將米漿倒係拉布上，用手輕輕一撥，米漿就均勻地鋪滿成塊拉布。要軟滑，靠火喉，鄒師傅亦完全掌握蒸嘅時間，唔會太短，熟唔透；亦唔會太耐，唔夠滑。皮簿之餘，仲要餡靚，鄒師傅嘅餡料，並唔係什麼山珍海錯，但勝在夠心機和花功夫，每日鄒師傅都會預早剁碎所以餡料，所以鄒師傅做嘅腸粉，係唔需要花力氣去嚼，非常窩心，而且份量唔會預太多，避

很久以前在電視 / 報章 上見到此腸粉專門店的介紹, 一直都好想去食, 但經過幾次都因人多而失望而回, 噚日6:40行過, 冇人啵, 快手拉老公入去試下先柴魚花生豬骨粥 - 睇得出煲左好耐, 好棉, 好好味, 但d花生唔知點解好硬豬潤腸 - d腸粉好滑, 但比較琳身, 豬潤唔會整得太老, ok鮮蝦腸 - 腸粉同豬潤腸一樣, 本身比較鐘意鮮蝦腸, 蝦好大隻, 有鮮味, 正總括嚟說這裡的腸粉都算幾好, 但比起電視上的介紹就有點兒失望 ... 加上天氣咁熱冇冷氣真係有點兒辛苦, 一面食一面不停流汗呢 ... 不過待應的禮貌真係好好, 值得一讚!