堂記腸粉專門店 (已結業)

27-12-2012 (四)和媽媽吃完「沙田強記雞粥」後，由於媽媽想去佐敦「堂記」試腸粉，於是我們從大圍坐港鐵去柯士甸站，下車後步行 5 分鐘便來到「堂記」了！ 雙蝦腸：腸粉皮薄晶瑩剔透，富有光澤，帶有米香，內裡包的餡料是煆米及蝦肉，頗香... 鮮蝦的份量略少，但細嚼起來覺得鮮蝦都有彈性，頗新鮮。 鴨腎菜乾豬骨粥：足料大大碗！豬骨很多，有鹹香；白菜干沒有沙且甘甜，很下火，正！

睇完戲，夜媽媽，朋友就介紹附近有正腸粉。心想，腸粉也不算很heavy,就破例吃一次宵夜吧。環境就真的是地道式大牌檔，除店內，就在馬路旁放滿桌子，而且坐滿了人，很熱鬧呢。朋友一坐下，就叫了兩碟腸粉，分別是燒鴨叉燒腸及牛肉腸，可惜豬潤腸售罄，無得試。不久，熱辣辣的腸粉便送到。根本來不及咀嚼，腸粉已滑到直接溜到喉嚨，再到食道，那種滑，真的比蛋白更滑呢。再配以甜味適中的豉油，簡直配合得天衣無逢呢。下次一定要試試粥品呢，相信也會有驚喜呢。

晚上十一點來到，店裡爆滿之餘，人客陸續有來，難怪老闆可以大大聲對客人說「腸粉未得喎，即叫即拉，話左要等半個鐘咖啦，你如果趕時間可以取消order，我無所謂。」堂記，果然是間有性格的深夜食堂。魚片、鮮蝦、燒鴨、叉燒、臘腸、牛肉、蝦米、豬潤，各種特式餡料單點又得，雙拼都得，選擇多之餘，最貴也不過$22一碟，的確是價廉物美。由於製作需時，建議大家可點碗粥一邊吃一邊等，粥類沒腸粉那麼多選擇，只得兩款老火粥：鴨腎菜干豬骨和柴魚花生豬骨。 兩碗粥先到，每粒米都熬至開花，粥底香綿軟滑。 柴魚花生豬骨粥 ($18) 的花生燜得軟淋，豬骨入味加上柴魚香，吃起來相當鮮甜。鴨腎菜干豬骨粥 ($18) 更得我心，因它除了豬骨的鹹香外，還滲著白菜干的甘甜，感覺滋潤。等腸粉期間好奇地走去參觀製作過程，只見兩位師傅在廚房內不停地拉動米漿，鋪料，捲皮。那蒸好的薄皮相當通透，回想起上次吃這腸粉的嫩滑口感... 哎快流口水了，腸粉快點來吧！ 澆了熟油的腸粉吃起來更軟潤，滑溜的腸粉皮，厚薄適中，還帶一點煙韌，略嫌米香有點不足，但在香港來說這腸粉皮已相當出色。（題外話，喜歡腸粉的話，絕對要到廣州去一試那布拉腸）

堂記腸粉是我愛吃的小店之一，無奈營業時間較刁鑽，晚上6、7點開到零晨，星期日（和星期三）又不開，所以不能經常吃到。這日6點多在附近，便過去吃腸粉過過癮。才剛開舖，大部分座位已被坐了。由於堂記座位不多，約20個吧？，加上每碟腸粉都是即時手制，這個時段去吃好處是可免大排長龍等位加等腸粉之苦。我吃了雙蝦腸粉和豬潤腸粉各一碟，$19／碟。落單後都要等約20分鐘才有得吃。雙蝦腸粉：薄薄的腸粉皮做得很軟滑和香。鹹香的蝦米配新鮮蝦仁，味道很夾，這個配搭的餡料不是到處可吃到呢。 好吃！豬潤腸粉：腸粉同樣做得很軟滑和香，配著起沙又鮮甜多汁的豬潤，美味爆燈！現正想起真想立即食返碟。

在餐廳食飯時聽過人說堂記腸粉好吃，之後問過朋友也說好吃，我心想：腸粉能好吃到哪裡？值得等上很長時間（聽說很多人在排隊）？值得特意走過去就是為了吃腸粉（地點離地鐵站有點遠，15分鐘吧；有些人是開車過去，但我又不想特地開車繞進去佐敦）？那天下午5點多將近6點左右剛好在廟街一帶，算一算離堂記不遠，就跑過去想試一下腸粉，這時段剛開市，沒有太多人，點了一個豬潤鮮蝦腸，等了大概10分鐘就有了（可以想像要是滿滿的人要等多久）。一進口，馬上就明白爲什麽如此受歡迎。腸粉好吃與否也就是看腸粉皮和餡料，其中腸粉皮更重要，堂記腸粉好吃在於腸粉皮的柔軟順滑，配合餡料，就比市面上的茶樓好吃多了。其實豬潤是一個挺危險的食材，處理不好是會完全破壞整道菜，這裡的豬潤烹調的很好，和鮮蝦及腸粉皮配合得恰到好處。吃過堂記腸粉後，翌日我去飲茶時已經沒有點腸粉，因為實在有差距。由於我非常討厭排隊吃飯，所以我以後也會選在黃昏去吃堂記腸粉，就當一個晚一點的下午茶就好了，可以吃好吃的東西，又不用等半天，反正吃腸粉又不夠吃飽我的晚餐~

一直都知道此店既腸粉了得,今晚專登同友人來此店試下.2個人點了豬潤腸粉, 牛肉腸及柴魚花生粥.真係唔怪之得咁多人會來食, 此店既腸粉皮好薄而且夠滑, 再加上豬潤新鮮而不膻, 製作用心. 其實豬潤算係好難控制既食材, 但此店蒸出來既豬潤腸粉除左皮夠滑外, 豬潤亦煮得岩岩好唔會過老. 可能豬潤腸實在太突出, 反而令到牛肉餡料既腸粉變得平平無奇.此店既粥品亦係用心之作, 粥底夠綿香, 加上豬骨一起去煮令到D粥帶有豬骨既香味, 份量十足.一餐腸粉餐帶來無限滿足

呢度嘅好處，就係三更夜半都可以食到即製手拉腸粉。仲要質素同好多大酒樓有得揮。臘腸腸粉，我覺得最好食，有臘腸嘅甜甜地同咸咸地味，再配合幼滑腸粉，推介。豬潤腸粉，覺得有點羶。魚片腸粉，有點腥味，男友Like，我麻麻。燒鴨腸粉，好特別。有微微鴨香味，都唔錯。

堂記係我最愛既腸粉，真係夠晒皮薄餡靚，但地方係比較隔泄同有排檔既感覺同環境，地方係佐敦既渡船角， 而且一般只開夜晚；逢星期日都唔開，都真係幾架勢是晚即使食到很飽，雖然明明知道外賣會無咁好食，都不忘要外賣堂記既腸粉同靚粥返去揀左燒鴨腸x豬潤腸：一打開盒子便見到兩條晶瑩剔透既腸粉，而且醬油係用一個小膠兜分開裝的，雙拼既意思係將燒鴨同豬潤放係同一條腸粉內，一吃便可吃到兩種味道，用料算很不錯，鴨肉夠稔有鴨香，豬潤亦很粉，配上一點醬油吃，味道更優因放冷了的關係，腸粉明顯係沒有那麼軟香，但論香軟程度還是比一般的要優勝，想必如果即整即食真的會很美味鴨腎菜乾豬骨粥：粥煮得夠綿，基乎不用多加嘴嚼，顏色因菜乾既關係呈淡綠色，吃下去喉嚨有很舒暢既感覺，分量亦很足，滿意

又是在附近Elements睇戲前，趁有點時間在這裡試試它的出品。平日黃昏六時左右，人客並不多，選了個面壁的位置坐下來後便立刻下單。選了的是燒鴨臘腸腸及叉燒鮮蝦腸，因為即點即做的關係，落單後還是要在無空調的店舖內等了近20分鐘才送到，不過等還是值得的，因為它的腸粉真的很不錯。燒鴨臘腸腸送到時，一看便知它的腸粉皮很薄，從中可以透出內裡的餡料。餡料亦都十分足夠，切絲的燒鴨加上臘腸，包在薄薄的腸粉皮內，既沒有弄破腸粉皮，吃起來這皮還很滑，是包腸粉的功夫到家的表現。這腸粉配合鹹甜恰當的豉油來吃，果然是好吃。叉燒鮮蝦腸一樣是皮薄餡足料，每條腸粉的中間有一隻蝦，還算得上大隻亦不是以雪蝦充鮮蝦。

雖然地點唔算好方便，環境亦都好麻麻，不過佢嘅價錢同食物都好好，好抵同好味好似係有兩款粥，柴魚花生粥比較一般，中規中舉,唔算特別出色。鴨腎菜乾豬骨粥 $17超正，味道好出，料又足，好似靚嘅老火湯咁，好下火嘅感覺。腸粉食咗燒鴨腸粉，雖然即叫即整腸粉要等需時，不過係值得嘅，啲皮好薄好滑，餡料都幾足，好好味呀不過有一點點缺陷，如果佢地有辣椒油的話，我會俾滿分，係無辣嘅情況下，都好味到要「安哥」，再追加一碟，如果有辣的話可能可以一追再追腸粉專門店的確名符其實有好多人等，連開車黎買外賣的都多

之前已經慕名去過堂記，但那次竟然無故休息，在門外貼了「休息三天」字樣 今次再接再勵，在遠處看到光猛的堂記，滿心歡喜。店內座位狹窄，陣陣熱風吹來，感覺頗為焗促。堂記看來是夫妻檔，老公負責造腸粉，老婆負責樓面。老婆超忙一腳踢，我們又熱又肚餓，足足等了 10 分鐘才有空落單。鴨腎菜乾豬骨粥，看得出非常有火喉。菜乾份量足，非常入味。粥底很棉，但水份過多，有點稀稀的。每一碗粥都附上一大舊豬骨，就只是一大舊骨而已，極少肉啊。我們去堂記，不為粥，只為腸粉，但結果令我們失望極了。腸粉皮雖然薄，但沒有米香，一夾即破，賣相很差。燒鴨肉同樣薄，帶點肥膏，鮮味不足。索價 $20，真的物非所值啊 本來還叫了叉燒拚豬潤腸粉，慶幸還未弄好，於是 cut 單匆匆結帳去。堂記用的全是發泡膠碗碟，誠意欠奉。來吃粥是可以的，但腸粉真的不敢恭維 ，大埔陳漢記的好吃多了！

剛和Friends在"龍蝦燒"食完Dinner, 發覺好似仲差少少. 於是在我建議下去了轉個彎就到的"堂記".第一時間每人叫了一碗我的最愛.. 鴨腎菜干豬骨粥 & 腸粉.鴨腎菜干豬骨粥: 足料! 鴨腎好多, 菜干冇沙, 米又煮到爆花. 正! 腸粉: 一般.下次有時間真係要再嚟. P.S. 缺点是環境一般

太多選擇..不過黎親都無蝦有冇咁好賣必食..豬骨粥燒鴨叉燒腸、叉燒臘腸腸即拉所以要等，同埋佢每張單整所以要有耐性等燒鴨同叉燒兩樣濃味野加入腸粉真係好夾有人唔夠皮整多碟燒鴨牛肉腸

人往往係犯賤的 之前住喺堂記附近... 永遠覺得, 使唔使拱多人排隊呀?! 痴左線咩....而我呢位死女包永遠只會: 「喂, 媽咪呀, 喺邊呀? 返嚟未呀?! 經過堂記幫我買宵夜吖!!」好啦... 家下屎搬左去新界啦... 唔係成日有得食... 就死死地氣成日心思思想去食... 撞佢個癲... 某日放工搵埋吃腳走落去, 諗住6點幾咁早唔使排隊啦掛...點知都係排左半個鐘到先有位... 一坐低, 阿姐姐就同我地講 「腸粉要等半個鐘呀」咁都坐低左啦... 唯有食住粥等啦!!! 少咸... 足料... 味精不是十分重!! 燒鴨分佈平均, 唔會一舊食到一舊食唔到咁...鴨味重!!! 腸粉皮仍舊維持一貫水準... 又薄又滑...滑過BB仔嘅肌膚 豬潤爽口又冇奇怪味!! 正!!!

小女子一向冇寫開食評的習慣, 但今次卻不寫不能下嚥我當天的不快!先說服務態度, 我完全唔可以想像香港有如此「大牌」、無禮的食肆，店中僅有一位年約廿多歲的較男性化的女服務員下單，未坐低就話「冇蝦冇花生（粥）」，然後不斷重複呢句說話，好似數白欖咁，態度已令人感到古怪，不過我本著來這來嘗試的目的，初初以為她好心，怕顧客聽唔到，不以為已。我們叫了一個腸粉及一個菜乾粥，待我們下單後，那位女服務員話腸粉要等15分鐘，因為人多，要等耐D，我話唔緊要，心想如果個個話好吃，等下有乜所謂。等了十分鐘，粥先來，我滿心期待，因為鴨腎菜乾豬骨粥，應該好咸香，好好味，點知一D味都冇，好似白粥水咁，淡而無味，連菜乾和鴨腎應有的香味都冇，而且成碗粥，找不到一個鴨腎，D鴨腎好似用攪拌機攪到爛晒咁，已無跡可尋，但呢碗野值17元，頓時已覺得呢間店名過其實，過譽了！都唔緊要，就當我呢個小女子食野刁鑽，咁我咪繼續等個腸粉，真係等了又等，等了又等，等左25分鐘，腸粉都未來，我就找那位女服務員詢問，自問小女子都有禮貌，問：等了腸粉很久了，可否幫我催催？點知女服務員好冇禮貌話：我話起碼要等半個鐘啦！我好愕然：下！之前你下單時話等約1