堂記腸粉專門店 (已結業)

開場前來這邊開飯，為免會有人潮，我倆第一站就來這邊，也要等上十分鐘，也碰到幾位食友趁開場前在這區開飯。菜乾鴨腎豬骨粥 [$16] : 不及北角的王記出色，鴨腎有數片也是相當大的。除了飽肚外，也是等腸粉時的好幫手雙蝦腸 [$17]: 腸粉皮依舊又薄又滑富光澤，蝦米提供了口感上的層次，帶咬勁燒鴨腸 [$20]: 薄薄腸粉皮下的是一早切好的鴨肉碎粒，反而吃得更方便，味道也更均勻。吃得不多，因小比一心來這邊吃法包，所以快快向下一站進發吧!!!

週末在圓方看過電影後，原來想在商場裡晚飯，但久久找不到心頭好，突然想起鄰近的渡船角佈滿美味食店，而且以小店居多，兩個人便坐言起行，飛快動身前往目的地。轉眼間便身處渡船角文匯街街口了，是次來到街坊美食天堂，當然不會甘心只光顧一家，而第一個要攻克的目標，很自然地選擇了近於眼前的老牌人氣腸粉專門店「堂記」。我們很快地點好了食物，沒有選太多，祇挑了兩款雙拼腸粉，以保留＂食力＂應付接下來的美食誘惑。先上了叉燒燒鴨腸，腸粉皮很薄很軟滑，叉燒切成小片，肥瘦均衡；燒鴨料連皮上，同樣切得細小，能嚐到鴨的油香，鴨肉咬口甚佳，推介之選！之後到臘腸牛肉腸登場，極濃香的臘腸味立即征服了我們的味蕾，牛肉變成了陪襯品，單純地增加了口感的層次，但味道完全被臘腸壓倒了。這個也值得品嚐！坦白說，是有點意猶未盡，但為了多試一些其他餐廳，把追加的慾念硬生生按下來 ; 整理好行裝後，啟程往第二站出發 !   

堂記腸粉一向都很出名, 6時開店開始, 愈夜愈熱鬧, 經常很多人來食野, 所以係度食腸粉, 一定要有耐性......等等等是日晚餐：叉燒燒鴨腸 - 特色腸, 必試牛肉豬閏腸 - 最鐘意食呢個鴨腎菜乾豬骨粥 - 好香, 很棉魚片瘦肉粥 - OK

上星期五夜, 去堂記食腸粉, 街邊格局, 客人無想像般多腸粉即拉的, 牛腸一碟, 燒鴨腸一碟, 一個人食, 夠飽肚牛腸無得頂, 正! 粉皮又薄又滑, 豉油好味再食燒鴨腸, 鴨肉比較鞋, 都係食牛腸好

我近呢幾年搬咗好多次，但係無論搬到去邊都要揸車返黎食堂記嘅腸粉。雖然每次都要等半個鐘以上，環境有啲污糟，個阿姐不太友善，但都係要黎食。為的就是一碟無與倫比的滑溜腸粉，最愛豬潤腸和燒鴨腸，豬潤不會太生亦不會太熟，剛剛好；燒鴨連小小皮，好香口，鴨肉又軟又腍；最令人著迷當然係白滑腸粉，真係薄到透明，但又唔易爛，餡料又多，超平勁抵食。腸粉閒閒地要等三十至四十分鐘，所以我每次都會叫一碗鴨腎菜乾豬骨粥，一邊食一邊等。重有另一最大優點是適合駕駛人士，旁邊就可泊車，免費架。

今次係第二次食喱間腸粉店之前係外賣叫曬最出名既(燒鴨、蝦同叉燒腸(各$15)、柴魚花生粥同菜乾豬骨粥(各$16))層皮真係好薄好滑唔似港式酒樓d皮厚到要咬架d粥就好有屋企煲既感覺如果試過係大陸食過好味腸粉喱間做到!~講番今次堂食可能我地12點幾先落到去冇曬蝦同叉燒今次食蠟腸腸同燒鴨腸，仲有菜乾豬骨粥咁夜唔洗等位平時要排半個鐘，腸粉再等20-30mins架如果大家想快d，一坐低就叫定腸粉肚餓就食碗粥先，慢慢等腸粉YUMMY**下次我試埋豬潤腸就試曬啦如果多朋友全部試曬都得我都見有好多人專登車/搭的士因為都離地鐵站行10分鐘左右架記住check好地點先不過個條街都有其他好野食

去的第一次CLOSE 左第2次再去,終於有開了,排左一陣隊,坐左係馬路邊!環境不是很好...叫左鴨腎菜乾豬骨粥,燒鴨豬潤腸、蝦腸粥好快到!都好味,不過又唔係好特別腸粉等左好耐,有30MINS!不過真係好滑,平時唔食豬潤,不過LEE 個又真係好味!蝦腸,蝦很大!都幾抵!同都飽的!二人食左$52係遠左少少,不過會再去!

嘩! 睇番之前自己寫”堂記”嘅食評, 完來已經兩年前喇! 剛啱昨晚又同老婆去幫襯, 我放工就早D, 所以約六點半就到咗, 一路都落緊雨, 去到竟然見老細開緊工拉腸粉, 有冇睇錯? 以前佢係七點不露架噃(即係唔到夜晚七點都唔見佢露面開工), 所以食客經常排晒隊, 等碟腸粉都最少等半個鐘以上(等位時間另計), 今晚雖然落雨但唔係好大啫, 竟然咁少人, 我仲等埋老婆六點九先一齊坐低, 未試過咁寜靜架, 叫咗 :1) 菜乾鴨腎豬骨粥 x 22) 义燒燒鴨腸 3) 义燒蝦腸 (本來係叫鮮蝦腸, 不過剔錯格) 兩年冇幫襯過，覺得個粥進步咗，可能俾多咗心機啦！其實菜乾豬骨粥喺左敦區都有好幾間鋪有得食，水準都唔錯，而家堂記嘅粥都算係似樣架喇！腸粉方面，涵料同腸粉皮都保持到水準，不過又縮咗水喇，义燒燒鴨腸$20, 义燒蝦腸$16, 我哋上個禮拜喺元朗發記食蝦腸$15碟，份量真係佢三碟咁多，當然我唔會要求佢做番咁大碟，但都唔好縮水得太多吖！

同朋友特登嚟食宵夜,一坐低阿姐已經同我哋講腸粉要等半個鐘啦! 一場嚟到無理由唔等咖?!叫左叉燒燒鴨腸粉同豬膶腸腸粉皮好薄好滑 ,有米味！叉燒燒鴨腸好夾味, 正!!! 一定要試!豬潤好爽 ,唔會有陣腥味!

之前咁啱睇咗個電視節目介紹, 又聽個FD曾經提過嗰邊有間腸粉幾多人食, 老婆又話行下廟街, 順便行埋去試下啦咁. 冇咗炸両同腸粉, 試唔到真味...鴨腎菜乾豬骨粥: 有少少稀囉, 味道覺得只叫做合格...皮蛋瘦肉粥: 粥夠綿, 都幾重麻油味, 算唔錯.豬潤+蝦腸: 老婆話腸粉皮同埋豬潤都幾好, 我就覺得豬潤幾好啦, 但D皮個人覺得薄咗D, 靭度一般啦.整體, 可以得閒再試多次既...

跟住朋友慕名而來試腸粉, 都滿晒, 但唔係好洗等位, 一問之下, 原來個腸粉要等40分鐘, 但一場黎到, 點都要試下啦點解要等咁耐呢, 原來只係得一個人整未坐低已經落左單叫腸粉, 坐低之後, 再叫粥, 邊食邊等,粥等左5分鐘就黎喇, 朋友叫左皮蛋魚片粥, 我同男朋友就點左鴨腎菜乾豬骨粥粥好夠味, 又足料, 只係略嫌唔夠熱 等左35 分鐘, 終於等到第一碟腸粉喇未食過燒鴨既腸粉, 個味都唔錯, 同叉燒都夾, 不過岩岩整好既腸粉真係唔熱, 好怪淨豬潤腸, 個豬潤好爽口, 味道不錯解蝦魚片, 我食左一舊就會再食喇, 好怪, d魚片係苦既寄望愈大失望愈大呀, 由圓方行過黎, 又等左35 分鐘.... 竟然唔係想像之中咁好味, 有d 失望噢!只係個鴨腎菜乾豬骨粥ok個腸粉皮夠薄, 但好糊口, 豉油唔夠甜同唔夠油, 同埋唔夠熱試過就算lu... 4個人, 3碟腸粉, 3碗粥 $105

今日吃了大餐,晚上想吃點清的。六點多來到,員工們正在準備工作,原來是七點鐘開始營業。聽聞需等位,幸好我們準時回來,而且閒日,沒那麼多人吧。姊姊吃過數次,教路,每天也有被刪除的項目，無奈，今天竟然刪除了......炸兩！唯有吃少一樣啦。我們是第一次光顧「堂記」，先來豬潤鴨肉腸粉，一吃下，腸粉皮極有米味，有彈性！鴨肉是襯托，豬潤極香！！可惜膽固醇高企，只享用了一節，其餘由老公包辦。义燒牛肉腸粉，無乜特別，吃不到牛肉味。魚片粥,粥一入口,即時感覺到醃魚片的優香酒味!好特別!皮蛋瘦肉粥,皮蛋沒溏心,粥不是綿綿那類,有點稀。不過沒有味精。若不吃蔥的,要揚聲,因為會有好多,而且是已混合在粥裡我相信如果不是過開來這邊,都不會再來,因為只有腸粉的吸引力,不足以引到我刻意步過來。

餐单： 鱼粥 - 粥底不错。不过有鱼骨。（其他粥都卖完了 ） 肠粉 - 虾， 肠粉很薄，很滑。虾肉就有点 fishy 肠粉 - 烧鸭腊肠。 非常好吃 ！！！ 可是卫生不太理想。应该没下一次。

佐敦渡船角有好多好野食，不過有兩間正舖，每次都會一次過食哂兩樣，先食堂記填下個肚，之後就去添記填飽佢，呢到簡直係駕駛人士必到既朝聖地，地方偏僻，搭車都去唔到，又係要係外面行入去，總知一句到尾"隔涉"。不過呢間野又不能錯過，多年來不斷都有報導呢兩間舖頭。黎得堂記就只會為它的腸粉驚訝，點解腸粉可以整到咁薄皮都唔會咁易穿，而且非常之滑溜，豈能錯過。呢到有樣野好得意，係堂記落單，一係就落多D，等佢慢慢整，一係就食完一轉，即走，因為每一碟腸粉係要等好耐既。唔知真定假，每次有叫粥既人都會比無叫粥既人快D有腸粉。點解明知食碟腸粉要等咁耐，都要咁哂時間去等，因為實在值得，每碟腸粉都滑不溜口，而且材料配搭新鮮。最普通既算係牛肉叉燒腸，呢碟真係平凡左D，不過都係堅持個一句"滑不溜口"。接著住一碟好特別既配搭，臘腸燒鴨腸，呢一碟簡直出乎意料之外，好食得停不了，我想只是燒鴨腸都已經好美味了。第三碟係豬潤腸，豬潤嫩滑無渣，而且一D燥味都無，材料超多，特別好食，而且連內裡的豬潤都可以係皮下清楚見到，證明腸粉皮是何等的薄。最後個碟係蝦腸，我覺得呢碟無前兩碟咁正，不過D蝦都好大隻，好新鮮，配上滑溜溜的腸粉皮，真係一大

佐敦之行其中一站就係黎呢到食腸粉，間野叫得自己做腸粉專門店，應該有返咁上下，所以一路都有興趣黎試下。坐底既時候，阿姐話腸粉要等二十分鐘，今日有時間，等下又無妨。要左兩款腸粉，豬潤蝦米同埋魚片叉燒，同埋都試左佢既粥。粥係唔洗等，等腸粉既時候，食粥剛好，鴨腎菜乾豬骨粥，好大舊豬骨，個粥好屋企既感覺。不過要等上二十分鐘，要埋另一款粥試下，就係豬骨花生粥，水準也不遜。二十多分鐘，終於有得食。腸粉睇落見到餡，明顯做得夠薄，食落亦夠滑，很好。雖然做得薄，不過都無穿餡，真係要讚。餡料方面，豬潤食落幾爽，亦幾大舊下，配上蝦米，個味幾夾。另一款係魚片叉燒，魚片幾清淡，鮮甜算不上，不過幾滑下，加埋腸粉真係滑上加滑，叉燒切粒做餡，不算太特別。呢到d腸粉真係做得唔錯，幾架勢下，功夫野係香港買少見少，行開行埋有時間真係要支持下。係路邊食，車唔算太多，環境可以接受的。服務唔係要求太多應該都唔係太大問題。黎幫襯既應該係要考慮自己有冇時間，等應該都無可避免，走既時候full house，聽到阿姐講腸粉要等四十分鐘，唔係誇張。