士林棧 (已結業)

試過食其他牛展米線, 都係普普通通.睇完壹週刊推介, 所以特意去試試, 看看是否真的這樣好吃.特意叫牛展米線試試, 牛展的確夠林夠入味, 好明顯湯底足料, 牛展炆到好林好入味, 的確值得一試.

新年前到過士林棧，印象唔錯，上星期四約埋三五知已一齊去，一點45分到，約兩點才有位。大家年紀唔細，晤敢食煎炸野，點了貢醋豬軟骨，貢醋豬手，牛展和漢方鷄酒食，配菜飯和米線。鷄酒食的湯好香，有中藥味，其中一位朋友是中醫，大讚好👌👌！貢醋配豬肉唔肥膩，配菜飯感覺良好！牛展配米線，牛展汁好香。飲品點了百香果紅茶走冰，味道唔錯！朋友飲豆漿，是歺廳自己磨的，豆味夠濃，唔太甜！原來兩點半是下午茶時段，開始多人，下次要試試。

見到報紙、雜誌都有介紹士林棧, 菜式幾特別, 於是約了朋友一行6人去試多幾味。中午1:40左右去到, 全店滿座, 等了十多分鐘有位, 店不大, 一般是4人枱, 我們不想分開, 加2 張圓椅, 也算可以。試了招牌牛展, 長條形的, 腍得尼有嚼頭, 而且好入味, 的汁撈飯好好味。兩味貢醋煮的豬軟骨及豬手我最中意, 的醋味調教適中, 好開胃又不覺肥膩, 漢方雞酒食我較欣賞個湯, 有酒味更有些甘甘地的藥材味, 不覺有味精, 成碗飲晒都無問題。有點意外驚喜的是伴著豬軟骨的糖心蛋, 蛋白有淡淡的鹵水味, 而蛋黃像奶皇般好吸引。吃得飽飽的埋單都只是$40, 超抵食。

見到士林棧的廣告牌已有多時，終於跟同事們午飯時段去試試。點知......有點地方唔多掂。1. 服務態度我︰我要脆芝士雞扒，轉白飯。侍應小姐︰汁？牛展、蕃茄、咖哩。我︰...... 牛展? 蕃茄?侍應小姐︰要乜野汁? 飯要汁架嘛！我︰(我第一次來咋，點知要選汁喎！餐牌又冇寫！) 哦...牛展啦。侍應小姐︰飲野呢?(我心諗︰咦? 有包野飲咩?)侍應小姐(見我地唔出聲)︰即係冇啦？最後多謝都冇聲，轉身就走。後來睇清楚餐牌，飲品一頁原來係有餐飲價錢的。侍應點可以預算客人來到乜野都知道的？客人唔清楚就要解釋，這樣會令客人無所適從。2. 食物煮法我同事叫牛脷菜飯。牛脷冇去皮，好彩煮得夠腍，如果唔係一定磨損自己條脷，不過同事都話賣相已經扣左分，牛脷唔夠入味，切得太厚了。菜飯食得出係煮熟白飯後，然後再將菜撈入去。正常煮法係飯連菜一齊煮的，菜的味道才會進入飯內。而家變成菜飯唔夠菜味，好似分開食一樣。芝士雞扒味道都唔錯，係將塊雞扒切開一半，不過放入去個塊係一般超市都可以買到的包裝芝士塊，而且拎到出黎時，塊芝士都未係好溶，似乎係最後一刻上碟後至夾入去，並唔係連雞扒一齊煎，稍有不足。雖然食物味道尚算唔錯，但係

先前有個 friend 食過話好食, 介紹我去試下食呢間野.講真, 真係俾面先去試下咋.我住觀塘, 專登碌入去大角咀咁遠, 唔係放假都唔會咁山長水遠. 如果唔好食, 我實無面俾, 去完一次無第二次. 憑住偉大o既 Google Map, 我終於搵到點去.去到o岩o岩係下午茶時間, 好, 見咁抵廿幾蚊 (講真, 真係好耐無食過廿幾蚊落樓, 又食得飽o既下午茶), 就試下個下午茶先. 叫左個豬扒湯烏東, 賣相不過不失.食落都幾好食 , 豬扒都炸得幾香口, 烏東係我至愛, D 湯又幾好飲, 中上啦. 食完都幾滿意, 有機會再去試下其他野食先. 值得一試!

晚上開餐簡單來說, 開飯首選, 物有所值野飲比食物好味道!標榜無添加味精Total 試左3樣野食, 2樣野飲士林招牌牛展米線-牛展湯一般 - 牛展不夠口感, 太諗. 米線亦無咩特別. 不過牛展湯同湯既配料真係唔錯, 有木耳, 蘿蔔, 生菜. 特別是蘿蔔, 入味也.士林紅燒牛脷菜飯-牛展汁不錯 - 賣相一般, 好大條脷, 好抵食, 不過牛脷味道同口感補番數. 牛脷唔穌, 仲可免費由米線轉菜飯.脆炸芝心雞扒一般 - 炸雞變左煎雞扒, 雞扒醃料同芝士唔太MATCH, 而且雞扒既油同熔左既芝士口感相約, 食落去比較油膩.芒果乳酪不錯 - 野飲真不錯, 有係台灣飲的感覺.百香果紅茶很好 - 偏甜, 但非常好味, 多冰都無蓋過百香果色素既香甜, 下次黎一定再叫!!!晚飯時間, 都係$108 兩位店舖光猛, 舒適

年尾到大角咀探朋友，她特別推介樓下的新店士林棧，剛到晚飯時間，等了一會才能入座，舗雖小但很整潔！朋友極力推介他的牛展，我再點一碟芝心鷄扒菜飯，等了十分鐘先見到碟鷄扒，侍應話係有order先造，食落真係好鬆趣，鷄肉好滑，一食難忘！菜飯好鮮甜，絕對感受到廚師的認真製作！最難得是在香港吃到冇味精的食物，實在難得！HK$40左右就有飯加飯品，非常抵食，必須推介給各好友，唔使再捱味精啦！

因為參加課外活動，我來到了大角咀區。 人生路不熟，只見眼前的士林廣告，因此入店一試。餐廳比較少，只有數張桌椅，店內以木色為主，有一種台式感覺，而裝飾方面也花了一些心機。我光顧的時候是下午茶時段，因此餐廳的人流不多，而從服務員和客人的對答中，得知惠顧的人多是熟客似的。餐廳食物和飲品的款式跟一般台式的餐廳差不多。眼見餐廳內外都有「招牌牛𦟌米線」，而且湯底強調「無添加味精」因此我也點了一客。等了一會暖暖的招牌牛𦟌米線就在我面前，賣相不差，而米線的湯有著濃濃地牛肉香。牛𦟌是以粗直切栽，因此肉質的層次會更多，一口咬入去，令口感更加豐富，牛𦟌肉質嫩，食落去會有點入口即容的感覺，真的不妨一試。而言，配菜只有入味的蘿白和生菜，真的有點遜色，還有，米線雖然彈牙，但它不能吸收濃濃的牛肉湯底，感覺略遜一籌。飲品方面，跟一般台式的餐廳差不多沒有什麼特別。如果路經大角咀，真的可以試試它的牛𦟌。

係大角咀行行下, 見到呢間幾特別既台灣野，好奇心下就入去試下。地方整潔, 十分典雅，坐得好舒服！餐牌好特別，因為未食過，所以就食左最出名既 - 招牌牛𦟌米線。牛𦟌真係好淋，好滑，我最鍾意。而湯底都好正，食唔到係味精湯，好健康！朋友叫左芝心脆雞排，真係好chese  如果好鍾意食芝士既人就會好開心!我地仲叫左豆漿，好有豆味，唔會好甜，我個人覺得好味道呀!整體講，價錢合理，食物好正，仲有好多未試，會下次再黎試埋其他

同事介紹，入店一試。店面整㓗，很多士林的相片。大角咀區有如此特色格調，已是難得。坐下，點了招牌牛𦟌米線。湯底強調「無添加味精」，如此價錢，真有D不敢相信。試了湯，很有新鮮原味，肉香強烈。牛𦟌是「粗直切栽」，入囗彈牙，肉汁香濃，口感豐富，跟市面「橫薄切牛𦟌」完全不同，吃後肉香留口，味道一絶。飲品點了珍珠奶茶, 跟餐$8, 很底。荼味清香醇和, 滑滑囗感.食完後, 有個一齊來的同事，說：「幾十歲人，未吃過如此好味嘅牛𦟌。」回到辨公室，唔覺口渴。大圍同事都判斷無添加味精，真材實料, 值得推介。