士林棧 (已結業)

見openrice 甘高分（3.8），就來試試，誰知...伏已中！1. 芝士雞排， 實物同openrice的相是完全不同，其貌不揚，咸到死，食左一啖已經驚腎虧，2. 日式漢科雞酒食 只係聽個名都知勁啦，openrice話老闆話無添加，無味精！我第一件事試下個湯先！合格！但去到d雞....竟然係普通雞排...呢d茶記雞排一點雞味都無，好似我食人參雞湯、沙鍋雲吞雞，落茶記雞排去煲一樣.......服務：食食下，有個女侍應突然同其他侍應吹水，話佢頭先聞到好大陣臭屁味！點知原來係自己隻腳臭，仲話咩對襪幾日無洗，又話自己隻腳潰爛.........救命，仲要重複講左十幾次...大佬，我食緊野，仲要在我身旁行來行去，搞到我好似隱隱約約聞到佢隻臭腳味甘...........令人吃不下嚥！！

自從多年前搬離了大角咀後, 各式食肆如雨後春筍般開業. 上周六與兩老再回到舊地, 光顧了一間叫做"士林棧"的台式食店. 餐廳屬小店格局, 地方不大, 但尚算光猛整潔. 根據店內張貼的介紹, 廚師是從台灣的牛肉麵名店 "永康"學藝的, 餐廳亦以牛肉麵作其主打食物.餐牌的食物款式也多, 飯, 麵, 米線等都有, 也有不少小食和台式特飲. 筋肉雙雄配陽春麵 $43本來想點牛三鮮, 不過侍應說沒有牛脷供應, 所以改點筋肉雙雄. 茶色的湯底是牛肉湯, 味道很濃, 充滿牛氣! 雙雄是牛筋和牛腩, 看起來份量頗多, 賣相不錯. 牛腩用上了半筋腩的位置, 筯肉相接, 十分腍滑而且富有膠質, 牛味濃郁; 牛筋相比之下較爽身, 沒有那種黏黏的感覺; 配菜有木耳絲和生菜; 不過陽春麵的火侯就一般了, 麵質不夠爽身, 口感太腍, 如果煮的時間掌握得好, 應該會更美味.皇柚雞扒 $27是餐廳的主打之一. 雞扒比較大塊, 雞扒皮煎得香脆, 底下的脂肪幾乎全斬去掉, 不會吃到滿口油膩; 雞肉很嫩滑, 與甜甜的柚子蜜很夾; 柚子蜜味道香甜而帶微酸, 可以減輕扒的油膩.紅麴羊肉煲 配菜飯 $64 這個可以說是冬天的合時

脆炸芝心雞扒菜飯（蕃茄汁）　$41甫上桌已覺得有點奇怪，泰式雞醬？整體份量都叫大堆頭，我諗呢個餐真係夠哂一人用先講雞扒，夾起時有點鬆散，雞肉層會分離炸皮香脆不油，炸得剛好，就是誘人可口既金黃色！中間夾著半溶芝士，濃郁非常，讓我們心裏頓時充滿罪惡感時還逼不及待要大口大口地吃炸皮及芝士，一脆一嫩，一硬一柔，質感上富有對比雞扒稔香入味，肉質不算嫩身，但濕潤度合格配搭雞醬酸辣解膩，台不台已經不想多說菜飯真係夠足料，飯粒粒粒分明又不膩口菜絲佔量公道冇呃秤，食落冇出水又冇青味蕃茄汁酸甜清新，稠稠的挺像茄膏，味道自然不青加上面頭終於帶有少許台味既肉臊，夠味香口也不膩說實話肉臊這回事，我只是多番查考過，地方派系各有不同普遍吃到的是滷肉飯，就是肥脂多，惹味香口的但台南少部分還是有瘦肉肉碎的版本，非主流，大概不叫不正宗吧梅貴豬扒　$27店方係墊枱餐紙大力推介呢道菜同皇柚雞扒由於剛才已嚐過雞肉，今次就試番個豬啦！一直以黎我都覺得豬肉係好難煮得好食既，首先要夠熟，但要全熟又好易乾柴其次就係要稔嫩，咁梗係講緊唔用鬆肉粉並要全熟既情況下啦試一試豬肉菜式就能略略估計店家水準了吧？豬扒切成條狀上碟，講真睇樣就真係唔夠

一直都想一嚐台灣風味當然我也不是說走就走既人，唔可以一下子就飛去台灣吃喝玩樂唯有留係香港食住近合香港人口味既半台菜啦之前已經擬定一張清單，聞名已久既程班長以及最近火熱既阿元來了怎會榜上無名？而今次就同朋友一齊黎到清單中第一站－－大角咀士林棧環境甚算舒適，老實講係窄身小店形式衛生情況可以接受，至少枱面同地下叫做乾爽無垃圾廚房位其實係幾公開既，唔係話開放式廚房，只係走近就已經一目了然服務方面，幸虧未有遇上先前食客所指既惡劣態度午飯時間人客不少，但廚房出餐速度都夠快捷，未聽見有客人投訴呢度既感覺幾家庭式，職員都係叔叔嬸嬸或者用街坊舖既設想去試，就不會太過不滿佢地既效率態度掛餐牌選擇十分多款多樣飯粉麵俱全，還有小食前菜及各式飲品睇睇餐牌……感覺選擇困難症又來了:^P貢醋豬軟骨　$27一碟總有四大件豬軟骨，另加一面滷蛋呢度食到既豬軟骨係脆口既，必須是咬得開啦，爽身肉質都幾老身，食落有點鞋口，幸好濕潤度高又透入肉，都唔難咀嚼醋味不嗆，酸香溫和，起到開胃解膩既作用糖心蛋　$16一碟就是兩隻蛋對半切開，共四面蛋算是有滷過，可是不算濃味，只有淡淡五香味道蛋黃是成功的溏心，半熟，蛋汁濃稠稠身，香滑非常，蛋

來大角咀吃飯的原因主要是吃甜品，不過甜品不可當作正餐。於是在附近選一間餐廳先吃晚飯。因為吃的份量不多，吃米線應該是個不錯的選擇。看到餐牌，價錢蠻便宜呢。脆炸芝心雞扒雞扒炸得皮脆肉嫩而且沒有冷藏味，中間的芝士媛媛流出，幾有新意。梅貴豬扒豬扒比平日吃到的顏色較深，這兒採用了梅頭豬扒，雖然炸得香脆可口不過有點乾身，欠缺肉汁，不過配上酸酸的梅子又幾惹味。這兒的米線是分開上的，而且可以選擇牛肉湯，蕃茄湯或清湯。先點了牛肉湯啦，有淡淡的牛肉味，米線幼身爽滑，不過掛湯能力不夠，不過配料足夠，有木耳絲、芽菜、蘿蔔和唐生菜。蕃茄湯這碗味道比較淡，蕃茄粒也比較少，不太出色。價錢的確便宜，不過食物又不是太出色，而且地點非常偏遠，真的很難找。

好耐冇喺香港食台式料理，因為通常都整得不倫不類，是日同老妹試吓呢間小店，有d驚喜！牛連著牛筋，好林好滑，牛味好濃，蘿蔔都炆得非常入味。一上枱就聞到好濃藥材味，應該好足料。有好多配料炆，有馬碲，竹蔗，枝竹，唐芹，補而不燥。羊腩不錯。梅貴豬扒好特別，話係豬肉中既和牛，果然好林滑，調味剛好。皇柚雞扒好香口，又夠件頭！有少少柚子蜜味冇咁熱氣。柚蜜淮山沙律，簡單得嚟又有益，入口味道清新，食左咁多肉之後清吓腸胃不錯。仲有叫左個雪耳飲好重膠質，唔見雪耳，可能已經煲熔咗入去。呢間舖頭講明冇味精，係唔係正宗台式就唔知，不過冇味精就食得安樂放心。

好耐未試過去D咁冇禮貌既餐廳食飯,唔知係咪趕收工呢(我入去個陣時先8點幾),態度差到不得了,又講所謂既術語,「菜飯米」原來係菜飯、白飯、米粉。一個唔食開都唔知你係到UP咩~佢解釋完,唔比時間我唸,係咁問,即係要咩?睇得出係趕時間既,完全0笑容,其實我係客,我比錢仲要受你氣,係咪?又問我地飲咩?但又唔講冇珍珠,咁台式食品又冇肉燥,又冇珍珠,得奶茶,真係令人失望,唔敢下次再黎啦,D野食又凍,我朋友食既招牌菜係苦既,點敢介紹朋友。

台風蔓延，我也十分喜歡台食。去過士林棧，印象不錯。閨密近期約我再去試新推的「紅燒牛肉麵」。探子回報，廚師手藝來自台灣「敎父級」名店--永康牛肉麵。台灣永康始于1963年，多年來不少政客明星光顧，但仍保留小店形式經營。廚師有緣在永康學過藝，回流香港後，又有緣在士林棧推出。各店風味，一試便知「龍或凰」。牛肉麵一上枱，就聞到濃濃的湯汁香味！馬上喝了兩口，的確不錯。有濃郁牛味和特別的紅燒口感。店內強調不添加味精，而能調出美味，實在要加分。再試牛肉，店用巨條直切牛展（即牛上髀），比一般牛肉貴得多。肉中有筯，筯中有肉，冧中有嚼勁，軟硬適中，難得。麵也很彈牙，新鮮爽口。店員說，麵條即日就賣完了。整體而言，牛肉麵水準很高，有名店水平。貴價牛展、無味精湯、爽口麵條、新鮮配菜，平民價＄40幾，會再有下次。

我係台迷，經常去台灣旅遊，當然也喜愛當地的美食。附近的士林棧，常有人提起，決定一試。據打探所得，牛肉麵配方源自台灣的名店「永康牛肉麵」，後改良在港推出。以前遊台灣時，也慕名去過永康，是台灣最歷史悠久的名店之一，紅燒牛肉麵名堂甚勁，吃過印象深刻。今次，當然要試試士林棧的牛肉麵。麵一上枱，即試一口湯，食一條牛展。真的十分接近「永康」的味道，基本上試不出分別。足料老火骨湯，不添加味精，難得。牛肉用上大條牛展，粗條切，比一般牛腩貴一大截，和永康做法一樣。牛展囗感一流，筯肉相連，外軟而內有D嚼勁，處理剛好，果然有永康的質素。可能供應商原因，麵底似拉麵，與永康有點不一樣，但也爽彈好味。整體與永康9成一樣，並改良至不加味精，超過預期。一向不多寫食評，特此一紀。我等台迷，可省卻機票及時間，在此嘗嘗台式名店承傳的口味！

經過大角咀區，想起朋友曾經介紹，就走入這間台灣麵店試試，店面面積都算大，裝修平民化，顯然是做街坊生意，在餐牌上點選了 士林招牌牛展陽春麵，紅燒牛脷菜飯， 兩樣上檯，份量絕對不少，牛展陽春麵，牛展長條狀，非常入味，咬落不硬，有少許香料藥材味道，本人覺得好好味，紅燒牛脷菜飯，菜飯不過不失， 牛脷入味煮得剛好，不會過“熟“，而且 牛脷比期望多，以現在牛脷價錢咁貴，諗住得兩三塊，點知成碗滿，絕對有下次。

上星期五行開大角咀，見到一間收費便宜既台灣食店，咁就同朋友入去試試，咁平就諗應該都係平平無奇啦！點知原來所有食品都無加味精，好健康，仲好好味㖭！份量仲好足，搞到我兩個要抱住個肚出門口！因為樣樣野都真係好好味！

一直都有留意士林棧,今日終於有機會一試.雖然牛肉麵係招牌,但想試下其他特別野,所以無叫. 叫左皇柚雞扒陽春麵(牛肉湯).鐘意飲柚子蜜,但無諗過柚子加雞扒係幾夾嫁! 雞扒size正常,皮薄而且好脆,無咩肥膏,加埋上面嘅柚子醬好清新好開胃,柚子醬中和左煎雞扒嘅油膩.套餐可叫米線,,陽春麵,白飯/菜飯. 叫左少有嘅陽春麵,麵可配牛肉湯,蕃茄湯/清湯.哩到牛肉咁出名,梗係叫牛肉湯啦！一飲啖湯,有種鮮甜清清地嘅牛肉味,湯唔油,無咩味精.陽春麵條幼細,但夠煙韌 ,不錯! 麵會跟生菜,芽菜,木耳絲 成碗麵好大,食完好飽. 另外一個餐叫左日式漢方雞酒食配陽春麵.哩個一聽個名就知好補.日式係因為用上清酒,漢方就係指用左人參,杞子等中葯.湯底帶有輕微嘅酒味,應該係用上清酒嘅緣故,所以幾易入口.雞肉有好多件,肉質嫩滑,相信係落左單先加d雞落湯到煮嘅! 未夠候,叫多左個小食,梅貴豬扒.小食$27蚊都幾貴,所以都係跟餐抵d.豬扒係用左靚豬肉,入口係幾嫩.食落有種話梅味,但相比前兩款,豬扒就有d失色. 跟餐可以優惠價$9飲冬瓜茶.可惜,杯野真係過甜!

本身在士林棧 附近住，見它標台式牛肉麵，又強調無味精。單這點已很少有，定要試下，看是否堅料。原來主廚曾在台灣工作學藝，多年後回港，希望在港再改良台式廚藝，服務本土，迎合本地口味。今天，叫了筯肉双雄，配陽春麵＄44，即牛展加牛筋。首先，麵送到面前，就聞到少少藥材和肉香，很吸引。喝了幾口，很正！濃郁而不肥，之後都無口渴上喉，無味精過關。牛展本身就比牛腩高一級數，價錢也是。肉冧而中央有嚼囗，很回味。筋也煑得冧而不散，火喉剛好。整體湯頭及牛展，算是區內數一數二。飲品是自家製秋梨水＄11，非常天然淸甜。中醫每到秋冬，就叫人吃梨，淸潤養生，合時好味，因而叫「秋梨」。整體覺得，經濟又美味。無味精非常難得，牛展煑得很高水準，湯頭美味且可完全喝，麵就平均水平以上。

小妹喜愛台灣，時常和閨密去遊台灣。家在附近，以前來過士林棧 ，聽說有新餐牌，又改良了湯頭，決定相聚後一齊再次來到士林棧 。小店無添加味精，並吸引了唔少名食評人來過。牆上也有幾份日報及雜誌的勁推介。店招牌菜是台式。米線比較爽口，麵偏冧及吸湯汁。我們2人，各點了牛展麵及牛展米線，並分享一杯黑糖冬瓜茶(新出品）。 食物送來，即刻聞到有淡淡藥材香，原來有當歸、川芎等藥材，這是以前沒有的。湯汁入口留香，淸甜有鮮肉味，持久不散，比上回進步。跟著，再試牛展，很有驚喜，比以前更大條。入口外面軟林林，中間有嚼口感，紅燒汁滲出來，非常滋味。我倆分享食，果然是米線爽韌、麺軟林吸汁，各有特色。份量很多，我們都吃不完，但湯汁喝了8成，不覺囗渴。冬瓜茶則是冬瓜打碎煑熟，加黑糖後冷藏。入口感覺如清泉直入體，果然消暑氣，透心凉。保留了冬瓜蓉，口感細滑，中意。這次算是不枉再來。我去過台灣的永康幾回，與士林棧 各有特色。可能是香港人，更覺眼前的有多D好感。姊妹第一次來，喜歡牛展米線。well，口味不同，各適其適啦！

小弟熱愛台灣，很多人也知道，當然，也愛台灣美食，可是香港大多台灣料理，做得不太像樣，比較近似的，大抵是砍掉重練的程班長。當我收到位於大角咀的士林棧試食邀請，在電郵上寫明是台式港味，想也不想，即刻full stop。拒絕了邀請之後，店方鍥而不捨，嘗試說服我回心轉意，更給我看看有關報章的讚美文章。。人總是好奇，既然店方信心爆棚，趁這晚沒有約會，便獨自來看個究竟，不過，我沒有應店方之邀請，純粹以普通食客身份赴會。面績不大的小店，牆上掛著台北的照片，名為士林棧，當然是向士林夜市致敬，老實說，士林夜市早已成為明日黃花，身邊的朋友到台北旅行，十個有八個也不會去士林，剩下的兩位，就是第一次去台北，抱著到此一遊心態。尤其是士林早已被大陸客佔據，這些過氣的名詞，任由他們潮聖到夠吧。回到大角咀的士林棧，標榜不含味精，吃得清淡，健康一族，應該會拍手掌。招牌牛鍵。。。。不是麵，而是米線！！！如果不吃米線，可以選擇陽春麵，或者烏冬。台灣牛肉米線，我還是第一次見，難怪店方理直氣壯，說明自己是台式港味，我問過一些台灣朋友，到底台灣有沒有牛肉米線，他們說沒有這種怪東西。既然開宗明義走健康，港味路線，也不必太過執著，不