大一海鮮火鍋料理 (已搬遷) 新店位置

星期日係好朋友生日，佢話想食好野，又要係尖沙咀食，一早約左朋友仔上呢間第一海鮮火鍋平時去打邊爐其實好少食刺身，因為感覺好參次！朋友話今日想食刺身，所以我地就決定一試！上到台見到好似好新鮮咁，我地先食拖羅，嘩！咩料！好好食，勁新鮮！牡丹蝦超級新鮮，而且一啲腥味都冇！勁爽口，原來侍員話係新鮮即劏，正！吞拿魚都係勁新鮮！我地想清清地，所以叫左魚湯湯底。有勁多海鮮，意想唔到。我地先飲左個湯同食左海鮮先，湯好有魚味，好飲！大大隻蠔，海鮮新鮮！飲飲下湯侍應拎左個炸野過來，我地以為攪錯，原來係頭先牡丹蝦個頭，完全唔會浪費好野，好香口！黑松墨帶子餃，大大隻！而且黑松露味勁香，同埋真係見到有帶子牛丸同松露芝士墨魚丸，牛丸食得岀係靚野，勁彈牙，芝士松露墨魚丸朋友勁讚，話好好食，材料勁多！有好多芝士同墨魚粒頂級手切肥牛，我地2個女仔係到狂食，因為比普通肥牛好食好多！食左咁多肉，就緊係要食返個菜清一清啦女皇粉，個名好有氣勢，可惜我地食得太飽，食唔晒個粉，但其實係好好食的

呢間打邊爐同事極力推薦我去食, 佢話好好食, 仲建議我BOOK左位先, 因為好旺埸前2日我就打去BOOK定位, 所以去到唔洗排隊就入到去坐低啦侍應安排我地2個人坐卡位, 卡位勁大坐得好舒適有清酒飲侍應好快就拎醬料上來比我地湯底有好多款, 我地選擇左番茄海鮮魚湯,火鍋配料有好多, 睇到心大心細, 可惜我地得2個人, 叫唔到好多野食.同事話呢間餐廳魚生剌身好新鮮, 所以我地都叫左來試下拖羅入口即溶, 好香油脂味!!!蝦剌身真係新鮮到不得了, 我地見到個蝦頭D鬚仲跳跳下咁, 未死. 蝦剌身勁爽口, 極美味蝦頭炸返來食, 好香口湯底有好多海鮮, 有蝦, 大蜆, 蟹, 九肚魚, 仲有好大隻桶蠔. 全部食落去都好新鮮, 鮮甜, 唔霉!!!魚湯好好飲, 一D味精都無!!!頂級新鮮手切本地肥牛(細), 份量多而且唔肥, 每一塊都切到好大塊, 碌幾下就食得啦, 好正!牛筋丸好彈牙, 黑松露帶子餃大大隻, 多料! 疏菜有幾款, 份量多到我地2個人食唔晒, 有點浪費...女皇粉食落去好似薯粉, 幾好食!松露芝士墨角丸勁正, 食到有好多墨魚粒, 芝士流晒出來, 好食到停唔到口呢壺係紫背秋葵, 味道有D似酸梅湯

収工後與同事相約到尖沙咀一間火鍋店打邊爐。朋友介紹這間火鍋店剛好開張2週年。有很多優惠，平日去每天有7折，每晩九點九后仲可享受6折優惠。火鍋湯底有很多選擇，食物亦很多原化。店員服務態度一流，細心為我們介紹很多特別的火鍋材料。我们点了一个鸳鸯火锅汤底（黑松露杂菌汤及杏汁猪肚汤）。 食物点了大鱼下巴，冰镇南非鲍鱼仔 配以酱汁由鲍鱼胆制练完成的，可以提升鲍鱼鲜味。日本三重县蝾螺 黑松露带子餃本農黑毛猪雲吞皇椒盐粟米黑松露芝心墨鱼丸蟹膏猪肉丸本地手切肥牛黑毛猪腩片蔬菜拼盤仲有火鍋店也提供很多不同的清酒、紅、白酒、啤酒合曬喜歡飲酒的朋友。有機會一定會再黎品嚐其他火鍋湯底啊！

今晚朋友介紹來到尖沙咀寶勒巷吃宵夜，這間環境舒適, 坐位寬敞的火鍋店的宵夜時段每晚9:45pm開始，全單6折，非常抵食！近窗4人卡位闊落舒適, 另外亦有數間包房，最啱多人聚會談天說地。先來一客冰鎮南非鮑魚仔 $194 + 日本三重縣蠑螺片$184 ~ 靈魂醬汁由鮑魚胆製練而成，絕對能夠將鮑魚味提鮮，濃郁回甘！蠑螺片爽口微彈， 鮮味十足。黑松露雜菌湯底 + 杏汁豬肺湯底 ~ 兩者均用料豐富，第一次品嚐以香氣四溢的黑松露為湯底，感覺新鮮 。而杏汁豬肺湯亦輕盈幼滑，清新淡雅，各有千秋！頂級新鮮手切本地肥牛$269 (小) ~ 油脂均勻，牛味濃厚，入口滑溜！松露芝士墨魚丸併日式蟹膏豬肉丸 $139 ~ 兩者都是新鮮手打自家製丸。 個人較喜歡松露芝士墨魚丸，墨魚丸內有彈牙墨魚肉粒，配合軟滑芝士，有不同層次的口感，令人一試難忘！鮮嫩魚下巴$129 ~ 名副其實，魚肉滑溜又鮮甜, 完全沒有腥味！椒鹽粟米$69 ~ 蒜香撲鼻， 粟米香甜可口，令人難以抗拒！飲品還有我至愛的紫貝天葵 $39/瓶，酸酸甜甜零舍醒胃！超滿足的一夜， 以後又多一個新的夜蒲點 👍👍

幾個 閨蜜相約到尖沙咀晚飯，朋友 推薦左火鍋料理]表示用料靚，新鲜，收費合理，大家都有意一試！到左期待嘅時刻各人都準時到達……上到二樓環境不错夠光猛，有廂房有適合大伙聚會嘅大圆枱易有卡位，更有海鲜大 魚缸， 牆上貼滿城中名人到訪照片，我地倚窗卡位而坐，感覺開揚舒適！開始選擇什麼湯底，睇Menu有十六款咁多供選擇……最後决定選左盌盎鍋~野菌黑松露湯 拼 杏汁白菜豬肺鍋 $189杏汁夠潤肺，野菌黑松露清香 撲鼻！黑毛豬 $239 切薄片喺湯上輕輕一灼，入口鲜嫩！ 手切頂級新鮮本地肥牛 $ 269 (小)鲜嫩軟滑，肉味濃！非常鲜味！！好唔错！！ 手打 黑松露芝士墨魚丸 拼 日式蟹膏豬肉丸 $ 139口感難忘！松露芝士墨鱼丸彈牙帶有粗粒墨魚所以有咬口中又帶松露香氣，中間熱溶左嘅芝士好香滑！多重口感層次！ 用左蟹膏做餡料嘅豬肉丸~好有創意！初次 品嚐到，蟹膏嘅獨有鲜甜味令到肉味更提鲜！讚！！蔬菜拼盆 $79啲菜索左湯底啲精華清甜又爽口！有多種餐酒，飲料，甜品提供選點，除左火鍋仲可以叫小菜，燒物……等。環境唔嘈雜，今晚女仕門邊食邊 傾， 感覺 滋味 又開心！滿意！

幾個朋友收工後，約了去這間火鍋店打邊爐，一邊聊天，一邊了解近況炸芥末蝦丸：非常新鮮，即叫即炸；而且係蝦丸入邊加入芥末，食起來攻攻地鼻，感覺幾過引。大一花甲皇蟹鍋：個湯底一到，這裡的侍應都急不及待叫我們立即試試個湯！那個湯材料豐富，有大量的花甲同蟹，使到湯好鮮甜，而且有好多蘑菇仔，好爽脆。那個湯我都忍唔住喝多兩碗！牛魔王拼盤：這個拼盤有四款不同的牛肉，包括有牛胸爽、牛脷、本地牛和安格斯牛肉粒。奶白色的肉是牛胸爽，牛胸爽即是牛的胸部兩排肋骨中間的肉，爽口甘香而不油膩。牛脷就最爽口。而且本地牛雪白分明，重牛味而不肥膩。鵝肝墨魚丸拼牛筋丸：我相信這這丸，都是手打出來的，爽口而又彈牙。而且啡色的牛筋丸，咬開時肉汁隨即爆出來。黑松露帶子餃拼麻辣餃：兩種餃都一樣，皮薄餡脹，而黑松露帶子餃，有極香的黑松露味。鮮嫩魚下巴：這個是是日精選！這個餸極為珍貴，因為每一條魚只有一副。魚下巴肉質鮮嫩，有彈性，而且沒有骨，愛吃魚但怕有骨的你，可以放心吃吧。頂級澳洲黑豚肉：黑豚肉脂肪層層分佈，入口即溶。最重要係過了晚上10時入座，全單有6折！好抵呢！！！

朋友邀請至大一火鍋晚飯。第二次重遊, 要試下大一其它好野！今次湯底揀左鴛鴦，黑松露湯底併香茜皮蛋，例牌湯底上枱，每人一碗香噴噴黑松露湯，先飲為敬！ 火鍋點少得肥牛，大一嘅牛肉唔算肥但夠鮮嫰！鵝腸亦係唔少得。新鮮手打牛丸肉丸！ 仲有食過心掛排嘅黑松露餃子🥟今次驚喜食物 - 女王粉，白雪雪、滑嫩嫰。煮熟後晶瑩剔透，煙煙勒勒，好奇一問，是他自家製而且工序繁複，麵如其名，女王另一驚喜就係個甜品雪芭！ 點了個蜜桃🍑雪芭！上到枱係一整個蜜桃，內含雪芭！雖然係雪芭，質感郤非常滑溜，尤似雪糕，直頭香到我食左個桃！ 實在太滋味。 另一超級推介，9點45 分後入座，真係抵到暈！

環境唔係太大，但望落去原來係有少少日式嘅風格，座位以卡位居多，坐落都幾舒服，好適合大家傾下計飲下酒。 打邊爐前都都叫咗啲野食醫下肚，椒鹽粟米都算係創意料理，食落勁香口，而粟米又有啲甜味，食落幾暖胃又唔佔胃口，幾有趣。 初頭都唔係好有期望咁叫咗啲刺身，但食落真係驚為天人，刺身嘅級數比起真正嘅日式餐廳可能仲要高。呑拿魚超級肥味，油甘味好正，大蝦食落嘅肉質好結實，超級實在，從來冇食過呢個質感，聽說係啱啱生剝嘅，所以特別生鮮。 湯底試咗個野菌黑松露湯鍋同麻辣鍋，特別嘅係野菌味道真係十分濃，雜菌用咗超級多，湯底唔單止煲咁簡單，仲打溶咗啲茹一齊煮，特別入味。食材都好新鮮，本地黑毛豬十分推薦，切得好薄，方便去淥，油脂分佈都好平均，彈牙得黎豬味亦都好濃郁，一啲都唔會油膩。仲有個wasabi豬肉餃，平時可能有啲餐廳都有，但呢個真係唔講得少，wasabi係完全見得到嘅綠色，刺激得黎又好食過癮

雖然近排天氣有D熱,但都無損有吃火鍋既心情 今日咁岩收工約埋班同事食飯 咁岩經過見9點9後入座全單6折先講這間大一火鍋地點, 係寶勒巷萬事昌廣場一入,左面有LIFT上2樓就見到！地理位置非常方便,打完邊爐, 寶勒巷附近飲返杯都仲得首先點左渣檸檬薏米, 解渴生津得黎又健康吃火鍋最緊要當然個湯底 海鮮控可點花蛤王蟹鍋 蟹味濃郁, 加上有小小黑椒,好醒胃吃火鍋主菜又點小得肥牛難得6折,平時捨不得嗌既都通通唔放過點左牛魔王拼盤, 一次過滿足你四個願望:-牛胸爽(即橫隔膜位置), 好爽口彈牙, 滾一滾就可即食-本地手切肥牛, 色澤紅潤, 小肥膏-牛舌, 又系爽口彈牙-安格斯牛柳粒, 厚切 身為一個肉類愛好者, 又點會得牛咁寡, 當然唔小得豬肉澳州黑豚肉, 賣相同味道都頂級若果你系魚愛好者, 一定會鐘意呢款- 魚下把(簡稱魚三角, 因為呈三角形) 而且每條魚得一個, 非常珍貴, 食落口都啖啖肉 及鮮味十足最後怕唔夠飽, 點埋特色之一女皇粉 只要放落湯到滾一滾, 面變成透明狀就食得 口感非常煙韌

大一主打多人聚餐，裏面有很多箱房，很適合一大群朋友一齊來吃飯有很多日本的酒可以選這個鍋有很多料，例如豬肚、雞、黑椒、支竹、竹笙、杞子、蔥，全都是我喜歡的！店買建議我可以先把湯喝完再用加豬骨湯作為火鍋湯底，滾了一陣子已有一點油，所以建議各位把油弄掉再喝湯，湯真的很濃，而且很辣，有很暖胃的感覺，雞很滑，很多雞脾肉，豬肚很是很厚的，咬感特別好！喝完湯後，就有一大碟的魚鮫，魚鮫上有一大埋炸蒜蓉，下面有大概七件魚鮫，魚炸得十分香脆，但是魚還是很滑很滑，而且充滿著蒜味墨丸中間放了鵝肝，還是第一次吃到，一咬下去，先是一種很甜的味道，墨丸很爽，然後就吃到啖啖的鵝肝味，牛丸也不錯，很種牛肉味，但注意不要把它煮太久，不然會太老餃子的皮很簿，精凝通透，而且黑松露餃的菇味很濃菜很新鮮店員說這個牛肉的部位是較肥一點肉是每天從新界運到的這個麵是由澄麵造成，吃的時候會有很q的感覺

小菜椒鹽粟米，有驚喜，食落不會油，香脆外層，蒜香惹味刺身有驚喜！拖羅油脂味好濃，係口腔揮之不去，有驚喜！牡丹蝦口感扎實，帶鮮甜松露湯底！大推！超重菇味同松露香！😍😍而且好足料，好多種菇吖麻辣湯底，店家自己炒香過，食落帶麻又辣本地黑毛豬肉片，比較少見！豬種黎自西班牙～薄身得黎帶肉香，好索湯汁新鮮本地手切肥牛，淋身得黎充滿肉香，牛肉味重芥茉蝦餃王！芥茉超重！食落好刺激😍蝦身大隻爽口，皮薄餡多松露芝士墨魚丸，超好咬！口感豐富！加分！松露香外，仲有芝士添汕頭牛筋丸，新鮮手打，質感扎實彈牙，多肉汁晚上9半後65折！會更抵食吖！推介

今日3個人收工，約左尖沙咀食飯，轉左幾個圈都想不到食甚麼好，於是上openrice 搜尋一下，發現附近有間海鮮火鍋店評價不俗就過來試試。上到黎發現呢度有好多唔同種類嘅酒可以飲，不過可惜嘅係聽日仲要返工，所以都係睇下就算。結果我地叫左紫背天葵飲，飲落清清地，唔太甜，唔似出面咁落好多糖。紫背天葵湯底就簡左胡椒豬肚雞湯材料豐富呀有竹笙、支竹、豬肚、同埋大約半隻雞食落問侍應點解隻雞可以咁滑，原來係因為用左嘉美雞1，唔怪之得咁滑胡椒豬肚雞湯飲落口每一啖都好暖胃飲完個湯之後就正式可以打邊爐啦皇帝菜(茼蒿)鵝肝墨魚丸併和牛牛筋丸 --- 食嘅時候要好小心，因為入面會爆汁出黎，唔小心就會燙到女王粉 --- 食落水感似紅薯粉，煙煙韌韌，唔錯頂級新鮮手切本地肥牛黑毛豬 --- 薄薄嘅一片好快就有得食黑松露帶子餃拼黑豚雲吞王 --- 一咬入口黑松露味就湧出來，已經完全蓋過了帶子味 而雲吞王入面有大大隻鮮蝦喺入面，勁彈牙再加上一個小食椒鹽魚下巴就為今餐作結。食評以外，另外每張枱附設嘅隔油工具非常好用，值得一讚

難得約埋三五知己收工聚聚舊，選擇咗一間幾有名氣既火鍋店,名字叫做大一十一點幾黎到，人唔算好多，而餐廳非常光猛，座位係非常寬闊，坐得好舒服，頭盤點咗一款熱食-炸芥末蝦丸，非常爽口彈牙，而且非常熱辣辣，個口會出煙四個人選左一款招牌既湯底，叫花甲皇蟹鍋，非常足料，服務員叫我地享用火鍋之前，必先試下佢地落配料呢個湯底。嚐一嚐發現果然鮮味十足，個湯非常鮮甜，花甲帶出鮮味，蟹肉帶出清甜，配搭非常出色!湯底有胡椒味，所以完全無腥味再來主打的牛魔王拼盤，有四款牛包括有牛胸爽，本地手切肥牛，牛脷和安格斯牛肉粒，各款牛肉都巾幗不讓蘇眉，我最喜歡本地手切肥牛，重牛味而且爽口彈牙!女王粉，是師父精心制作非外間購入，特別爽口，粉吸收晒湯底既精華，好清甜Q彈!黑松露帶子餃，極重黑松露香味，而且皮薄足料，非常飽滿!鵝肝墨魚丸拼牛筋丸，牛筋丸是我很少稱讚的食物，這個牛筋丸平面平平無奇，其實內藏玄機，裏面充滿肉汁，而且彈牙!頂級澳洲黑豚肉，軟軟口感，感覺不樣豬肉，但是很香!魚下巴（三角） 很少見而且珍惜的食材，放窩內滾也不易散，而且鮮甜無比。蔬菜拼盤有幾蔬菜，全部都非常新鮮呢個係魚既下巴肉,又名為三角,我都係第一次食,

朋友生日想打邊爐，搵黎呢間試試佢，某幾款湯用openrice coupon有半價。店內寬敞，唔會逼，當晚幫襯散客唔多，但係VIP房幾乎都有人。（就咁觀察，私隱度都幾高，門會常關）裝修融入中日風格，有周圍都係日本清酒樽，亦有中國流水式嘅風水擺設。上圖可以見有獨立嘅VIP房，而散座有卡位同圓枱。價錢係單點邊爐中稍為高啲，希望一分錢一分貨啦先係醬料，選擇唔多，我地覺得麻醬好淡味，其他亦算一般。湯底係金湯腿翅鍋，湯味好夠濃，金腿嘅味出哂黎，翅夠入味，而且份量唔算少。而加嘅湯用上湯，記得係加上湯前盡飲原湯，畢竟味道會唔一樣。安格斯牛肥膏分佈唔錯，好有口感，有水準。野生竹笙好大條，亦夠爽口。四寶餃餡夠多，記得煮耐小小。豬肉夠簿，味道唔錯。墨魚滑份量好多，夠咬口，好味。甜品叫咗椰子雪葩同埋蕃薯雪榚，兩者都好特別，味道都ok。

星期四晚上10點後，我推介朋友來大一吃火鍋，我告訴他10點後有六折，如是者他10:45pm來到大一門口，問職員拿餐牌看看，及後再確認她（看似國內女士，不太流利的廣東話）是否有六折，職員竟然很沒禮貌地說沒有的叫我朋友走。明明貴店在Openrice大字標明晚上10:00後有六折，為何員工要那樣對答，如果不稀罕10點後的生意請你們不要再有這種優惠了！此店我一直有光顧，食物質素也很好，但經過我朋友今次的經歷，以後一定不會再來。