大笪地花膠雞

营业中

休息中

辛苦搵來志在食，今晚就去食雞煲打邊爐！呢間大笪地打邊爐地方都幾大，仲有個魚缸可以叫新鮮海鮮，正呀！第一時間梗係揀個湯底啦，佢寫明全部不含味精，最後揀咗店長推介嘅「大笪地花膠濃湯雞鍋」，可以揀半隻雞（$218）或一隻雞（$388），今日人唔多就叫半隻雞，加埋其他嘢其實都好夠食。深黃色嘅湯底，果真係濃湯，唔知佢用咗幾多隻雞先可以熬出咁濃雞味，真係忍唔住要飲多幾啖，而且花膠都好大隻，湯滾好後，店員主動過嚟把雞剪開，服務唔錯，雞肉都算幾滑呢！另外叫咗美國肥牛（$78 ），分量OK，雖然係普通肥牛，不過質量都唔差，唔會肥到入唔到口。手打鮮蝦丸（半打$78 ），好大粒而且非常彈牙，好好味呢！娃娃菜（ $35 ）都好大碟，又夠新鮮。

天氣開始涼涼地，去打邊爐就最啱啦，呢間大笪地嘅打邊爐好唔錯，佢嘅花膠濃湯雞鍋湯底真係超正，好似飲緊屋企嗰啲老火湯咁，而且啲花膠勁大隻，三百幾蚊一隻雞，相當抵呀！食晒隻雞已經飽咗一半了😆除咗平時嘅火鍋材料，呢度仲有海鮮套餐，鍾意嘅可以自己去魚缸度揀，最後我哋叫咗個海鮮孖寶：象拔蚌刺身+四隻聖子皇（ $468 ）。象拔蚌刺身份量好多啊！而且薄切冰鎮，非常爽口鮮甜，好耐未食過啦！點Wasabi豉油就咁食又得，擺落個鍋快灼兩下食又得，好正！聖子皇都幾大隻，淥一陣已經食得，彈牙可口！當然其他火鍋配料都好味嘅，而且都唔算貴，例如海膽包心丸半打（ $30 ），爆餡多汁。脆肉鯇魚片（ $58 ），估唔到咁大碟，而且好新鮮。娃娃菜（ $35）份量都多，都甜呀！

好鍾意打邊爐，尤其注重湯底，友人今晚帶我來大笪地花膠雞，佢話我一定滿意。店子的佈置頗有60年代大笪地風味，黄和橙色鐵凳，黑白格子地，愈夜愈多人，真是熱鬧非常，很久已無試過這種氣氛。這裏的火鍋湯底共有十七款之多，强調不含味精，先飲湯，後打邊爐，咁我地就揀左“店長推介” 大笪地花膠濃湯雞鍋。大笪地花膠濃湯雞鍋$218~隨鍋附上半隻雞和一碟花膠，花膠筒份量頗多，放入雞湯鍋內滾數分鐘就可以先飲湯。細到大都好喜愛飲雞湯，而自己亦會在家中煲雞湯，所以分辨得出這個雞湯真是完全無落味精(飲後一點也沒有口渴的感覺)，而且鮮甜美味，雞味香濃，亦帶一點點黏口 ，好像將所有精華也集於一身，所以在打邊爐前我和友人每人都先飲了2碗雞湯。雞肉的肉質嫩滑鮮甜，而且有雞味，花膠筒雖然細細隻，但口感軟滑，頗為滋味。手切安格斯牛肉$188~脂肪分佈平均，肉質軟腍有咬口，牛味濃郁，份量頗多，抵吃!手打鮮蝦丸$78/半打~手打蝦丸爽滑彈牙，食到鮮蝦味道，好好味。炸響鈴$45~炸響鈴又薄又鬆脆，浸在湯中豆味香濃，煙韌有頭，正。生根$35~這個生根新鮮無油溢味，索滿雞湯非常滋味。唐生菜$35~食埋新鮮的唐生菜已經非常飽，但都不

真係好足料，花膠份量足，有咬感，雞湯好味，有黏口既感覺 其他食材都好新鮮，脆魚鯇片爽口彈牙，手切安格斯牛都好新鮮，牛味重仲有薑汁皮旦貢丸都好值得試，重薑味，juicy

一早已經約定朋友今晚去旺角既大笪地花膠雞, 今次係衝住佢既花膠雞鍋而來既, 6點幾上到去以為自己好早, 點知 已經半滿座, 氣氛好熱鬧, 7點多既時候見到D人WALK IN都已經要等LU! 所以都係BOOK定位穩陣!幾乎每一枱枱上面既都係一鍋花膠雞, 自己個鍋未泥既時候係咁聞到人地D雞湯香味, 好期待!濃湯花膠雞鍋半隻雞加一碟滿滿既花膠, 湯頭呈金黃色, 店員會幫手將花膠放入鍋同埋將雞剪成件。滾起後飲得! 雞湯香濃無比, 非常鮮甜, 而且入口好RICH, 好似飲緊成煲精華咁! 原本以為雞件咁滾住會有D老, 點知肉質出乎意料地嫩滑, 加埋沾滿雞湯, 好好味呀至於花膠都唔係流既, 份量多而且件件都大塊, 可以唔洗懢住食, 好爽! 雞湯質感仲越煮越杰, 飲完個咀黏黏地咁, 膠質超豐富~~我地特登飲左半煲湯左右, 留番半煲黎食火鍋料, 因為想原汁原味呀麻! 桂花蚌 $138灼一灼食得!爽口帶彈牙, 鮮味而且帶甜味,  好新鮮!美國桶蠔 $138驚艷到我既桶蠔!! 十分推介!! 估唔到份量咁多, 有成10隻桶蠔, 雖然佢唔係我食過最大既SIZE, 但係隻隻都肥美飽滿, 烚過後都幾乎冇縮水, 依然

天氣開始涼，就去打個邊爐暖暖身，餐廳好colorful，有卡位有房，而枱同枱都有距離，唔會坐得好迫。早左去任揀位，一到七點已經坐左大半，建議黎食訂定枱比較好。係收銀旁邊有魚缸位比你揀新鮮海鮮，價錢合理，見有唔少人去揀。第一次黎食一定一定要試花膠雞湯，味道一流。今次一鍋四配菜，連加一每人平均$250。大笪地花膠濃湯雞鍋 $218一黎已有半隻雞隨鍋送到，連一碟花膠，侍應即時幫手剪開雞。湯望落好黃，但一攪就見到入面奶白色，飲落好滑口雞味濃，完全唔覺得油唔覺得鹹。煮多陣花膠開始溶溶地，呢個時候個湯就更加濃郁好味，會飲唔停，即刻覺得好補。蟹籽墨魚滑 $78彈牙爽口基本，而味道就比一般更有墨魚味道同鮮味，食得出好足料。豆苗 $40睇得出原先好乾身，落湯到愈煮顏色愈綠愈有光澤，好嫩無渣，仲帶有甜甜地。芝士流心牛丸 $42 (6粒)中間個芝士流心，可以拉到好長，好似平時芝心丸，但配落牛丸到多左肉汁更加好味。美國肥牛 $78正常味道，打邊爐必點之一，呢到比平時食既大塊好多。

大笪地難得星期六放假當然係同女朋友食餐好㗎啦今次呢就朋友介紹去咗旺角一間好出名花膠雞煲試吓餐廳非常之貼心又可以送口罩套同埋濕紙巾坐低立即叫咗個花膠雞煲試吓試花膠落足料，而且雞都有半隻兩個人食一定夠食，水滾之後立即飲咗個湯先我同女朋友差唔多飲晒成煲真係好好味，好有花膠味美國肥牛 78厚切肥牛，牛肉味超級足娃娃菜 35白柏葉 48手打烏冬 22用咗高質嘅手打烏冬打邊爐食非常之幼滑豆苗 40新鮮豆苗好好味整體黎講水準偏高，鍾意食花膠雞煲嘅朋友一定唔可以錯過

終於有啲秋意了又係時候開始火鍋嘅日子了咁乾燥 緊係要叫個滋補湯底潤下今晚同埋媽媽去左旺角大笪地 叫左佢地最出名嘅花膠濃湯雞鍋湯底由鮮雞煲成 入口喉嚨完全唔會乾証明無味精 除左有半隻嫩雞可以食之外重有一大碟花膠一齊煲店員推介我地飲多幾碗先開始火鍋飲完即刻暖粒粒 重feel到好潤打邊爐又點少得至愛嘅牛呢 我地叫左安格斯入口嫩滑 口味又濃 配埋個湯底一流另外叫左佢地推介嘅松茸鮮雲吞 勁大粒入口好香 而且啖啖肉最後叫左豆苗 大大碟 好抵食

一直有聽朋友提及大笪地雞湯同配料都好正，今日同朋友決定happy thursday黎食下提提大家記得預約，我地坐到7點半左右都幾乎滿座首先送個食物全家幅俾大家睇下，我地order 左花膠濃雞湯，手切頂級牛頸脊，蟹粉蝦餃皇，脆鯇片，蜂巢豆腐，皇帝菜一般打邊爐配料都有花膠濃雞湯一上時，花膠係另上的店家建議我地飲湯先，飲落雞味十足又唔口渴，好住家老火湯feel飲完湯店家會幫我地剪開隻雞，方便進食花膠真係好多！手切牛頸脊超級好味！！！牛味十足，厚薄適中，無得輸每塊都好大塊同埋厚薄如一第一次食咁厚咁大既脆鯇片，超大份，都好夾雞湯豆腐一索d 雞湯又係完全忍唔到口，一粒接一粒蟹粉蝦餃皇好大粒，入面有成隻大蝦，蟹味亦好濃厚估唔到每樣野食都真係咁出色，遲d 限聚令放寬要叫多幾個friend 一齊試埋其他料！！！

秋風起，緊係要打邊爐，今次就試左大笪地。大笪地係雅蘭中心隔離街，都幾方便就腳。大笪地花膠濃湯雞鍋 半隻 $214店名叫大笪地花膠雞，緊係要試試佢，簡咗大笪地花膠濃湯雞鍋做火鍋湯底，滋補養顏。我地2個人，叫半隻已經夠。待應即係上左一碟花膠同雞鍋。滾咗之後就叫我地試左個湯先，個湯好濃好夠味，一飲就知足料。美國肥牛 $78大笪地的肥牛，肉的比例比較多，唔會剩係得脂肪。羊肉片 $68羊肉就唔算好騷，怕騷的朋友應該都接受到。西班牙橡果黑毛豬 $108橡果豬食落好重豬味，如果煮得啱啱好，會好嫩滑，但煮耐左好易變瘦肉。金牌牛肉丸 半打 $30牛肉丸彈牙，浸埋雞湯啲雞汁吊返個牛味出黎。豆苗 $40蘿蔔片 $35蘿蔔片建議一開始就放落去，打邊爐打到後半部份差唔多就可以食，會冧啲同入味啲。紅薯粉 $32簡左紅薯粉，唔會咁索油同比較Q彈，咬落有口感。同場加映: 其實除左餐牌上面果啲，大笪地另外仲有海鮮，可以係旁邊水缸簡。

今日去左旺角做嘢，難得早收工，約咗個朋友去「大笪地火鍋」打邊爐。6:30左右去到門口等朋友，已經聞到店裏面傳出嚟嘅雞湯香味。一陣一定要點呢個花膠雞鍋試吓先。坐低之後店員介紹原來呢個濃湯花膠雞鍋係優惠期間係免費送嘅。望下個餐牌都有好多特別嘅火鍋配料可以選擇，因為我哋得兩個人，所以我哋今次重質不重量，選擇左一啲比較少見嘅菜式。濃湯花膠雞鍋裏面除咗有半隻雞之外，仲有好多花膠。特別吸引嘅係佢金黃色嘅湯底，馬上聯想到豐富嘅骨膠原，而且雞湯口感非常濃郁，簡直係各位女士嘅恩物。配菜方面我哋點左牛胸爽、薑汁皮蛋貢丸、蟹粉蝦餃王、松茸鮮雲吞、沙爆魚肚、皇帝菜同埋豆腐。先講牛胸爽，店員話只需要滾10秒左右便可以食。入口非常爽脆，而且唔會有油膩感覺。薑汁皮蛋貢丸我都係第一次試，大大粒貢丸包着濃郁薑汁同皮蛋，同普通貢丸實在有太大差別，因為好食到不得了。蟹粉蝦餃皇同埋松茸鮮雲吞都係師傅自家製，每粒都有原隻大蝦，好足料。而且蟹粉同埋松茸嘅鮮味同蝦配合剛剛好，打邊爐必點之選。沙爆魚肚細個果時會叫佢做棉花，夾上嚟果陣時索哂雞湯裏面嘅精華，真係入口即溶。打邊爐又點少得豆腐同皇帝菜呢，菜幼嫩又鮮綠，豆腐又有濃郁豆香味，十

秋高氣爽，除咗燒嘢食，當然少不了打邊爐。約咗朋友近近地去了呢間大笪地火鍋， 環境還挺有風格特色的。天氣涼涼地，梗係嗌個花膠濃湯雞鍋，選用三黃雞，肉質較嫩滑，配上大隻花膠，湯底濃郁帶膠質，滿滿的膠原蛋白，太好喝了。蟹粉蝦餃皇，整隻餃十分飽滿，裡面是蟹粉、蝦肉和豬肉，材料比例和味道都調得剛好，這個真是很可以😋😋脆肉鯇魚片，份量還蠻多的，而且很大片。涮3分鐘左右就可以吃了，口感鮮甜爽口。薑汁皮蛋貢丸，這個要小心一點吃，薑汁會爆出來，夾著小塊皮蛋，彈牙可口。吃左咁多肉，都要點些蔬菜 balance吓，芫茜幾新鮮，喜歡那個獨特的味道，且有豐富膳食纖維和營養素。整體都好滿意呢個花膠濃湯雞鍋，料靚，CP值滿分💯！！

旺角飛達大廈有不少美食餐廳，不過還未有ＬＩＦＴ，所以要走電梯上，比較麻煩。但就因為這樣，給我找到了這家CＰ值比較高的大隱隱於市的火鍋餐廳未夠１８：００到場還未有人，但到了１９：００就全院滿座了！選擇不少，但都是傳統的那些火鍋料，而醬料則有辣椒，蒜頭，炸蒜跟青蔥，全部都夠新鮮！但當然要選招牌：花膠雞湯（半隻）＄２１８！那半隻雞肥美而肉嫰，姐姐還會主動幫你剪開一塊塊，湯底從一開始滾起就可以喝，雞味超濃，上面那塊薄膜就是雞油，要去油超易！＄１８８ 手切安格斯牛肉厚切牛肉，油花漂亮而且入口細軟，加點辣椒醬油，好吃！豆苗＄４０也是夠翠綠，用雞湯煮特別正是晚最佳，蟹粉蝦餃皇＄５８，蝦肉大隻而且彈牙，豬肉比例佳，蟹粉的味道夠濃，而且夠皮薄也大隻，有驚喜！最後以手打烏冬＄２２作結，只要夠彈牙，再加上雞湯就成了！不用配料也不錯

又到打邊爐既季節，所以近排多左打邊爐！今次來到這間位於旺角的樓上火鍋店試試！餐廳座位都算幾多，8點左右來到都已經滿座了!餐廳有一個小小的海鮮檔給客人揀選新鮮海鮮!餐廳的名字已經能夠看出這裡出名吃花膠雞湯打邊爐，於是便了這個湯底!大笪地花膠濃湯雞鍋，我們點了半隻雞，湯底很鮮甜，有香濃的雞湯味道，而且好有骨膠原感!他們的花膠份量都算幾多，而且大舊！手切安格斯牛肉，牛肉份量都幾多，厚薄適中，油花很美!牛肉鬆軟，牛肉味濃!雞子，沒有想過有這麼大碟，而且都幾大粒。珊瑚蚌，份量都幾多，而且大塊，食落爽口鮮甜!木耳、淮山，吃花膠雞湯底當然要吃點蔬菜吸味，木耳和淮山吸收了湯的鮮甜味，食落很惹味!西班牙黑毛豬午餐肉，午餐肉都幾厚切，味道不會太咸，食落也不會太軟身!這裡的飲品大多是樽裝，有汽水、涼茶，也有啤酒類!

放工有咩好做，我就會選擇同fd 去食飯，但來來去去食中菜，壽司，西餐好悶， 咁秋風起記得緊係打邊爐最爽啦！我就同fd 去左旺角大笪地叫左個胡椒蘿蔔牛腩煲暖下身，因我地唔知個煲有幾大份量， 所以都另外叫左幾款打邊爐食品。皇帝菜，唐生菜， 松茸鮮雲吞，金牌牛肉丸，西班牙豬腩片， 沙爆魚肚。一送來搞下個湯底睇下，嘩，勁多牛腩和蘿蔔， 我地先品嚐一碗湯，再開始食牛腩， 牛腩真係好腍好入味蘿蔔冇渣，我特登叫魚肚，因佢吸湯一流🥰🥰🥰好美味呀！另外牛肉丸好爽彈， 唔係雪藏貨， 雲吞好鬼大粒，豬腩片即刨，滾一滾已經好味， 蔬菜係我食打邊爐必叫的。越食同fd 覺得越唔對路，點解個煱入面的牛腩和蘿蔔食極都有 🤣🤣🤣🤣🤣搞到我地差d食唔哂 😇下次一班人來可以叫多幾款咁就正。