大笪地花膠雞

营业中

休息中

兩公婆趁假期前出外揾食，朋友介紹左間位於旺角商廈嘅火鍋店，重點係呢間店嘅花膠雞湯底真材實料，朋友講時都已極吸引我地，決定訂位試試。放工1930 到達安排入坐，時間尚早唔算多人，隨著時間暫下眼過去已經爆場，所以記得訂位呀！ 必定要叫花膠雞，絕對係鎮店之寶，超足料，成碟花膠筒唔吝嗇，有驚喜好滿意架啦，雞湯底滾起後，店員會幫我地剪雞同落埋花膠，等滾起後就可以開動，先飲碗湯再開始火鍋，連飲兩碗，最欣賞係加湯都係保持用雞湯底，超濃兼膠質重，好鮮甜味美。兩個人未能叫大多免浪費食物，$188 手切安格斯牛肉，掂~ 有牛香味質地又軟綿滑。皇帝草基本菜蔬 $38 桂花蚌 $138口感爽脆彈牙味鮮，火鍋料新鮮就是火鍋成功之一，配埋個超濃郁花膠雞湯底更顯出色。脆挽魚片 $58彈牙超脆口 花膠雞必叫 鎮店之寶還有海鮮區比客人選自己鐘意嘅海鮮，價錢列出，豐儉由人，選擇也不少，飲品價錢算合理，還有樽裝气水添！ 調味4款無其他火鍋料咁多， 基本$12 位收費。又咁講火鍋湯底同料 夠新鮮真的不用太多調味 比影響。非常滿意 下次可以再 Encorn .

真係好鍾意打邊爐，每個星期都打邊爐我都OK。今個星期都唔例外，朋友介紹咗呢間出名食花膠雞湯底嘅邊爐店，好啱我心水！首先環境都有驚喜，有大排檔風味，而且有個新鮮嘅海鮮檔，想食海鮮嘅話可以即刻過去揀！我地2人揀左花膠湯底，有半隻雞，花膠等啲湯滾左之後先倒落去。湯滾左之後店員就幫我哋切開隻雞，再滾一滾等佢出味就可以先飲咗湯先，雞湯好濃郁，好濃郁嘅鮮雞味，而且唔會好鹹，岩岩好好暖身！花膠吸左啲雞湯之後好正！飲湯飲到未落料打邊爐已經飽咗一半🤣🤣配料方面，有《蟹子墨魚滑》$78，感覺係手打的，好爽彈唔粉！《芝士流心牛丸半打》$42，打邊爐必食嘅一樣嘢，但唔係周圍都有，一如既往牛丸好爽口，入邊嘅芝士溶咗之後可以輕微拉絲，口感好正！《蟹粉蝦餃王》四粒$58，好鍾意呢個，我喺出面未見過，可能係自家製，肉質扎實唔會散開，蟹粉味重，蝦又夠大粒夠爽，好好味。《鮮白鱔片》$98，夠新鮮，份量合理！ 總括嚟講，呢度嘅材料質素幾好，而且花膠雞真係好啱心水，下次會再來。

旺角有間主打食花膠雞湯火鍋，所以專登去試一試。入面座位好寛，坐得都好舒服。專登黎食花膠雞湯，所以湯底唔使諗，就叫呢款啦。原來花膠同雞湯係分別上枱，可以睇到d花膠幾足料，花膠勁大碟同勁厚，而個雞湯嘅顏色係黃色，睇得出雞嘅精華已經煲晒出黎，未打邊爐前飲咗湯先，個湯好濃郁，好重雞味，非常滋補，再食d雞，仲保持嫩滑，淨係飲湯，食花膠同雞，都已經飽咗一半。薑汁皮蛋貢丸,原來貢丸入面有涵，有皮蛋蓉同好重薑味，咬落去有爆汁嘅感覺。金牌牛丸，牛丸彈牙爽口。牛栢葉，一碟份量都幾多，抵食。鮮魚卜，呢款好少火鍋店食到，個個魚卜都大大個，完全冇腥味。蟹粉蝦餃皇，呢款餃非常大隻，唔怪之得叫餃皇，一咬落去d蟹粉嘅油即刻爆出黎，入面都好足料，隻蝦勁大隻，非常爽口。水魷，條魷魚酥大大條，爽口彈牙。炸魚皮，呢度炸魚皮嘅質地好薄，所以咬落去特別酥脆，浸湯吸收晒d雞湯精華，勁正。原來一蚊花膠雞火鍋，一至日全日都供應，只要4人同行，就有呢個優惠，非常抵。

天氣涼涼地最岩就係打邊爐🍲🤤整返煲養顏既花膠雞湯火鍋‼️花膠分開上 避免好快就溶晒係湯❤️可以根據自己喜好慢慢加落湯 好貼心膠質重既花膠煮淋左真係好好味😋女士必備.美國肥牛同西班牙豬腩片真心推介！無諗過價錢咁平都cp值咁高份量足夠之餘 一啲都唔hea 上枱既賣相都好靚仔肥牛肉味濃郁 厚薄適中豚肉無平時我最驚既豬味 同花膠雞湯底都夾丸子價錢都唔貴 仲有得揀半打/一打2人食可以揀2,3款丸子食半打都唔過份😏.樽裝可樂都係$10 大家都知樽裝幾時都係好飲啲！果然有大牌檔既feel啊

平時都鍾意打吓邊爐嘅我，今次由朋友介紹去左試旺角一間食花膠雞煲嘅火鍋店，唔駛問，花膠雞鍋就係呢度嘅招牌菜，不過最勁嘅係，原來呢度做緊個推廣，四個人嚟食，你就可以叫佢哋嘅一蚊花膠雞鍋，呢個價錢，唔試下又點對得住自己呢。我哋揀咗平日嚟食，因為比較容易book位，餐廳地點方便，旺角地鐵一出，行兩分鐘已經到。上到去一坐低，侍應已經叫我哋一定要試個花膠雞鍋，仲同我哋講其他嘢食可以逐樣嗌，因為個鍋本身都已經好飽，我哋四個女仔食嘅話，驚叫得太多會食唔曬。 朋友負責睇餐紙，我就負責等食，望下餐廳嘅格局，啲座位都幾舒服，而每一張枱都有消毒液俾客人使用，非常貼心。而遠處見到有個海鮮魚缸，畀客人即叫即劏，鍾意食海鮮嘅朋友，都可以bookmark依間下次嚟試下。好嘞，講返我哋嘅主菜先，雞鍋同花膠係分開上嘅，雞見到係成隻上，淨係睇湯底顏色都已經知係好濃，花膠亦都滿滿一碟，落咗花膠之後一陣，侍應會過嚟幫你將隻雞剪件，我急不及待夾咗隻雞髀食，超嫩超好味，再試埋個湯，真係好正，侍應仲提我哋可以加湯任飲唔嬲，讚！ 花膠夾起都好大件，食落好黏兼吸左雞湯鮮味，我哋四位女士，一路食一路傾，好快已經清咗成隻雞同啲花膠，到果刻都

個餐廳名叫得做大笪地花膠雞，如果第一次嚟唔點花膠濃湯雞鍋好似有啲過唔到自己嗰關，見到收銀附近啩咗一袋袋花膠，睇嚟餐廳對自己啲花膠好有信心花膠濃湯雞鍋半隻($218) 寫到明沒落味精，非常期待，講真有幾多火鍋店真係會夠膽寫冇落味精而又可以真係咁好飲，香濃奶白，飲落夠滑夠甜，一大疊花膠煮完令湯更濃，花膠爽口滑身，靚嘢，不過美中不足雞肉唔夠滑，亦有點肥見到後面張枱點了一碟白鱔片($98)，又大又靚，我們跟著也點了一碟，鱔片靚，夠新鮮，切得幾好唔多骨，推薦亦見到人哋的安格斯牛肉好靚， 不過今次想試下特別啲，點了鴕鳥肉片($68)， 都唔記得之前有冇食過，口感有點像豬肝鯪魚滑($58)一般見到豆苗($40)係熱門菜色，好少會見到有人食火鍋會推薦蔬菜，我們也跟著點了 ， 又真係幾甜，冇揸，唔錯

聚舊就緊係要要打下邊邊先夠開心我就揀左旺角呢間大笪地火鍋一入黎就有懷舊大排檔嘅感覺而且呢到份量大碟價錢合理抵食又好食，不限時坐幾耐都得最抵就係呢鍋一蚊花膠雞火鍋金金黃黃嘅鍋底超香超吸引半隻雞加一大碟花膠，真係超級足料呢到嘅火鍋配料都好多選擇重點推介呢幾款必食火鍋配料手切安格斯牛肉$188牛肉脂肪肥瘦均勻，入口鮮嫩好味手打墨魚丸$78手打墨魚丸口感彈牙，仲有粒粒墨魚超正蟹粉蝦餃皇$58蟹粉蝦餃王每粒都有兩隻蝦夾住蟹肉食超鮮味！黑毛豬午餐肉$68黑毛豬午餐肉超厚切味道唔會太鹹，肉味濃郁！優惠仲係星期一至日全日供應最少四人用餐快啲約埋幾個朋友一齊邊邊佢啦！

大笪地一向最出名就係花膠雞鍋！而家只要四位入座就可以用一蚊享用花膠雞鍋，而且星期一至日，咩時間都可以用呢個優惠！叫咗鍋底之後，好快就上菜！上菜嗰陣已經聞到好香嘅雞湯味，一睇個顏色呈奶白色就知道係熬製咗好耐嘅湯！首先就梗係飲啖湯先，個湯嘅味道好濃郁，飲得出真係落足料去煲！個湯裏面有半隻雞，之後店員就會幫忙剪開隻雞方便我地食用！另外仲有一碟花膠，將花膠加埋落湯底裏面煲一煲更加好味，因為花膠會吸收晒個湯嘅精華安格斯手切牛肉 - 脂肪比例啱啱好，肉味香，而且唔會韌刺參 - 好少何見到打邊爐嘅配料有海參，所以我哋就試一試，海參都好爽口最後就叫咗個蟹粉蝦餃王 - 入面有好多蟹粉同埋好大隻蝦，個味道好濃！最後就係想再提多次個湯底，雖然之後加咗湯，個味道依然好濃好好味，並無因為係一蚊優惠而變差！

呢間店望落去裝修，唔係話靚，但係好有香港地道風格，懷舊既感覺！香港地道邊爐✌🏻同埋我係比呢個四個人入咗一蚊花膠雞煲吸引！星期一到星期日全日供應 ，真係四個人食超級抵一坐低就叫我哋飲咗啲湯先，會幫我哋剪好啲雞，真係有半隻雞！飲完湯再加啲湯就可以打邊爐啦😋再加入花膠，唔係講笑隻雞，再飲埋啲湯都已經飽飽地啦雞肉好滑，而且湯都好鮮甜可口，我估唔到打邊爐湯底都咁高質😂你知㗎啦平時出去食啲湯底多數都好敷衍，真係冇加味精好推介呢度豆苗，好新鮮而且大大份我哋仲食咗新鮮嘅魚頭，好大舊同鮮甜，魚肚估唔到一碟份量有咁多！仲有我最鍾意嘅魚皮餃，同樣都好足料啊肉類方面就食咗美國肥牛，以呢個價錢來講肥又質素已經唔差，牛味濃厚，當然就唔可以同和牛一齊比較不過已經非常好材料費$12一位都算合理，位置舒服態度良好

依幾日凍冰冰就梗係要打邊爐, 放工又鬼死咁餓, 諗起一碗熱辣辣既花膠雞湯, 就衝左上大笪地花膠雞啦! 因為疫情關係座位變得寬敞左, 依度除左花膠雞鍋外仲有雞煲同其他湯底, 但係幾乎枱枱都係叫花膠雞架啦, 係信心保証!店員會幫手剪開半隻雞, 再將整碟花膠倒入去, 滾起就可以飲得。湯頭本身呈金黃色, 味道濃郁質感濃厚, 個陣雞油鮮味充斥口腔, 熱辣辣入口真係好鬼正! 雞件唔知點解煲極都KEEP到嫩滑, 雞味亦好香, 花膠筒份量都好多, 起碼有10幾舊, 而且厚身冇腥味, 成個湯越煲越濃厚, 較細D個火, 就可以見到面層積成既一層雞油同膠質, 真材實料!飲到咁上下, 就叫火鍋料啦!桶蠔 $138超級推介, 桶蠔大大隻超肥美, 最大個隻可以同手掌比美, 重點係非常新鮮鮮味, 而且唔會點縮水, 入口係非常滿足!駝鳥肉 $68駝鳥肉既肉味突出, 肉質軟嫩而且厚身, 好有口感, 而且駝鳥肉仲有豐富蛋白質, 味道同營養不輸牛肉架!蟹粉蝦餃皇 $58/4粒見佢打左星星就叫泥試下,  依個餃大隻飽滿, 入面係塞滿蟹粉, 豬肉仲有原隻鮮蝦, 食到蟹粉同蝦既鮮味, 又有豬肉香, 值得一試。皇帝菜 $38幼嫩而

又係火鍋季節，用滋補湯底打邊爐我真係好鐘意，因為個人鐘意飲湯！2年前食過，個陣覺得好好味！今次2人半隻雞，湯唔夠味，唔夠甜！花膠算幾多，同埋膠質唔錯，有十條左右，雞有少少雞味，食完再打邊爐！但飲完湯有少少失望，只叫左碟脆肉鯇片！魚味唔夠，又唔夠脆，有少少失望！服務上店員好熱心，會問你有無興趣試海鮮或套餐，但唔係討厭個款！有禮貌！

大笪地花膠濃湯雞鍋 ($388)香濃的花膠雞湯 湯底非常鮮甜半隻雞已經好多 夠哂2個人食仲有唔少既花膠 好足料 滑溜溜/手切安格斯牛肉 ($188) 厚薄適中 油花很美牛肉鬆軟又味濃食落去牛肉汁出哂黎唔怪得之係貴版既牛肉~/美國肥牛($78)相對上價錢真係平好多但係就一分錢一分貨牛肉比較薄 但口感都唔錯/蟹籽墨魚滑 ($78)雪白嘅墨魚滑爽彈牙滾一滾就食得好有口感既魚滑/芝士流心牛丸 $42 (6粒)芝心丸就食得多啦就好少食芝士流心牛丸原來都唔差 仲要幾好食流心芝士流心 拉到勁長配落牛丸 仲好多左肉汁

今次黎到專登試佢個花膠雞湯底呢度位置好闊落 坐得好舒服而且可能早食 客人唔多 變相店員比例高咗 服務都幾周到 基本上一舉手就有人應 野食都黎得幾快手 重有一大壺熱水擺起枱面任你斟 唔使嗌野飲都好夠！一上黎有半隻雞 同好大碟花膠!!店員好貼心 湯一滾就走過黎幫我地剪細隻雞 好方便食隻雞啲雞味幾正 啲皮好香 個湯都好夠味 加埋花膠滾完更加香濃!差唔多食完隻雞就上配料啦!嗌左龍躉片, 墨魚滑, 淮山, 金菇, 鴨血, 豆苗同生菜每樣野食都好新鮮尤其個墨魚滑 非常彈牙! 份量又好大!龍躉片都好新鮮 俾左好多塊 爭D食唔晒!鴨血好有風味 打邊爐必嗌!所有食材本來已經好好食 加埋落個花膠雞湯度將食材既鮮味帶晒出黎!到最後再飲返個湯 真係好濃郁!真係好有衝動嗌碗白飯黎送呀!

天氣凍咗，係時候要打下邊爐啦。今日同朋友玩完board game之後就去咗呢間旺角嘅火鍋店,見到個花膠雞煲幾吸引，就入去試下叫左半隻雞，睇個雞髀都知幾大隻下！每個鍋會跟一碟花膠個雞湯一到，梗係趁未變油之前飲一碗喇，超香濃，配埋滑滑溜溜既花膠，真係好滋潤。配料都幾多野簡，見到少見既鴕鳥肉，叫左一碟試下鴕鳥肉食落去似牛肉同豬肉之間，但肉質比較淋，幾新鮮既嘗試推介呢款芝士牛丸，牛味香濃又彈牙，入面有好多芝士！叫咗蟹子墨魚滑同手打墨魚丸，有淡淡既墨魚香，口感彈牙

秋天氣管/身體都容易乾燥 呢個時候想食啲對身體好補既料理 就可以黎呢度了🤩地方好大人均$300-$400 醬料每位$12濃湯花膠雞湯 半隻 $218必點❗️一上鍋 已經忍唔住 飲左2大碗😍即刻！個喉嚨舒服曬，個人仲好暖笠笠😌之後我係一路打邊爐一路飲個濃湯🤣花膠同雞件 都好爽甜👍🏻海鮮拼盤 $268海鮮係即時係養場撈起 而且仲好高性價比👇🏻有聖子皇、鮑魚、馬甲貝、花甲皇、花螺味道 好鮮味😚美國肥牛 $78唔貴 都幾多塊😆有牛味🤩芝士流心牛丸 半打 $42第一次食 真係好多芝士流晒岀黎😋岀前一丁 $12最後整個麵 吸收曬成個花膠雞湯既精華🤤