奧壽司

营业中

休息中

難得黎到數碼港呢d 豪宅區工作，放工當然要對自己好少少，同朋友食番d好野，見到呢間日本菜非常合叔的口味，二話不說就入座了，見到長長嘅料理桌展示好多款式嘅刺身同清酒，叔今晚要暢快地吃喝! 坐底左見到牆上掛滿充滿日本風味嘅照片，頓時想起深夜食堂同孤獨的美食家內的場影。刺身盛合(上)，$480 ，味蕾被肥美嘅toro徹底溶化了，入口即溶的魚脂香，令叔完全被俘虜了，一食難忘。螺片爽脆鮮甜，其他款式例如池魚王，油甘魚，三文魚腩，左口，都非常肥美鮮甜。池魚王壽司2件，$38x2明太子沙律夠清爽，$65牛油焗帶子$68，牛油味夠香，加入鹽同黑椒，帶子夠大隻，一客4隻，非常滿足。燒牛舌肉質爽脆嫩滑，加檸檬汁，滋味之選。蟹羔炒飯$118，上面有1勺蟹羔，蟹的鮮味在口裡爆發，撈帶子炒飯食一流。叔還未飽，再叫牛肉火鍋，上枱有點被牛肉嘅份量嚇倒了，竟然鋪滿大大的鍋，而且不是單片地鋪，是有2至3層的牛肉! 滾開後加入蛋漿再熄火，滑滑嘅牛肉配醬油嘅香甜，下飯就最好不過。捧住肚子走，每人消費約500蚊，飯後和朋友到花園逛逛，聊聊近況心事，是忙碌生活最好的治癒。

奧壽司話說早兩日同男朋友拍拖行到數碼港，除左俾貝沙灣個豪宅的靚景震撼十三億粒細胞之外，仲食左個好東西！奧壽司位於數碼港商場，你行到商場中庭就會見到！開頭行入去，你會見個高檔內廳，就會見到一個好chill 好chill的室內露臺。食日本野有咩係最重要？緊係新鮮的剌生同海鮮！餐牌第一版就係魚生sss同剌生sss 喇！林林種種的壽司sss都會係呢個餐牌搵到！仲有好多太卷sss同鍋物sss，甜品同飲品。開頭仲以為佢會俾啲放題質素的食材我地，點知魚生一黎到我地就知咩係喜出望外！我地叫左三文魚腩、油甘魚腩同埋海老！ 三文魚腩的魚油分佈均勻，肉質鮮嫩，仲要係厚肉、每塊的大小都有10cm長! 咬落去果陣，牙肉可以感覺到魚肉的稜角，肉筋上有趙口，簡直可以叫一聲油甘魚每塊都有1cm厚，5x10cm大小。最難得係魚油同魚香味同我的舌頭纏繞左一段溫馨的時間！問世上有幾多...油甘魚可以做到咁的境界？海老都無令我地失望，手掌咁長的海老，結實的肉質，鮮甜的味到，蝦頭的鮮味實在令我們忍不住啜返啖！呢個位要提醒大家，小量wasabi就夠吊味架喇！因為呢度既食物係非常新鮮！另外我地都叫左個火炙拼盤，同樣無令我地失望！特

Not even the manager knew what they have and didn't have in stock. We waited for a dish that they apparently told us they didn't have when we ordered. If they had told us, obviously we wouldn't have waited. After any requests we made, we were made to feel like an imposition and we ordered a ton too.

今次嚟到奧壽司搵食！ 男朋友生日～總不能到平常的飯堂慶祝～所以我們跑到遠方的數碼港～數碼港的餐廳不多～奧壽司更是當中裝修較漂亮的～店內大概分為3個區域～bar枱、較光猛的家庭區跟室內露台區～家庭區是普通桌椅～可以合併成長枱～亦比較光猛熱閙～而我們被安排到室內露內區～燈光較暗但相對地浪漫～適合二人世界！餐目種類適中～有刺身、壽司、卷物、小食、天婦羅、鍋物、串燒、麵類及飯類～蘋果汁（$28）花之舞梅酒（$58）左邊的蘋果汁不是鮮榨～味道略為甜右邊的花之舞梅酒可選支裝或杯裝～我們本來就不太喝酒所以只叫了杯裝～芳醇濃厚的酒味～配合上酸甜的梅味～一杯包含了3味的梅酒～原來是由靜岡縣出產的南高梅釀造～還曾拿過金賞～難怪如此美味！刺身盛合（上）$480生蠔：以醋跟日本醬油調味～但生蠔本身蠔味亦重～互相輝映！甜蝦：較普通甜蝦大隻～味道也較鮮甜三文魚：是三文魚腩～所以相對地肥美～油脂分布平均～赤貝：顔色比平時的淺色～偏向淺黃色～切得有點薄～不過不失…北寄貝：有別於平時的北寄貝～没有製過的感覺～顔色也比平時的淺色～鮮味無比！鯖魚：比較怕這種醃製過的魚～薑跟葱味為主…鱆紅魚：味道較清甜～肉質有彈性～新鮮物！

身為九龍人，就算過海多數最遠都係去到銅鑼灣，今日陽光普照，最岩就係去戶外走走，突然諗起已經有好耐無去過數碼港，記得數碼港有一大塊草地面對住無敵大海景，就算唔出境，身在香港，都可以來一個小旅行喔同陽光玩遊戲到日落西山，又係時候搵食，入到數碼港商場發現到我最愛的日本菜，望落可以舒舒服服咁坐，既然未食過就入左去試下雖然呢度有我最愛的OMAKASE食，但曬左成日之後個人好似無咩胃口，今日就唯有散叫啦巨峰提子乳酸梳打 ($32)、蘋果汁 ($28)我唔鐘意飲有汽的東西，所以就叫左杯蘋果汁飲，蘋果汁無另外加冰唔會愈飲愈淡，巨峰提子乳酸梳打根據老公所講提子味都幾濃銀鱈魚西京燒 ($188)銀鱈魚係我最愛的魚類之一，最喜歡佢獨特的油香，連魚皮都特別好味，輕輕燒熟，簡單配上檸檬汁同沙律醬已經滋味無窮象拔蚌壽司 ($48)、鮫鰈壽司 ($42)、深海池魚壽司 ($38)、吞拿魚壽司 ($22)我地叫左幾款是日推介的壽司，果然每款都好新鮮，飯的大小都做得不錯，出乎預料的出準金目鯛 ($120)、牡丹蝦 ($85)、火炙燒拖羅 ($180)試過壽司當然要試埋刺身，金目鯛同拖羅都係勁厚切，今次的拖羅比較特別，用

早排趁著週末,同朋友去左數碼港野餐,大家野餐完就係數碼港個商場逛逛,發現商場入面原來都有唔少店鋪當日就有呢間日本餐廳,見價錢合理就一齊食埋個晚餐先番屋企商場環保得要命,夜晚天色變暗時,卻沒有加強室內燈光,以致整個商場都昏昏暗暗坐係店鋪露台位置也因此而比較昏暗三文魚他他先吃一個前菜,三文魚好新鮮,有少少火炙過,所以有著入口即溶的口感而且都幾開胃特上火炙壽司盛合一共十件壽司,全部都係火炙既,當中有三文魚,三文魚腩,油甘魚,海膽,鰻魚等等三文魚味道鮮美,輕輕用火燒過,所以魚油都迫了出黎鰻魚沾上甜甜地的燒汁,食落都算厚身海膽係我既至愛,可惜當日既海膽略帶腥味除左壽司,仲叫左幾串串燒分別係雞軟骨,腩仔串,煙肉車厘茄串其中以煙肉車厘茄最好吃,車厘茄好多汁,正好為煙肉減低油膩感而煙肉亦燒得好香口另外都叫左條牛油燒粟米,呢個組合根本就係無敵既粟米粒粒多汁,咬落卜卜聲,查上牛油,更加好味

今天天氣唔錯，雖然熱到出汗，但都想黎數碼港野下餐，摸摸草地，看看海洋，大自然氣息。而係人都知數碼港餐廳廖廖可數，所以精選左比較好嘅奧壽司，遠遠都聞到佢陣日式豉油味，點可以唔入去呢？奧壽司環境好，有出面高枱同一般梳化座位，任君選擇，但價錢唔算太貴，雖然人唔少，但都算可以靜靜享用晚餐，配合到我今日嘅大好心情。佢有個特別餐牌係日式火鍋，牛肉、三文魚等等，員工都有特別介紹，可能佢火鍋比較係出名，所以我點左個清酒三文魚火鍋，＄100幾蚊，但有勁爆多三文魚，絕對對得住個價，但個火就弱少少，唔緊要，我有時間俾佢慢慢煲，因為慢慢煲，好有煲煮嘅口感，就係好滑好有三文魚味，真係好鮮，冇煲到佢好老好鞋。今日為佢而黎嘅當然係刺身拼盤，遠遠見到已經雙眼發光，口水直流，每件都發哂光，好肥美，種類都多，三文魚、海膽、吞拿魚、蝦、生蠔⋯⋯最重要係⋯⋯每件都好好食！你一啖我一啖，一件不留。卜另外鰻魚炒飯都係上乘之作，鰻魚粒粒分明，唔會食唔到，而且個飯有份量，唔會細細碟，下次都一定會再叫。最有驚喜係個雪糕球，黑芝麻同紅豆味濃而清淡，係咪唔知我講咩？你食左就明，佢有好香嘅黑芝麻同紅豆味，但又唔太甜同漏，好清新。一出門口，已

數碼港清泉 奧壽司鮮味樂無窮去完歐洲先發現香港真係真真正正既美食天堂，一落機訓個靚教，就渣車去食好野，補返朋友生日飯因為一早6點去，唔洗等位，揀左梳化位坐，員工非常殷勤有禮貌，主動介紹刺身，咁開心既日子，又好耐無啖好食，諗都唔諗都揀左個4人刺身先。一黎到，雙眼發光，幾咁肥美既海鮮，一籃海膽，仲有埋生蠔，$680黎講真係物有所值⋯真係好食到喊，因為好新鮮好回甘。今日預左大吃一餐，呢個蟹子鰻魚飯超大碟，雖然有d濕，但超香，好有鰻魚味，幾乎每啖都食到，都係水準之作。炸雞軟骨香口小吃，$56，唔會太油，脆卜卜。食日本野都會想食下個拉麵，呢個海鮮拉麵超多料，真係超多，有蜆有青口有蝦有扇貝有蟹柳，都係$100鬆d，抵食抵食！食得開心，呢個價都值得啦，因為環境好服務好食物有水準，仲有3小時免費泊車，下次會再食

連續幾天下雨，星期三還要黃、紅、黑雨都出齊，真是很可怕！還擔心星期六為兩老的安排需要取消，幸兒陽光普照，當然照原定計劃而行，帶他們來到一個很久很久...沒有踏足的地方，不知他們還記得這裏嗎？沒有說去那兒，只要跟著我走吧！老爸還說：可透露少少嗎？像小孩般，很可愛！究竟去邊？一個變了很多的地方....以前一家人住南區，也不多來，來過的次數五隻手指都數得晒，但老爸仍記得來這裏看電影, 我也忘記了, 他真厲害! 數碼港的電院仍舊存在, 但有很多商場已改變了! 逛了一個圈, 有不同的商舖、food court 和不同的食店, 還有給小孩玩的室內波波池 ($50/15mins)和小駕車場 ($40/10mins), 當然不少得多間地產舖, 過千萬的貝沙灣要打幾多世工才買得起呢?逛完商場, 是時候醫肚。今日選了吃日本菜, 開放式的門口, 走進內裏, 地方寬敞闊落, 裝潢簡約優雅, 左邊設有壽司吧枱, 可邊吃邊跟師傅交流; 靠牆是一排四人卡座, 座位很闊落, 坐得很舒適; 中間則設有多張四至六人枱, 還有一處感受到透入陽光的用膳區, 環境光猛開揚, 很舒服呀!對着三份餐牌, 大家都商討了一輪。有一份鍋

傍晚從公司出來，決定到數碼港走走、抖個氣、吃個元気の晚餐放鬆一下與友人到戲院看了部電影後已是晚餐時段了，乾脆找個地方坐坐吃吃吧數碼港的選擇不多，奧壽司是今晚的被挑選者：貪佢環境闊落、可以不受打擾地談天說地；而日本菜亦是我倆所好呢先點了些前菜：明太沙津：是新menu 的推介食品好多粒明太cube 拌上些許沙津醬咬落去時感覺到粒粒分明的明太籽質感味道不像平時吃到的醃製味是比較清新的呢特色三文魚： 好有趣的賣相！ 每次見到奇特的產品總會勾起我嘗試的衝動醃製三文魚拌上類似瓜子的籽類，上面放了個「小月見」呢先試試三文魚再把「小月見」拌入三文魚同吃又是另一食法二樣都是得好的開胃前菜呢店內播放著柔和輕音樂我倆吃著前菜不經不覺間已聊了好久店員沒有給予絲毫壓力（比menu 呀...不斷加水等等）可能今天weekday 人客少的關係？燒牛粒燒得外層香口但內裡的肉汁猶存牛的質素也不錯至於上面那塊牛油就...太邪惡了我沒有用刺身： 今晚對刺身的興趣不太大，可能剛病好不久的緣故吧淺嘗了三文魚腩和帶子擺盤不花巧，好吧其實我較緊張味道三文魚腩厚切，脂味濃郁，油味在口腔內漫延飲啖茶清一清味蕾，再嘗另一款鮮帶子有心思地

本身約左數碼港睇戲 因為平時少黎所以想係數碼港食埋野先 試試佢 求其揀左呢間黎試可能未到食飯時間 所以人唔算多叫左時令刺身壽司 幾好食 特別象抜__ 好鮮喎！有驚喜反而我覺得牛肉鍋比較甜 可能食慣壽喜燒底都值得一試

同朋友睇完戲, 食晚飯就黎左呢間日本餐廳。如果唔係朋友話黎睇戲, 我都唔會黎到甘遙遠嘅數碼港! 數碼港環境都幾清幽甘, 靠海, 人唔太多。奧壽司餐廳環境都大同開揚, 座位排得唔算太密, 而且仲有卡位同壽司吧枱位。店員介紹今日新鮮運到嘅海鮮, 店員特別推介池魚皇同象拔蚌, 一於就試試。另外問問店員今日有冇開吞拿魚表演, 店員話早兩日已經開左喇, 遲左啲呢, 因為係不定時的, 想睇就要預早問問喇。除左刺身, 仲有小食, 燒物同麵飯等等, 唔會唔夠飽。呢個係餐前小食, 炸蝦仔好好味, 蝦仔炸得香脆惹味, 連殼食完全冇問題!! 少少咸, 配酒一流!壽司有平貝, 象拔蚌同池魚皇。平貝大大隻, 好爽口。中間嘅象拔蚌好新鮮同鮮甜呀, 又爽脆!! 右邊係池魚皇, 朋友話厚切, 好肥美, 有魚味同唔腥!!! 果然係今日啱啱運到!!!原隻帶子刺身上枱都幾靚, 帶子一樣甘鮮味十足, 一啲都唔腥, 帶子厚肉, 食到一絲絲嘅口感, 裙邊爽脆, 睇得出帶子清潔得好乾淨!!鮫鰈魚刺身肉質柔軟, 而且食落味道比較清, 點上柚子醋, 配埋辛味蘿蔔, 會更提味同令人胃口大開。天婦羅烏冬同時滿足我同朋友食想天婦羅同烏冬兩個

數碼港間百老匯一直係我睇戲嘅心水地方之一因為呢度係一定有位 😂睇戲前喺呢邊食咗嘢先呢間日本嘢叫奧壽司 oh sushi，個名都幾得意餐廳外間有擺放 menu，睇落都幾多嘢揀先叫咗個【牡丹蝦刺身】同【原隻帆立貝刺身】賣相都幾靚牡丹蝦望落好剔透，肉質鮮爽食落好有膠質，好漿口帆立貝刺身係連埋裙邊上㗎，非常有咬口【三文魚刺身】都好新鮮每一片都好厚身，好有滿足感 👍🏻【壽司盛】有哂我想食嘅壽司海膽軍艦壽司啲海膽多到滿瀉味道都好鮮甜【日式小食拼盤】好好呀，又係有哂我想試嘅嘢右上係螢光魷魚！爽口帶咸香，好好食右下係芥辣八瓜魚，口感有啲粘滑兩樣都係好啱送酒嘅漬物 😋左上係蒜頭嚟㗎，估唔到都好好食可能因為無切開，食落唔辣反而好爽甜而且完全無蒜臭味左下係有少少似三文魚他他個 sauce 同個三文魚幾夾加咗蛋令到三文魚更滑串燒點咗【牛脷串】同【雞腎七味燒】【鐵板鰻魚炒烏冬】份量都幾多，一路食都有唔少鰻魚無炒到乾爭爭，味道唔錯

難得一次去數碼港，去睇異形。正正係媽媽節，我怕其他地方人多，甘就決定晚餐留係呢度食啦。甘見お寿司似乎最多好評，就決定呢間啦。入到去，員工幾好幾有禮貌，又有笑容，安排既位置有個流水既擺設，我心中係歡喜的。想叫10樣野，有4樣係無貨既。最後食日本生蠔(3pieces)青衣xxx貝刺身海膽壽司1件帆立貝壽司2件仲有忘記係咩魚壽司芥辣8爪魚熱鍋うどん生蠔，吉一吉佢個蠔邊，唔食縮，代表已死，不是新鮮的。佢本身加左豉油之類既sauce 上去，無腥，尚可。Xx貝刺身$98，好腥海膽壽司，大件，少少腥，味濃芥辣8爪魚，上面有蟹籽，好腥，芥辣味不足，8爪魚，有d腥帆立貝壽司，一般，唔鮮甜唔知咩魚壽司，一樣，少少腥うどん，最正常係呢個啦埋單，5xx元，未飽的，但由於難食，唔值個價錢，我地決定唔食了。當天晚上，我男伴半夜肚疴左3次。我本人無事。我當日無食帆立貝，又無食唔知咩魚壽司，又食少佢一件蠔，我又無食芥辣八爪魚上面既蟹籽，所以大機會係帆立貝同唔知咩魚壽司或者蠔或者蟹籽出事。亦由於令人肚疴，我決定要打呢篇食評。

同朋友搵嘢食，加一個剛出世2個月個bb，咁緊係要搵一個舒服啲個地方食飯同最重要係放到bb車個地方，我地係堅尼地城，去商場最好就係數碼港，果然人不多！但食店不多，剛經過呢間日本店，看看門口餐牌覺得價錢不貴，就入去。店裡面人不多，仲要係星期六，爽。我就叫咗個咖喱牛仔骨飯，咖喱味好濃，牛仔骨好香口，真不錯，價錢80元左右，我覺得算平，餐廳都算整潔！但有一樣好差嘅係，店入面服務員，完全冇笑容，又冇講多謝，服務極差！