娜吧

营业中

休息中

今日朋友帶左黎依個酒吧,好似附近搞活化,附近多左好多年青小店,傾傾下坐左成晚,見餓餓地,又好有趣地,依間酒店既然有拉麵食,咁就緊要試下啦自家製黑豚叉燒拉麵拉麵軟硬度適中,叉燒係比較厚同肥美,而且仲要有燒香,食落叉燒更加香,蛋係半生熟蛋雖然唔係我鐘意食開個隻日式溏心滷蛋,不過到不過不少,睇左塊叉燒份上,放過佢啦,湯底幾香豬骨味,非常濃郁,每啖都掛上綿綿濃滑嘅豚骨湯底另外叫左個廚師強烈推介既日式沾麵,依個好特別,上格個陣仲要有埋煙霧效果,如果帶埋女朋友黎應該好鐘意麵條到好特別用左台灣既麵,口感煙韌彈牙,而且幾掛湯,而個沾麵汁應該係魚介豚骨,到幾好食小食就叫日式鱈魚豆腐上枱個陣都係熱辣辣,口感好似魚蛋咁彈形既,中間就好綿滑

來到炮台山AIA Tower見朋友，朋友推介了地下呢間Akinna Bar，話一定有驚喜。講到咁，我的好奇心來了。哈哈來到見到有半開嘅窗，可以望到街外，如果夜晚來會更有感覺。老闆娘話間吧已開咗6年，以前淨係做夜晚，最近先做午市，而自家製黑豚叉燒拉麵係推介，逢星期三來三人同行，可以送一碗免費叉燒拉麵，可惜我哋得2人。拉麵有两件半個嘅溏心蛋，有肥瘦相間自家製叉燒，份量唔少。蛋够溏心係必然，些少流心狀態食得到酒味，待應證實話真係落咗酒嘅。沾麵好多人都食過，但今次食嘅沾麵竟然有『煙霧』效果，有驚喜，好適合打卡，影出的效果不如所見，你想體驗就親自來吧，個湯汁也有好多塊肉，沾麵上邊又有三文魚，有2隻鮑魚仔，有蟹柳，都算豐富。另加的小食係鱈魚豆腐，好特别的感覺但又唔識形容，只係諗再軟滑D就更似豆腐。

在拉麵店飲酒，不是什麼新鮮事，但在酒吧裏食拉麵，感覺挺有新意😲中午經過Akinna Bar，門口掛著試業中的招牌，原來增加了午市時段，酒吧竟然有拉麵食呀🍜二人點了自家製黑豚叉燒拉麵$98日本沾麵$128和日式鱈魚豆腐$30，人均消費大約＄150，價錢合理👌湯底很好味，味道濃但不會太鹹，沒加味精，黑豚叉燒是店舖自家紮的，誠意之作，十分推薦💯廚師力推－日式沾麵，麵條是凍凍的，咬落更加彈牙，仲有三文魚、流心蛋和鮑魚，打卡一流📸至於日式鱈魚豆腐，外表是豆腐，口感似魚蛋，第一次食，感覺有趣👍整體而言，酒吧裝潢幾有特色，老闆娘態度友善和好客，衛生情況良好，會繼續光顧👏

拉麵一向俾人嘅感覺就係速戰速決，由點選到食完，可能 15 分鐘就搞掂，趕時間固然方便快捷，但有時想坐耐一點都怕阻住人做生意。最近就有朋友推介我試下呢間集拉麵與酒吧概念於一身嘅「娜吧」，據說店裡嘅拉麵唔單止做得出色，而且環境舒服自在，絕對適合同三五知己嚟傾下偈飲番杯。餐廳位於宏安道 AIA Tower 地下，門面以黑框玻璃作設計，配上室內的水泥牆身、高樓底和粉淺色嘅霓虹燈裝飾，空間與視覺感一流，啱晒鍾意打卡嘅朋友！餐廳午市以供應拉麵為主，午餐送小食及免加一，而且逢星期三幫襯，三人同行，更可享一人免費吃叉燒拉麵優惠。一坐低店員就會送上兩碟餐前小食，有炸蝦片、wasabi 豆、花生同開心果，蝦片係餐廳自家製，鬆化又唔油膩。我哋點咗黑豚叉燒拉麵 同 日式沾麵 各一客，另外再加咗一款小食。先試下碗自家製黑豚叉燒拉麵，湯底以新鮮豬筒骨、雞腳、豬手和多款蔬菜熬製而成，入口有豬骨的濃郁鮮味，稠身起膠。配料有紫菜、肉碎、自家紮的厚切叉燒同溏心蛋。叉燒肥瘦比例啱啱好，咬下肉香四射，有種入口即融的感覺。溏心蛋也是心機之作，蛋黃晶瑩剔透、調味適中。拉麵水準亦不俗，彈牙不易腍，配上入味的豬肉碎吃，極富口感。至於

舊舖執左之後，偶爾經過油街行下，原來新舖開左喺隔離街。入去坐下叫左個西冷( $388送兩杯紅/白酒), 我唔係好飲紅酒，所以叫左兩杯意大利白酒，老闆仲過黎邊幫我切扒邊同我傾左陣計，好Nice。

放工約咗朋友朋友話帶我去食拉麵估唔到原來係一間酒吧黎到酒吧當然嗌左啤酒先啤酒用上發燈既杯墊好吸睛嗌左個自家製黑豚叉燒拉麵呢度拉麵嘅叉燒係自家製質地軟腍唔同幾有油香豬骨湯底食得出冇落味精飲多幾啖都唔會口渴而拉麵嘅麵質就偏硬少少溏心蛋亦都好入味同出面專賣拉麵既餐廳有得揮另外再嗌左個日式沾麵沾麵下面擺咗乾冰店員一倒水就煙霧彌漫真係岩哂打卡配料有三文魚同飽魚再配上熱辣辣既鰹魚汁一冷一熱幾特別沾麵質地就比較腍身建議唔好沾太耐鰹魚汁整體食物水準唔錯一啖拉麵一啖啤酒幾過癮

在家附近發現這間好多人在飲酒談天的bar，感覺幾chill，原來入面仲有拉麵/沾麵食的！店員們好好禮貌，而且好注重衛生，餐具會放tissue上，整齊地擺放。他們先送上自家製蝦片，好香脆。店員為我們推介了他們的日式沾麵，果然是打卡必試款式！日式沾麵一送上來是冒煙的，見到都覺得好fresh好冰涼🧊感覺，連平日不太影食物相的朋友也「相機食先」，忍不住要影。製作亦好用心，粗粗的日本沾麵麵質好好，而且好夠凍。點在濃香的魚湯上，夠曬特別。如果喜歡清一點的味覺，也可以偶然點在wasabi上，好日式感覺！上面的三文魚質素亦很好，可以話睇得又食得另一款有誠意之作是自家製黑豚叉燒拉麵，老闆娘說她們是堅持自己整叉燒和湯底。大大條的叉燒燒得香之餘肥瘦均勻，幾好味。另外非常欣賞拉麵內的肉碎，調味非常好。炸雞亦整得好脆，送酒一流。整晚老闆娘都在熱情款待每一台客人，細心了解她們的需要，好talkative之餘還說下次來可以送啤酒🍻，逗得大家都好開心。在這裡感受到的，不但是好chill的感覺，還有一份誠意。

平時happy hour去開中環銅鑼灣今日就跟個朋友去佢推介嘅酒吧🍺搭多幾個站去炮台山果然又可以開啟新地圖又發掘到一間高質嘅餐廳🤩-#Kronenbourg1664+蝦片+nuts $68Happy hour 當然要點杯啤酒 🍻蝦片仲會附上泰式酸辣醬Nuts亦都有好多種類 其中我就最鍾意Wasabi青豆坐係門口嘅bar枱飲野同吹水真係好有feel -#日式鱈魚豆腐 $59食落去個感覺好似魚腐好彈牙亦都真材實料好香魚味 配埋麻醬超夾👍🏻-#自製黑豚叉燒拉麵 $98聽老闆娘講大廚為咗提供高質素嘅食物比客人 呢度嘅叉燒都係自己整食得出好香油脂 又腍又大塊而拉麵嘅精髓湯底亦都好足料 連配料都好有心機🍜除咗蔥嘅味道竟然係甜之外 湯底仲加入左洋蔥粒 係好出色嘅豬骨濃湯 -#日式沾面 $128呢個沾面真係好有驚喜為我地帶來味覺同視覺嘅享受估唔到沾面都襯到煙霧瀰漫嘅效果🌫️而餐廳選用嘅麵都同平日唔同麵條比較闊 而且仲用咗魚生 真係好特別沾面嘅魚介湯亦都好足料 有濃郁嘅魚味麵條同湯有好好嘅配搭 所以好容易掛到汁-老闆娘好健談又好關心客人嘅需要🥰作為一間酒吧真係一個好地方最好嘅仲有咁出色嘅拉麵食 食飯同飲

之前朋友帶過我嚟呢間酒吧飲嘢，位置幾隱蔽但其實都幾近炮台山地鐵站～上次見隔離枱食拉麵覺得好特別好搞笑🤣，所以今次就特登嚟多次試吓。喺酒吧食日本嘢真係未試過，幾啱放咗工同朋友嚟食正餐再飲嘢直落～佢哋除咗有日本菜，都有酒吧必備嘅小食同埋西餐，食物種類都好多元化，感覺又日式又西式，有啲fusion🤣 另外佢地嘅餐具好講究，同埋職員都好熱情，又送啲送酒小食，又主動幫我哋轉去近門口嘅位置，坐得舒服啲～▪️自家製黑豚叉燒拉麵 $98▪️湯底黑蒜味好重，加上小量肉碎、蔥花、木耳、紫菜，飲落好濃郁但都唔會覺得膩。主角叉燒勁大塊，而且肥瘦適中，煮得好淋🤤，糖心蛋好入味好有流心嘅感覺😍，拉麵就軟硬度適中。估唔到酒吧嘅拉麵都唔係hea👍🏻▪️日式沾麵 $128▪️寫明打卡必備嘅沾麵，果然好啱打卡，因為上菜時店員會加乾冰畀你影相同拍片🤣！沾麵嘅配料好特別，竟然有鮑魚、三文魚刺身😱，另外仲有蟹柳、糖心蛋、紫菜。鮑魚雖然唔算係好上等級數🤣，但食落煙煙韌韌都唔錯，三文魚就好肥美，好貼心地會比埋芥末豉油👍🏻 呢個麵質同拉麵比就冇咁淋，個樣比一般沾麵寬同薄，出奇地好掛湯！個汁就好濃魚介味，不過略嫌多咗少少魚介粉～▪️Asahi

今日同朋友輕鬆吓，去吓酒吧食下野，飲下酒但係又想食啲正餐，朋友話試吓北角呢一間酒吧，拉麵超級出色，咁就一於去試吓！呢度老闆娘勁熱情，安排咗個靠窗邊位置，微風微微吹來，非常舒服首先有酒吧必備餐前小食:花生、同埋蝦片亦都叫咗個餐前小吃日式鱈魚豆腐要咗兩杯啤酒，個杯蓋好有特色 好靚，望住心情都好啲🥰拉麵就叫咗老闆娘推介自家製黑豚叉燒拉麵拉麵係師傅親手調較，唔係工場貨色，湯頭超級濃郁 配上爽口又滑嘅拉麵 非常正！ 叉燒超大份，豬肉味濃，半肥瘦好好食～！日式沾麵賣相超級靚，上菜時會出煙，非常夢幻～沾麵上邊配上三文魚丶紫菜丶芝麻同蟹柳 再加上一隻糖心蛋 沾麵汁就係肉碎加上鏗魚汁而成，非常熱辣辣配上凍沾麵一齊食，啱啱好！呢間餐廳無論環境丶食物都非常有質素，好適合三兩知己過嚟吹吓水傾吓計！

星期六本身預咗搵間酒吧餐廳睇波食飯，但我哋五點已經好肚餓，等唔到再夜啲食，所以就決定食個Early Dinner先再算🙈。我哋經過「娜吧」門口，被熱情嘅店員拉住，聽到佢講有拉麵食，興趣秒速倍增。我哋好好彩趕得及午餐嘅尾巴，可以以較優惠嘅價錢食到拉麵，而且仲唔使收加一👍。店員向我哋介紹各款麵嘅特色，並強烈推介其中兩款。既然第一次嚟食，就聽佢話嗌招牌菜啦。麵食嚟到前，店員先送上小食同熱茶🍵，小食有炸蝦片同雜錦果仁(即wasabi 豆、開心果同花生)。同時，佢亦會Set定枱放好托盤，方便我哋一陣食麵。自家製黑豚叉燒拉麵($82/例牌)，🍜拉麵唔錯喎，頗有自家特色的，同出面連鎖店有所不同。首先，第一樣必定要讚嘅就係湯底夠哂熱🔥，溫度絕對足以影響成碗麵嘅味道。拉麵嘅配料有肉碎、大蔥絲、洋蔥粒、青蔥粒同溏心蛋等，當然仲唔少得餐廳自家製、師傅自己扎嘅叉燒。🐷叉燒得一件，不過都已經夠哂，因為係長長一條。叉燒半肥瘦，口感軟綿，醃得夠味。雖然呢度嘅湯底同麵條無得自選口味，但各方面都能達到平衡。就如豬骨湯底濃而不油膩，而拉麵粗幼適中，亦夠彈牙。沾麵($128)，好彩餐牌有圖，否則唔會知沾麵有乜料同用乜麵🤣。

第一次到北角happy hour 兼食少少野，朋友話有一間bar 好有特色，好啱鍾意打卡又鍾意食野既我。今次佢就帶我來到呢間叫akina bar 的酒吧餐廳飲飲食食，第一次來呢間bar, 比人感覺好fresh 好正既感覺，門口係可以長吧台，坐係入面可以面向外街，看著街景進食或飲野，好有外國的感覺，而且吧台上面仲有一些盤栽，令人有種酒吧得來好文青的感覺。無錯，呢間唔單止係酒吧，仲係有得食類似日本料理的餐廳，呢度既拉麵是獨創的，每一款都有賣相又有特色，我同朋友二人選了一份自家製黑豚叉燒拉麵🍜同一份日式沾麵。估吾到這家酒吧餐廳的食物超有水準，自家製黑豚叉燒係餐廳自己做的叉燒，絕對不是外面入貨，所以外面是吃不到的，這個拉麵也是爽口彈牙，整體味道好湯底夠香濃，做得出正宗拉麵味，真係估佢唔到咁好食。日式沾麵就更加之突出，這是一份冷面可以沾著醬吃，面頭有大量蟹柳同兩個小鮑魚，份量還挺足夠的，醬汁撈埋個冷面，簡直滋味極了，好吃好吃。另外還點了一份炸雞做為下酒菜，炸雞新鮮炸，熱辣辣香噴噴，點埋秘制沙拉醬也是不錯的口味。我們點了幾杯啤酒，買二送一，邊吃邊喝真的很爽，這裡還有個超級顯眼的打卡位，你有故事，我

🍴唐揚炸雞老闆見我地叫左生啤，特登將雞肉炸脆d畀我地送酒，外層真係夠晒脆，咬落亦唔乾。🍴自家製黑豚叉燒拉麵湯底用新鮮豬骨、雞腳、多款蔬菜熬足20個鐘，油脂無坊間日式拉麵湯底咁多，但味道依然濃郁，飲完唔會口渴，果然真材實料。厚切叉燒亦係廚師秘製，肥瘦適中，口感鬆化，有豬味但唔臊，麵條係幼麵，軟滑得黎唔太腍。🍴日式沾麵吧枱牆身寫住「廚師強烈推介」日式沾麵，老闆話係新出嘅魚介沾麵配三文魚刺身，三文魚我就真係麻麻，不過朋友就鍾意食，而我亦都特別鍾情魚介拉麵、沾麵，所以決定試下。麵條選用台灣關廟闊麵，非常爽彈，魚介湯汁鰹魚味突出，濃而不鹹，微涼嘅闊麵浸落熱辣辣嘅濃湯，非常掛汁，呢個配搭好出色。下次有機會仲想試埋用海鮮同全雞熬製嘅大蝦海鮮拉麵，同埋辛辣豬膶拉麵，除左創意拉麵仲有其他主食，附近嘅打工仔真係有口福，過黎食午餐又得，放工飲幾杯亦得。📍娜吧炮台山宏安道18號AIA 大廈地下17號舖

之前成日都經過見到呢間酒吧 見到The Happy Hour時間都好多人 但因為個政苦搞到佢哋冇得開幾個月 所以連晚餐都做埋😕但估唔到又唔幾掂喎！入到去裝修都有好多打卡位！坐低咗再研究吓佢哋個新餐牌先🙈佢哋嘅晚餐選擇都幾多 仲要係米之蓮師傅處理🤯•自家製黑豚叉燒拉麵🍜•-成個拉麵都係由師傅自己親手處理 絕對唔係用工場事先整好嘅湯底！味道相當濃郁 但又唔會過膩👍🏻而且叉燒都係師傅自己研發嘅 淨係見到個size都知道唔野少🤯而且質感彈牙 唔會好似出邊嗰啲咁整到乾曬👍🏻•日式三文魚沾麵🐟🍜•-呢碗係老闆娘大大力推薦 所以就一於試吓先！😏一上枱就已經好吸睛 煙霧離漫帶俾人一種神秘感🙈另外一個湯汁都係由師傅自己研發 用咗鰹魚粉做湯底 味道相當鮮 而且麵種類似刀削麵 可以做到更加掛汁嘅效果🙈講到明酒吧又點可以唔飲返杯呢😏我哋最後仲chill住飲吹下水 食飯飲野一條龍🤣

今日心情好，想試新野，朋友約左我黎呢間位於炮台山既娜吧。第一次黎，仲以爲酒吧一定係食西餐，點知原來呢度係一間fusion餐廳酒吧，唔係据扒飲紅酒，反而係食各款日式拉麵。而拉麵仲係由曾於米芝蓮拉麵店做野嘅師傅主理。獨創拉麵有五款，價錢由$98到$168不等。加$30拼一款小食，又可以加錢要叉燒或者蛋，每款加$15。呢度餐牌仲有好多佐酒小食。日式沾麵 $128呢個係廚師強烈推介，打卡必試，我哋當然要試下。唔怪之得，原來日式沾麵會出煙，好夢幻！沾麵係刀削麵，係凍嘅，上面加左三文魚刺身條，蟹柳絲，紫菜絲同白芝麻粒，成座山咁。伴碟有一隻醣心蛋一開二。沾麵汁就熱辣辣，非常杰，原來加左好多肉碎，面頭加一塊紫菜同少少五味粉。刀削麵麵質硬度適中，都幾掛汁，麵加汁味道啱啱好，唔會過鹹。三文魚刺身幾新鮮肥美，點佢哋嘅特製刺身豉油同wasabi好好味喎。佢哋嘅醣心蛋原來係鹵水，好入味而蛋黃又淋又甜。總括而言，係幾特別嘅一款沾麵。自家製黑豚叉燒拉麵(例牌) $98第一次黎一定要試吓呢個自家製黑豚叉燒拉麵例牌先。首先飲一啖湯，豬骨味濃唔太油。拉麵係幼麵，質感都算適中，唔會太硬或太軟。自家製黑豚叉燒一大塊，係五花腩