宏 (已結業)

之前已吃過幾次『宏』，一直覺得是質素很不錯日式料理，早前黃埔的九號水產也開了間分店，終是決定再去回味！星期四的晚上六時半來到，可能因為太早，餐廳內只有一枱客人。跟其他分店一樣，餐廳寬敞光猛，裝潢簡潔，座得蠻舒服的。跟上次來相比，Menu上好像又多些新菜式～這次點了新推出的「純日本白燒鰻魚定食」，套餐包括燒鰻魚、海藻烏冬、新潟米飯、沙律、小抹茶蛋卷和錫蘭紅茶，非常豐富！這款白燒鰻魚跟平時常吃到的浦燒鰻魚不同，味道較清新，更能突出鰻魚本身的鮮味，配上不同的醬汁（芥末+醬油、柚子醬油、鹽、鰻魚醬汁），每一口吃下來都帶來不同的味蕾沖激！加上鰻魚肉質軟綿，跟香噴噴的珍珠飯配在一起吃真是幸福滿滿的～烏冬是加了海藻做的，比普通烏冬彈牙，而且也多了纖維，感覺更健康。小抹茶蛋卷一向是這兒的必吃甜品，有甘香的抹茶味而不會過甜，作為飯後甜品一流～錫蘭紅茶帶有淡淡花香，還可跟店員要奶和糖來弄成奶茶，別有一番味道！店員還很貼心的把奶加熱了呢～友人點了「咖哩炸豬扒飯」，豬扒大大塊，炸皮薄而脆，肉質夠嫩，配上微甜的日式咖哩，味道十分正宗！「凍焙茶」是跟炸豬扒飯點的，所以只需加$20。一飲下去，焙茶香氣立即湧出，濃而

九號水產不停有新餐廳進駐，像是人氣日本餐廳- 宏 最近也開業了，對於想在九號水產逛逛吃吃，不想花費千元吃長腳蟹或omakase, 實在是最適合之選擇。海藻烏冬配甜品特價餐（$99)煙三文魚海藻烏冬海藻蘊含大量對人體有益的微量元素。將海藻摻入烏冬中，就變成一道健康而美味的美食。顏色呈灰色的烏冬，佈滿一點點黑色的海藻。烏冬的形狀呈幼身，扁扁的，像麵條的樣子。食落口感爽口彈牙（冷烏冬尤甚），口感像讚歧烏冬。配搭冷烏冬汁同吃。烏冬汁有鰹魚的味道，亦有濃烈的紫蘇的味道，個人不太喜歡。三文魚好大塊，平鋪在碟子上，差不多有整個玻璃碟般大呢！味道鮮甜，有淡淡的煙燻味。附餐的加州卷味道普普通通，但材料還是挺豐富的。沙律菜好新鮮，配上醋汁酸甜醒胃。炸豬扒飯+ 烏冬 ($130)熱食的烏冬比凍食的軟腍，配上鰹魚清湯，都算是好吃。豬扒相當大塊，而且也好厚，差點看不到底下的白飯呢！豬扒沾上麵包糠再炸，色澤金黃，炸漿亦做的薄，沒甚油膩感，而豬扒的肉質亦很爽脆，配上照燒汁，很快就可以幹掉一大碗白飯呢！跟餐還有卷蛋，選了兩款味道- 黑芝麻，綠茶。卷蛋質感鬆軟，中間塞滿忌廉，好滑溜。綠茶味道濃郁，甜中略帶微苦，味道清爽

黃埔自從開通左地鐵站之後，就多左好多特色餐廳。譬如九號水產，就係一個日本美食既集中地，可以俾想去日本但又冇錢／冇時間去既人黎呢度短暫體會下日本風情。近入口見到呢間主打鰻魚同甜品既餐廳，叫做宏，門口玻璃櫃既蛋卷好吸引，就入去試下佢！！餐廳設計開揚，座位都十分寬敞，可以坐好耐傾計都冇問題。牆上有d日本掛畫，營造東瀛風。餐廳主打日式鰻魚飯、海藻烏冬同埋甜品。純日本白燒鰻魚定食（＄210）侍應推介左呢款餐廳主打，白燒鰻魚，朋友同我都極喜愛鰻魚，當然要試試佢。呢款定食好精緻，一個盤入面已經包含左前菜、飯、鰻魚、烏冬、仲有6款調味醬/粉另上，睇到人眼花繚亂。朋友一開始見到咁多調味料真係唔知從何入手，好彩侍應好好服務咁黎教佢點食(幾十歲人都要人教佢食飯哈哈哈)純白燒鰻魚本身冇落咩調味，咁樣先食得出鰻魚原有既鮮味，魚肉幼嫩，食落唔腥反而有陣清香。每件鰻魚都可以配搭唔同醬料：日本芥末醬油、蒲燒汁、鹽同柚子醬油，一條魚食出幾款口味。沙律菜新鮮爽口，幾開胃。個餐好搞笑幾地方係，佢有飯又有烏冬，我平時好少會一次過食兩樣主食。不過個烏冬又真係幾彈牙，同埋見到一點點既海藻，絕對係健康之選。湯清清地，配埋昆布同蔥，

呢間宏喺九號水產入面，一入門口行多幾步就到海鮮海藻意粉，跟餐送沙律、甜品同紅茶，相對都幾抵！海鮮包括帶子同蝦，特別欣賞帶子幾大隻，仲燒得好香跟餐嘅甜品嗌左抹茶蛋卷，十分推介！抹茶味濃，入面嘅忌廉都算幼滑，值得一試！

今日去左學校探老師同同學仔，好耐無黎過黃埔區，今日黎到原來變左好多好多。原來多左好多新餐廳，商場都大大改變左，裝修靚左環境又大左，行行下黎左一間日本餐廳食飯。餐廳食材由日本來貨，宇治抹茶粉夠哂吸引，又有海藻湯烏冬。我當然一試燒鰻魚飯。鰻魚醬汁另上，純白燒鰻魚質感爽嫩，吃出清清魚香和魚肉口感，可以隨自己喜歡配搭日本豉油、蒲燒汁、鹽和酸甜醬汁，可以有好多唔同味道。飯粒有咬口，另外仲有鎮店海藻烏冬，清甜湯底比我飲哂。餐廳轉左咖啡沙冰配香草雪糕，雪糕大大驚喜，奶味特濃入口非常幼滑。最後有抹茶小卷蛋，茶味清香突出，最後竟然回甘。抹茶忌廉好滑好甘香，卷蛋鬆軟夠哂滿足。回頭機會極高！

同朋友去打保齡球先知道原來黃埔有新野食，係九號水產入面有好多高質日式餐廳。想食甜品又想食飯，所以就決定食宏啦。見到個迷你三彩丼有齊三樣我想食既野，仲有甜品同飲品，真係好吸引！一個套餐有齊鰻魚飯、吞拿魚蓉飯同海藻烏冬，真係超滿足！店員介紹可以加七味粉落烏冬，而鰻魚就可以加少少山椒。天氣太凍，所以我先食烏冬。烏冬同一般烏冬唔同，較為扁身，見到有一粒粒海藻係入面，口感扎實彈牙，味道好好，有種獨特既味道。而且湯底都好正，味道清香，配埋昆布同蔥花食真係一流。吞拿魚蓉魚生飯，吞拿魚蓉又夠肥美，入口即溶，魚味香濃，魚蓉同飯之間有一層碎紫菜，增加左成個飯既美味，又令人覺得吞拿魚蓉冇咁膩，十分有心思。冬天既主角，鰻魚飯出現了！見到咁厚切既鰻魚已經流哂口水，而且鰻魚散發住陣陣香味。鰻魚十分肥美，一入口就有豐富既油膩係口中爆發，仲有鰻魚醬汁既味道十分香濃，成個鰻魚飯都好好食，好幸福啊！仲有甜品綠茶小卷，真係高質，味道唔會過甜，有綠茶的甘香，忌廉好香好香，蛋糕好綿密，好食。飲品都叫左抺茶紅豆熱飲，熱飲有三層，上層係泡泡，中間係綠茶，下層係紅豆，綠茶甘香奶滑，又有大大粒又甜既紅豆，。

抹茶fans又嚟到食宏啦🙆🏻‍♂️🙆🏻‍♂️ 今次嚟到黃埔呢間，小小難揾啦，記得要係jusco後面行過去！見出左個白鰻魚套餐($210)就嗌左！佢比左4種汁，最鐘意燒汁同柚子嘅汁！前者比較甜，後者帶酸口感好豐富😍白鰻魚肉質比較鮮，好好食！而配嘅海藻烏冬好彈牙，湯係和風style😀 最後倒小小湯同燒汁落白飯好惹味😌 另外再要左大鰻魚飯餐($180)⭐️😍鰻魚大大份，外皮燒得香脆，燒汁好香😋 珍珠米好有口感，好快清哂👅 跟餐蛋卷有原味同抹茶味，抹茶cream小小苦，冇咁甜💁🏻甜品叫左抹茶芭菲($88)☘️☘️抹茶雪糕好夠抹茶味，帶d苦同澀，冇咁漏🙊抹茶jelly好qq❤️底仲有d脆脆嘅，撈哂食好豐富士多啤梨pancake ($88)係比較厚實個種，食落好滿足！配上酸甜草莓醬同雪糕好好食🙆🏻‍♂️ 飲品要左咖啡沙冰，係用滴漏咖啡整嘅，好香咖啡味，微甜👅

日本野真係食上癮。係紅磡收工，就去左新開呢間宏食高質烏冬。原來出左新野，見到鰻魚口水即刻流出黎，咁啱呢個套餐又可以食到烏冬。即刻叫左呢個黎試下。純日本白鰻魚，而且冇蒲燒鰻魚汁，真係第一次食。食左一啖原味，今日真正品嚐到鰻魚既原味。呢個白鰻魚唔會腥，反而好鮮甜。有4種醬汁配合埋鰻魚。可以食到好多款。鰻魚加少少鹽，味道特別甜。如果加左柚子汁，酸酸甜甜更加帶出鰻魚既鮮味。真係好好食。想食蒲燒鰻魚就點下蒲燒汁，好正。食到好多種味道。配埋個珍珠米飯，無敵！終於又可以食到海藻烏冬。呢個烏冬真係整得好好，質感滑，又彈牙。有少少既海藻味，加埋魚湯，清清地，但好甜好香。看似簡單，但味道高質，好值得試。食完仲有蛋卷食。揀左香草味蛋卷。蛋卷整得質感幼，滑。忌廉香，唔漏。好用心既蛋卷。飲埋斯里蘭卡紅茶，好香，有陣清香既士多啤梨味，高質既茶。

今日(3-12-2017 Sun)晏晝,又同老公去九號水產買o野,我o地o黎到,先食個tea,今次係呢間食甜品tea,不過老公都係叫個飯食,就係$148.00 o既迷你三彩定食,我要$88.00o既雜果班戟,落完單,男職員話雜果班戟要等20分鐘,啊,好呀.冇耐,送上o黎o既係鍚蘭紅茶,味道同我o地飲開英式o既唔同,唔係好o岩我,不過口感順滑.之後就係老公o既迷你三彩定食,有:沙律,係雜菜沙律,蔬菜新鮮,醋o既味道又o岩o岩好,好醒胃.小碗鰻魚飯,呢個多數老公食,我只食一啖飯.小碗海藻烏冬,幼烏冬似冷麵多啲,呢個豉油味o岩o岩好,唔算太鹹,唔錯.小碗吞拿魚碎(魚生)飯,好好味, 吞拿魚碎好嫩冇渣,佢o地好聰明地,o係魚同飯之間舖滿紫菜,令味道提升,我加啲日本豉油食就更加正.不過我覺得啲飯乾o左少少.食到差唔多, 雜果班戟就到o黎,時間o岩o岩好,賣相好靚,影完同分完就快食喇,因為個雲尼拿雪糕開始熔喇.班戟暖暖地有少少甜同有蛋味,又鬆軟,唔錯.士多啤梨漿又可中和肥膩感,正. 最後叫佢o地上埋價值$15.00o既小抹茶蛋卷,個蛋卷味道有啲甘苦,原來源自抹茶忌廉,蛋糕本身o既抹茶味唔係咁濃,而

宏！還是像the one那間那麼好吃，大概因爲這裏剛開沒多久的關係，有個日本女在這坐陣，感覺整件事真的很日本！綠茶味的甜品 (特別是拼盆裏夾在甜餅中的抹茶雪糕和他們的馳名蛋捲) 還是一貫的甜中帶澀，非常好吃，而且不太貴。甜品拼盆那個matcha latte超好喝，裏面還有三粒我最愛的小丸子~~ 誓必翻兜。他們家還有些甜品套餐，就一杯茶一塊蛋捲那種，十分適合懶惰的週末！記憶中午餐好像是$99一種熱食一塊蛋捲，也是CP值爆燈的好選擇~~~ 反正看到隔壁點了熱食又冒煙又大份就是了。

黃埔新開的店，主要係為左個pancake,本身以為係梳乎里流心，但食落原來無，不過都好好食各樣甜點都好好食，各自的味都好夠，又平均，例如紅豆唔係用糖水紅豆，所以紅豆味岩岩好又配合到抹茶，又摭唔到

經過宏已經好幾次，門口嘅雪櫃擺住蛋糕同埋唔同味道嘅蛋卷。有一次外賣咗舊抹茶蛋卷，蛋卷軟稔稔，好似食緊棉花咁。抹茶味好突出，而蛋卷一啲都唔會太甜，好適中。今日突然好想食甜品，所以就行咗入去宏試吓佢嘅甜品啦。果然有驚喜呀。抹茶軟雪糕芭菲就好似佢嘅蛋捲咁，抹茶軟雪糕嘅抹茶味道好出，好好味。再加上 mochi ，紅豆同埋塊餅乾仔。最特別就係成雪糕嘅底部鋪滿晒杏仁片。雪糕同杏仁片簡直係絕配！係大滿足呀！所以開心快樂其實好簡單，一份好味嘅飯後甜品就已經足夠喇。

跟閨蜜短聚，又在黃埔附近，便到九號水產逛逛再決定。可是九號水產之荒涼，確實沒有太多選擇。宏的糕點不用多介紹，必然是可靠。這次點選了套餐組合，燒鱈魚飯+烏冬，奉送沙律、甜品和斯里蘭卡紅茶。燒鱈魚飯+烏冬，別以為份量不多，一個女生差點也吃不完。當然這家店的日式料理絕對是不過不失。沙律質素高，完全找不到不新鮮的食材。不得不讚，紅茶味道純厚，作為飯後飲品再配上甜點，一流。甜品不用多說，抹茶蛋卷和黑芝麻蛋卷，不喜歡吃太甜的我覺得 perfect，加上抹茶和黑芝麻味道濃郁，蛋捲小巧可愛，真的讓我感到整頓飯很完整很滿足。唯一可惜的是，浪費了這麼好的一家店。九號水產實在太荒涼，宏的位置已經較前，但整晚餐店內差不多兩位侍應負責一位顧客，想想也難維持收支平衡。不過這家店有位日本籍女士，應該是負責人吧，她待客的態度，讓你會感到身在日本用膳。環境：4燒鱈魚飯+烏冬：4沙律：5抹茶蛋卷：4.5黑芝麻蛋卷：5斯里蘭卡紅茶：5侍應/服務：5價錢：4

今次bonobo🐒同朋友嚟到紅磡9號水產嘅宏入邊食嘢。呢間鋪頭嘅位置近黃埔站，但如果由紅磡站行入去就會有啲遠。喺紅磡站大概行15分鐘就到啦。鋪頭唔難搵，雖然9號水產鋪頭入面好大，佢門口右邊就已經係依一間甜品店啦。鋪頭入面嘅裝修就一般般，冇打卡位，比較特別嘅係入面既畫都係常見嘅日本明信片既畫黎😂😂😂，我影嘅呢一張，相信大家都好有可能曾經收過或者寄過依張明信片😂🤔。為咗試食我同朋友叫咗兩款甜品，以下呢一款就係抹茶窩夫。大家都見到賣相有幾掂👍🏻 ，加左一大概＄85 ,有三塊窩夫同埋一球抹茶雪糕，抵唔抵食就見仁見智啦。抹茶雪糕真係非常好食，有好濃嘅抹茶味，絕對唔係街邊嗰啲淡mou mou既綠茶雪糕🤷🏻‍♀️🤔，食完個口係有抹茶味lingering，甘甘地嘅，而且佢又唔會好甜。窩夫來講，佢嘅牛油味好重，抹茶味唔太出，食完會好漏，另外左上角無端端一Pat栗子醬，好搞笑有啲突兀，不過算係幾清甜。 以下依個就係我叫嘅抹茶味pancake ,加左一就大概90幾蚊都係個句啦，抵唔抵食真係見仁見智。有兩塊厚嘅抹茶pancake😍 ,一球抹茶味雪糕，nuts同埋糯米糍。Pancake嘅等候時間會比較來但係我覺得

每次經過見到蛋糕櫃都好想試, 今日終於去咗試食, 原本我諗住散叫一客加州卷(2件), 但侍應姨姨好細心, 佢話今日星期一叫定食餐係會有得送, 唔駛自己散叫好唔抵, 結果我就試咗個喬麥麵既烏冬, 點解我會咁講呢? 因為呢款烏冬外觀好似喬麥麵, 但查實係叫海藻烏冬喎!溫泉蛋海藻烏冬 - 沙律好新鮮, 生菜好爽口, 加州卷都不錯, 海藻烏冬除咗個外觀似喬麥麵連口質都係一樣, 當然呢款麵係滑身啲, 但真係幾好食高級斯里蘭卡紅茶 - 啲茶其實好快濃, 浸一陣就出晒色, 加上越深色就越濃味, 味道有啲怪怪咁, 有陣香料味咁抹茶窩夫雪糕 - 賣相都好吸引, 抹茶味雪糕都好濃茶味, 窩夫好鬆軟,有啲舖會整到好死實, 但呢到就恰到好處,  碟邊有啲煉奶圍住, 可以用嚟點窩夫, 抹茶味餅乾都好鬆化, 另外仲有粟子蓉, 味道都好濃粟子味總結: 呢到真係值得推介, 有好多甜品都好想試, 下次會再去