宏 (已結業)

今天是我和老公簽結婚證書的紀念日，放工一齊去食飯慶祝，今次不去尖沙咀太多人的地方，去了黃埔花園，那處自從開通了地鐵後，商舖改變了許多，亦繁盛了許多，經過德豐街的九號水產，這兒地方很大，有多間食店，上次來食過拉麵，今天就試試拉麵店隔鄰的宏，是食日本菜和甜品的食店。餐廳地方雅潔，座位寬敞舒適！這兒的蛋糕款式不少，味道也有多種選擇。草莓香紅茶：餐茶每天不同味，今天紅茶是草莓味，好香的草莓味道，紅茶是鍚蘭紅茶，，侍應說一個茶包可以泡4次，特別濃味，普通的茶包只可泡一至二次，如果喜歡飲，店家也有茶包出售，帶回家慢慢品嚐。大鰻魚飯十烏冬套餐：套餐包括沙律、海藻烏冬、小抹茶蛋卷、錫蘭紅茶。鰻魚份量都好大份，幾乎蓋過D飯，鰻魚入味又冇骨，日本飯又有鰻魚燒汁，撈匀加埋鰻魚食，十分惹味，真的食不停口，美味極了！海藻烏冬：用純日本國內出產的小麥粉做成的烏冬很彈牙，麵條裏的點點是健康的海藻，含有豐富的食物纖維、多酚、褐藻糖膠、維生素和纖維質，十分健康。湯底用木魚粉等材料煮成，味道鮮甜。是健康食品首選，這食品還得到日本食品產業技術功勞賞，和農林水產省総合食料局長賞。值得一試！抹茶卷(小)：套餐包的甜品，抹茶味濃

聽講黃埔開咗間新嘅分店，平日尖沙咀嗰間成日都好多人，心諗黃埔呢個地方應該會比較小人啲。就同朋友嚟呢度試吓，本身諗住主打都係食甜品，綠茶卷蛋，但係叫下叫下就叫到一枱都係食物。首先朋友未到，我自己一個睇住餐牌先，其中一個店員主動行過黎介紹下menu，有咩推介等等。店員嘅服務態度非常之熱情同埋健談，值得一讚。店員推介兩款鰻魚，一款係蒲燒鰻魚，由於本人對鰻魚嘅印象麻麻地，所以揀咗一款有配海澡烏冬同埋吞拿魚飯，萬一唔岩食都穩陣啲呀嘛第二款都係鰻魚，叫白燒鰻魚。又要再講多一次，本人對鰻魚嘅印象係麻麻，加上又少去日本，所以我係第一次聽呢個白燒鰻魚既煮法。感覺好似好原汁原味，店員都話老闆堅持呢個煮法係要保留鰻魚嘅鮮味。既然一場黎到有應該要試吓呢間鋪頭嘅主打菜嘅，啲朋友係一個好鍾意食鰻魚嘅人，咁就叫咗呢兩個定食啦。 兩個定食除餐附送沙律，錫蘭紅茶，小抹茶蛋卷同海澡烏冬。不過咁樣係唔夠喉㗎 ，所以同一時間，我已經決定好甜品食乜迷你三彩丼定食 1. 呢個餐有吞拿魚飯，海澡烏冬同蒲燒鰻魚飯。食左最清淡既烏冬先，烏冬加左海澡，高纖維食物，食落會有少少一粒粒既野，食落有少少似喬麥麵。個人非常喜愛吞拿魚，好足料同新

九號水產開左一排, 今日就要朝拜一下, 好多野都想食但見到個卷蛋真係忍唔住要幫襯佢。事實上隊友同我都未食飯,都要先餵飽個肚先嘅, 佢叫左個曼魚飯套餐，配上醒晨冷烏冬，曼魚新鮮加上個汁又香配埋日本珍珠米，好有日本味道一開始職員就介紹食物特色，用料產地，老闆是日本人，親身到日本採購食材，用既烏冬看似是喬麥面，但是係溝了海澡落烏冬做成，令口感有QQ既感覺。野菜沙律冷烏冬套餐,好好味, 仍然回味中。終於等到我個卷蛋出場喇,抹茶味好濃，個Cream 好滑, 蛋糕鬆軟,口感好正。雲妮拿味雖然不是很明顯，但質地香滑搭夠啦。最後黎個英式紅茶作總結, 完美嘅配搭,茶就好清香嘅, 中和返口裡面嘅甜味。

兩年前到過尖沙咀店食晚飯，知道「宏」有唔少甜品供應，但由於喺食晚餐關係，當晚所試嘅甜品唔多，今回同親友專登嚟到新開嘅黃埔店食下午茶，一試多款出色嘅甜點。餐廳環境無尖沙咀掛有西陣織或其他和風裝飾，只喺一邊牆身掛上日系風景畫繪，裝修簡約，有點日式大飯堂嘅感覺，天花嘅波燈照亮整間餐廳，予人光猛通明，整潔企理。我知佢哋嘅烏冬、拉麵、飯品都水準不俗，尤其其海藻烏冬，屬店家名物，上次都有試過，而甜品更喺另一亮點。以種類而言，有撈烏冬系列、熱湯烏冬系列、冷烏冬系列、咖喱系列、意大利粉系列、日式咖啡、熱菜、窩夫系列、班戟系列、芭菲系列、蛋糕及蛋卷系列、杏仁蛋白餅系列、曲奇系列，一時間真哋睇到眼花繚亂，樣樣都想試。抹茶窩夫配日本抹茶雪糕、栗子蓉、抹茶曲奇 $68其中一個表姨甥女喺窩夫粉絲，預咗佢會點窩夫，在乎揀咩味道。雖然佢話自己唔喺抹茶控，但呢一款配搭比較特別，就揀抹茶窩夫，一睇賣相就知真喺花過心思，下過苦工。寫明抹茶窩夫就堅加入抹茶粉去做，睇邊邊都望到，一切開窩夫心更清晰墨綠一片，伴上抹茶雪糕，再淋上吉士漿，多添一分香甜味；栗子蓉咪以為淨喺伴碟唧一堆就算，配上鮮忌廉，再灑上唂咕粉、抹茶粉及放啲粟米脆

之前聽屋企人講，知道黃埔開左九號水產，所以今次專程黎到呢到閒逛同食飯。入到去九號水產入面，除左有海產賣之外，入面仲有餐廳可以坐低食野。買完野之後，就諗住坐低醫肚，行到宏既餐廳門口，已經比佢既蛋糕櫃吸引住，所以我地二話不說就入去食飯。大鰻魚飯套餐 $180沙律 -沙律菜好新鮮，食落去仲好爽脆添。海藻烏冬 -烏冬好軟滑，而且上面仲鋪滿左海藻，海藻口感好爽口，同烏冬好夾。咁凍既天氣食個熱烏冬，暖一暖胃。鰻魚飯-鰻魚面既鰻魚汁燒到好均勻，見到已經好吸引。鰻魚咬落去肉質肥美同好juicy, 食落去仲好嫩滑添。另底層既飯沾滿左鰻魚汁，夾埋飯一齊食，真好夾。正！抹茶蛋卷 -蛋卷咬落去好軟熟，而中間既抹茶好creamy，仲有好香濃既抹茶味，好味。熱草莓味紅茶-第一啖飲落去，有紅茶味之餘，仲有啖啖既草莓香味。食完咁多野之後，最尾嘆返杯熱茶，消濟又暖胃。正！

之前都有聽過宏既抹茶甜品同卷蛋好食架啦，今次同朋友專登黎試，貪可以食多幾款甜品嘛先睇下餐牌，由於只食甜品，所以只睇甜品果幾頁依頁係甜品推介，梗係要叫啦餐廳仲有提供窩夫同埋班戟，點都想叫番樣由於卷蛋係餐廳必食推介，而佢又有分抹茶、香草同埋黑芝麻味，所以我地三款都叫左件，試晒三種味而我地叫既係小卷卷蛋入面既cream 真係幼滑，整個卷蛋軟綿綿，而各自都能夠突顯自身既味度，其中的確抹茶味較為出眾跟住就叫兩樣大啲既甜品，首先係抹茶窩夫味度真係很不錯，窩夫係岩岩新鮮烤好，外脆內軟叫得做抹茶窩夫，窩夫既夾層都真係抹茶令窩夫本身都帶有抹茶味配合埋個抹茶味香濃既抹茶雪糕，真係好好味而碟旁邊放上栗子蓉，可以為個窩夫既抹茶味作點綴另外仲有塊抹茶曲奇麵好有抹茶味架之後黎既係抹茶甜品Set A餐廳提供兩款Set，我見佢甜品推介既餐牌係Set A，所以就揀左佢個陣容都已經好豐富依個拿破侖好特別，夾住抹茶雪糕，雪糕抹茶味濃郁同夠creamy不在話下配埋脆卜卜既拿破侖餅底，好似食雪糕三文治咁，好感一流，真係依樣係牛奶布甸，係個Set入面唯一一樣唔係抹茶類既甜品但佢採用3.7牛奶，係咪真係就唔知，只可以講奶味係真係好

琴日去左黃埔睇戲，經過見到新開九號水產，就行左入去睇下，竟然見到「宏」新開左間分店，門口仲擺好多小蛋卷，好吸引，搞到我想整返件同食埋晚餐！員工都好nice👍🏻不停奉上水，同介紹餐牌食物！我男朋友就叫左大鰻魚飯套餐，鰻魚都好燒得好入味，飯量都適中，鰻魚汁撈飯真係幾正我就叫左個鱈魚飯套餐，鱈魚一d都唔腥，好軟好淋，配埋個鱈魚汁，更加好味，仲有好多配菜，點醬汁都好好食每個套餐都會跟一個沙律、海藻烏冬同小蛋卷！沙律菜都好新鮮，個醬汁酸酸甜甜，好開胃海藻烏冬好幼好有咬口，仲好滑，好多海藻，唔錯香草小蛋卷😋好香好軟熟，中間果層cream好滑抹茶小蛋卷，好香好濃的抹茶味🍵飲品：軟雪糕咖啡沙冰，咖啡好香好濃，雪糕好滑好好味日本青森蘋果汁，好濃郁嘅蘋果味，酸酸甜甜好好飲我地食完飯唔夠喉，我地就叫左個抹茶軟雪糕芭菲，軟雪糕好滑好濃，仲有好多配料，有我最中意嘅丸子、杏仁餅同紅豆等等，我真心覺得甜品整得唔錯整體來說，餐廳食物質素同日本差不多，甜品仲整得唔錯，好高質！

依間叫宏既食店，係尖咀The One開左一間果時已經幾出名，依日黎黃埔依頭搵朋友，見係度開左第二分店，而且仲較少人，就決定食佢做晚飯首先睇餐牌，真係好多選擇，而餐廳主要以海藻烏冬同埋綠茶蛋糕出名，加上佢地既飯係採用新潟米煮，點樣先一次過食晒三樣嘢？好在餐廳提供多種套餐選擇，我就揀左佢依排新出既純日本白燒鰻魚定食白燒鰻魚已經好有綽頭，而個餐仲包晒海藻烏冬同新潟米飯，仲有埋佢出名既卷蛋啊真係一次過滿足晒多個願望先黎餐飲，就係斯里蘭卡錫蘭紅茶茶味好濃，飲到咁上下店員仲會幫你加熱水，但茶味飲左兩三杯仍然幾濃好快就上主菜啦個賣相陣容已經靚一上枱，店員就介紹下啲醬料，盤既最上方由左至右分別係芥末豉油、海鹽同埋䄂子豉油，魚旁邊深色既就係鰻魚用醬汁，計計埋埋有成三四種風味食法架白鰻魚無想像中咁大條，不過細細塊得黎口感鮮味十足，好有魚味，肉質亦無一般鰻魚咁粗，係不錯本身條魚其實唔會太濃味，鍾意食濃味啲既可點點醬油食味道更佳個定食仲包埋海藻烏冬，口感彈牙幼滑，就咁食已經味道不錯餐牌上介紹依款烏冬講到好健康咁添架，仲攞埋獎咁至於依碗飯就係新潟米飯，係幾有飯香同埋口感軟綿綿架最後就係餐廳皇牌之一，綠茶卷依個跟

每到星期一就覺得難捱，所以星期一叫做 blue Monday 的確無錯，加上家姐難得唔洗加班早收，今日特意同家姐二人行一齊出去食飯，去左位於黃埔九號水產入面嘅日本餐廳食日式定食同日式西餐可能今日係星期一，餐廳唔算多人，所以一入座就有枱，地方闊落簡潔，我地二人行一人叫一個套餐，大家唔洗爭每個套餐都跟每日是日紅茶一杯，今日係熱草莓味紅茶，紅茶係用茶包沖成，草莓味道好香濃，離遠未飲都已經聞到，入落以為會有強烈酸味，估唔到味道清香，酸味比例好少，飲落好舒服，剛好依幾日天氣咁凍飲啱哂咖哩炸豬扒飯豬扒外層炸得好香脆，唔會太厚粉，咬落有咔啦聲，肉質仍有少少肉汁，口感幾軟熟，日式咖哩汁濃郁得黎帶少許微酸同微辣，汁中夾雜蘑菇片，拌匀飯一口食味道好開胃，本身我都愛食辣，如果辣味可以加強相信更出色純日本白燒鰻魚定食依個定食除左主角白鰻魚同飯之外，仲有海藻烏冬、胡麻汁沙律同甜品小蛋卷，依個定食嘅白鰻魚同平時食到嘅汁燒鰻魚唔一樣，白鰻魚直接網燒，完全無預先搽醬汁燒，食落好香口，魚肉肥美且魚味濃，完全無腥味，而碟邊有包生椒粉，可以淨食鰻魚或沾粉食，另外亦附跟Wasabi醬油、海鹽同柚子汁，有多款醬鹽可以沾住食，每

<宏喺黃埔開左 又有抹茶蛋卷同日本野食lu 😁>喺尖沙咀既宏 開業都有好幾年 終於開左分店 坐落黃埔呢個 九號水產大廈入面 其實唔上網睇係唔會知賣海鮮好似台灣上引水產既地方會有間宏既分店😂 anyway既然黎到又要試下佢既日本野味道如何啦🇯🇵🍴咖喱炸豬扒飯 108 蚊 🍲🐷好耐冇食過炸豬扒飯 🍚 要講下呢碟飯都幾大 白飯係用左日本軟飯 所以同咖喱好match ! 😁 咖喱 好香濃 帶有蘿白洋葱碎得 夠juicy香甜🥕 而炸豬扒落既茨粉唔多 所以又脆又有口感 🐷 入面既豬肉夠肉味 幾好食👍🏻幾鍾意佢有新鮮生菜蕃茄沙律🥗 食得肥膩時可以食d菜中和 👍🏻🍴大鰻魚飯+烏冬 180 蚊一個set有鰻魚飯又有烏冬 都幾夠飽肚🙃 首先烏冬 係偏向幼身灰綠色嗰款 佢係麥味比較香 加上少少海帶調味 夠哂清新 🍲 而鰻魚飯用飯盒載住保住温度 一開蓋好香鰻魚醬味 鰻魚有兩大塊夠肥味 d魚油同醬合而為一 🐟 撈埋落熱辣辣又軟身既白飯一齊食 🍚 好味 幾鍾意佢有 生菜蕃茄沙律中和肥膩🥗 夠細心 👍🏻🍴小抹茶卷🍵🍰跟餐會送一個小抹茶卷 抹茶卷出面放左少少抹茶粉 出面嗰層蛋糕都好夠抹茶味 若果軟身

記得之前係尖沙咀已經食過呢間餐廳, 而且記得質素都唔錯, 食物都幾好味. 最近發現原來佢地係黃埔開左分店, 而剛好去開果邊, 所以同朋友仔就選擇再次去幫襯下~  純日本白燒鰻魚定食 蒲燒鰻魚食得多啦, 難得見到有 “白燒鰻魚”, 當然要試下啦. 叫得 “白燒”嘅, 當然就係冇咩加調味料啦. 白色一片燒鰻魚, 表層有微微燒焦的金黃色, 口感外香內軟, 火喉剛剛好. 而味道就係一個字 “鮮”!  另外還配上 芥末醬油, 海鹽, 柚子醬油 & 蒲燒鰻魚醬汁 4 款調味料, 自己可以作配搭. 各有各唔同風味.  而我就比較喜歡 “柚子醬油”, 既增加味道又帶有柚子清新.  而配鰻魚嘅飯係用左新潟米煮，飯粒飽滿圓碌碌，食落少少煙韌。  迷你三彩定食 三彩係指 鰻魚飯, 吞拿魚魚生飯 & 海藻鳥冬 各一碗. 雖然標榜係“迷你”, 但查實份量一啲都唔 “迷你”. 飯碗係平時大家一般屋企用的飯碗SIZE, 所以係足足有 兩碗飯 加 一碗烏冬, 對女仔黎講, 份量真係足夠有餘.  先食口味較清淡的 吞拿魚魚生飯: 粉紅色的吞拿魚魚肉打碎後鋪上飯面, 單看外表係雖然冇鰻魚飯咁吸引, 但食落又真係

這天因工作關係來了黃埔區，隨便就在附近吃晚餐，驚喜地發現黃埔新開了一個日本食肆的小區域，還開了以小蛋捲聞名的宏，二話不說就入去食。餐廳推介的白鰻魚，我們都覺得很特別，於是點了來試下，同時也點了蒲燒鰻魚。兩款定食賣相都十分精緻而豐富，包括了沙律和海藻烏冬。白鰻魚煎得香口，脂肪比較少，可以點燒汁、海鹽、芥末來食，三個食法三種口味，清新而美味。蒲燒鰻魚如常的肥美而香嫩，十分滋味。小碗吞拿魚碎飯是得的至愛，新鮮而肥美。海藻烏冬十分彈牙美味。餃子炸得香脆，餡料十足。錫蘭紅茶仍舊香淳清新。小蛋捲仍然保持水準，甜而不膩，帶有很香的綠茶和雲呢拿味。如果還不滿足的話，推介這個黃埔分店限定的草莓Pancake。香軟而不會太厚實，與草莓醬配合得很，一點也不會滯膩。

收工後同老公睇下燈飾， 之後坐船過紅磡，遊下維港，順道去開咗無耐嘅「九號水產」八卦下，原來入面係好似food court mix 海鮮檔咁。呢間店門口擺咗個蛋糕櫃， 裡面嘅抹茶卷勁吸引，我就拉咗老公入去。 有個職員姨姨走嚟招呼我地， 但又唔係講「21314」，聽真D原來真係同我地講日文， 咁我地當然唔識回應，淨係識笑同點頭， 之後姨姨再用「非日式英語」介紹食物， 雖然我地都只係明白七八成，但係姨姨嘅態度真係令人覺得好舒服， 佢唔會淨係介紹最貴嘅嘢，而真係會同你傾下計， 了解下你嘅口味之後比空間你慢慢諗，呢種心態上嘅舒服已經令我覺得D嘢都好食D。 老公喺白鰻魚餐同埋「迷你三寶鰻魚飯、吞拿魚飯同烏冬」之間掙扎， 最後都係揀咗白鰻魚，佢話因為真係見識少未試過。老公話白鰻魚嘅口感，係白鱔溝鰻魚， 外邊似鰻魚咁淋，中間就似白鱔咁爽口，至於味道，就咁食或者點少少海鹽已經好味，而點返平時嘅鰻魚醬，就好似食返平時D鰻魚飯咁。呢個set有沙律，有飯，有烏冬，有紅茶，仲有甜品，真係好豐富! 我就叫咗個牛肉烏冬，因為烏冬係侍應姐姐介紹嘅， 話絕大部份客人食過都讚，同埋食咗對皮膚好D。 唔理佢有無功效，最緊要

今日陽光普照趕走左懶洋洋的我，令我覺得人生充滿咗希望咁😊想搭下渡海小輪吹下海風⛴睇吓海景🎈⋯⋯突然間好想好想食甜點🍮！但係又未食正餐，老婆話有一間日式餐廳🍴🇯🇵🇯🇵宏🇯🇵🇯🇵位於👉九號水產黃埔花園九期商場👈又有甜品同時又供應正餐，仲係食材係來自日本🗾添純日本白燒鰻魚定食＄210套餐附送👉海藻烏冬🍚新潟米飯🥗沙律錫蘭紅茶☕白鰻魚味道鮮甜，有四種醬汁供選擇，我就比較喜歡鹽，因為可以帶出白鰻魚嘅鮮味👍返粒晶凝通透😋海藻烏冬仲係攞過奬添係健康嘅食品，全部都係來自日本🇯🇵咖喱🍛炸豬扒飯＄108豬扒炸得鬆脆但有保持肉汁，咖喱非常香口撈埋來自日本嘅米飯，好快就K.O.晒佢😋櫻桃巧克力蛋糕🍰意大利芝士蛋糕🍰因為見到櫥窗呢兩款我最鍾意嘅蛋糕😬點可以錯過呢⋯⋯味道相當達標😋日式雞軟骨豚肉炸餃子＄30外皮酥脆，餡料有韭菜丶豬肉丶雞軟骨非常豐富，可能有雞軟骨👉非常有咬口👍日本草莓pancake＄88兩塊大大嘅pancake充滿蛋香，雞蛋布甸丶雲呢拿雪糕🍦、來自日本嘅草莓🍓、配以香濃嘅草莓醬😍香蕉🍌焦糖窩夫＄68呢個簡直係全餐嘅靈魂，未來到已經聞到由喺廚房傳出嚟嘅窩夫嘅香味，窩夫外脆內軟，充滿雲呢拿和蛋香味十足