家上海 (奧海城三期)

营业中

休息中

上週日和家人們晚餐，第一次來，聽講好好食，但感受到十分差的服務，食到一肚氣！食物一般，待應，經理服務態度好差，限時個半鐘，食到一肚氣，一個鐘未夠就不停追埋單，不停來執嘢收嘢，叫你食埋嘢執枱，點解會有咁服務態度？一定不會再幫襯😤😤

今次嗌咗好多嘢食，同埋整體都好高質，值得一讚係環境舒服同埋員工都好nice，今次成個用餐體驗都好滿足🥰一開始先上茶($13/per person)建議清清地嘅可以開一壺人蔘烏龍，我覺得好清香同幾回甘👍🏼酥炸椒鹽一口臭豆腐 ($68)呢度嘅臭豆腐唔會好似街邊嘅濕淋淋，而係酥炸到外表薄脆焦黃，然後自己點醬汁，咬落去內裏軟嫩，食到微微發酵嘅味道。在座有位同行友人本身唔食臭豆腐，都讚呢度既好味，仲要擺盤都好靚呀😳大上海牛肉餅 ($48/3件)外皮酥脆，估唔到咬落去咁爆汁。脆煎灌湯小籠包🤩 ($63/6件)呢個超級推薦，都係第一次食煎過既小籠包。外皮薄得黎個底勁香脆，小籠包入面都勁多汁，熱辣辣，肉餡同湯汁都無敵好食！金牌小籠包 ($54/6件)一樣係皮薄餡靚，夾起上黎都聚手(pic 5)，湯汁多得黎皮控制得啱啱好唔會穿，係高質嘅小籠包，不過都係覺得上面脆煎既太驚艷🙈蜜汁脆鱔 ($90)夠脆得黎蜜汁夠，唔腥，冇骨！茶香油爆蝦 ($88)蝦殼酥脆，咬薄本身啲蝦仔都幾飽滿，夠鮮。招牌糯米炒青蟹 ($438)大大隻蟹真係好正！糯米飯炒得好好，咬落係有啲咬口，唔會過濕，最重要係完全吸收晒蟹嘅鮮味，蟹都好新

上星期五一行四人去咗食，因為當日早上才決定去，所以冇得訂座，唯有Walk in。大約6:45到達，但係已經好多人喺埋度排緊等緊枱，咁我哋都照攞飛，等咗大約30分鐘就被安排入座（算OK啦星期五）老實講，今次嚟嘅主要原因係因為上次同朋友食晏晝嘅時候餐廳送咗coupon俾我哋（食$300減$100 ），所以今次約多兩個朋友一齊過嚟食。食物方面其實係唔錯嘅，個人覺得佢比坊間其他上海菜算是中上，而且價錢都算合理今次我哋叫咗以下嘅食物：上海小籠包醉雞砂鍋雲吞雞毛豆百葉蟹粉蝦仁小黃魚三條上海粗炒到甜品嘅時候，因為有女士想食酒釀湯圓，店員話會幫我哋安排不另外收費(抵讚👍)到差唔多埋單嘅時候，我哋叫店員攞張單俾我哋睇，睇吓可以用到幾多張coupon，而當日嘅經理（阿傑）亦非常有耐性及建議我哋可以叫多少少再用多一張coupon，變相我哋可以食多少少野但係再優惠左今時今日呢一種以客為先嘅服務態度，本人覺得非常值得表揚

之前食過元朗店幾好食, 原來奧海城都有, 今日同朋友黎試左幾個招牌菜同春夏時令推介, GOOD 喎！涼拌手撕鹹雞海蜇 – 又香又滑, 鹹度剛剛好. 不過前菜黎講好大碟, $180 前菜算貴, 但經理話係用足足半隻雞黎整的, 如果咁大碟當主菜食又唔貴喎.紫菜花甲湯 – 好鮮甜, 不過經理話今日無花甲, 所以轉左沙白蜆, 我鍾意食花甲多D. 湯內有大量粉絲, 可以慳返唔洗叫粉麵.龍井炒河蝦仁 – 起初以為呢道菜應該好清淡, 原來好濃味, 油左小小, 扣分雞汁雲腿冬瓜甫 – 非常好, 勁大碟, 好清新, 好啱呢個季節食, 個雞汁一D都唔膩, 好似濃濃的清雞湯, 撈飯一流.脆煎灌湯小籠包 – 個包底煎到脆脆, 好香口, 勁多肉汁, 皮薄餡靚, 超正.高力豆沙香蕉 – 上檯熱辣辣, 漲卜卜, 甜度適中.總括黎講除左河蝦仁之外, 其他全部都好好食.

家上海，顧名思義，吃有家感覺嘅上海菜。第一次來，試吓餐廳自己金牌推介：首先，來一籠 金牌小籠包（六件），如圖☝🏼，皮超薄，一啖放入口，豬肉加上湯，熱辣辣，小心燙口😽豬肉新鮮，上湯甜美，令我食唔停口。跟住，係一客炸醬拉麵，湯同麵料分開上，有啲似撈麵，同一般炸醬「湯」麵的賣相唔同。個人喜歡呢款，因為見到好多炸醬😽😽，味道不咸不淡，豆味濃郁👍🏼最後，來一碗 金牌大排湯麵，「大排」係酥炸豬扒，份量好多又Juice😻，見到碗湯麵唔係剩係得蔥花，有幾條翠綠白菜，感覺上餐廳關心 食客均衡嘅飲食😻，湯底同炸醬麵湯底一樣，覺得似雞湯熬出的上湯。拉麵真係好好食，全人手打造，有個玻璃廚房俾你見到廚師們喺裏面做麵條。我一定會再來😽😽😽

天冷叫外卖🥡見到一人餐HKD138而家有七五折就決定試下～十五分鐘已經可以拎到，仲用保溫袋裝我們點了紅燒獅子頭餐同埋回鍋肉餐，獅子頭肉嫩好多汁夾飯好好食，份量以上海菜來講都不算少，雞絲粉皮等小食也都好食，套餐配埋酸辣湯暖笠笠好滿足，可惜豆漿就係便利店產品，總體而言呢個價都算ok

是一個加班工作後的晚上，放工回家，來到奧海城三期，決定在這兒的四間中西食肆中揀一間合心意的，與太太共晉晚餐。因為用匯豐信用卡結帳有買一送一的吸引優惠的緣故，所以在四間食肆中，最後揀了這間「家上海」，一試它的「佛跳牆海皇宴」。前菜「淮安四小碟」包括「四喜烤麩」、「花雕醉轉彎」、「涼拌陳醋海蜇頭」和「鎮江冰官肴蹄」四款前菜。這四款前菜，份量不多，不能飽嚼，只可淺嚐，味道中規中矩，鹹、甜、酸俱備，是過得去的，但未算出色。這套餐的重點「鮑魚花膠佛跳牆」緊接四小碟送上。這足料佛跳牆集鮑魚、花膠、海參、瑤柱、精肉、雞腳等食材於一身，味道濃郁可口，與「皇仁舊生會」的超班佛跳牆相比，雖仍有一段距離，仍是好味之作。「乾燒蝦球配鍋巴」挺好味道，口感爽彈的乾燒蝦球在酸甜開胃，且帶微辣的調味茨汁加持下，美味可喜，配以脆卜卜的鍋巴，讓人不禁想多來一件。「薺菜年糕燴桂花魚片」也好吃。年糕軟糯而有彈力，魚片雖不夠嫩滑，但這菜的茨汁味道調較得宜，仍能成功地讓這道菜成為令人喜歡的菜式。製作需時，等待了好一段時間才上桌，賣相不錯的主食「濃湯魚翅撈飯」味道也好。本非特別的蛋炒飯，伴以圍繞四周的魚翅茨湯後，變得濕潤好味。來到

第一次食晚餐，碗碟很乾淨，望落放心；食物有一定水準，好味；特別想讚下侍應服務細心，高敏感度，望下你嘅眼神，很像了解你的需要，用心服務，一流！整潔10分食物10分服務100分

散步经常路过的一家上海菜，终于有机会来尝试！会回顾～现在是在室外就餐的好季节，餐厅提供了小蜡烛提供光亮衬托氛围最喜欢的是蟹黄大汤包 - $40很满足 - 汤足馅大皮薄~墙裂推荐草头圈子，即红烧大肠，没有异味，大肠内脂肪保留比较多，吃久了会比较腻蟹粉豆腐中规中矩，但胜在清淡健康。第二次再来的时候点了蟹粉虾仁。蟹粉虾仁无论味道还是蟹粉含量都更胜一筹锅贴皮厚馅实很有嚼劲，表皮一点点油Mocktail非常清爽，绿茶沙冰看起来就比较罪恶了哈哈哈，红豆很多哦

我同男朋友都好中意食上海菜, 但其實上海菜真的一D都唔平呀!奧海城附近有幾間上海野, 如果以商場入面又坐得舒服,價錢都接受到既,就真係要嚴選呢間新開一段時間既家上海!我地其實都好中意金滿庭。 不過家上海開左之後, 就過左檔啦。始終價錢係親民些少既。紅燒東坡肉 - 有D失望呀。睇個色水都知道同想像中既傳統東坡肉有D出入。男朋友形容個汁係叉燒包個汁小籠包 - 皮薄餡靚呀。入面D肉汁好JUICY。如果多D薑絲同醋就好啦鍋貼 - 皮脆+JUICY, 同小籠包一樣100分呀!炒年糕-略嫌差咁D雪菜味/鹹味。同埋再加少少油/ 煙UN 應該會正D!四季豆 - 正常, 沒有太大驚喜。送飯一流。呢度既人蔘烏龍茶好好飲~ 成日都有回甘既味道。呢間店既下午茶好抵食。人均應該$50搞得掂,晚市始終有D貴。下次黎食下午茶, 滿足下我好想食小籠包既心先

今日同屋企人黎呢到飲下午茶，呢到下午茶時段由兩點至五點，星期日都有1:50黎到拎飛，有5-6組人等兩點鐘入座。呢到下午茶主要分為3類： $38 - 小食類，有小籠包、鍋貼、春卷、水餃、雲吞；$48 - 湯麵類；$58 - 炒麵、炒飯類。$38 招牌小籠包 - 皮薄多汁 $38 鮮肉鍋貼 - 都係超多汁，略嫌皮唔夠薄$48 紅燒牛肉麵 - 一般，麵太淋加配左$22 蘿蔔絲酥餅 - 熱辣辣，咬開有煙出$58 肉絲兩面黃 - 同我想像既有D出入，太濕，麵唔夠脆$54 脆煎灌湯小籠包 - 同煎小籠包無太大分別，係個底煎脆左，都可以一試。但我都係鍾意傳統蒸法多D🤣。下午茶包埋茶芥，坐得都算舒服，服務員又會不停幫你refill 水，呢個價位算唔錯見到有幾枱叫左十景揚洲炒飯，大碟到堆到成座山咁，下次試下先！

真抵食嘅佛跳牆宴(HKD298/位)，雖然兩位起，但係買一送一。六味餸真係俾足料，用料以海鮮為主添。重點嘅佛跳牆原盅燉，湯底清澈但味道濃厚👍🏻仲有兩餸一湯(唔記得影湯)嘅一人份客飯餐(HKD138)，外賣自取有75折，諗唔到煮咩外賣都唔錯。

加上海係位於奧海城三期呢度有個好特別嘅地方 廚師煮嘢食嘅地方可以通過透明嘅櫥窗望到。服務員 好nice呢間嘅嘢食, 有好多款式, 因為家人經常食 所以 已經試咗好多唔同嘅款式, 佢哋嘅 豬手 一定要試下掹得好淋好好食， 呢個係我全家人推薦👍

性價比指數: 🌕🌕🌕🌕🌕好味指數:🌕🌕🌕🌕🌕服務指數: 🌕🌕🌕🌕🌑環境指數：🌕🌕🌕🌕🌑.今次到媽咪介紹我去食野😂佢話同朋友食過幾好食又唔貴，今日放假3人行去食下。去到7點半左右，等差唔多10-15分鐘有枱。真係有啲喜出望外喎又！呢間真心真心讚！！.-二人餐 $398✦麻香雞絲粉皮✦油燜小竹荀✦上海酸辣湯兩客✦椒鹽小黃魚兩條✦張大千紅燒獅子頭✦脆煎灌湯小籠包4只✦酒釀丸子兩客散點✦薺菜肉絲炒年糕 $88✦大上海牛肉餅（三件）$48茶水✦$12/位即時登記會員20%off ，Total: $513 (3人份量).-茶.雖然茶芥要$12/位，但值。點左人參烏龍，茶味夠，帶少少回甘..-.食物. ✧ 麻香雞絲粉皮呢碟菜我咁多年都唔多欣賞，食親都軟綿綿，好似無味啫喱（仲要無落魚膠粉果隻）溝花生醬咁。但呢個真係好食，你睇相可以見到佢卷住一條條好分明，咬落彈牙、好味❖評份：🌕🌕🌕🌕🌕..✧ 油燜小竹荀❖評份：🌕🌕🌕🌑🌑..✧ 上海酸辣湯鍾意佢酸味夠，帶微辣❖評份：🌕🌕🌕🌕🌕..✧ 椒鹽小黃魚無食，但聽聞皮脆而且唔腥❖評份：N/A..✧ 張大千紅燒獅子頭❖評份：🌕🌕🌕🌑🌑..✧ 脆煎灌湯小籠包用小煎p

今次同幾個同事出去奧海城做嘢，當然唔少得搵好嘢食啦～食過家上海元朗店，長期排長龍，相信奧海城店質素都有返咁上下嘅！咁啱出咗新嘅套餐，用料係有鮑魚、花膠、魚翅、桂花魚嗰啲，但每位只係$298 😳 仲要買一送一 😳😳😳係咪抵食咗少少呢？所以我哋叫咗兩 set share，再叫一啲大餐牌菜式～個餐有前菜四小碟，最鍾意係個陳醋紅蜇頭，麻油味好好食，又唔會太酸。成個餐我最鍾意係個燉湯，超足料佛跳牆，勁養生，鹹淡適中（有時金華火腿好搶味，但呢個唔會！）蝦球鍋巴薺菜年糕桂花魚片，桂花魚好嫩滑又無骨，比起韓國年糕，我都係鍾意上海年糕嘅厚薄同口感。個芡好好味呀～魚翅撈飯同鮑魚撈飯，味道濃咗啲另外叫咗我至愛嘅四季豆 食過其他上海菜館，仲未有一間係好味過呢度！炒得勁香勁入味，又唔油膩～仲有個排骨湯麵，一見個份量真係嚇到呆咗，以為畀錯咗，但原來一份真係有咁多 😳食飯嗰日係平日午市，都好 full 吓，不過店員都好盡力快手 serve，態度抵讚 坐得舒服，值得回頭！