家上海 (奧海城三期)

营业中

休息中

最近知道奧海城開咗間新嘅上海菜就落去試下。以食上海菜價錢，依間唔算貴，但如果俾我再揀就寧願比多少少錢食好啲。我地嗌咗人參烏龍茶，啲茶係用茶包，非常淡味。由於無影餐牌，具體菜名唔太記得。脆鱔味道不錯，好似糖醋肉咁，炸得夠脆，係唔錯嘅小食。擔擔麵完全無花生味🌚 好甜因為有小朋友，所以嗌咗辣另上但自己倒完辣油之後，就只係得辣味，仍然無花生味。小籠包味道不錯，好多湯。但擺放就...有幾隻癡埋一齊，搞到夾嘅時候好易整爆隔離嗰隻。紅燒肉啲「腐竹」唔入味紅燒肉亦一般。唔記得名，但係豬大腸包住少量肉。個人覺得依碟最有驚喜，豬腸清得好乾淨，味道唔錯，唔會過甜或過鹹。啲菜都唔會好油，好好食。以上海菜黎講，其實算不錯。但因為食開另一間，不免有比較。希望下次黎食會有進步啦。

在奧海城三期開業多年的 Simplylife不知何故突然結業之後，最近換成了這一間「家上海」。一個午後，我就在那裡吃了一頓上海下午茶。兩夫妻點的兩個包上海前菜和主食的「下午茶套餐」，分別有「四款烤麩」、「油燜小竹筍」、「上海粗炒」與「上海嫩雞煨麵」。全都做得有板有眼，廚房師傅看來功夫扎實，而且兩款主食的份量都甚為足夠，絕對可以飽肚。原來惠顧這下午茶，只要另加 $22，便可以把普通的飲品換成改了一個特別名字的特飲「上海百合」。愛嚐新的我便點來一試。這杯以荔枝為主要成份的特飲，味道確是不錯，清新好味，一股水果的甘甜味道令我一喝愛上，這「上海百合」的確值得一試。其實，這兒的「上海下午茶套餐」每位只是 $68，有多款不同的小食、包點和主食組合，加$12有汽水或豆漿，加$22更可享用「上海百合」特飲  ，除星期六、日和公眾假期外，每天下午二時半至四時半都有得吃，有興趣的話，大可一試呢！

餐廳裝修幾靚， 坐得幾舒服， 啲嘢都幾抵食， 但係員工服務態度非常差， 我已經同佢講咗要喺旁邊張枱加多一位， 因為我個friend後join， 但係個部長就成日張張枱介紹畀其他客人， 完全無視我嘅要求， 而且不停想收我個餐牌， 我已經同佢講咗好多次我哋會加嘢， 最嬲嘅係無啦啦要我哋埋單， 因為淨係可以食個半鐘， 但係我入坐嘅時候佢冇同我講過， 我咁同佢講嘅時，佢竟然反我白眼， 佢咁樣對我都非常唔公平， 我明白星期五人多 ， 但今時今日咁嘅服務態度 。非常無言，唔會再去。

這家元朗店之前品嚐過已經覺得不錯👍🏻這次一班朋友來個午聚在奧海城有分店，朋友們想一試所以決定來個午時套餐！這個套餐份量非常豐富，有燻魚、烤麩、蒜泥白肉、烤雞、湯、炒飯、炒四季豆、炒辣椒蚌、小籠包、高力豆沙、豆沙鍋餅、糖水！真係好多最重要係好味，服務又好👍🏻分店也做得好好👍🏻

食到一肚氣，千祈唔好去。大閘蟹套餐騙人，當初侍應買一送一，HK$498 另加一服務， 應該是$547.8 每人$274 每人兩隻大閘蟹，但到套餐只得一人一隻大閘蟹，而且超細，蟹粉羹凍和腥味，份量少品質一般，另送個位另加$50, 和茶錢$12/位，與職員理論無效，而又找不到經理，最後只減$100 4位，絕不推介。

奧海城有金滿庭、霸王山莊同家上海3間上海野，似乎有點多，看來其中一間要被KO，信和唔幫租客諗下競爭力，會累了其中一間的，有點可惜。第3/4次到家上海，可能是店舖設計問題，環境真係好嘈。叫了上湯津白、小食拼盤、蟹粉小籠及湯雲吞。湯雲吞個湯好油同有味精湯feel，我唔太喜歡。蟹粉小籠沒有蟹粉味，小食拼盤中規中矩但要HKD238好像太貴了，每樣4件。上湯津白其實只是火腿津白挑走左火腿，我本身唔鍾意火腿太鹹先叫上湯，但都一樣，實在好鹹，返到屋企仲勁飲水。埋單時要求拎手寫單，黑衫經理黑面兼話會比電腦單 (鬼唔知咩)，朋友再禮貌講聲要手寫單黑衫經理就黑面仲背住我朋友話佢「咁惡！」比我聽到，同佢反映仲唔講過，咁樣就唔係幾有禮貌，寫張單咪寫左佢就算囉，駛咩係客面前發惡呢？真要不得⋯

家上海有兩間分店，元朗個間上星期試左都唔錯，就諗住試埋奧海城個間，睇下水準係咪一致預先一日打電話book左位，所以一去到已經可以入座。座位尚算舒適，食物款式就同一般上海餐廳差唔多。每檯都有一碟前菜，之前係元朗分店食既係花生魚仔，今次就係醃蘿蔔，同事都話酸酸甜甜，幾好食。我地叫左燻魚、水晶肴肉、臭豆腐、雲吞雞、炒飯、津白、小籠包同豆沙鍋餅。傾左一陣計，d美食已經好快送上。燻魚同水晶肴肉都不錯，臭豆腐都算熱辣辣，”香”噴噴！雲吞雞都好大份，雞湯清甜濃郁。炒飯材料豐富，甚有鑊氣。津白清甜美味。小籠包有得揀蒸同煎，我地揀左傳統既蒸，皮有點簿，好易流曬d湯出黎。豆沙鍋餅最後上檯，都算多豆沙，唔會太甜。總捨黎講都唔錯，可以再食，但就記得要book位，因為真係有好多人排隊呢～

同朋友第一次lunch嚟食飯，見到會員有買一送一優惠所以叫咗一個特價大閘蟹套餐套餐前菜揀咗小排骨同埋蒜泥白肉排骨甜甜的很入味，可惜肉質很硬，食咗一半便想放棄了蒜泥白肉唔知道係咪廚師唔記得咗放蒜泥？因為根本無蒜頭味。值得欣賞的是白肉不算太肥，吃起來挺爽口。大閘蟹（四両）大閘蟹都幾多羔唔錯。餐廳提供膠手套，濕紙巾，鉸剪同埋捧仔方便食蟹很貼心蟹粉小籠包正呀呢度嘅小籠包皮薄餡靚，蟹粉都幾多唔錯唔錯花膠羹係黃色嘅，點解？因為裏面充滿着蟹粉，真係好正！建議可以放多少少大閘蟹嘅肉放落去一齊食咁樣食落去蟹肉更鮮甜，個羹就口感會豐富左蟹粉炒河蝦仁蝦仁好細粒，感覺上唔叫太新鮮，不過味道都可以嘅，食物亦都夠熱！雞油竹筍豆苗呢款唔錯！不過個人認為稍為鹹咗少少黑芝麻湯圓薑糖水湯圓得一粒好大粒。個芝麻餡亦都好好味呀想提一提呢度嘅服務真係幾好。尤其是戴眼鏡嗰位經理，非常好人！

本來想去食越南粉， 經過見到師傅喺度整小籠包，畀小籠包吸引咗， 所以入去試下， 都要等位，可能新開張，我等咗十分鐘到就有位， 佢啲碟頭都好大碟， 肉絲兩面黃88蚊， 四個人食都夠， 仲叫咗小籠包、牛肉餅 、黃橋燒餅同埋一個菜， 埋單411蚊， 佢哋啲茶壺好重囉不過， 茶葉方面有龍井、香片同普 洱，啲茶味都唔錯， 我見隔離枱叫個揚州炒飯都好大碟， 下次可以再去， 佢個松子魚係兩條魚囉， 如果呢個價錢， 呢間個碟頭都算做成正比， 因為有老人家一齊，出門口就可以搭到車，都算方便。

Simplylife 執左幾個月同一位置最近終於開新餐廳，食晏同朋友去試一試，餐廳可以訂位但其實可以walk in都冇問題。同奧海一期間金滿庭一樣冇lunch set但有2人餐同4人餐。2人餐大概$400，但因為啲野食唔啱所以決定散叫左小籠包、糖醋小排骨、同炒飯。食物味道OK但唔係特別有驚喜，另外糖醋小排骨好多肥膏，食到最後放棄左。其實價錢同食物質素同金滿庭差不多，但由於呢間餐廳可以訂位，所以下次都會考慮再去。

奧海城三期地下（以前simply life位置）啱啱開左一間叫「家上海」嘅上海菜，今星期日帶埋仔仔一齊去試下。到左餐廳約三點有六七成空枱。三人點左三碗麵、小籠包同一籠壽桃包。因食剩了兩個壽桃包所以叫侍應入膠袋帶走。離開餐廳後行左約十分鐘就發現唔記得攞外賣包記返轉頭攞。入到餐廳我就同侍應講：「唔該我頭先唔記得左攞袋包。」跟著侍應就話：「吓我以為你包起左唔要掉左。」我好無奈就話：「我唔要就唔會叫你包起啦。」不過我覺得自己都有負責所以就話：「咁算啦。」正當我想轉身走時有一個著白恤衫戴眼鏡身形略胖嘅中年男人（疑似高級職員）就問個侍應咩事，個侍應就話頭先袋包我以為佢唔要掉左。個男人一粒聲都唔出眼尾都冇望我一眼就掂行掂過。我想講句真心話，呢間餐廳食物雖然幾好，但同奧海城二期既金滿庭比較仲差一段距離，同埋人地金滿庭既服務態度好好多，所以開左咁多年都大排長龍。而呢間「家上海」就.................。

上海菜餐廳一向都深受香港人歡迎，特別傳統家常上海及淮揚菜式，所以久不久亦會與家人或朋友一齊去食。而上海菜餐廳當中家上海亦是我其中之一間最愛，最近佢哋亦係奧海城三期開設旗艦店，咁當然要去試啦。餐廳新開期間已座無虛席，而且裝潢亦相當舒適，特別喜歡餐廳花紋地磚以及木系椅桌，令餐廳散發多點懷舊氣息。淮揚五福拼盤一道相當精緻的前菜拼盤，而且每款食品都好有上海風味，拼盤內有：女兒紅醉雞、肴肉、陳醋紅蜇頭、燻魚及四喜烤夫，每款食品都各具特式，一次過可以試到多款美食。花雕酒糟三寶吃過五福拼盤就到這道奧海城限定的花雕酒糟三寶，酒糟三寶包括有鮑魚、鮮蝦及豬手，每一款食時都有濃郁酒香，相當回味。濃雞汁蘿蔔又是奧海城限定必食菜式之一，而且亦是相當有心思的傳統家常上海菜，每口蘿蔔都是爽甜冇渣入口即溶，食多口更散發出無比的雞湯精華。上海煙燻脆皮雞呢一道脆皮雞同樣做得相當出色，皮脆肉嫩之外，還有淡淡煙燻香氣，襯熱吃時皮脆到真係好似食緊薯片一樣，不錯。松茸蟹鉗燉繡球呢個菜式相當考大廚功夫，當中大廚需要在豆腐切出三千多刀先可以做到這個繡球，再配上松茸、蟹鉗增添矜貴，單是看已值回票價。家鄉薑蔥蟹米粉這道菜式選用約重一斤多

元朗朋友J先生喺元朗長大，佢長期係我元朗飲食推介嘅來源之一，由完全無認識到而家係元朗區有不少心得，也全賴佢影響，佢算係我其中一個飲食指南。之前他曾經推介一間元朗嘅中式餐廳，Yoho mall嘅「家上海」，以傳統嘅家鄉味道喺元朗打出個名堂，一直有不少粉絲和支持者都講過呢間餐廳有幾好，可惜兩個人食唔到啲乜，起碼要一大班人才可以試到多啲唔同嘅菜式。因此，一直只係可以聽人講下有幾好，上網睇吓有幾正，望梅止渴。不過皇天不負有心人，曾聽講過佢開分店嘅消息終於落實，「家上海」終於衝出元朗，喺奧海城開設了另一間新嘅分店。當然來到大角咀，約人就容約得多，於是當晚一行十多人來到這裏試試佢精彩嘅菜式。這裏以淮揚菜為主，主廚欒師傅生於揚州，上海和淮揚菜都是佢嘅拿手好戲，這個品牌的成功都正因為他，相信今晚幾個座上客都係因為想試吓佢嘅手勢而到訪。餐廳有好多之前元朗有嘅菜式，亦都新加左奧海城分店的限定菜式，人多就自然好做事，有幾多掃幾多。先上場嘅係奧海城限定嘅花雕酒糟三寶，以鮑魚，鮮蝦和豬手為主角，簡單加上花雕酒，薑和蔥等配料煮好後，三位主角都被花雕酒用上一晚完全溶化吸收，吃到食材的原味之餘，也吃到酒香。另一道前菜

家上海係元朗YOHO Mall咁耐，筆者就想試咁耐。只是，每每每一次都會被那長長的人龍嚇怕。等到頸都長，家上海終於在奧海城開了分店，我以為有生之年都見唔到佢開分店的...唔理三七廿一，約齊朋友整番圍，誓要食到佢為止！首次到訪，樣樣也想試，人多好辦事，請經理介紹多味撚手菜色，唔使傷腦筋。         冷盤先來酒糟三寶。海裹的鮑魚、河中的蝦，以及陸上的豬手，有著不同的爽脆口感，每啖亦滲出陣陣花雕幽香，清新的開始。接著是淮揚五福拼盤，內容為醉雞、餚肉、烤夫、海蜇頭，以及燻魚。雞肉皮爽肉嫩且入味，餚肉與烤夫唔怕死實實，海蜇頭伴青瓜爽脆，燻魚香脆之餘，也帶出應有的甜味，全部都合我心意。之後飲個湯，係松茸蟹鉗燉繡球。幾清甜的一個湯，繡球即千絲豆腐，乃考刀功之作，好睇又好飲。再來的家鄉薑蔥蟹米粉，席上有正宗蟹迷，見他吃得津津有味的樣子，該知道不要跟他爭。其實，底下的米粉，盡索薑蔥汁醬的精華，才是極品。黃魚炆手切年糕，上海黃魚固然味美，年糕一定要手切，口感真的大不同。很自然地將這裡的煙燻脆皮雞與十里洋場的出品相比較，十里的煙燻味較重，這兒的雞皮就脆口得多，兩者各有特點，貪心一點說，我都喜歡。鬆化

難得今日奧海城解放，便同屋企人過新店家上海食個lunch。大約1:30pm到達，門口仍有人等位，我們也等了超過35分鐘才可入座。餐廳裝修尚算簡潔，不花巧。樓底頗高，所以環境不太嘈吵。通常食lunch都會想清淡一點，所以我們只是點了一些點心及湯麵，配上熱茶。金牌小籠包 ： 皮薄，包身漲卜卜，肉汁滿滿，肉質尚可，算是合格。鮮肉鍋貼：皮厚好似食柴皮，感覺整個鍋貼未煎透，所以塊皮好難食，肉質較霉而裡面好乾，沒有肉汁，乾哽😖炸銀絲卷：絕對用差來形容，人家的銀絲卷咬一口清晰可見一層層，甚至乎可以一層一層咁碌黎食。這裡的咬一口包身便碎了，沒有彈性，完全見唔到一層層的效果，再一次乾哽😖上海擔擔麵：無味、難食，成碗麵是用花生醬混清湯再加一湯匙蒜蓉便完成，湯稀而無味。跟星光行北京樓同唐宮小聚的差十皮。紅燒牛肉麵：即使是上海做法也不至於完全無味，再一次湯，牛肉跟麵完全係沒有溝通一樣，各顧各，牛肉烚到沒味之餘更已達到霉口，難道此店用餚湯的牛肉？我要再一次強調此麵的湯底係一點牛肉味也沒有，湯清得如水般。上海菜肉餛飩：皮薄幼滑，菜肉跟湯味道也好，是全餐最好的一味。但最好的竟然忘記影相😅本來想叫第二輪，但大家都異口