富士山55 (拉麵沾麵專門店) (已結業)

身為海膽迷，卻一次都沒試過聞名的富士山55海膽沾麵，說起來都有點尷尬!這次是一位跟我同樣是海膽迷的朋友帶我來到富士山55，讓我終於有機會試一次呢!店內環境不錯，是典型的日式拉麵店為了海膽而來，我當然立即點了最新推出的特濃雙色海膽沾麵牆上有海報教大家如何品嚐正宗日本沾麵呢! 我也乖乖跟著照做啊!來了來了~未食先感動! 滿滿一碗海膽，再配上一碗海膽沾麵湯，我差點瘋了!雙色海膽的意思是韓國海膽及加拿大海膽，配上橙色漲卜卜的魚籽，好搶眼呢!韓國海膽較迷你，味道清新；加拿大海膽比較大件，海膽味會較濃一點，兩種不同國家的海膽放在一起，互相中和、互相配合，不會有膩的感覺。海膽湯底有一件海膽，令湯底海膽味更香濃。沾麵質地軟硬適中，有咬口，湯底夠濃夠稠，因此沾麵非常掛湯，每一口都因為新鮮海膽而吃出一陣感動來。吃完沾麵後，可以再追加芝士飯來沾湯吃，不過這碗雙色海膽沾麵真的太太太有份量了，我吃完後已捧著肚子，吃不到了，唯有等下次機會再試啦!這晚，在富士山55因為海膽而擁有滿滿的幸福!

沾麵總係有種吸引力，耐唔耐都係要去食一食才可以！需這間店舖不定期都有新產品推出，今次仲要係鵝肝牛魔塔，不過一向唔食鵝肝的我，就唔會食，所以我就選我最喜愛的「濃香櫻蝦沾麵」！濃香櫻蝦沾麵櫻花蝦成千上萬隻就在我面刖的麵湯底裡，濃濃的湯底，當然要先品嚐一下，濃烈得黎又唔會太鹹，正！沾麵質感我選了較硬，把一口的麵沾在濃湯上，令每條麵都掛上湯，連少許的濃湯，仲有一堆櫻花，一起入口，非常滋味！叉燒的肥瘦比例很適中，不會讓我要將肥膩的部分移走。質感得軟身，厚度也適中。半熟蛋，軟腍腍的口感，係我的喜歡口味！

又是每隔幾個月總會思念的「富士山55」，今次心血來潮再來這邊一吃。藍色星期一的晚上，人流也蠻多的，晚上七時半已見到小小人龍，大約等上十分鐘左右才能走入小店。 原來又有新品推出，難怪人流。今次我點這個是「鵝肝牛魔塔」，這個塔還分了三種份量：並盛($168/150g牛肉)、大盛($198/300g牛肉)、特盛($398/800g牛肉)，還可以選擇黑松露湯底跟蕃茄芝士湯底。我選擇的是並盛配蕃茄芝士湯底，原來…並盛已經很誇張了，但又原來，賣相是如此令人討好，粉嫩的慢煮紐西蘭牛肉，加上獨家的醬料及溫泉蛋，單是賣相已經令人被它深深的吸引著了~ 粉嫩色的牛肉令人垂涎，牛肉的味道濃郁，加上醬料以後，令肉味更濃，而且減去因太多紅肉而帶來的膩感；玉子蛋超香蛋味，而且一口就啜落去了，真捨不得把它吞下；不吃鵝肝的我呢，就把它交給旁邊的好友享用了。 當然少不了沾麵的部分，把麵浸在蕃茄芝士當中，再夾起，粗粗的麵條掛湯程度不錯。沾上蕃茄及芝士以後，相當香甜。很喜歡麵條粗度，感覺總是很滿足的。 對於一個食量正常的女生來說，麵的份量剛好，但牛的份量的確很多。其實食物夠足料、夠大份，物超所值故然開心，但我卻怕浪費了

一向好喜歡這間位於銅鑼灣的富士山55，對一向喜歡到日本無敵家拉麵的kaka來說，富士山總能幫我找回日本的味道。但今次kaka捨棄不吃拉麵而選了沾麵，皆因他們推出了海膽沾麵及牛魔塔沾麵，我和友人當然分甘同味一人試一款。先講海膽沾麵，沾麵用上韓國馬份海膽，新鮮香濃，沾麵麵質軟梗適中，用來沾在濃湯掛湯剛剛好。湯底以豬骨湯底再配上海膽做成濃湯，真心一啖一滋味。牛魔塔 用了300g的新西蘭牛肉，慢煮而成。唔好睇佢仲咁紅，其實已經煮熟。肉質軟淋，啖啖肉，再配上蕃茄濃湯，大滿足啊。

曾到訪富士山55兩度品嚐鵝肝牛魔塔沾麵，三度再訪一心打算一試海膽沾麵，朋友卻推薦另一款非限定的櫻花蝦沾麵。濃香櫻蝦油沾麵 ($93)粗身麵條煙煙韌韌，叉燒薄切而且較為爽口。沾麵湯汁充滿大量櫻花蝦，份量慷慨，不過相比以往嚐過鵝肝牛魔塔沾麵的黑松露湯及番茄芝士湯而言，櫻蝦油湯稀身得多，掛麵能力相對較弱，不過蝦湯相當濃郁，鮮味十足。波子汽水 ($18)相比起鵝肝牛魔塔及海膽兩款沾麵，這款櫻花蝦沾麵沒有嘩眾取寵的噱頭及賣相，味道卻是水準之上。

好久沒去過富士山，心中還留戀著上次海膽沾面的味道。今日有幸出了銅鑼灣做事，又可以六幾就收工，一於再去富士山享受一下。特濃豚骨沾面所謂沾麵，其實是把拉麵及湯分開奉上的吃法，跟吃冷烏冬及蕎麥麵有點相似，但沾麵的湯是熱的。而沾麵跟一般拉麵不同的地方，是溫度，為了方便勞動大眾可以不燙嘴巴大口大口地吃，煮好麵條之後，會用凍水過冷河，除了降低溫度，質感亦比普通拉麵煙韌彈牙得多。至於湯，則是熱的。沾麵的湯是因為不直接喝，熬得比一般的拉麵湯底都要濃郁。濃厚魚介豚骨湯底，特點是以非常大量的豬骨及魚介熬成湯底，味道非常濃郁。有些店舖會加粗麵條、並以魚介粉調味的沾麵食法。與拉麵一樣，將麵全部都放入湯裡面沾是可以的，但通常放入麵條的3~4成比較能享受麵的原味。濃濃的豚骨湯底，一上枱已經忍唔到口，就算沾面的湯是較濃郁和味濃，還配上一點木魚粉，把湯的味道帶上一個新的層次，所以我都不顧一切的先喝一口。沾面的面身仍可保持水準，彈牙，最標準的口感。而叉燒和溫泉蛋，還是保持水準。食飽之後，好湯的我，又點會唔叫服務員幫我加上清湯去飲埋啲湯佢。而富士山的體貼之處，就係每張枱都有電爐，方便大家可以隨時將凍咗嘅湯底加番熱。

海膽沾麵非常非常非常鹹的湯底，重要的要講三次「 非。常。鹹 」貌相的確是很吸引，可惜總是覺得海膽的冷冰同熱的麵好唔夾。座位已經很逼夾，還要麵和沾麵湯兩大碗分開擺，吃的時候非常狼狽，坐bar枱時吃得快滿身都是汁。記得在日本時也吃過沾麵，沾麵應該是濃稠剛好，吃了一口還想再吃的感覺，但這個是一邊吃一邊想飲水。海膽沾麵汁好快放凍左，凍左會有腥味，建議要盡快吃。因為旁邊突然有客人，要把兩碗食物移開一點，將湯不小心到枱上和手上，燙親手，店員看到也不會主動幫忙，唉白湯豚骨拉麵非常普通的拉麵，好像自己家中都能煮到的味噌味道，麵也沒有彈性，豚肉片是正常，味道真的非常普通。

客似雲來的【富士山55】，最近又有新出品，我又怎能錯過呢！上星期準時收工飛趕到銅鑼灣，為新推出的【鵝肝牛魔塔】做足準備。新登場的【鵝肝牛魔塔】以慢煮紐西蘭西冷配特別的黑松露或蕃茄芝士湯底。牛肉分「並盛」(150g)、「大盛」(300g)及「特盛」(800g)，當中800g須一星期前預訂。細食的我，以為可以挑戰「並盛」，原來見到實物時，眼都大埋，皆因份量十足，比參考圖片來得更澎湃、更似一個牛魔塔，不得不發揮小宇宙，變身大胃王挑戰這牛魔王。 鵝肝厚身大大件，煎得外脆內軟，為變大胃王揭開序幕。 接著便品嚐滑嘟嘟的温泉蛋。主角來了，每片薄切牛肉都十分鮮嫩，有咬口、不老不靭，一片接一片，回味無比。 沾上黑松露湯汁，味道即時錦上添花，互相輝映。牛魔塔下還有軟滑沾麵，一片牛一啖沾麵，美味得要用上第二個胃來消化它們~~。細食的我都食不停口，相信大胃王一定不能錯過。

上一次食唔到沾麵變左食拉麵一直深深不憤, 今次終於做定功課, 搵一間食沾麵的地方餐店門面不明顯, 好吃的東西總有人知曉, 當晚到達時已經有數檯客人在門外等著, 店內的坐位不多, 到達後當然要立刻進店知會店員人數餐牌採用了漫畫格式, 除了沾麵還有拉麵, 撈麵及小食. 櫻蝦沾麵, 有大量櫻花蝦鋪滿湯面, 非常澎湃, 香氣四溢, 沾麵含流心糖心蛋及兩片燒得焦香的叉燒, 份量都好大件屬半肥瘦, 當每一束麵沾在櫻花蝦湯後, 大量櫻花蝦便掛在麵上, 將主角一同放進口裏, 香濃美味！之後再嚐一啖蝦湯底, 若果湯底凍了, 店舖特別之處是每檯有一部電磁爐, 可以自行把湯加熱, 不過要注意先攪一攪才開壚對女生來說, 麵的份量剛好, 若然還肚餓, 可加$20, 將剩下的湯做芝士雜坎, 那就是芝士飯

當人人都在排隊吃拉麵的時候, 我選擇了食一碗沾麵身邊的朋友都是只要在拉麵店吃過沾麵, 基本上也不再選食拉麵最近與朋友聊起沾麵, 原來大家是同道中人, 她極力推介富士山55的沾麵是必食那我也不得不否認尖沙咀東分店經常大排長龍, 今晚剛好出銅鑼灣便順路一試牛魔王遇上了牛魔塔很吸引的兩款沾麵, 海膽魚籽及牛肉既然一場來到富士山55, 沒理由不試一下份量及外觀都如富士山重的牛魔塔吧鵝肝牛魔塔沾麵我選了中等份量300g的牛, 實物與店裏圖片相若, 效果甚至更震撼份量級的牛肉覆蓋着非常粗條的沾麵店家選用的是紐西蘭西冷, 以慢煮烹調方式所以牛肉肉質鬆軟, 像生牛肉般但事實已經熟透每塊都大大片, 份量十充配有少量酸忌廉汁調味, 讓光吃肉的膩感減低頂部的鵝肝也不只是裝飾而已, 有厚度亦煎得外層香脆內裏軟嫩, 味道濃烈別以為風頭都給魔塔全搶走還有沾湯方面, 也是暗地裏發出光芒加入了黑松露的沾湯, 除了豬骨味還有很濃烈的黑松靈味, 是沾麵的靈魂大量沾湯能掛在粗的沾麵上, 每啖都讓人覺得大滿足若吃到一半覺得沾湯涼了, 就可以自行放在枱上的「的適」電磁爐上加熱吃到最後還可以加芝士飯煮成炊可是吃完整個沾麵便吃不下

身為海膽控既我.. 其實留意左富士山55既海膽沾麵好耐由於覺得價錢較貴, 我遲遲都唔捨得食.今日朋友請客, 叫我自己諗食d咩..簡都不用簡.. 我就選擇左黎富士山55食沾麵由於店內唔係好大我們8時多去到, 門外都有人排隊大約等了20分鐘, 就有位了而富士山55 同其他拉麵店般都有一個開放式既廚房除沾麵外, 仲有其他拉麵款式而我來只有一個目的, 就係特濃雙色海膽沾麵, 一坐下就即order 2客較小的海膽係來自韓國海膽味道軟淡但味道鮮甜，入口即溶而較大的是加拿大的海膽海膽鮮味比前者濃郁，但相比之下前者鮮甜味比後者高而兩款海膽都無腥味非常新鮮另外, 再配上魚籽及紫菜將紫菜包住海膽及魚籽一齊食口感更豐富海膽好肥美而沾麵的湯係用海膽及豬骨打成湯底較杰，味道香濃!沾麵質感彈牙, 每條沾上濃濃既海膽湯..非常好味而我本人就鍾意將新鮮海膽同海膽湯底分開食更可以食到佢地既鮮味而店好細心地, 將正確的食沾麵方法由於食食下湯會變凍. 呢個時候我地可以將D湯煮返熱佢如果大家食食下覺得湯太濃既話可要求店員加D鰹魚清湯落去沖淡D~食吃完沾麵後剩餘既湯可以再追加芝士及飯放落去煮返個芝士飯可惜, 太飽食唔到了.. 

朋友話未食過沾麵，一揀就揀左呢間銅鑼灣好出名既沾麵專門店，店內細細，位都唔算多，所以都等左一陣一場黎到緊係食招牌野，叫左2個沾麵share，其中一個叫左每日限定20碗既特濃雙色海膽沾麵，如圖所見，海膽多到唔見D麵麵條好彈牙，沾完D湯好軟熟，荀我一向唔太好，但呢到又整得幾腍易入口用上了加拿大海膽同韓國海膽，深色D既海膽味較重，較鮮味，淺色既就滿足到口感三文魚子都唔係配角，大大粒好有咬感沾麵汁有豬骨，蔬菜等材料熬製，連湯面都有落海膽加熱時溶落湯底更加鮮味櫻花蝦沾麵，睇上去似麻辣火鍋一上台就聞到好香蝦味濃濃既湯底用嚟做沾麵一流，每啖都痴到5-6隻小蝦，個人認為呢個比海膽沾麵個湯底仲濃味吸引呢食店好體貼，知道湯底易變凍，每枱都有電爐，可以隨時翻熱食用時間為一小時，但其實食拉麵本身就好快食完，多口水既就出去食甜品繼續下場啦

每當說到海膽，總會想起富士山55的海膽沾麵，總對那份濃郁鮮味與霸氣分量念念不忘。  今天路過伊榮街，看見大大的poster才知道新推出了特濃雙色海膽沾麵，不得了！趁人不多的時間即時衝進店內來一份提早的晚餐！  比起之前吃過的海膽沾麵，這款特濃雙色海膽沾麵由韓國與加拿大海膽組成，還多了漲卜卜的魚籽，食材 色彩豐富鋪滿碗面，吸睛度更強啦。  沾麵湯底裡也有一大件海膽，令湯底也多了一絲海膽甘甜。當麵條遇上濃稠湯底，其掛湯程度可想而知，每根彈牙麵條都沾著湯汁被吸進口裡，是最完美的沾麵體驗。  尺寸較小的海膽來自韓國，味道稍淡卻有著入口即溶的細軟口感。另一邊的加拿大海膽較巨型，海膽鮮味濃郁，入口極鮮甜，也有淡淡回甘餘韻，兩款海膽都毫無腥氣，非常新鮮。晶瑩似水晶的魚籽咸咸香香，伴著海膽吃令口感味道更豐富了。 吃完沾麵本應將麵湯留下再追加芝士飯，耐何今天不在狀態胃容量不足，還是留待下次吧~ .

鍾意食日本野特別係海膽有個朋友之前來呢度食過話好味所以今日拉男朋友嚟食見到佢有士多啤梨嘅飲品男朋友知我鍾意所以叫我點係士多啤梨梳打味道好清新又唔會過甜好好飲鋪頭貼左呢啲poster教你點樣食日本沾麵室內環境比尖沙咀更加大好快我叫嘅特濃雙色海膽拉麵就到啦連個湯底都有海膽架而且味道非常濃郁質地係比較杰身哇！個拉麵真係有好多海膽！雙色海膽梗係有兩種海膽啦仲加埋大量的三文魚子食落去非常新鮮卜卜趣配埋海膽簡直係完美嘅配搭右邊個海膽比較大味道比較濃左邊嘅韓國海膽就比較細味道比較清甜大大塊無花無假而佢嘅拉麵係比較煙銀嘅亦都比較粗身啲質感比較有咬口

第一次泥試估唔到有意想不到嘅驚喜小弟一向食量好大所以泥之前 都好驚唔飽一向對拉麵都唔太感興趣今次係朋友多番介紹下決定一試無論質量份量都超出預期的好今次點左個鵝肝牛肉塔沾面有300g既牛肉真係物超所值配埋日本來的草莓梳打簡直一流配搭會再光臨