富臨酒家 (燒鵝大王) (已結業)

第一次寫食評，對呢間餐廳失望至極！今晚同屋企人食生日飯兼做節，6點9去到，7個人叫左$1888 8人套餐再另叫燒鵝。7:30先上乳豬拼盤同燒鵝，拼盤細到喊，每樣得幾件，乳豬乾爭爭。燒鵝半隻都係得層皮。之後再等半個鐘，一樣餸都無黎上，三催四請都未有，想cut單走人又唔理我地！到8:30先上到翅，等都等到飽左，食兩啖之後都食唔落，陸續上魚呀菜呀，最後上左一碟蝦球先最激氣，咁大個集團居然會炒出一碟好似倒瀉左求其擺埋一碟既餸，隔離枱一模一樣既餸，但擺盤靚過我地呢枱。激鬼氣一肚火，唔食埋單！埋單個收銀仲發我地脾氣，叫佢比張單我地對，佢居然話咁佢都要張單對數架，真係唔洗旨意我地再幫襯！

鯉魚門除咗出名嘅海鮮之外 仲有好多其他好嘢食 今日去咗油塘大本型行街 行到咁上下就出去搵嘢食 見到呢間富臨海鮮酒家啲海鮮好新鮮 就入去食海鮮九大簋餐啦首先有清蒸龍躉件 龍躉件嘅魚味好濃而且爽口彈牙 非常之正芝士開邊焗龍蝦 龍蝦肉非常之有芝士味 焗咗之後竟然有少少脆 而且又龍蝦頭嘅膏都十分之多同甘香白灼生蝦 蝦肉爽口彈牙 配上海鮮豉油食 都幾正果皮蒸鮑魚 果皮同鮑魚係絕配 果皮嘅味道同鮑魚嘅味道 配合得天衣無縫 而且非常之新鮮又爽口 唔痴牙豉椒炒肥蜆 蜆肉非常之肥美而且冇沙泥味 豉椒炒得非常之香口油鹽焗奄仔膏蟹 油鹽令膏蟹嘅海鮮味更上一層樓 蟹膏亦都非常之香蒜蓉炒時菜 蒜蓉完全剔除咗時菜嘅草青味 值得一讚迷你珍珠雞 個名就係迷你 但係佢一啲都唔迷你蒜蓉粉絲蒸帶子 帶子非常之好肉 又鮮甜又肥美椒鹽瀨尿蝦 瀨尿蝦炒得非常之香口惹味 又唔咸 蝦味比普通生蝦更加重燒鵝 燒鵝皮香脆 皮下脂肪甘香 鵝肉味香濃 值得一讚

今日同屋企人去鯉魚門嗰邊嘅富臨（燒鵝大王）食海鮮，我真係好期待。個位置好方便，唔使行太入呀，一搵就搵到。見到都幾多小菜食，最後我哋四個人叫咗海鮮九大簋餐，因為好抵食。白灼生蝦：個白灼生蝦好鮮甜，而且肉質都好彈牙，好大隻，唔會媒，點埋個豉油，好好味呀！豉椒炒肥蜆：勁惹味！ 而且隻隻蜆都好肥美，最重要係冇沙，又唔會太鹹喎，最啱就係送飯啦，水準一流。果皮蒸鮑魚：每人就有一隻鮑魚，個鮑魚肉質好彈牙，好新鮮，仲有陣陣嘅果皮香味，配搭一流。同埋佢好貼心，佢已經幫你整理乾淨，唔似得平時咁要自己整走綠色嗰啲唔可以食嘅嘢，依家啖啖肉。芝士開邊焗龍蝦：每人半隻，都係好好味，勁濃嘅芝士味，龍蝦亦都好彈牙，喱到嘅海鮮真係好新鮮。清蒸龍躉件：龍躉配埋雲耳，蔥，薑絲黎蒸，已經能夠帶出龍躉嘅鮮味，而且龍躉都好滑，媽咪勁鍾意。椒鹽賴尿蝦：呢個都好好味，而且幾大隻，每人一隻。佢好惹味，而且賴尿蝦啲肉都好彈牙。蒜蓉粉絲蒸帶子：都係每人一隻，佢帶子好大隻，啲粉絲又索晒海鮮汁，好好味。油鹽焗奄仔糕蟹： 勁好味，個調味一流，最重要嘅係佢蟹肉好新鮮，好嫩滑，啖啖肉。而且仲勁多蟹膏，味道好濃郁。蒜蓉炒時菜：炒得幾香，可惜個菜心比較

放工已經九點幾，大家都肚餓，一於就近近地同班同事去鯉魚門食飯。去鯉魚門就梗係食海鮮架喇，咁啱就見到富臨酒家，一於就食佢。入到去已經feel到呢間同其他分店有分別，落咗心機去佈置到有鯉魚門風味。叫咗個海鮮餐，一嚟就有隻招牌燒鵝髀，皮脆肉嫩。之後有三蝦，分別係白灼生蝦，椒鹽賴尿蝦同芝士焗龍蝦。白灼生蝦就鮮甜，椒鹽賴尿蝦真係好正，香口之餘又入晒味。芝士焗龍蝦就唔會好膩，份量適中。食完已經有少少飽，點知高潮一波未完一波又起。原來仲有蒸鮑魚，蒸龍躉件同蒜蓉粉絲蒸帶子。食完啲濃味嘢，食返啲清清地嘅都唔錯。鮑魚鮮甜，有好香嘅果皮味，龍躉嫩滑好香，蒜蓉粉絲蒸帶子撈飯一流。最後仲有三碟炒嘢，豉椒炒蜆惹味同有少少辣，炒蟹大大隻又香口，仲有蒜蓉炒菜添。大家已經食到攬住個肚，點知仲有迷你珍珠雞同甜品! 珍珠雞用紅米夠晒健康，返去真係要做下運動先得啦。。。真係好抵食！

今日老細話要帶我地去鯉魚門食海鮮我哋即刻超級興奮但去到原來係去到富臨？大家都估唔到老細話呢間啲海鮮都好新鮮㗎咁我哋就入咗去原來呢度有個價錢相宜嘅海鮮餐首先就係白灼蝦 每一隻入面都有羔 而且唔會係苦個種之後就係蒸帶子 勁大隻 連埋蒜蓉粉絲蒸勁香之後就有豉椒炒蜆 啲蜆全部都唔細 而且送飯一流之後就係鮑魚 都係食得出好新鮮之後冇記錯應該係蒸斑腩 又係勁新鮮之後避風塘賴尿蝦 啲避風塘粒粒送飯一流之後就係芝士龍蝦 芝士同龍蝦夾埋一齊真係一流之後就係薑蔥炒蟹 炒到好惹味 如果唔到呢個海鮮餐除咗海鮮之外仲會有燒鵝 隻燒鵝都好好食 燒得啱啱好 啲肉唔會太老之後仲有炒菜 珍珠雞同埋桂花糕添成個套餐真係好豐富 每人好似都係二百零蚊真係平靚正

去鯉魚門一定要食海鮮是常識吧！但係海鮮街入面嘅酒樓都偏貴 於是就走到海鮮街外嘅呢間富臨酒家 佢做緊個海鮮餐又幾抵食 加埋一同茶介300蚊左右一位 仲要係有固定嘅菜式 一個人都唔驚食得少款芝士焗開邊龍蝦(每位半隻) 龍蝦唔算大隻 但絕對係新鮮貨唔係冰鮮 肉質爽口彈牙 而且芝士味極濃 如果有碗伊面就正白灼生蝦 味道冇乜特別 同樣地新鮮蝦味十足 蝦頭都好鮮甜 有蝦膏果皮蒸鮑魚(每位一隻) 鮑魚大大隻厚肉 邊位洗得乾淨 配埋果皮夠香一啲都唔韌椒鹽瀨尿蝦(每位一隻) 真係夠曬巨型 有成八吋長香港街市都少見 外皮炸得脆卜卜 面頭加上香口炸蒜 味道配搭得宜蒜茸粉絲蒸帶子(每位一隻) 帶子下面加上粉絲 上面加上蒜蓉 甘香惹味索曬帶子嘅甜美清蒸龍躉件 肉質滑溜之餘有咬口 骨唔多 小朋友老人家都啱食豉椒炒肥蜆 好夠鑊氣有大排檔風味 不過若嫌味道過鹹薑蔥炒海蟹(每位半隻) 全餐飯最滿意嘅一部菜 海蟹厚肉多膏 加上薑蔥炒極香大皇燒鵝(例牌) 皮脆肉嫩 咬落有甘香味 鵝油十足迷你珍珠雞 珍珠雞蓉上紅米撈糯米 夠曬健康

唔係朋友介紹我真係唔知道有間甘便而且又好食酒家。雖然遠少少，之前常日聽朋友講鯉魚門食海鮮好貴。今次一試完全打破哩個想法，我地食4人餐，九大簋（$258/人，未幾+1服務法）份量勁飽，首先蝦一小碟，炒蜆一大碟（完全無沙，而且唔太辣，勁鮮甜），果皮蒸鮑魚1/人，薑蔥炒蟹每人半隻，賴尿蝦每人一隻，燒鵝例牌，清蒸龍等件，蒜蓉粉絲蒸帶子每人一隻，芝士焗龍蝦每人半隻，珍珠雞每人一隻（食過最好食珍珠雞，紅米，鹹蛋冬菇）店長超好人，經常走過來同我地soso問我地滿唔滿意，下次聚會海鮮一定選哩度。

黎鯉魚門做咩好？就緊係食海鮮啦!早幾日經過見到富臨做緊一個海鮮餐優惠，每位$258就可以食十二道海鮮同小菜。咁扺就緊係去試下先啦！芝士焗開邊龍蝦(每位半隻)龍蝦肉爽口彈牙，香濃既芝士味真係同龍蝦係perfect match!白灼生蝦海蝦非常新鮮，只要簡單咁灼一灼，再點d鼓油食就已經好好食!果皮蒸鮑魚(每位一隻)鮑魚肉質鮮嫩，食到淡淡既果皮香，非常鮮味!椒鹽瀨尿蝦(每位一隻)呢道菜非當香口，瀨尿蝦走過油，同椒鹽既配料一齊炒，真係好惹味，瀨尿蝦肉質結實，一d都唔梅，正呀!蒜茸粉絲蒸帶子(每位一隻)粉絲同帶子吸晒d蒜蓉味,帶子鮮甜，簡單好食!清蒸龍躉件龍躉肉質滑嫩，又無咩骨，食多幾件都唔夠呀！豉椒炒肥蜆無沙，肉質飽滿，豆鼓味濃，好好食!薑蔥炒海蟹(每位半隻)我既至愛，d蟹肉一疏疏，又彈牙香甜，薑葱惹味，好好食!蒜茸炒時蔬菜心無渣，都幾嫩，食下菜都健康d迷你珍珠雞呢個好好食! 每件珍珠雞都唔細，d飯充滿蝦米味，一流4人共享大皇燒鵝(例牌)燒鵝外皮脆肉質嫩滑，碟燒鵝汁可以撈成碗飯呢個海鮮餐真係又扺又好食!

鯉魚門出名食海鮮肥妹仔我相信係人都知,對上一次黎鯉魚門食晚飯已經好幾年前既事lu…..肥妹仔我早幾日見喺鯉魚門既富臨做緊一個海鮮套餐優惠,每人只需$258就可以食12道海鮮同小菜, 嘩!!!!肥妹仔我即刻拉埋屋企人一齊去試下先~先講個環境, 樓底好高, D枱都幾闊落,坐得好舒服….芝士焗開邊龍蝦(每位半隻)肥妹仔我係芝士同龍蝦既愛好者, 呢度既龍蝦非常新鮮,肉質超彈牙, 加上濃郁既芝士味, 肥妹仔我真係食到心心眼~白灼生蝦學肥妹仔媽媽話齋, 新鮮既海鮮只需要簡單既烹煮就已經好好食lu…..呢度既蝦好新鮮,蝦肉好結實, 用白開水灼熟然後點辣椒鼓油就已經好正了!果皮蒸鮑魚(每位一隻)又係一樣只要食材新鮮就可以用簡單烹煮既方法料理, 肥妹仔我好鐘意食蒸既新鮮鮑魚, 淡淡既果皮香令個鮑魚有一種微微既廿甘香, 鮑魚既肉質爽口香甜, 好好食椒鹽瀨尿蝦(每位一隻)嘩….肥妹仔我最鐘意食香口野,椒鹽瀨尿蝦簡直就係我的至愛~椒鹽味香濃, 瀨尿蝦用油泡過,肉質非常爽口, 但係又一D都唔油膩, 肥妹仔我食到津津有味呀!蒜茸粉絲蒸鮮帶子(每位一隻)重口味如肥妹仔我真係好鐘意食蒜茸粉絲, 呢度既帶子蒸到啱啱好粒

今日冇嘢做放工同屋企人去海鮮酒家食飯，環境好，上菜速度好快，員工態度好Nice！食咗好多海鮮，包括炒蟹、炒蜆、椒鹽、賴尿蝦、桂花糕、珍珠雞、龍躉。每一樣野都上菜好快，溫度適中，不過鹹，味道非常之適中！而且而家仲特價＄258一位，非常的好味，大家有時間可以同其他朋友一齊過去試一下，仲有免費泊車添！食完飯仲可以同朋友行吓海邊傾吓心事，位置真係好好啊！行去油塘地鐵站都只不過係10分鐘嘅路程，鍾意食海鮮嘅朋友不妨考慮一下！

今晚同屋企人去鯉魚門富臨食海鮮九大簋 入到去場內唔係好多人環境好好 啲姐姐同部長服務好好好親切帶我哋去搵枱坐 去到見到餐牌有個海鮮九大簋即刻同屋企人試下 total有12碟餸第一碟餸係例牌燒鵝 例牌燒得好香 第二碟就係 鮑魚 好新鮮彈牙果皮好香 椒鹽瀨尿蝦好香口好大隻 芝士開邊龍蝦好香濃 椒豉椒炒蜆好正 蒜蓉粉絲帶子好新鮮 竟然仲有呢個 薑蔥奄仔蟹 嘩啲蟹好大隻 最令我驚喜係個珍珠雞 真係好好食呀 肥雞覺得呢餐真係超級無敵正 非常值得一試

開心星期五都會帶屋企人出街食，因為唔想媽咪成日煮飯咁辛苦呀。今次就帶佢地去食海鮮啦，因為爸媽真係好中意食今次去富臨仲可以食埋我最中意既即整燒鵝添燒鵝皮脆唔在講，我中意佢既肥瘦均等，而且D 肉仲好肥美。香噴噴熱辣辣上抬。好正呀清蒸龍躉件我其實平時唔中意係出面食魚，我怕食到D 唔新鮮既味道同埋好怕多骨呢碟就合我心意喇，無骨之餘食到鮮味，唔再怕怕芝士開邊焗龍蝦龍蝦整得好食只要佢夠新鮮，加埋芝士再配汁，就已經非常好味喇白灼生蝦夠晒新鮮，唔會食到有霉既味道豉椒炒肥蜆哈哈，D 豉汁好好味，我最中意就係咁煮法架喇蒜蓉炒時菜最後要炒返個菜先，d 菜都好鮮嫩呀。迷你珍珠雞好少珍珠雞係用紅米，佢呢度整得幾好食呀入面有肉粒，米既軟硬度剛剛好呀。I LIKE IT

今日內地有班親戚黎香港玩，有個地方話指明一定要去。話黎到香港一定點都要去鯉魚門食海鮮呀。仲要指明去鯉魚門富臨食。其實我之前都未食過，反而係由佢地帶我黎食。佢地話聽同鄉講話食過燒鵝係即燒既同埋d 海鮮又新鮮同埋唔貴咁我就book 黎同佢地試下喇。我地好早就黎到喇。佢地揀好晒海鮮，佢地已經急不及待先點隻即燒燒鵝食下先. 哈哈。真係識食我想講，真係唔錯呀，好耐未食過個皮仲係脆卜卜既燒鵝，好開心呀我地再叫左其他海鮮呀有幾款必點推介有清蒸龍躉件我叔叔佢好咀刁都話好新鮮d 魚肉好彈牙滑一滑呀，真係唔錯呀芝士開邊焗龍蝦小妹實在太中意食芝士既關係，呢款真係必點呀龍蝦超爽口，而且d 芝士超香濃呀正正啱我口味呀，因為我之前食過個d 芝士係好淡味白灼生蝦D 蝦應該係即刻撈上黎架，d 穀都仍然脆脆，肉質彈彈。果皮蒸鮑魚呢款又係值得推介的，佢既鮑魚唔駛要咩汁都已經夠晒味喇，啖啖果皮香已足夠，又係超彈牙。油鹽焗奄仔糕蟹我自己本身都真係好懶碌蟹食，十分之怕麻煩架但呢碟蟹係會有動力驅使我食晒一隻，d 膏好多，同埋d 肉真係好鮮味架唔係講笑蒜蓉粉絲蒸帶子粒粒爽口，唔會蒸過火呀。椒鹽瀨尿蝦必點必點必點呀D瀨尿蝦大大隻，加

廚房留單，吹左幾次都冇人理。七點幾去到，叫左個套餐，一共9樣餸。每位288。本身都覺得出餐慢，然後8點開始直頭冇出過餐，吹左幾次。等到9點先開始出返啲餸。（留意係仲未出曬）見到隔離枱都等到唔等，直接埋單走。燒鵝一般，可能因為夜晚食比較差飽魚仔自己蒸都好食過佢啲芝士焗龍蝦炸到硬曬，然後好似冇焗過咁剩係淋啲芝士上去。食落唔夠熱。😨抄蜆味道差過大排檔。蝦，蟹，同碟抄青菜比較正常。係碼碟菜有少少鑊氣，蝦都有鮮味（不過碟蝦一開始夾岩岩好夾到條頭髮）扇貝味道ok迷你珍珠雞，味道還可，得少少料係入面。最後9點幾等太耐想走，話唔要條魚要取消。職員借口行開唔肯取消。

親戚牛一，邀請赴宴，長輩請到，當然未敢怠慢。假期的第一天，也是晚飯的繁忙時段，未料到不算小的酒家只有三數圍枱。靜靜的，只歎生意難做！九大簋的海鮮席，龍蝦、飽魚、瀨尿蝦等俱有，分量亦足，計埋茶芥等，更有半隻燒鵝奉送，盛惠每人才約三百，聽來絕不算貴。豈料杯盤狼藉後，擬把餘下的飽魚、糯米雞等包起時，赫然發覺飽魚中有隻大曱甴，大家在嚇呆了下，只覺噁心！礙於長輩認為是日辦喜事，不宜紛爭，於是息事寧人，黯然離去！酒樓主打的燒鵝上桌，瘦小如鴨。當然最美味的鵝㫲子及以上部位不見有。新鮮燒烤的熱氣也欠奉！如此已是招牌食品，可想而知！蝦不算大，屬中、小型，但尚算新鮮爽口。龍蝦味道鮮美，雖然烹調方式有點不倫不類，龍蝦粉䊢不薄，經油泡後，加上所謂「芝士汁」，完全西式名字，中式煮法。但勝在食材新鮮，肉質鮮美。約8-9吋長的瀨尿蝦炒的很香，新鮮度則稍不一。但蒜香味濃，整體仍算不錯。豉椒向來惹味，放在桌上已香氣四溢。美中不足的仍是新鮮度，不少雙貝仍是緊合，吃海鮮而欠鮮是遺憾！就是這鮑魚令這餐使人噁心！雖然鮑魚不算小，以果皮來蒸賣相亦吸引，只是，當你發覺內藏曱甴是何等的令人餐後不安，下次怎敢再來！這是全埸至佳的菜餚。