山窿謝記魚蛋 (已結業)

一直好想食香港仔魚蛋粉, 今次去咗謝記。店鋪分兩個鋪位,係舊式的裝潢也較殘舊，當日中午食客都幾多,有好多人排隊買走或等位。我地兩人叫了2個什會窩, 炸腐皮，炸魚皮。什會窩有齊白魚蛋、炸魚蛋、炸魚片、魚皮餃、牛丸、牛腩及墨魚丸,最好食係白魚蛋，細細粒，真係好彈好鮮味，其次係牛腩，牛丸，炸魚片。同檯有個食客真識食，叫了一個淨白魚蛋。炸魚蛋因為炸過，口感沒有白魚蛋爽及彈。炸腐皮卷比較油，炸魚皮就一般。下次入香港仔一定再試下白魚蛋粉。

好多年無食過，見去海洋公園，好，又去幫襯下先星期六，超多人，等位時買嚿炸魚旦食下，好味，香口又脆口坐低食碗四寶河，唔錯，點了個炸腐皮，好正，凍食都正雖然一路食一路有條友企喺身後好唔自在雖然路途遙遠又要等位但，算值得

平時我都好鍾意打邊爐, 見上個LONG WEEKEND無咩做就係買野係屋企打. 平時返工無咩時間可以入到去香港仔買謝記, 個日放假點都要去啦. 個日4點幾去到都坐到差唔多FULL,好多人食, 我本來都想食, 但見要打邊爐梗係留返個肚啦. O甘就買左50蚊魚星返去, 有炸魚旦同炸魚片.佢D炸魚片真係勁好食, 第二度食唔到, 雖然價錢貴, 又要山長水遠去,但真係值得, 真係勁新鮮, 有魚味又彈牙, 好有口感. 就O甘食就脆脆地, 如果打邊爐個時, 佢層皮會索埋D湯, 鮮味出晒黎.

活了三十多年人,也從未來過香港仔的"山窿謝記".入鴨利州之前,在香港仔一帶先吃點東西,想起此間名聞遐爾的魚蛋店,便向著舊大街裏鑽.下午茶時間,依然有很多食客在內.市面有些麵店自稱為"香港仔魚蛋",是否出自香港仔的魚蛋,一定是皇道?山窿謝記的魚蛋,細細粒圓碌碌,表面平滑,內裏魚味濃,而且充滿彈牙感覺,河粉入口細滑,湯底比較淡,加些辣度十足的辣油,即刻有點石成金之效.雖然此魚蛋粉不錯,但不未至於好吃得天上有,地下無.其實,市區一樣吃到此類貨色.至於另一道名物之魚片,外表香脆,包著的魚肉同樣魚味濃郁,肉質不鬆散有彈性,如非之後還有飯局的話,一定打包一條,邊走邊吃.炸腐皮卷即叫即炸,腐皮薄如紙,入口脆如無物,包著的餡料是魚肉,入口爽鮮.吃罷不覺肥膩.因為加了"山窿"兩字,吃一碗魚蛋粉,多一份尋幽探秘之感.

山窿謝記魚蛋~曾說未搬入現鋪之前確曾於香港仔(未填海)近山邊大石底下開檔~是活生生的歷史痕跡據知謝記從來冇聘用過男性工作~有傳因為舊社會男多出外捕魚故聘女性,又有傳打魚蛋等繁鎖工作女比男更為細膩,做出比一般魚蛋好味之故,不過我曾詢問店內職員未有回覆得以証實什會窩~一次過食勻,對於我樣樣想試既人確實一個好選擇雙拼牛腩拼魚蛋~牛腩冇渣,魚蛋夠彈牙腐皮卷~值得推介,少少辣,腐皮炸得卜卜脆,冇油(益)味環境一般舊式裝修,坐一陣感覺好似返幾十年前~*留意~店鋪唔做晚市~收傍晚6點

自從睇左openrice之後, 間中都會專登走訪一些過一百個好評的餐廳, 星期三休息的關係, 入到香港仔食山窿魚旦雖說叫魚旦粉, 但完全已經包括了三種料, 魚片, 魚旦同炸魚旦!魚片麻麻, 層衣太硬了, 好似已經炸左之後隔夜先食魚旦就幾好味, 雖然細細粒, 但幾有魚的鮮味炸旦同魚片一樣, 又係衰在層衣度湯底係蔥花清湯, 清清地, 幾好味如果炸物可以好些就完美了

之前在朋友家吃過謝記的炸魚片，一試難忘，經常說要親自到來光顧一趟，但奈何謝記每日只營業到傍晚六時，所以往往來到已關門。今日碰巧下午時份走經香港仔一帶，無論再趕忙也要入內一試。謝記位處香港仔舊大街，因昔日在石排灣山邊的山洞內擺檔，所以店名冠以「山窿」二字。小店有兩個鋪位：舊鋪位置較小，只能容下三四圓檯，門面及內部裝潢也較殘舊；相連的新鋪另有入口，位置較大，桌椅也是傳統的圓檯木椅，但裝潢較簇新四正，亦比較整潔光猛。小店以魚蛋聞名，所以小弟甫坐下，菜牌也未看過清楚便二話不說來個最簡單的魚蛋河。 魚蛋河：大小與坊間的魚蛋粉麵份量相若，但材料卻有三粒白魚蛋、一粒炸魚蛋、兩片炸魚片及幾片生菜，雖然魚蛋較細小，但以每碗 $20 來說算是足料。味道方面，白魚蛋口感較粗糙，但總算具魚味而無腥味；炸魚蛋及魚片浸於湯中已沒有脆皮口感，但卻多了一份特有的油香，完全不是市面一向吃慣的炸魚蛋魚片單單的油膩。湯底方面，雖只看到鋪面的蔥花，但內裡芫茜香味濃郁；而河粉雖不是十分突出但尚算滑溜，整體來說確是一碗高水準的魚蛋河。 另外，小弟好辣，所以加了少量辣椒油；然而辣度不高，反而辣椒香氣陣陣，難怪餐牌上也有辣椒油出

我由細個食到大!真系好好食!環境好舊,炸魚蛋同炸魚片真系好好食!特別系岩岩新鮮炸好果陣!彈牙又有魚味值得一試`另外推介佢個魚露`配合埋炸魚蛋同炸魚片.正不過其他就麻麻拉`

對於九龍人來說,好日都唔會入香港仔.工作關係走到入田灣諗住去南記食碗粉.香港仔美女就話"入到香港仔梗係食"謝記"喇.不過你唔識去架喇."就係佢呢一句,我勢要一試山窿謝記魚蛋尋日由田灣拿住本map行過去,問左個途人亞伯,又打電話問朋友,又睇埋地圖先去到.睇open rice得知佢地有兩個入口,以為係直通一前一後的兩個入口,去到先知係平排的兩個入口,唔係好明點解會咁設計呢不過都幾funny.堂食左碗魚蛋+牛腩河,20蚊(單併或雙併都係同價)佢地d餸和河粉都好味,但湯底食完之後好鬼頸喝架尋晚返到屋企,自己dilute個湯底囉.山長水遠來到,都打包左碗什會(37蚊好大碗)俾大頭喇.返到屋企又一齊試埋其他牛丸,墨魚丸,魚片等等,又確實無魚腥味,不會死實實咁.值得試吓.睇open rice話呢度d魚蛋係新鮮香港仔漁市場運來即做嘛.之於外賣魚蛋,牛腩,魚片等等,睇餐牌,每斤計要70蚊-160蚊不等,視乎叫咩喇.本來都想買d回家,但試左個什會睇吓咩料先喇.下次去開會買d魚蛋俾蓮媽食.順帶一提:入到去餐牌都未睇就問我食咩,下午無咩人,我自己搵張枱座但落單姐姐又要我和另一個人一張枱,真沒趣,周圍都大把枱,

好想去山窿謝記食好味山窿謝記魚蛋&炸魚片魚蛋魚片米 - 嘩!! 一碗有齊普通魚蛋, 炸魚蛋同炸魚片. 用魚肉打出嚟嘅魚蛋非常爽, 又彈牙, 完全無腥味, 另外炸魚片都做得唔錯什會窩 - 淨係睇樣都知正la

Missed the fish balls and their fried fish cakes - came back today The fish ball noodle was good - small size one cost HKD20 a bowl; I could not resist to order 1 more bowl of mixed balls, including fish balls, beef balls, and others. It cost HKD36 for the smaill bowl. The soup was clear and the taste was just right - felt pretty fresh.I would certainly come back. While settling the bill, I ordered take-away fish cake and fish balls, HKD26 for small portion. The friendly lady boss gave me 2 extr

今日又山長水遠去了香港仔外勒，做完一朝工夫，又係開飯嘅時候，俗語有謂食過番尋味，好食就一定要食回頭草，辛尼仔自覺地將車駛到香港仔舊大街謝記門前。 上次只叫了一碗魚蛋麵，上次食完大家都有唔夠喉的感覺，答應了自己下次來要叫一窩才能盡興，所以今次每人叫一客什錦窩，辛尼仔怕有鹼水味要了什會河，我則貴徹始終要了一窩什會粗麵。什會粗麵窩 ($36)什會鍋的價錢等如一客大粉麵，不過就有齊餐牌上除魚扎外的六款餸，大湯碗中有齊魚蛋、魚片、魚皮雲吞(餃)、牛丸、牛腩及墨魚丸，當然魚蛋同樣有白魚蛋和炸魚蛋，食一碗差不多可以試匀店中咁多種口味，吃過什會窩後發覺謝記原來除了魚蛋、炸魚片首屈一指之外，魚皮餃及墨魚丸也同樣好食，細細隻魚皮餃的皮厚身彈牙，加上餃內的猪肉，同魚蛋一樣夠魚鮮味；墨魚丸内有墨魚肉粒，同樣用材新鮮，食味實在不亞于文輝的出品； 牛腩不是不好食，只是味道比較普通，未能躋身於殿堂級的行列。 粗麵的鹹水味唔重，雖然麵不是手打貨式，因煑麵時間控制得宜，入口亦夠爽口有韌性。 三十六蚊一小窩唔算平宜，但就膀在夠質素，感到物有所值； 不過店中飲品偏貴，加支 Coke Zero 要收七蚊一細樽，比大多

四月上旬‧陰天到了今天，去「香港仔食魚蛋粉」的說法已經完全不成立，就算這裡的魚蛋，又或是魚皮雲吞，再加埋炸雲吞，除了價錢比正常的略貴，就真的一點也沒有特別之處。但仍然有一味是特別好吃的，就是炸魚片。一天，吃了一頓，詳情不在這邊談了。臨走時，見有幾條炸魚片新鮮拿出來，抵抗不了其吸引力，就買了半斤，邊行邊吃。老闆娘就在收銀處將魚片切成一片片，放了兩支竹籤在紙袋內。魚片很鬆化，聞起上來很香，外皮雖然有一點油膩，但就算什麼都不加，已很香口好吃。淨食，下酒，佐粉麵，都很不錯。炸魚片86蚊一斤，買了半條，約半斤，大概是43蚊，是貴，但好吃。有什麼地方的魚片比這裡好吃的，請單聲（如果是安利、王林記又或是海記的，謝謝了，那裡的魚片都不及這裡的好吃）。

終於來到香港仔，平時多吃潮苑，今次可一嚐此出名店；或許當天假期，拜山後人多了，但幸好好快有位，可能是出名關係，價格也相對貴一點腐皮卷皮薄又脆好味，但凍了，打了點折扣牛丸墨丸河(大)牛丸爽口不錯，墨丸就是一般，沒丸大咬感魚蛋河(大)魚蛋爽口，但有好少少猩味，比預期差一點，但魚片就好好味，可能炸物是出名一點蠔油芥蘭普普通通

由於上個星期六食完魚旦之後念念不忘...決定今日再去食過, 但可能今次去到就快收工既關係, 已經冇左一種好好食既感覺...腐皮卷 $14, 近收舖關係,有d賣淨庶既感覺, 好油...炸魚旦 $20, 仍然好彈牙, 不過冇左熱辣辣既口感...白魚旦 $20, 彈牙, 但都係炸旦好味得多...*建議唔好近收舖既時候去食...人多既時候, 咩都新鮮d