拉麵天王 (已結業)

天氣轉涼，中午突然好想食碗熱熱嘅拉麵，所以拉埋同事一齊食！西菁街好多食店，拉麵店都有幾間！呢間食評唔錯！去到唔使等位，店內日本人拉麵店🍜格局，木製開放式廚房，當時無其他客，店員放低筆及落單紙，再講解下季節限定拉麵！我哋揀好交單！拉麵好快到！白天王🍜（$72）賣相靚，半隻味蛋蛋白嫩滑，有微醬油味，蛋黃流心漿口！紫菜沾湯又脆口又鹹香，叉燒薄切半肥瘦，好嫩口（拉麵叉燒好多都嚡）加上椰菜及青蔥爽口！拉麵幼麵彈牙有咬口，湯底好濃好肥好漿口！鹹香好味，本來成碗麵連配菜都好味，但敗筆在溫度，碗麵來時只微熱，再食就微溫（最憎嘅溫度）明明想天涼食碗熱麵！溫度一唔啱就錯晒！味蛋🥚（$12/全只）賣相靚，味蛋蛋白嫩滑，有微醬油味，蛋黃流心漿口！好味免費辣芽菜：枱面放一壺，醃得好辣，芽菜爽又辣！好惹味！芝士年榚（$12）金黃色，外微脆內軟糯，熱辣辣芝士半溶好味！黑天王：同事食店員斯文有禮！會講解比客人知！湯唔夠熱破壞了今日食拉麵嘅渴望

呢年幾我都無寫食評原因係搬左入上水同埋近呢幾個月工作時受傷無得四圍揾食🤦🏻‍♂️🤦🏻‍♂️，講返正題因為復工公司調左我去元朗返工（當養傷掛），咁當然要揾野食啦，行到西菁街發現拉麵天王，係咪同紅磡果間一樣先（有睇開就知），唔講咁多野去片好大個燈籠日本人嘅昭和美好時代兩款限定天王，已經好好食但唔知會唔會有更多樣化呢？我嘅蕃茄天王蟹肉同豚肉都一樣咁好味最後個湯變左咁少女朋友嘅白天王豚角煮，我同女友都一致認為肉質偏乾芝士年糕，喜愛芝士嘅我又點會錯過，仲要熱騰騰咁上最後係捧住個肚咁走，唔知各位看倌會唔會去試下呢？

我本身好鍾意食日本拉麵，今晚同個friend去咗一間日本拉麵店試一試。其實日本拉麵好唔好食最主要都係睇兩樣嘢，第一就係個湯底基本上一定要用豬骨淆出嚟。第二就係麵本身爽唔爽彈唔彈口。呢兩樣最關鍵嘅元素呢間拉麵店都係水準之上。 今晚我哋試咗佢兩款限定時間先至推出嘅拉麵，一碗係蕃茄豬骨湯另一款係胡椒豬骨湯。兩款拉麵湯底都係帶少少辣。但係蕃茄湯底有番茄嘅酸味加上少少辣味，配搭出嚟非常之好味。另一款胡椒湯底係加咗磨碎咗嘅芝士，啲芝士溶咗喺豬骨湯度帶少少黏性係另一番滋味。另外兩碗拉麵嘅叉燒都係又淋又入味加上流心蛋真係一咬開蛋黃就流出嚟，令到兩碗拉麵都非常之好味。另外我哋叫咗個日式餃子小食。餃子煎得非常之 香，另外餃子汁亦都調得非常之好味。宜家日式拉麵鋪開到通街都係，冇返咁上下水準 好難立足。但呢間絕對係有水準嘅日式拉麵舖。

呢間餐廳去做拉麵天王，就咁睇個門面係睇唔出佢叫咩名入面坐位唔算多，十幾個到呢個位岩岩可以睇到師傅煮麵呢個優惠都幾筍，下次下午茶時間可以黎試下，拉麵既選擇唔多，岩哂有選擇困難症既我，而家限定天王係蕃茄同胡椒，希望下次黎仲有得試今次就揀左黑天王同赤天王試下呢個黑蒜油湯底濃郁，唔同平時食開果d好稀既湯底，一碗麵就包左半隻糖心蛋同一塊义燒辣既湯底真心辣，我頭殼頂都出煙义燒肥瘦分明一客餃子有五隻，全部即叫即整，所以食既時候會好熱餃子皮好簿

元朗有幾條食街，食肆臨立，西菁街係其中一條，約左朋友喺千色等，諗唔到食咩，就去西菁街覓食。行經拉麵天王，見到裝橫都幾有日本風味，價錢又okay, 就入去試下，果然有意外驚喜拉麵有四款。我選擇了黑天王，其實是黑蒜油豬骨拉麵。朋友則選擇了白天王，傳統豬骨湯拉麵。黑天王。個人覺得豬骨湯混合其他材料往往能帶來更特別的味道，所以我多數嘗試淨豬骨湯以外的選擇。黑蒜頭配合豬骨湯做出的湯底的味道非常特別，大愛 濃而不膩，香氣四溢，每口麵都吸收到美味的湯底。椰菜雖然不是拉麵常客，但日式拉麵味濃，配搭清新爽口的椰菜，其實更美味，更能做出濃而不膩的果效。其他材料如叉燒、流心蛋方面，都達到水準的。（備註：我全部口味都選淡，但覺得已經夠味了）白天王，朋友喜歡傳統豬骨湯底拉麵，他說這家的拉麵挺不錯。烤餃子。30 元有 6 隻，抵食。外皮烤得微脆，餡料新鮮，有肉汁，推介👍🏼整體食物質素不錯，如下次在元朗想吃日式拉麵時，都會考慮來這裡。

天氣開始轉涼，總係想食啲暖笠笠嘅野😍再次光顧拉麵天王，淨係諗起個湯底就已經興奮。我同朋友一人叫咗一個麵，分別係赤天王同限定嘅胡椒天王，兩款都好暖胃😋湯底同香油嘅濃淡度、要唔要叉燒同蔥、麵嘅軟硬程度都可以自己選擇👍🏻赤天王（$82）辣味好突出，辣得嚟又唔會好嗆喉，亦唔會搶咗豬骨湯嘅味～朋友要咗多香油，感覺會比較油膩，但同時又令到麵質更軟滑！叉燒偏瘦，但口感唔會太削，溏心蛋醬油味唔係好重。個湯底真係好香，朋友飲唔停😂限定胡椒天王（＄92）未食已經聞到好重嘅胡椒味，我叫咗淡香油，所以食落感覺唔會太油膩。除咗好濃嘅黑胡椒之外，仲有芝士，估唔到又幾夾！湯底夠濃郁，飲落去仲覺得好暖胃，食到最後都唔覺得好鹹👍🏻不過我覺得隻幼麵幼咗少少，口感就無咁豐富，不過好彩煮得夠爽口😛最後我地仲叫咗份烤餃子（＄30）餃子個皮烤完有啲厚，同有少少硬。咬開脆卜卜，但要小心熱，啲汁會爆出嚟！我就試咗個芝士年糕（＄12）年糕好煙韌，芝士流出嚟好正😍芝士味唔太鹹，食完咁濃嘅湯底都唔怕"濟"～依家仲有感謝祭，平日下午3-4點有全單半價嘅優惠😭

週日元朗一天遊行元朗發現好多小舖 坐位雖少 但人龍長長 實在在考驗大家既耐性😅😫😫終於來到「拉麵天王」位置不多 大約得1x個位所以通常都等待需時😴😴😴一路等 一路可以填住點餐紙先今次選擇白天王 豬骨湯底好多口味 湯底 麵既硬度 可以選擇蛋是流心蛋 十分欣賞😍😍口味濃而不咸叉燒肉汁豐富 口感一流麵可以掛到湯汁 yummy yummy 👅 👅 另加一「豚角煮」五花腩 用燒汁 醬油煎煮食完好有罪惡感🤣🤣坐的坐位主要是bra枱形式實在好有日本風味

星期日入黎元朗搵人，順便入黎朝聖掃街之日，掃到飽飽濟濟，於是亂咁周圍行睇下有乜食，見到呢間細細地既小店，出面有4-5人排隊，好有日本小店感覺，於是就試下啦，佢地有4款揀，白天王，黑天王，赤天王，限定，今期限定有1）胡椒2）同蕃茄蟹肉，我就揀左黑天王啦，黑天王係黑蒜味，入面有流心蛋，佢地寫係日本進口的， 豚肉，紫菜，湯底好濃郁，味道拍得住日本食個啲丫，very yummy!!而且服務好好，招呼好好，有禮貌

有次係對面係食完飯見到呢間拉麵，經過門口望入去好似幾正宗咁，今日就入左去品嘗品嘗，入到去一排Bar枱形式既坐位已經覺得碗麵會係好好食咁，呢間拉麵有4款拉比你揀，頭3款係每天都能夠供應既，分別係白天王、赤天王和黑天王！以上三款都係豬骨湯拉麵，只係分普通、辣、黑蒜油而第四款就係限定款，每天限定供應！第一次黎就緊係叫限定款啦，名為胡椒芝士拉麵碗麵黎到面前，賣相一般、個湯又好咸、麵質好淋，同我揀麵質硬度為普通似乎有點距離！唯一讚美既地方係叉燒夠肥，夠哂口感埋單個陣見牆上張貼左全單半價優惠，可惜我不在優惠時間內，大家不仿去試試......！

收工好想食拉麵，周圍行，睇下有冇新野，行過見到e間店舖門口幾有日本街頭拉麵feel，就入去試試！每人叫左個拉麵加小食是常識吧🙂🙂限定天王，是胡椒天王，估唔到胡椒湯底同拉麵出奇地夾，味道幾新鮮。另外一個系，次次食拉麵都一定會叫嘅黑醬油拉麵，醬汁好濃，叉燒醬汁好味，再叫多兩個小食，烤餃子同䐁肉煮同每人一枝汽水，豐富牙！烤餃子同出邊嗰啲唔，因為出邊嗰啲多數係煎或者炸，烤煮食落吾熱氣，同餃子裏邊好多汁，出邊有食到脆脆嘅感覺， 鋪頭裏面嘅環境同門口嘅裝修好有日本嘅街頭嘅感覺，環境幾好又唔迫

位於元朗的拉麵天王，是一間很出名的拉麵店。把自已的餐廳名命為天王，拉麵質素果然不錯呢，令我一來再來呢生蒜天王$72最愛選擇期間限定的東西，為不要錯過美味的限定食物，二話不說，一定要吃呢。長大後愛上生蒜，生蒜天王蒜香激濃，口臭死啦哈哈。採用石垣秘製生蒜油的豚骨湯底，豚骨湯甘甜不已，油脂豐腴，入口鮮甜，混入生蒜油和生蒜粒，蒜香逼人，充滿整個口腔呢。更加入八爪魚和叉燒，配餸豐富。麵條是正直白面，掛上黏稠湯汁，非常美味呢。烤餃子$30很喜歡吃餐廳的烤餃子，餃子皮煙靭，烤後有點焦香，內裡肉餡軟腍，味道不錯呢。豚角煮$25豚角煮有兩種不同的叉燒，分別厚叉燒和叉燒粒。厚叉燒肥瘦相隔，肥脂油香，瘦肉略靭，帶有濃濃焦香

元朗愈黎愈多拉麵店，間間都好有日本特色。今日就試下位於千色店後面嘅拉麵天王，地理位置好方便，店鋪細細，坐得唔算迫，裝修都好有日本風味。同日本一樣，自己畫紙簡選拉麵軟硬程度，口味濃淡，要唔要叉燒等等。我就簡左限定天王($72)，可以選擇胡椒或蒜蓉，我就簡左蒜蓉，口味同香油都簡左普通，叉燒如蔥都要，麵要硬身。拉麵黎到，係極濃蒜味，口入面全部都係蒜味，個人認為湯底就算係係普通選擇都夠哂味嫁喇。朋友叫左個赤天王($62)，一聽都知係辣嘅湯底，唔係話好辣，可以接受叉燒肥瘦岩岩好，每碗仲有半隻流心蛋，份量都夠。然後我地仲要左個豚角煮($25)，係一塊厚嘅五花腩肉加上一D醬油。仲有烤餃子($30)，有五隻，餃子好香口，唔錯唔錯。總括而言，拉麵天王係元朗拉麵店黎講平靚正之選，又唔洗加一。

元朗係＂美食之城＂相信無人反對，只要你諗得出，基本上都可以係元朗搵到食到！今日既然想試下日式拉麵，來到西菁街的拉麵天王～拉麵天王主打四款拉麵，分別白赤黑拉麵及季節限定拉麵，強調不加味精，濃郁豬骨熬成，而且定價比一般拉麵店相宜～在元朗頗受歡迎的～自己手寫單，按自己喜好要求直接圈出，寫完交俾店員，之後就靜靜等待拉麵上枱～充滿日本風的擺設的一角一貫日式拉麵店的風格，主要卡位為主黑天王黑蒜豬骨湯底更濃味更濃郁，連埋秘製叉燒，滑流溫泉蛋，爽口木耳一齊食，口感層次豐富！限定天王—生蒜天王採用了石垣島秘製的黑蒜油，連埋新鮮八爪魚片及特製叉燒，配埋超濃郁豬骨湯底，最重要混埋生蒜一齊食，十分香口，惹味之極！熱辣辣的煎餃子外皮煎得香口脆卜卜～～特色豚肉煮我個人覺得豚肉煮比叉燒味道更好，豚肉屬厚切，炆得入味，但外皮微微烤焦，更為香口，配埋特製醬汁十分惹味！

大西北雖然遠，但有樣野好，就係啲野比較抵食。今日難得返晏就同麻麻去元朗覓食，佢一向鍾情日本野，但又唔想食魚生飯喎今日，於是我地就拍板食拉麵🤓元朗拉麵選擇都唔少，我地就求其揀左間係西菁街既🍜老實說，拉麵既選擇來來去去都係個啲，不過依度有限定既拉麵，季節性又幾特別🍜麻麻第一次畫依個紙，佢覺得新奇有趣👵🏻依個小牆有調味料小櫃，好得🤓麻麻嗌左黑天王，試左佢啖湯，黑蒜油好濃，麻麻表示喜歡💕我嗌左生蒜天王，豬骨味濃，生蒜味唔算突出，八爪魚有鮮味但有小韌，唐心蛋好甜。有叉燒兩大塊，小肥但好入味🤤麻麻要食菜🥗芝士年糕唔會太熱氣，幾好🧀樽裝可樂值得一讚😀以依個價錢真係交足貨⭐️

元朗一向係美食天堂，什麼都有。今晚就去左試一間係元朗有名既《拉麵天王》，呢間鋪係紅磡都有分店架。 店內大約有10個座位，雖然店內不大，但有著開放式廚房，富有空間感，各種小擺設同裝修都好有日本風味。今晚同友人齊齊去撐枱腳，餐牌簡單易明，有四種唔同既拉麵選擇，有「白天王HKD72」、「赤天王HKD82」、「黑天王HKD82」，仲有限定「限定天王HKD92」添！今日既限定係「胡椒天王」同「生蒜天王」。除左拉麵外，仲可以追加小食同埋飲品。 我係無辣不歡，當然要「赤天王HKD82」，呢款赤天王辣味十足，但唔會過嗆，仍然食到濃郁既豬骨湯底味，好香口，口感有層次。 友人揀左「黑天王HKD82」，湯底用黑蒜和豬骨淆成，啖啖蒜香味，濃度剛好又唔會太鹹。每碗都配有兩塊肥瘦適中既叉燒，配料份量亦非常充足，值得一讚既係生熟把握得十分好既甜心蛋。 除左拉麵外，我地另外加左「烤餃子HKD30」同「豚角煮HKD25」。 「烤餃子HKD30」煎得外表金黃，外皮香脆，連平日不愛吃餃子的友人也一連吃了三粒^^。 「豚角煮HKD25」 係有兩種豚肉，分別係火熗燒到剛好既豬腩肉，每一啖都食到肥瘦肉，鎖滿肉汁，入口鬆軟；同埋叉