拉麵天王 (已結業)

偶然在元朗閑逛，打算即興頹食，都能夠吃到質素還不錯的拉麵🍜 呢到拉麵款式唔多，但唔緊要最緊要好味姐😬 點左個黑天王😊 黑天王即係混合左黑蒜油既豬骨湯底😋😋 所以湯底真係好惹味好香口👍🏼 不過叉燒方面質素就普普通通啦，唔算太淋，同埋瘦左少少，但溏心蛋質素就幾高啦❣ 最重要唔會過咸整體黎講真係唔錯😝 不過下次食都係會叫返少油🙈 太油了同埋聽講限定天王既胡椒天王唔錯，下次有機會再去試試先！

日本拉麵周圍都食到, 但要搵間正宗既 ,真係少之又少 , 原來元朗都有間 ,位於元朗西菁街20號益輝大廈12號地舖 ,“ 拉麵天王 “鋪頭細細 , 都可以坐10 幾人 , OPEN KITCHEN 設計 .選擇唔多 , 話明食拉麵麻 ,但配菜同口味都可以自己揀 ,而且都有一些小食同飲品提供 .標準有3 款選擇 , 最尾限定天王就因食物季節而有所不同 .標準就成日有得食 , 而限定天王就唔係啦 ,所以今次即時來2 個限定天王 ,“ 胡椒天王 “ 同 “ 味噌天王 “ .胡椒天王賣相唔錯 , 一上枱就陣陣胡椒味 , SMELL GOOD !第1 時間飲啖湯時 , 好重胡椒味但又唔辣 ,之後就撈下D 麵同配料先 , 芝士攪左幾下就溶溶地 ,痴住左拉麵同配料 , 熱辣辣食又唔油膩喎 ,再飲啖湯 , 口感是即時唔同左 , 好濃郁丫,幼身拉麵 , 軟硬度都適中 , 而糖心蛋都好好味 .味噌天王糖心蛋 , 粟米 , 椰菜 , 叉燒及帆立貝等配料,材料相當豐富 , 配埋豬骨湯底 , 未食都流口水 ,豬骨湯好濃郁又唔油膩 , 絕冇味精 , 真料實料 ,拉麵一樣係幼麵 , 爽口彈牙, 唔會太硬或太淋 ,而

星期五晚一行三人...未夠7點就去到...無人...我點o左胡椒天王 ($89)...細妹都揀o左限定o既爆丸天王 ($89)...老公就揀白丸 ($69)...仲叫o左支綠茶汽水...味道可以揀淡或普通...麵都有五款軟硬度可以揀~ 唔錯~蔥可以唔要~ 叉燒又可以唔要? 係咪有人會唔要先??? 等o左一陣就有得食...飲一飲d湯先~ 真係幾勁胡椒味~ 又唔算好辣~ d芝士撈幾o下就溶o左...痴住d叉燒同拉麵~ d麵比較幼身~ 軟硬度都唔錯~ 而且d湯底都幾傑~ 啖啖都飲到好多湯~叉燒就稍為細片o左d...不過隻糖心蛋就好好味~ 個人最唔鍾意就係用椰菜底...我都係鍾意芽菜多d...所以o係木盒入面夾o左好多~ 不過原來都幾辣o下~ 爆丸我都夾o左d嚟試o下~ 好濃味~ 而且辣辣地~ 不過我都係覺得胡椒好味d~ 綠茶汽水 ($18)麻麻地...可能綠茶味本身都係啖...d汽又好勁...所以飲唔出綠茶味...

因事來到元朗，還未吃午飯的我，想起上次在拉麵天王吃過湯底濃郁的美味拉麵，也就再來試試別的口味.拉麵店除了供應: 白天王($69)、赤天王($79)& 黑天王($79)外，也會因應不同季節，推出特別口味的限定天王($89). 是次的限定天王有2款，分別為胡椒天王& 味噌天王. 由於早前已試過胡椒天王，所以是次當然要試味噌天王啦!味噌天王 ($89)這款味噌天王，選用日本信州白味噌，以及多款香料調配而成，配上香濃的豬骨湯底，再加上帆立貝刺身，真是睇見Poster都想食拉麵賣相相當吸引，糖心蛋、粟米、椰菜、叉燒以及帆立貝刺身等，材料豐富又吸引. 先呷一口湯頭，入口有濃濃的豬骨湯味，而且帶點膠質，實在是真材實料. 這次選了超硬的麵條，相當有嚼勁，濃郁湯底亦有掛湯的效果. 再加上一粒超大的帆立貝刺身，更覺矜貴，個人很喜歡這款限定天王呢!胡椒天王 ($89)友人選了胡椒天王，大量可以拉絲的香濃芝士，再加上濃濃的胡椒湯底，亦都惹味好吃. 2款限定天王，都各有各的捧場客呢!烤餃子 ($28)一客5件的烤餃子，粒粒都相當飽滿，外皮亦煎得很香脆，內裡的菜、肉比例恰當，相當juicy!忌廉 ($10)以為是

I have tried the branch located in Hung Hom and this time me and my friend came to yuen long as we actually live somewhere around!There is quite a lot of people waiting outside starting form7!I better come earlier next time so i don't have to wait! but this time we just wait for around 5 to 10 minutes which is quite reasonable, i guess 7 is still relatively early!Of course pick what to eat first! there is two limited edition at the moment, so we order those two of course!This one is the 爆丸ramen

星期日，走遍三間麵店：「麵家山下」說蛋已賣光，那吃貴店拉麵還有意思嗎？「彩」又有十人在等位，但聞說店內只得約十座。因此來了「拉麵天王」，不太寬敞的店子，明明側面有二個空位，卻安排吾等坐長排的中間，定必爭取，結果店員亦沒再反對。黑天王、白天王、紅天王、限定天王，與豚王有點像。這天限定王是「胡椒芝士」，不吸引，便點了原味白色。繼而偷看旁邊青年，看來限定王都不怎麼。記得好像拉麵台風、混亂拉麵還是哪家，坐吧枱的話，師傅會直接放在吧桌上，客人「自行提貨」。以為這兒也會如此，怎料申手自助之際，店員又過來幫忙。白天王，超硬麵果然較平常的硬，但麵條始終是幼麵條，放不久後又很快會變回普通軟硬度。由於很久沒吃拉麵，即使一碗普通幼拉麵也覺美味。麵條上湯能力不錯，每口都能沾上一些濃湯。湯底不太油膩，只是面頭有點油，可稍為保溫。濃味，豬骨味濃，但不確定是否用大量豬骨製成，相信定必有味精，吃完還是口渴。黑色的黑蒜湯底挺香，但亦是凍得快，感覺黑蒜湯底火喉不太猛。叉燒還可以，不瘦到痴牙，亦不肥不膩，還好。蛋有點溏心狀，未致太熟，輕微咸香。店員間中會在煮食時拋麵表演，還有吧枱的公仔間中會跳舞，好不熱鬧。這樣不足十座的小

之前吃過紅磡的拉麵天王一直久久未能忘懷哈哈這天難得來到了元朗找朋友 發現拉麵天王在元朗開了分店!元朗的拉麵店其實不算多 現在拉麵天王開設了分店可算是元朗人的喜訊吧!(雖然我不是住元朗XD)地址不算很難找 就在千色百貨後面 不過在轉角位置遠處也可看到店家門外掛著的日式紅燈籠 還有一貫拉麵店的日本風裝修由於到達的時間尚早, 店內人客不算太多店子雖不算大, 一排列的座位也不算太少, 亦有日本拉麵店的味道 不消一會, 店內便坐滿了人客了圍著拉麵師父而坐不單是保留了日本街頭拉麵小店的風格, 另一方面亦可以欣賞師父的功架XD調味料方面, 每個座位面前均有七味粉和芝麻等, 當然還細心的提供了芝麻, 牙籤和冰水主打的拉麵有四款, 分別是白天王$69, 赤天王$79, 黑天王$79和限定天王$89限定天王, 就是限定時間提供, 日後不一定會再有/.\而今期的限定天王是味噌天王和胡椒天王友人叫的是黑天王, 即是黑蒜油豬骨湯底而我叫的是胡椒天王, 因為胡椒和芝士的配搭實在是太邪惡太吸引了啦!從下單紙可見, 口味和香油可自由選濃淡, 而叉燒和蔥更可選擇去或留麵度有五種硬度選擇, 可加的配料選擇也算多難得的是可

住在元朗的朋友說開了拉麵天王，食過覺得不錯，於是 Bel Bel 便決定抽空過來試試。這是平日的晚上 7:30，店舖難得沒有人排隊，而且一入到去就有位坐，真係幸運。店內的裝修和擺設都參照日本拉麵店的格局，舖位細細，大約可容納10多個人吧，而且都是 bar 枱形式，望到店員煮麵的情況，都幾有日本 feel。點菜方式和日本的拉麵店一樣，可自行選擇麵的軟硬度及配料多少。因為我鍾意食硬身的麵，就梗係揀硬啦。既然我係個貪新鮮之人，所以今次唔揀長期供應的白、赤或黑天王，而選了「味噌天王」。呢碗「味噌天王」，份量都幾適中，我選了普通口味、普通香油、硬麵。配料的份量都算豐富，對於我來說都很夠飽。亦可以清楚看到有些香油浮上湯面，令到原本鹹鹹地的味噌湯底不致死鹹，而是多了一點油香。麵條稍硬身，雖然唔知係人手拉還是從哪裡進口，看得出並非超巿的貨色，有少少蛋香，而且都幾彈牙爽口，而掛得到湯汁的味道，水準不錯。溫泉蛋是合格之作，中間的蛋黃有少少流心又甜甜地。讓人有驚喜的是這隻半生熟的帶子，還有幾粒黑松露，吃下去既有黑松露的香，也有帶子滑潺潺又 juicy 的感覺。唯獨是這片叉燒，雖然味道還好，但看起來並不正宗，

今晚屋企無飯食, 所以收工就響附近食埋先返, 一個人最好就係食拉麵. 見呢間都開左一輪, 即管試下.門面都幾日式, 相對附近既鋪頭係睇得出用心機.要左最簡單又最容易試到真味道既白天王$69, 白天王即係豬骨湯底拉麵, 豬骨湯好濃唔油膩, 食完唔會口乾. 拉麵屬幼麵類, 好爽口彈牙, 唔會太硬或太林, 仲有义燒肥瘦得宜, 溏心蛋夠溏心, 榔菜同木耳好爽口. 對於簡單晚餐實屬首選.

拉麵精既我上次探完朋友，途經西菁街，已經密謀試試呢間自詡係天王既拉麵，今日趁假期，一探其虛實先 !7點未到已經full左，好在預早左時間黎等。排隊期間，為左爭取時間，waitress派左張menu我地揀定菜式，等左唔使10分鐘就入得喇!店內大概約14個位，外內既裝修同擺設都幾日式，每2個位就有一壺檸檬水，暗隔內有調味料，我最欣賞旁邊醃製既辣芽菜，配上拉麵更多一絕!朋友揀左黑天王，我飲左啖湯，覺得黑蒜味唔夠重，朋友話愈食愈咸添，有d失望!而我就揀左限定天王，因為好奇所謂季節限定既胡椒芝士拉麵好唔好味呢?!一堆粟米&芝士條鋪在面，仲有半隻溫泉蛋同2塊叉燒既襯托，一睇就食慾大開，濃厚既胡椒味油同豬骨湯底出奇咁夾，麵質既軟硬度亦剛好，將芝士同熱湯混合既拉麵，非常有咬感!呢d先至叫天王嘛，創新又特別，好味!(雖然有大量既芝士，但係唔知係咪太好味呢，唔覺得漏喔！)今日特別開胃，再叫左2款小食都唔錯。芝士年糕皮薄，咬開一啖，糯米中既芝士湧住'be'出黎。碟旁有一小杯凍食既肉粒，似燒肉，豚角煮既肥膏同肉層層分明，識食既梗係一啖過咬曬先過癮架喇，雖然肉就唔係算淋，而且好肥膩，但好好味，唔怕肥既可以一試!

最近去完日本，番黎香港都係好記掛住日式美食，於是星期五收工就約左朋友去左元朗食呢間拉麵店再戰!!!!其實呢間拉麵店係紅磡都有分店，店舖ge size唔算大，坐位就大概只有十零個，好有日本小店ge feel, 晚飯時間門外已經有唔少人等緊位，於是趁等位時間睇下佢店外介紹ge 拉麵餐牌先呢間店係走豬骨湯底既路線為主，選擇上就有原味(白天王), 辣味(赤天王), 黑蒜油味(黑天王), 同神秘既限定天王，唔算太多選擇，咁就更加需要湯頭同麵要高質量先可以有捧場客啦等左大概十分鐘就入得，店入面ge設計好似日本d車仔檔咁，坐位上面擺左兩隻日式不倒翁公仔，同一個會跳舞ge獅子公仔，增加氣氛，仲會welcome客人~坐低左之後店員姐姐就比落單紙我地，順便介紹左限定天王其實今期係味噌天王!!!點餐紙除左揀湯頭口味之外，仲有得揀葱蒜香油等既份量，同麵既軟硬度。經過一輪掙札之後，我就揀左上次未試過ge辣味赤王，朋友就揀左限定味噌天王，由於好想回味日本美食，我地外加一客煎餃子。食物等左一陣就上啦，先講個湯頭，赤王$79雖然係辣味，但個湯唔係一味死辣，亦唔會有一層油係面攪到成碗麵油淋淋，湯頭入喉都好舒服，d辣味慢

好耐冇行元朗，見到呢間拉麵好似好傳統日式拉麵店，個樣幾吸引就去試一試，門口仲有幾個人等位，排隊其間已經有個店員拎張order 紙俾我，選擇其實不多，有4款拉麵，再選加料和飲品。我選了限定天王（$89）胡椒芝士湯底，可自己選擇口味的濃淡度和麵的軟硬度等等，亦可另加配餸，我加了芝士年糕（$12）。拉麵軟硬適中不錯，流心蛋很滑好味，但個人認為湯底一般，雖然很多芝士但味道和拉麵不太夾，而且湯不夠熱，令芝士沒有完全溶化，有進步空間。另外芝士年糕外面不夠脆也不夠熱，但味道不錯，質感很Q ! 

放假到元朗閒逛，走著走著發現拉麵天王原來在元朗開了一家分店，反正還未午飯，於是便試一試。元朗分店的裝修與紅磡的差不多，放了不少日式擺設， Open Kitchen讓客人眼看到師傅煮麵時的情況。我點了一個赤天王($79)再追加一份黑木耳($7)。拉麵的賣相依然很吸引，香濃的豬骨湯底中帶有淡淡的辣味。連續飲了好幾口，才捨得停下來開始食我的拉麵。叉燒完全沒有油脂，肉質卻能保持嫩滑，一點也不會覺得老。我喜歡偏硬的拉麵，這裏師傅控制拉麵烹調的時間很好，拉麵的硬度剛好是我喜歡的程度。加上一隻糖心蛋，和生菜黑木耳等增加口感層次的配料，不一會我便把整本拉麵給消滅了。

黎開元朗開工, 午餐一個人就是但搵間餐廳黎食, 見呢度門口幾靚, 就入去試下.入去唔算多位, 對住廚房排排坐, 入面幾多日本裝飾.分顏色既天王, 即係唔同口味.鍾意濃味D, 所以要左黑天王($79), 即係黑蒜油拉麵. 飲啖湯幾濃豬骨湯底味, 黑蒜油少少蒜味. 幼拉麵幾爽口彈牙, 义燒正常不過得一片. 個蛋唔知算唔算流心, 不過個黃都唔錯. 仲有椰菜木耳配料, 夾埋一齊食幾好.都幾好味, 下次可以帶老婆黎試下.

今日同朋友去食！點左白同限定天王！食拉麵湯底最緊要但佢就普普通通唔夠正宗！湯底偏咸而且义燒唔夠軟！太多拉麵店依家所以較難有下次！不過價錢唔太貴嘅又！但冷氣唔得吹熱風！