文記車仔麵 (福榮街)

营业中

休息中

香港好多地方都有車仔麵但又系唔系間間好吃呢？ 真系睇彩數位於深水埗近D2出口拎埋米芝蓮既車仔麵一條街已有3間分店 都依然要排隊一入去店員好快手 已比餐牌 直接寫系牌上坐位較為迫夾 唯有快食快走推薦：雞翼 花膠 冬菇 蘿蔔都好出色 個人都喜歡 加辣汁 尤其雞翼 好入味 仲要浸到好淋 出面暫時真系得文記雞翼有甘既效果飲品都好唔錯 甘蔗汁 羅漢果水 感覺真系自家煲出黎既 好有味而且價錢都抵食 絕對冇因爲米芝連聲譽而都加價推薦比大家 真系值得一試

#文記車仔麵係深水埗最紅食店 坐擁三間店但間間都可以排哂長龍。無論裝修定食物都好有特色。食物有水準。真係可以代表到香港。我認為係值得去試下既。值得一提係啲店員姐姐好忙但都仲好親切，好有人情味。超級推介瑞士雞翼！入味！香滑！彈牙！有肉汁！暫時係我食過最好食嘅瑞士雞翼牛腩都唔錯 淋身入味而且夠大舊有咬口。餃子就比較厚皮，味道亦不出眾。不特別推介。缺點就係人太多，等位要等好耐，基本上晚上大約要等20分鐘或以上。價錢方面亦比較其他車仔麵偏貴。

最近真係好流行食文記車仔麵，深水埗嘅大店，其中一邊係懷舊裝修 令一邊就係時尚又有啲日式風情嘅裝修，俾人感覺都幾乾淨。入到去都好多人 當然要點佢嘅招牌雞翼 雞翼嘅顏色好深色 一睇就知道佢好入味，開頭有啲擔心會唔會好老，但係咬落去真係超級鮮嫩，而且味道濃郁。車仔麵方面反而就覺得一般，叫咗豬手仲有魷魚，魷魚都係招牌菜式來的，咬落去都好彈牙，但係略嫌佢唔夠辣。豬手炆得好入味，我覺得最好食嘅方法就係將河粉，撈入去雞翼果汁度，定係果汁都可以食到成碗河粉！

文記車仔麵係住左hall之後成日聽，食過幾次，唔小心叫左辣，係好辣，搞到我食完都唔知好冇食，叫左佢個雞翼同魷魚，魷魚係爽口既，但d味蕾比d辣味掩蓋哂，唔知係咪真係講既咁好食，所以建議大家唔係好食得辣千祈唔好加辣😭 

9點鐘拎左飛9點半見有其他客人嘈先發現原來佢隨便俾左後面既人入去然後話號碼過左唔俾人補飛（但其實岩岩過左5個，而店門寫過10個先唔補）咁我都上前想了解返依家係點安排同安排入坐既姨姨講其實前面無叫過號，點解會跳晒突然間有個樓面姐姐大聲夾惡咁叫我唔好嘈，話無見過我我唔明發生咩事我同姨姨係好聲好氣咁講，二黎係我有飛係手，佢無行過出黎無見過我同我排緊隊有咩關係？而且佢話完我之後就頭也不回咁走左去我係黎俾錢食飯而唔係要咁樣做人出氣袋

第一次試呢間超級出名既車仔麵，佢有三間分店係深水埗。假期中午去到已經見到大排長龍，雖然好多人，但等既時間就唔算好耐。等陣個陣就要諗定食咩，排到你既時候就要同姐姐講要咩面底同餸，今日試左米線+玻璃魷魚+小花菇+蘿蔔，呢幾款餸都係佢鋪頭十大推介入面，果然好正！米線正常水平，唔會太淋但都唔會係好有口感既米線。玻璃魷魚唔算好入味，浸落湯之後食返唔太食到佢個醬汁既味，不過口感唔錯。小花菇同佢個名一樣係超級細粒，不過份量都唔少，而且非常入味！而蘿蔔亦都好甜！佢個湯底係有少少鹵水，食落唔會太鹹或淡，送面一齊食一流。食得辣既人記得要係比錢既時候同佢講加辣，另外佢仲有一枝油放係枱面等客人自己加，應該係花椒油，加埋食落去會有一股香味同麻麻地，超級惹味。

深水埗文記車仔麵喺2017年11月入左米芝蓮，街頭小食車仔麵打入米芝蓮，價錢都算係平民價，我係一個晨早鐘意食早餐，半夜三更又鐘意食宵夜嘅人，我可以話俾大家知，文記半夜都要排隊架，因為真係好好食~店家嘅介紹係湯汁及辣醬，全部自家研製而成，我真係覺得湯頭好甜，有好多好多嘅餸揀，豬皮必點喇，瑞士雞翼又甜又多汁，豬大腸煙韌，花膠大塊，小花菇真係好入味，辣魷魚脆口香辣... ...麵底都有14款選擇，各有4-5款調味醬料同湯底~次次都忍唔住叫到好大碗好飽，未試過點都要試一試~

🚩深水埗🍜文記車仔麵-小編除咗包, 都成日寵幸米線,車仔麵♥️今次去咗深水埗呢間超人氣車仔麵店, 果然相當唔錯. 雖然佢係同一個地段有三間鋪頭, 但話明超人氣, 點都要等返15至20分鐘嘅xd 入到去好有趣, 好似食一蘭咁, 每個人都有自己嘅枱號, 咁樣送菜都方便啲-🍜湯底揀咗腩汁加秘製中辣醬, 辣醬雖然唔辣但好惹味, 配上腩汁令車仔麵味道提升🙌🏼而且欣賞佢有好多配料選擇, 小編選擇咗推介嘅蘿蔔, 玻璃辣魷魚, 魚肉, 菜心同糖心蛋🥚最特別嘅梗係有糖心蛋, 未見過車仔麵有呢個配料, 好吃又可以補充蛋白質😚🥕蘿蔔清甜, 而且索哂腩汁🐙辣魷魚新鮮爽口🐟魚肉也不賴, 食到手打既煙韌🍗小食瑞士雞中翼也很好吃, 醃了濃濃的瑞士汁, 應該也加了牛油, 令醬汁味道更濃郁更突出🤤🍯枱面亦有好多醬汁比客人自己添加, 可以客製化自己嘅車仔麵-整體真的很不錯, 如果唔使排隊更加好, 所以我會選擇平日去食, 然後再試埋佢其他小食🤤🤤💕-

食物質素 10/10 車仔麵尼個車仔麵係我係香港食過最好味既，真心高質！湯底好夠甜，可以全碗都飲曬👅今次我叫左瑞士雞翼、牛腩同蘿蔔。瑞士雞翼整得好入味，唔會剩係得層皮有味。另外牛腩炆得夠林，睇得出用左好長時間整。蘿蔔好甜無渣，推介！我叫左小辣，不過覺得個辣醬唔夠，所以後尾叫店員加左辣比我，加正辣之後成碗湯頭錦上添花！正環境衛生 7/10長期都有人排隊等位，但都算快有得入座！不過坐得唔耐，食完都唔好意思阻住人地個位服務質素 8/10落單同上菜都好快

香港地道美食車仔麵今日要落深水埗整野，順便食個 Tea ☕️ ☕️☕️其實深記真係好多選擇😊😊😊會有選擇困難症患者係唔知選擇邊間🤣🤣🤣我通常都會睇下多吾多人食先🤔🤔🤔多人食穩陣啲😆文記車仔麵同一條街有三間,三間都要排隊等😅不過我一個人好快就有位🥰坐低左見到隔離哥哥仔叫左魚肉豬皮.............見到我又想食魚肉👉🏻👈🏻我叫左魚肉 ，瑞士雞翼，榨菜絲 河粉加大辣汁😋😋😋魚肉同瑞士雞翼係店內必食推介👍🏻叫左三餸唔好貪心唔係食唔曬🙈🙈🙈碗麵一到我就即落左兩大匙羹辣菜寶，至正任你落😆😆😆佢D 菜寶唔會有一陣味因為有D真係有味好難頂👎魚肉唔淋身有咬口，瑞士雞翼皮滑但欠小小味榨菜絲用黎調味河粉都滑😊辣汁唔夠啦辣可以辣番D就好,大致上滿意❤️車仔麵都係香港人至愛之一🥰🥰🥰

要講最好食嘅車仔麵一定非深水埗文記車仔麵莫屬每次去都排晒長龍但係我仍然要食真係會食上癮我覺得文記車仔麵之所以成功係因為佢款式多淨係湯底已經有五至六款送款已經有30-40款最重要係個醬汁真係超好食我每次會點瑞士汁銀針粉不過銀針粉次次都冇好快賣晒每次都好失望唯一呢樣要改善價錢都算平兩個人食都係$100左右雞翼尖係我食過嘅車仔麵來講算好食因為其他車仔麵啲雞翼尖通常爛蓉蓉而且冇乜肉而文記車仔麵嘅雞翼尖係啖啖肉嘅我建議辣要另外上因為佢啲辣汁都幾辣蘿蔔好甜豬肚好爽一個字正最重要係佢嘅菜譜可以任加

記得第一次光顧文記，雖然已經是3年前，卻讓我印象深刻。記得那時的我還沒現在那麼愛吃，對美食的世界瞭解太少了，大名鼎鼎的文記真的是聽也沒聽過。可是機緣巧合下，陪一班朋友去深水埗買電腦，然後在附近的車仔麵店吃午餐（沒錯！就是文記！！）。對當時的我真的只是順路吃吧…剛好那時是下午3點多，文記難得人很少，都不用等位，也因此我也沒發覺這是一間非常有名的店吧。那一次也是我第一次吃車仔面。我簡直震驚了，沒想到車仔麵是這麽好吃的啊！於是乎，之後我在其他地方見到車仔麵都買來吃，卻都覺得不怎麼樣……令人好失望啊！後來和朋友說好想吃那一次吃的深水埗車仔麵啊！那間好好吃啊！我朋友才笑我說那是當然啦！那間很有名啊吃了一次，我記掛了3年，很長情吧😂😂😂今天終於有機會再會文記車仔麵了門口長長的人籠真的把我嚇住了，才真正意識到它真的很有名啊…和很多車仔面店不同，文記的餐牌大大地貼在牆，人未進店就可以先想要點什麼，可是他沒有點餐紙，都是從店外直接排隊到店內的廚房點餐的。從面類到配料到湯底選擇真的包羅萬有，面類有常見的細面，粗面，油面，河粉，公仔面（$9），到出前一丁，薯粉（$10）都有。而配料從$8到$13，有各種菜類

終於有機會試好評甚高的文記車仔麵，甚少會到深水埗覓食，但因為男友食完極力推介先嚟試試。一條街有三間分店，每間出面都排滿人，條路本身好窄，冇秩序之餘，仲有拖喼嘅大陸人唔理三七廿一，成個喼車埋嚟😨😨😨 排咗足足廿分鐘先入到座，店內有一陣臭味🤮🤮d人好冇品直接lur骨lur落枱，阿姐係咁依抹兩抹就算🤮 坐到好逼，周圍都痴立立感覺好污糟，個餐牌都唔係好想掂！食物選擇係幾多，價錢亦相宜，不過車仔麵都係差唔多味道，食完一樣好口渴😂😂😂 豬紅得幾舊，菜就反而好重手，奇怪！幾平都好，文記得深水埗有，又要排隊，地方又唔乾淨，絕無下次！

有人話 車仔麵都係拎Ｄ麵呀送呀碌一碌，無乜技術可言，去邊食都差唔多我見到呢Ｄ言論都會笑一笑，連車仔麵精髓都掌握唔到既人不如去食三哥算講返正題，文記車仔麵我已經食左三十幾年，一個禮拜一次風雨不改由佢舊鋪開始食到而家一條街３間鋪都要排長龍。其實嚴格來講，車仔麵是有一定既流程先為知色飲色食＜＜呢個下次同大家分享，點為之正確吃法 1　湯底一定要麻辣，其他果d乜畢豬骨、芫茜、西洋菜全部都是垃拎圾,標奇立異,不吃也罷 2　紅腸 3　廚師腸4　芝士腸 5　陳皮魚蛋 6　豬大腸7　雞翼 8　粗麵 9　可口可樂 10 飲管其他乜畢雞翼尖、乜丸物丸全部是港女先會吃！豬腰、雞子果d就中年麻甩先會吃！ 如果你是個品味型棍子,同檯有人吃呢d,請你立刻和牠們絕交！ 利申：車仔麵達人,曾連續一個月天天打食車仔麵！

相信對於成日黎深水埗搵食既人黎講文記車仔麵呢個名絕不陌生每次晚餐時間黎到，３間分店門外都係人山人海為既就係一碗車仔麵最近蕃茄先生有Ｄ作病，叫佢食粥又唔肯佢話清清地想食車仔麵，所以就話食文記（請問邊度清？）星期五晚大約七點半黎到，等左成４５分鐘，幸好先生都陪我等今次都係被安排到單邊座位抬頭一睇就會見到層板上放滿唔同種類既調味料我諗你講得出既都有，岩唒重口味人士，任落唔嬲豬！雞中翼雞腎米粉（小辣加腩汁）$32呢度其中一味好出色既就係雞中翼我呢個雞后緊係必點啦，雞中翼肥美得黎，炆得好入味入味之餘Ｄ皮又唔會爛唒，Ｄ肉仲係彈牙咖，真係好出出出出出色啊！難怪見到Ｄ人會一碟碟當小食咁叫啦。而雞腎我就第一次叫，反而一般般，雖然入味，但偏咸同埋有Ｄ硬，老人家應該食得好辛苦，哈哈。呢度既小辣我覺得唔係勁辣所以我每次都會另加檯面上放係度既辣菜脯菜脯唔會死辣同死咸，會有少少甜味，不錯不錯呢碗就係蕃茄先生既酸齋魚皮餃通菜米粉（腩汁）$37望落去酸齋份量都幾多平時大食積既蕃茄先生唔知係咪因為病竟然連呢碗粉都食唔唒囉我好後悔比佢叫左罐汽水飲結果成個weekend都係床度吽病，嗚嗚