新忠記打冷小菜館

营业中

休息中

假日天，成日都是飲茶。今次一起叫套飯大家一起吃。新忠記晩市常排隊等位，午市較少人。午市特餐，星期一至日都有，種類都很多選擇，有鹵水食品、魚、咖哩都有。每個餐都送老火靚湯、熱飲品。大部分餐都飯餸分開上，每碟份量也不少，一齊食都無問題。而每碟飯量也大，如吃不完可叫少飯。老火靚湯即例湯，相當熱騰騰，飲完都唔太口渴。潮式黃豆涼瓜排骨，砂鍋上枱。涼瓜大大塊，排骨軟淋，濕濕地易拌飯吃。糖醋黃花魚，糖醋酸酸甜甜非常惹味，中型黃花魚開邊炸得酥脆。炸菜蒸肉餅，炸菜唔辣但爽，肉餅都唔太肥。麻婆雞粒豆腐，少少辣，豆腐多雞粒較少。4碟餸，超大碟飯，唔太大食的5個人吃都應夠吃的。熱檸蜜都唔駛加錢，又夠料，幾唔錯。

勁耐無食過打冷，喺黃埔睇完夜戲，商場啲食店全部收曬，唯有去打冷。一入去，好似平時8點晚飯咁，人頭擁擁。食左成桶爆谷，所以兩個人叫左個細羊腩煲同例牌滷水鵝片拼豆腐。我勁怕羊so味，但呢個完全唔so!!好惹味，有浸檸檬葉嘅清香，我覺得成個羊腩煲有少少泰式嘅感覺😂滷水鵝片好滑，無渣，配埋啲豆腐同花生。好正。下次多人啲可以再食過！

新忠記打冷小館點解會去食：2018-11-05 有一對朋友結婚，約埋我哋成班人派帖，仲請我哋食一餐好勁嘅，冇諗過呢個地方竟然有間咁好味嘅打冷舖。食物新鮮程度：⭐⭐⭐️⭐️新忠記小炒王：呢碟小炒王， 1D都唔失禮，調味做啱啱好，唔會太咸。食物合適溫度：⭐⭐⭐️⭐️鴨舌拼豬手：冇乜驚喜，可能始終都係手板眼見功夫。冷凍烏頭：呢條烏頭，好夠多肉，又冇乜泥味，仲係黃油添，食起上嚟個魚味竟然好鮮甜！食物驚喜程度：⭐⭐⭐️⭐️🌟土豆安格斯牛枊粒：碟餸一放上枱，真係嗌咗出嚟，因為嗰啲牛柳粒，簡直係牛立方，根本唔可以一擔放落個口度，但係咁大舊牛枊，竟然肉質好鮮嫩，仲好入味，完全唔覺得佢有比梳打粉乸過，個配菜土豆仲誇張，做到外脆內軟外面有一浸蜜餞脆醬包住。—————————————————服務員態度：⭐️⭐️⭐️⭐️打冷舖，夥計們點都會有啲性格，咁先至配合返係一間地道嘅打冷舖。所以冇乜要求，因為佢哋服務都做得好足。—————————————————最重要系。。。我會唔會再去？重遊指數：⭐⭐⭐️⭐️

第二次到新忠記進餐，雖餐廳的衛生，和餐具都很骯髒，但美味的食物驅使我們再次光顧。星期五的晚上九時多，人流暫時不算太多，不需等候便可入座了~ 三個人叫了一盅湯，三個餸!! 分別是原盅響螺燉雞湯 ($45)、鹵水鵝片自選雙拼 拼鹵水墨魚($138)、脆薯安格斯肥牛粒 ($118)和酥炸原桶美國桶蠔 (時價 $168)。另外，加了兩碗白飯、一支藍妹啤酒和一罐可樂。一人份量的原盅響螺燉雞湯，真材實料，響螺的味道滲入了雞湯裡，很香甜~打冷當然要點鹵味!! 這碟鹵水鵝片自選雙拼 拼鹵水墨魚很有水準，鵝片不會太靭，墨魚爽口彈牙~ 除了鵝片的墨魚兩主角外，當然少不了鹵水豆腐，和花生!!酥炸原桶美國桶蠔有四大隻，有生菜伴碟~ 酥炸桶蠔炸得非常香脆，而且炸粉不多，很讚~ 此外，啖啖肉的桶蠔沒有沙，吃得很爽。主角中的主角到了，脆薯安格斯肥牛粒是我的最愛!!! 脆薯並非一般的脆薯，薯仔外皮炒至脆身，除了甜味外，帶有黑椒的辣味，非常惹味，令人不能停口!!! 肥牛粒也很入味，不過脆薯比肥牛粒更為吸引!!!每碟餸的份量都相當多，白飯也很多，幸好我們都餓得很，所以能夠吃下所有食物，肚子撐著地離開!! 大滿足!!!胃口

估吾到紅磡打冷係正喎！夜晚九點幾，門口都有幾枱人等緊！人嘅心態就好奇啦！咪等位試下😎俾d相大家睇下先🤩🤩接近0粉漿嘅蠔仔餅🥰一個字～掂～入口鬆脆～蠔仔juicy~食完你吾會覺得脤住個肚👍🏻👍🏻👍🏻👍🏻👍🏻炸大腸～又係一流！腸好入味😋😋生炒糯米飯💕💕💕好香～好有咬口👍🏻👍🏻👍🏻滷水鵝片～厚度切得剛剛好！入口吾會覺得好大舊肉😍😍😍香脆薯仔牛柳粒！啲薯仔外面係脆架，我冇講錯，係脆！好似有陣焦糖響面甘！而牛柳粒我個人略覺得咸左少少姐👍🏻👍🏻👍🏻呢個胡椒豬肚花甲又係必食！花甲大而鮮甜！個湯好好飲，宜家天氣飲一流😋😋😋😋啫啫通菜！正～超大碟頭🤪🤪🤪大家真係一定要去試下!大廚重介紹我地一味餸，不過要訂的！我下次試完再同大家分享🥳🥳🥳🥳

住左紅磡幾年，見證新忠記由舊鋪搬去新鋪，但因為每次都見到好多人等位而無緣一試，今次終於因為新鋪多左好多卡位可以比我有機會一嚐呢間超人氣餐廳！食潮州野，點可以唔食胡椒咸菜豬肚湯！呢間除左有傳統既咸菜豬肚湯，仲有豬肚雞版本，咁我當然係揀豬肚雞啦！果然好好食！雞夠嫩滑之餘，湯底真係不得了！胡椒味非常濃，夠辣先飲得過癮！！！另一款特色潮州野一定係蠔仔粥，但兩條友好難食到咁多野，所以我地叫左一碗細既happy share, 但其實一啲都唔細，可以一人分到兩碗滿既飯碗！仲有蠔仔夠多之餘又粒粒漲卜卜，夠鮮甜！想食香口野的話，椒鹽鮮魷又係好正！夠惹口又彈牙

生日飯去左打冷~ 老娘係湯怪，冬天最鍾意飲胡椒豬肚湯❤️ 所以要左個胡椒豬肚花甲湯。呢度夠辣！同枱有人頂唔順😂 佢既花甲仲好大隻😍另一樣出名係鹹香雞，一坐低夥計已經問要唔要，要既就即刻幫你留，睇黎好搶手🤔食落真係唔錯，充滿鹹香，肉嫩，雞胸都唔鞋👍🏻 豉椒炒蜆我原來剩係食左 d 伴菜😆 但都好惹味。不過我鍾意炒六蔬多 d，准山甜豆百合蓮藕都清新爽口😋 大眼雞好好食，肉質結實充滿魚鮮味，我爹唔食係佢既損失🤷🏻‍♀️ 佢地仲叫左醉豬手拼鴨舌、蠔仔粥同韮菜豬紅，見佢地清左碟應該都好食，我下次要試埋九肚魚同鵝片🤤

今晚約左D舊同事出來食飯，真係十年冇見la，諗住食得地道D，就去左打令，三個人去左新忠記打冷小菜館食晚餐，不用等位。未坐低朋友已經話好肚餓，所以即刻落order ，叫左濃湯胡椒豬肚浸花甲，花甲大隻足料，湯又香濃又好味、鼓椒炒蜆就吾係好辣，反而啱我口味，但我朋友就覺得吾夠辣、蒜蓉豆苗好嫩夠新鮮、椒鹽鮮魷併九肚魚外脆內軟好野味😋

同一大班朋友聚會，打冷大排擋都算係最地道的聚腳點我地12個人叫左好多打冷小菜加人頭飯，除返開都係百零蚊一個人，呢間野係正常價錢同味道，朋友相聚可以一試我地叫到全枱都是小菜，味道不錯去食打冷一定會叫一盤鹵味拼盤，呢間的鹵味也算不錯，算是必叫的小菜之一黑椒薯仔粒自然係不少打冷小館食客的心頭好，呢一間既薯仔粒炒得好好味，熱辣辣既薯仔粒好正另一道去到打冷小館必叫的正是豉椒炒蜆！算係夠鑊氣既一味菜，加上吾會得返d蜆殻而係有蜆肉！最後值得一提的是炸蠔餅！不得不說的是呢一間蠔餅都幾足料，仲好大碟！

週四屬於平日的晚上已經9點過後, 店內人潮開始散去, 我們有大有細四個家庭要分開一大一細枱才座得落, 食物菜式都係叫傳統潮/粵款式, 但比起食物環境才是比較令人困擾的地方係天花滴水嚴重, 差不多10-15分鐘一大滴或者幾滴咁滴落客人身上/ 頭上, 店內職員亦要頻頻用一支特製嘅加長掃把改裝嘅道具去拭去水滴, 而且滴水的地方不是一個點, 而係中庭的幾個位置, 店舖係舊年才新開張的, 明顯是天花工程出了問題現在是無法再去叫師傅回來修補了, 明白那幾天都是落雨天但有咁大間鋪客人俾緊的是正價, 地方亦非露天大牌檔, 作為店主這都可以當作無事發生是何種待客之道?? 如果不是大伙兒都肚餓實在唔會忍受這環境下進食, 食物菜式一般唔太特出亦唔太差, 份量也是一般般吧, 價位是中價, 希望店主能改善滴水問題吧, 作為客人的我想必再去機會不大了,

新中記打冷小菜館喺紅磡都屬於歷史悠久，由寶石戲院隔離嘅地址已經開始食。今晚同屋企人嚟開飯，當然叫咗胡椒豬肚大蜆湯，肉片炒菜心，鵝片滷水拼盤。分量十足同埋保持水準！下次會再幫襯

新忠記舊舖哪邊相當迫，依家在向前行50米的湖光街開分店，以免太多人在門外等。新舖地方太很多，座位寬敞了，而且增設有間房可方便良朋相聚。舊舖仍只做晚市，新舖就增設午市。 菜式除基本潮州打冷菜外，不斷加入新菜，價錢方面亦相應上升了。天寒地凍，一坐低便叫臘味煲仔飯。記住早啲叫煲仔飯才慢幔睇吓叫其他菜，因煲飯需時但其他菜上得頗快。如果唔係，食晒餸後飯都未到的。煲仔飯上枱時記住唔好即刻開蓋，讓再焗一會兒更香飯味。臘味有臘鴨脾、臘腸、潤腸和臘肉，餸唔太多，飯亦約4份量。飯粒是短幼身的，粒粒分，有咬口。侍應推介木桶濃湯魚肚走地雞鍋，話採用新鮮雞製作，便order半隻雞一試啦！鍋很大，不愧是新鮮雞，雞肉有彈性畧為食到少少雞味，除此還有幾棵黄芽白和魚肚6塊在湯中浮游外，就餘下大量的湯汁。價錢都唔平，成$288半隻雞。 花雕醉豬手拼鴨舌，酒味清香唔濃，豬手脆爽唔覺肥膩，比鴨舌出色。 沙茶醬炒牛肉芥蘭，仍保持水準。用芥蘭苗保証嫩脆，同沙茶牛肉好夾好味，配飯最佳拍擋。 炸蝦丸拼脆皮豆腐，自家潮州菜無得輸，蝦丸內有少許魷魚粒，鮮！ 蒜蓉炒豆苗很多油，中碟上，但都要成百蚊㗎！其實大部分比較有特式的菜都差不多百多元

今日出席完女友既畢業典禮，咁就順便同女朋友既屋企人食餐飯啦。女朋友既屋企人本身提議食巿政大樓既餐廳，但最後去左新忠記食打冷😂😂。咁我地4個人，咁就點左5個菜式。1. 蠔餅蠔餅d蠔都算幾大隻，炸得幾香口😂。今次我覺得蠔餅粉同蠔比例都幾怡當，唔錯👍👍。2. 鹵水鵝片鹵水鵝片鹵水味都算醇香，鵝味濃，脂肪少。不錯👍👍3. 木薯粉自己平時好少食木薯粉，e次既木薯粉幾粗身，炒得幾香😂😂。4. 華梅骨我覺得華梅醬汁配排骨都好既配搭，酸酸甜甜，算係唔錯👍👍。5. 蒜蓉白菜仔E個菜式中規中矩整體而言，打冷黎講算係唔錯，適合多人一齊叫餸食。😂😂

FB上見朋友食得好滋味也想來試試，無奈通常只有2人吃不了多少😔 於是今晚來一個三人行，應該可以多試兩款了吧😆新忠記在紅磡有2間店鋪，據朋友說舊鋪較為人熟知，比較熱鬧多人迫陝。今次我們光顧的是新店，裝修簡潔明亮，座位還算寬敞。晚上七時左右入座率已經有八成。下單叫了一粥三餸一菜，原打算再叫一款，但朋友阻止了，只多叫了兩支啤酒。先來的是蠔仔粥。我強烈聲明這窩粥絕對沒有蠔仔！只有蠔佬！ 正如你只會稱呼一個彪形大漢為“大隻佬”而不會叫他“仔”吧。所以我覺得改名為蠔佬粥比較適合吧言歸正傳，這窩粥除左有很多蠔佬外，還有不少肉碎，魷魚粒等，味道鮮美份量又十足，絕對不是我們三人行能解決的，多來三個就應該可以… 最尾的時候唯有只吃渣不吃湯，剩低了不少的粥水…再來的是鹹香雞，原來例牌份量已經是半隻呢。咸香雞入口又嫰又滑，有少少咸味，鮮雞就算不點醬汁也已經很夠味。不得不提的是，雞下面鋪上了雞肝，雞腎等內臟，已經很少有店鋪會這麼做了。雞肝好美味阿，可惜我只分了半片呢…雖然很多人覺得吃內臟很污糟/很高膽固醇/很不健康，但你試過後真的很難忘記那味道呢（鵝肝醬這麼受歡迎，可見有不少人喜歡這味道吧），況且間中才小

今日同朋友黎呢度開餐，兩個人坐卡位，但個上手 唔知點解留左夠多紙巾係地下，后來食食下先知，可能係因為因為太熱食到一頭汗可能係因為唔使加一，所以就咁睇，價錢都唔平，一碟炸九肚魚都要98蚊，所以冇叫，叫d簡單d總括黎講唔差，但個空調真係要攪攪，熱到似坐室外