新忠記打冷小菜館

营业中

休息中

好耐無打冷今次來到人氣店～～紅磡 新忠記好彩有訂位7:00去到門口已經超多人打冷必叫 韮菜豬紅拼盤 （份量唔算多，但味道好OK）蠔餅略嫌太多粉 少少散醉豬手＋鴨舌 個味係唔錯 只係份量唔多椒鹽尤魚＋九肚魚NICE～～啫啫通菜煲正～～～ 好惹味糖醋雙麵皇我都係第一次食呢味餸係幾特別 胡椒豬肚花甲湯超濃味 超辣 飲完暖笠笠 7個人食加埋3枝啤酒每人都係 $186超抵食！！！只係環境又唔會特別乾淨企理典型麻甩打冷鋪同埋真係坐得好迫只係呢個價錢 呢個味道都唔會對環境有咩好批評

某日，平日晚上9點多放工，肚子非常餓，經過紅磡已經有好多餐廳都準備打烊，唯獨這間餐廳越夜越多人熱鬧，於是便決定入去試試。南乳炸豬手拼脆皮炸大腸南乳醬跟炸豬手分開上，炸豬手軟軟糯糯的，好多骨膠原。豬大腸處理得乾淨，完全冇異味，切成一段段，口感不會太韌。西蘭花大蝦球西蘭花爽脆嫩綠，蝦球大隻爽口，簡單的一道菜式，但味道一流。胡椒鹹菜豬肚湯湯料十足，豬肚爽口無騷味，湯不會過咸，胡椒味濃郁，秋冬進補讓身體暖笠笠。

平日晚上同朋友去新忠記食晚餐， 6:30去到都唔洗等位，不過食唔夠90分鐘出面好多人等位，就被人問我地洗唔洗包食淨嘅食物，所以如果想坐低慢慢傾偈，呢個地方就唔建議去，但想食好味嘅打冷，就非常建議啦👍🏻1. 脆皮炸大腸大腸表面都炸得好乾身，食落口好香脆，仲唔會太油膩，側邊仲有啲菠蘿👍🏻2.蠔仔肉碎粥(大）呢個大碗嘅蠔仔粥，我哋三個人食，每人都食左至少三碗，係非常之飽。佢用料都好足夠，入邊都有好多蠔仔，啲蠔都香甜嘅，飯都好粒粒分明，係湯底有少少偏鹹。3.啫啫通菜煲呢個煲係非常之香，好夠鑊氣，入邊有蝦米、蒜蓉、洋蔥、紅椒同肉碎，食落口啲菜好香蝦醬味，炒得勁香。4. 鵝片+鵝腸我哋叫左一個鵝片同鵝腸雙拼，鵝片就非常入味，啲肉都好實；而鵝腸就非常入味，同埋都好爽口；仲有底下嗰啲豆腐索晒啲滷水汁，好入味。

原本打算去曲街新景海鮮，原因係未去過想試試，上網想話睇吓佢有咩菜式，結果 menu 又唔見有咩人放上網資料極少.....重有一個重點，原來好多人去食解穢酒，咁就唔好阻住人地，轉場去新忠記算了....今次無訂位，結果要係門口等成20分鐘!點咗碗紅燒翅，蒜蓉粉絲蒸聖子，酥炸九肚魚併炸蠔餅，滷水鵝腸墨魚雙併，生炒臘味糯米飯.優點:1, 蒜蓉粉絲蒸聖子，肉嫩鮮甜，而且粉絲同蒜蓉夠多，有相有真相.2, 酥炸九肚魚併炸蠔餅，兩款口感相近，外層香脆內層嫩滑. 3, 滷水鵝腸墨魚雙併鵝腸爽口墨魚彈牙, 滿意.4, 生炒臘味糯米飯配料有冬菇蛋絲臘味同花生，配料夠多而且糯米飯份量比估計嘅多.缺點不少:1, 客人較多冷氣不足而且好鬼嘈!2, 紅燒翅味道過咸魚翅份量亦不足....3, 酥炸九肚魚魚肉超嫩滑但中間條骨比較硬，以前食同一款菜亦無哩個問題.4, 滷水鵝腸墨魚雙併份量不足.....5, 生炒臘味糯米飯有一D糯米口感偏硬，最大問題係D花生入氣潮哂唔夠脆!大大扣分!質素開始下降，又要搵吓留意下D好餐廳了

八號風球嘅夜晚，都要食飯㗎嘛，當然好多餐廳都冇開，但我知道呢度一定有開，紅磡新忠記打冷小菜館，係我其中一間飯堂，一想打冷就一定會嚟呢度，打冷還是喜歡這些麻甩佬老店，嘈嘈吵吵，夥計大大聲，有大排檔嘅氣氛，重點都係呢度所有食物出品一向保持水準👍🏻🦆▪️鵝片拼鵝肝 $ 288每次必食，佢嘅滷水汁好出色，鵝肝雖然係好邪惡，不過真係香滑到不得了，入口即化，間中食啫冇有怕，鵝片亦係好高水準，肉質軟淋好肥美，底部仲有大量嘅豆腐和豆腐卜，吸晒啲滷水汁味，好正🐟▪️凍烏頭 $ 228今日呢條好正，超級大條厚肉，魚油滿瀉好甘香鍾意食魚既你一定會愛上，點埋佢哋自家製嘅黃豆醬，好鮮味🫒🥩▪️豉蒜涼瓜炒牛肉 $ 108我老細最鍾意食涼瓜 😎培養到我依家都鍾意食，炒得好有鑊氣，而且配原粒蒜頭坊間少有，涼瓜一啲都唔苦，牛肉大大片肉質鬆軟，而且份量超級多，送飯或者就咁食都好好食🍲▪️蠔仔肉碎粥 $ 68我嘅最愛，我好鍾意食湯飯，尤其係蠔仔粥，蠔仔肉非常飽滿，充滿了肉碎，芫荽，冬菜，胡椒香，食嘅時候加埋白胡椒粉，實在太美味🍺▪️藍妹啤酒打冷飲杯啤酒是必須的

今天一班朋友去PolyU影畢業相，笑料百出後要找地方醫肚，朋友一早訂了這家打冷菜館，幸好早訂了位，不然真的吃不了，超級旺場的，很有氣氛，應該是附近的熱店。點了這些：🔸滷水鵝肝拼鵝片滷水入味，不是死咸，但鵝肝不是入口即融那種口感，鵝片正常。🔸豉汁盤龍鱔煲仔飯一般，鱔未夠肥美，飯還可以，有粒粒分明，但無煲仔飯那種焦香，而且飯焦少，唔夠焦脆，可能同個煲有關。🔸沙茶牛肉芥蘭正常，沙茶味稍淡，牛肉嫩滑，芥蘭翠綠爽甜🔸椒鹽豆腐拼蝦丸好味，炸得夠乾身，但不油膩，蝦丸彈牙，啖啖蝦肉。🔸酥炸九肚魚蠔餅　粉漿薄，調味對板，而且不算油膩，唯九肚魚口感較腍，與平時食的炸蠔餅感覺有大差別，我都係喜歡炸蠔餅多啲。🔸啫啫雞煲夠鑊（煲）氣，上枱時仲好鬼熱，雞肉唔老又夠入味，而且除了雞外，還有豬潤，第一次食啫啫雞煲有豬潤，但又幾夾。整體味道okay, 有多款選擇，服務不錯，侍應姐姐好好人。

打冷感覺上一直都是香港人很喜歡的食品，可能因為選擇多煎炒煮炸凍食熱食樣樣有。雖然這是潮州打冷店，但是最愛始終是它的煲仔飯。滷水鵝墨魚片🦢🦑潮州滷水選擇非常多，但係阿辣妹最喜歡的滷水鵝片都算是潮州菜最經典之一。今次點了雙拼加上了墨魚片。滷水汁味道突出，不會太鹹。鵝肉片瘦底帶皮不會很肥膩，墨魚片剛熟咬口一流。加上豆腐薦底，不錯。🦪炸蠔餅係喎餅基本上間餐廳都有自己的責任，有一些是雞蛋的，不太合個人口味，所以很愛這間餐廳的口味，加分。🐷咕嚕豬肉屬於廣東菜，一般中菜應該應付自如，潮州店來說做得不錯。豬肉和炸粉脆口，獻汁也沒有太多，剛剛掛肉。🐔椒鹽雞柳拼九肚魚🐟又係打冷必點，一直都覺得潮州餐廳的炸物做得不錯，試過蠔餅你就會知道。九肚魚正正正，而雞柳反而不會太乾身，最低要求叉燒妹滿意。蒜蓉炒白菜仔🥬呢個其實都唔使多講，可以看圖識字。只要材料新鮮，這個餐廳的師傅絕對交足功課。位於紅磡食街得一分子，雖然餐廳店舖搬左之後變細左，但是也不失客人對這餐廳的熱誠。那天晚上座無虛席，繼續好多擁躉。成日都聽到話食肆難做，我覺得這一句不是錯晒，不過只要有好出品，一定繼續有客人encore。我就係其中一個。

朋友推介好耐，講咗好多次，不過要人齊至可以食。🥢😋🥢😋🥢😋🥢😋因為碟頭大，價錢又唔貴，知道一定失控，所以必定要有備而來!🤝🤝💪💪✨ 鹵水鵝片(例牌)打冷必吃! 鵝片的質素簡直是打冷菜館嘅招牌菜，有一定水準!不過唔算高水準!🙈🙈😝✨ 椒鹽鮮尤大大件鮮尤，厚肉又惹味，口感及味道一流!💞💕🤤🤤🤤✨ 脆薯燒汁安格斯牛柳粒熱辣辣+熱辣辣! 脆皮薯仔你食過未？薯仔表皮脆口，薯肉夠糯又惹味。安格斯牛柳大大粒，鮮味又彈牙，朋友強力推介!👍👍👍🥳🥳✨ 四季豆煲啫啫連煲上，特別夠火候，特別惹味!👏👏👏😘仲有無限咁多菜色，就係冇咁多個胃!🤤🤤🤤一行四個港女，潛入麻甩之地，叫咗五碟餸菜，再加一窩蠔仔粥。👍👍👍🤪成張卡位長檯都唔夠擺，周圍嘅大叔都細細聲在研究我哋嘅食量! 🤠🤠🤠最終都係衰咗! 食唔曬，要外帶返歸! 😅😅🤭

-{黃埔私心最愛打冷🫖}終於出post俾依間😋由細到大都好鐘意食打冷 連畢業冊嘅最喜愛食物都係蠔仔粥🤓🤤鵝片🤤 ($138)啖啖鵝肉 小小鞋但好多滷水味好重😚底嘅豆腐都滷得好入味又夠滑😜👖褲評: 8/10🤤脆薯燒汁牛柳粒🤤 ($118)薯仔好食過牛柳粒😚炸到外層有層脆衣有啲焦糖香🤩😍似係脆嘅蜜糖咁🥳牛粒夠牛味亦炒得好香☺️👖褲評: 9.3/10🤤蠔仔肉碎粥🤤 ($108)蠔仔份量極多😂😂😂😂勁多芫茜聞落已經好香口😙蠔仔好夠鮮😋每次都食兩碗😎👖褲評: 8.3/10🤤酥炸潮州蠔餅🤤 ($88)脆到！！！炸得黎又係唔油😝蠔味夠重 又係勁多芫茜😚👖褲評: 8/10🤤椒鹽鮮魷配九肚魚🤤 ($158)魷魚好彈口🤓不過椒鹽味唔夠~九肚魚普通啲 兩個嘅炸皮都好高質😆👖褲評: 7.8/10依間食超過5次 以上嘅菜式都好推薦🥰有咩打冷嘅推介就話我知啦🤣性價比: 8.3/10服務: 8/10環境: 7/10🚩新忠記打冷小菜館🚩地址: 紅磡湖光街1-7號聯成大廈龍圖閣地下17A號舖 #fuudjai #fuudjai港式 #fuudjai中菜 #fuudjai黃埔

I think eating here like paying money to let ourselves suffer, super poor service, food comes late but urging us to leave lollll(we didn’t stay for an hour loll) and the seat so uncomfortable, so crowded, the waiters keep pushing my back, whole meal simply unpleasant lolll, no reason to come back again i think, the price isn’t cheap, food just ok, many good choices i can find elsewhere lollllPork blood tasting good but with a bit of spicinessBraised goose with peanut and tofu, tofu is soft but a

仲有得去旅行嘅時間，你去到日本成日會見啲廣告牌介紹居酒屋會叫佢哋做「人情酒場」。我沒有去Google過但係我諗都係好多人喺度飲酒大家又好有人情味咁，即係好似深夜食堂嗰個feel。當日去到新忠記，見到人山人海的場面，個個乾杯丶大聲談笑、豪情蓋天的樣子，心中暗忖：「呢個仲唔係陀地人情酒場？」，一時間心中大樂😂😂可惜豪氣干雲的地方有些混亂，有些污糟。食物不是難食但也唔算好食。我哋兩兜友叫咗：鵝片拼鵝肝、墨魚拼鵝腸拼紅腸、韭菜豬紅、煎蠔餅。鵝片OK，鵝肝味道偏淡，不算好食，墨魚冇味，韭菜豬紅不錯、煎蠔餅是招牌菜，幾好食。樓面整體上是熱情款待你的。如果你是一大班男人尋找男人的浪漫，或是一大班女人去過男人㽼隊下啤酒，絕對推薦；但是如果你想去追女仔的話，未必適合。同場加映：坐正喺我地面前嗰枱是全女班，隊啤隊到興起，情緒異常高漲，忽然其中一人落下涙來，其他人輪流安慰，仲好睇過大台的肥皂劇😂😂😂

Wheeee (｡･ω･｡)ﾉ٩(˃̶͈̀௰˂̶͈́)و【紅磡打冷店　足料蠔餅掂】早幾日心郁郁想去食吓打冷，就諗起紅磡呢間屹立多年嘅潮州打冷店。仲記得佢舊舖嗰陣門前面有一堆煲仔飯🫕開住個爐，煮到無停手。今次係佢搬咗入新舖幾年之後第一次試食😋估唔到都幾有驚喜。～我是Menu～酥炸潮州蠔餅（大）$128呢個蠔餅真係好有驚喜，炸得十分酥脆，食落一啲都唔油膩😋 蠔嘅份量一啲都唔少，仲要夠哂大隻🦪，非常足料！我覺得係成晚最出色嘅一道菜👏🏻魚香茄子煲 $88個煲送到上嚟仲咋咋聲，聽到都流口水🤣 味道中規中矩，感覺普通，好似唔太夠鹹香味，亦都唔太有豆瓣醬香。招牌鵝片拼盤 $158打冷又點少得滷水拼盤呢😌 呢個招牌鵝片拼盤有鵝片、豬耳、豬腩肉、紅腸、豆腐卜、鵝腸同埋少少芽菜。咩都想試少少嘅嗌呢個拼盤就啱哂🤪 味道正常，但點埋個辣油就好味得多🌶椒鹽鮮魷 $118魷魚唔韌🦑 粉漿夠薄，脆得嚟食落唔會成口炸皮。加埋啲炸蒜，十分香口🧄脆皮炸豬手 $98呢個脆皮炸豬手相比之下就較為失色。個皮炸得夠脆，但係就食唔到肉，好似淨係食肥膏咁🥲 呢個價錢好似唔係太值得🙁～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻

原本想去旺角女人街標記打冷，但門口排哂長龍，去攞位，又唔俾飛仔，感覺唔多對路，於是轉場揸車落紅磡新忠記.一去到櫈都未坐熱,女友已經㨂定食咩,炸蠔餅,鵝腸併豬大腸,啫啫滑雞煲.okay, 唔洗我粗心,真乖! (緊係啦! 係你埋單架! 傻仔!)炸蠔餅極速上枱,咬落蠔仔份量不少,重點,外層口感超脆!無得輸.食食吓突然間聽到身后咋咋聲由遠至近,先知道原來係我地點嘅滑雞煲, 從無預期個滑雞煲會發出咋咋聲,(因為經常食咩咩煲都係無哩聲氣, 習慣了) 所以..... 未食齋聽聲,已經加分啦!滑雞煲亦恰如其分,雞肉嫩滑,食落無渣,連d配料蔥頭都好好味.鵝腸超多膏,多得不成比例!中意食膏必開心,可惜我唔食膏!而鵝腸亦爽口.至於豬腸側軟同諗,滿意!有D潮州打冷店,提供嘅辣油辣味少香味重,新忠記嘅辣油又香又辣,豬腸點辣油辣到我跳舞,放心我唔係老!當然..... 全因我唔食得辣啫!不論旺角標記又好, 新忠記又好, 全因為一款菜而去, 就係獅蚶!今次嘅獅蚶,調味重手咗D,蓋過咗獅蚶嘅鮮甜味,但口感保持鮮嫩.埋單時本應找四蚊,但老闆娘話新年唔好意頭,找多一蚊!老闆娘真細心!一讚!食飽就揸電單車歸家, 未開車女友已

最近有位朋友介紹紅磡有間打冷菜館好好食，所以見今晚有時間就即刻揸車去試下，因為怕多人要排隊，所以就提早去食。菜館門口有煲仔飯煮梗，睇睇門口餐牌煲仔飯都有啲貴，不過再睇下個煲就明白哂，原來咁大個飯咁又真係唔叫貴。餐牌食物種類選擇有好多，有鹵水、小菜、粉麵、煲仔飯、 泡飯、湯羹、甚至連鮑參翅肚都有，真係花多眼亂。招牌鵝片拼盤 ($148) : 拼盤好豐富好大碟，成個小山丘咁，加埋鵝片都只係 $148 相當抵食，如果鹵水汁多返啲就更好喇。韭菜豬紅 ($55) : 份量超多，豬紅夠滑夠爽口，不過略嫌個汁唔夠濃味。鹹蛋黃金鮮魷 ($138) : 全晚最出色既一道菜，新鮮炸出黎熱辣辣，鹹蛋黃汁夠多夠濃味，而且鮮魷大大件，份量又多，重有印尼蝦片伴碟，十分有誠意。😋胡椒鹹菜豬肚湯 ($62) : 大兜又足料，三個人飲每人都飲到三碗 👍🏻 睇個款以為味道會好淡，估唔到辣辣地幾惹味。😋糖醋餅 : 朋友既至愛，不過朋友話整得麻麻地，唔夠鬆化同脆口，自己就覺得無咩特別似個普通炸麵餅咁，因為未食過所以做唔到比較。螄蚶 : 第一次食螄蚶，所以比唔到意見，不過自己鍾意食花甲、大蜆呢啲種類多啲。😝

新忠記潮州打冷菜館位於紅磡，是第一次幫襯，因為有朋友住附近。由於食飯之前已經開始飲酒，所以我哋都係叫一些送酒菜：分別叫咗馬友魚飯，鵝片滷水拼盤，椒絲腐乳唐生菜，以及蒜蓉炒豆苗。首先上枱係馬友魚飯，油分望落亦充足，上面放了幾片醃鹹的檸檬，作用應該是增加風味，但我懷疑是希望能夠辟走魚的泥味，可惜此舉不見成效，泥味仍然非常重，不喜歡👎另外的鵝片滷水拼盤，當然鵝片的份量不會太多，合共有五片吧！多少亦不是重點，重點在於滷水完全沒有純香陳的味道，我只食到豉油的鹹，對於一間潮州店來說，滷水汁是他的靈魂，我可以形容這個滷水拼盤的滷水汁非常失敗🤦🏻‍♂️反而兩個菜就出奇地出色，椒絲腐乳唐山菜的腐乳下得夠重手，炒工亦不錯，整碟菜食至最後也不會出水。而蒜蓉炒豆苗應該下了雞油或鵝油之類去炒，油分充足而味道亦很好，豆苗亦選用最嫩的部份，相信為這餐挽回不少分數就只靠這兩碟菜了。這可以說明廚房的炒料部門應該比較出色🤔