新斗記 (已結業)

貪新鮮的我, 在新斗記一落戶屯門便去了一次那段時間, 屯門很多新食肆開幕呢(同時有很多食肆結業或搬遷)由於已晚上十時, 加上剛開業, 人不多晚上不宜多吃, 只點了三個菜式:一、魚翅撈飯老公愛翅, 上桌才發現只是一碗翅配一碗用蛋炒過的飯($148)翅湯味道可以, 但翅大多不是真翅, 價格是偏高了點二、孔豬例牌此店名物, 的確炸得外皮很脆, 沒有多餘的油香, 口味是不錯的但肉部分較少, 令乳豬缺了點肉香, 加上份量較少, 六件138元, 也是太貴了點三、大澳蝦醬炸肉排約有8件五花腩, 用蝦醬醃過, 炸得咸香酥脆, 可是要二人幹掉8件很有難度吃到一半已覺滯, 此菜索價一百, 實在不宜二人時點的聽說是米之蓮擇星店, 個人感覺更像遊客店很多典型的港式菜, 而且索價十分進取, 不宜作為長期飯堂, 兩小口之家開飯也有難度至於環境方面, 店子地方闊落, 門口一個大魚缸放滿貴價海鮮, 並用上特色公雞碗食物水準可以, 但定價偏高, 假如負擔得起, 偶一而為之是可以的

點解會簡新斗記呢？係因為早前家姐買左$699團購groupon，所以昨晚就一家四口走黎屯門食喇！呢個團購餐係六人餐黎既，有九道菜，雖然份量唔算大，但個質素好好呀，冇因為係做團購餐所以啲食材會差啲或者係粗製濫造一啲。如果比我簡去季季紅定新斗記食乳豬。我就投新斗記一票喇：）琴晚做左個比正式統計：我同家姐都鍾愛新斗記，媽咪同爹地就鍾意季季紅多啲，所以係２：２。但係如果我係比正價黎食既話，我就覺得唔係好值。不過以團購價黎講真係抵到爛呀！

同朋友黎市門市廣場食野，大約2:30pm，經過新斗記門口見到試業中，就想試下！入到去原來是大館子，有點心食，我地叫左5碟點心。新開張算係無失望！待應服務很好很周到！環境到唔錯，坐得幾舒服！

屯門市中心近幾個月開了不少新店，其中最有人氣的就是新斗記。是日難得休閒，決定早點到新斗記碰碰運氣，想不到平日六點已經人山人海，幸好還有少量座位第一次光顧，當然要試最出名的:燒乳豬❤❤乳豬除了脆扑扑的皮，其他實在沒甚麼可取，沒味沒道令人失望... 或許是因為希望越大失望越大?蛋白薑米蒜香蟹飯❤❤❤❤有驚喜，原隻上的蟹肉很鮮甜，飯炒得很香，可以一試！另外它是用白米，並非平時所見的荷葉蒸蟹糯米飯，比較容易消化。剁椒蒸魚頭❤❤❤不知道是否太多人，追單追了很多次這碟魚頭才來。魚頭新鮮，味道香辣，送飯不錯呢。朋友說太辣吃不下，不太能吃辣的人就別點這個了另外點了的啫啫生菜煲，有點偏鹹但送飯剛好。總的來說，食物還算不錯，如果服務質素提高一點會更好呢

平時就好鍾意四圍食野, 食評就第一次打~ 新斗記有好間分店, 相信都唔少人試個~而我就第一次食 , 就起屯門呢間分店, 起屯門食小菜既店舖好多都試過, 既然有新野, 就即刻BOOK位試下啦~ 提早慶祝父親節, 一家四口埋單$8XX- (已計加一)最出名既"乳豬", 我地都叫左半隻($338) , 酒樓一般皮同肉斬件一件過, 呢到就皮同肉同黎分開切(片皮件上)! 皮食起就特別脆~~~ 應該都幾考刀工 , 哈哈~ : P再黎, 叫過前菜"鹵水鵝掌"($68 - 78) , 係幾入味GA, 應該唔係雪藏貨.小菜就"薑蔥美國桶蠔" ($168) & 手抓羊排 ($98) , 蠔大概有7隻, 好多蔥, 夠惹味, 而羊排如果唔鍾意羊既"SO"味就唔好叫喇, 我就鍾意~ 呢兩個我心水推介~最後, 糖水"紅豆沙"送既~~~ 一人一碗 (個待應話糖水唔係次次同款GA)P.S. 印左公雞圖案既碗碟又幾款既小總結:::食物整體不錯, 中高價格, 雖然待應不算多, 服務總算OK! 

本來想星期５晚訂定星期六同屋企人去食飯，　點知已經ＦＵＬＬ　ＢＯＯＫＥＤ，　Ｏ係屯門ＦＵＬＬ　BOOKED 其實係好少見架, 所以佢都算幾厲害~既然係咁, 就O係番屋企食, 買乳豬外賣咪得LOR, 還掂又唔會食魚翅海班, 洗咩O係門口等個幾鐘, 外賣部阿姐讚我醒目仔, haha, 講真屯門d人9成都係食d 普通小菜架je, 唔會好似cwb, 佐敦 d 公司食飯勝地咁食得咁豪, 所以我唔知佢地係咪太得閒定係唔知有外賣呢樣野而唔打包拎走呢,,一貫的脆薄皮, 做法唔多講應該好多人都聽過, 好似食著片咁, 第一次同公司食o既時候係幾有驚喜, 但今次反而覺得肉真係太少而且咁細分真係有d 唔抵食,,, 

一家大小14位book 左8:00 食, 點知一直等, 一直等, 等到8:30 都仲未有位, 問帶位小姐, 佢只係一路話入面已知啦, 再等, 等到8:45, 入去問下個部長, 佢話知啦, 執緊枱, 好快, 等到9:00 都仲未有, 等到老人家和小朋友都好肚餓, 最後要到9:15 先至有位, 入到去, 個湯都無埋 (團購餐 6x 2), 最離譜係個鮑魚煲, 明明係原隻上應該有12隻, 佢居然碎上, 仲要唔係一開二, 而係碎到你數唔到, 點睇都無12隻, 佢跟本就係因為太夜唔夠數, 所以剪碎上, 等你唔知, 仲要好鹹, 鹹到無人想食, 咁咪唔會覺得唔夠食, 咁都得? 新斗記照計唔應該咁差, 屯門呢間我就一定唔會再去, 睇埋上面個食評, 又係要等咁耐, 證明呢間新鋪真係好唔掂, 希望D管理層可以重視下啦!

屯門市廣場.因為面臨v city的競爭和旅客.越變越豪華,連引入食店都是行貴價路線,引入的日本食店平時只會在銅鑼灣,尖沙咀見到的食店,如今在屯門見到.實在驚喜.以前怎樣估,都估不到屯門也變了一個具消費力的地方.今天介紹的新斗記.以乳豬打響名堂的名店,亦在屯門出現.環境的確比起佐敦,大圍,荃灣店大,至少坐得舒適,不會太嘈雜.因為環境新穎衛生亦良好,至於服務除了接待態度一般,其餘的也不俗,至少有問有答,服務效率亦高.燒鵝脾瀨68元:瀨粉湯底相當清淡.份量亦不大,至於燒鵝瀨,燒鵝皮薄,皮下帶點肥油,肉亦鮮嫩,而且肉質鮮甜,但略嫌過鹹.蝦餃:皮薄,摺痕明顯,表面乾身,4粒大細相同,賣相已經優勝,夾起來不會穿,蝦肉不會太乾,爽口.而肉質亦鮮甜,我記得此蝦餃只有蝦成份,末算正宗,但賣相同味道已經優勝.蜆蚧鯪魚球32元:只係沒有油份一點是優勝的,味道覺得魚味什淡.什至全個鯪魚球味道亦淡薄,我估計粉成份最高,蜆蚧味道亦像溝淡,完全沒有鮮味,此食物味道一般.茶位6元.2位食如此少食物150多元左右,以環境,服務良好而言也合理..我會推介大家去.

終於可一試新斗記了！可能新開業及或者是父親節的緣故，平日晚飯時間都很好生意，幸好我傍晚6時多進了去，否則又食白果！因没預先訂位，所以坐的位置接近大門口，但都不會感到有任何不舒服的感覺。坐下不一會，已見不少人在等位，不多不少由於是米芝蓮的效應吸引到客人來此品嚐！老公7點多才到，雖然生意好，等候的期間也没受到店員什麼騷擾。一直以為食品的價錢會比較偏高，看過餐牌後，令我改變想法，竟然跟稻香的價錢接近，但出品的質素和味道，比稻香優秀得多！點了胡椒豬肚大蜆湯、鹽燒一字骨和店內的推介 - 粟米石斑塊。首先講下胡椒豬肚大蜆湯，可能我怕辣，這個湯用上大量胡椒，對我來說可以話是過量，飲了半碗就投降了。連一向食得辣的老公，都話覺得比較辣。湯內的酸菜、蜆和豬肚的份量平均，不會有湯多過料的情況出現。鹽燒一字骨，一字排的脂肪和肉的比例均等，没有過肥或過瘦，味道也剛剛恰當，鬆軟嫩滑！最後是粟米石斑塊，暫時可以是吃過最好吃的粟米石斑塊，魚塊没有雪味，脆漿不過厚，酥脆可口，粟米汁是另上的，不會被浸到過軟，抵讚！有這樣好的質素，而價錢又收得合理，若日後能保持穏定的水準，日日也會客似雲來！

今日去新斗記食飯同老豆慶祝生日, 本來我地Book 左 8 點鐘, 早左少少大約7:45去諗住拎位先唔洗老人家等. 點知個姐姐都唔知做咩發緊夢咁, 明明係訂左位應該就留起俾人啦, 就算唔係要等有人走左之後俾枱留位既都好正常丫,但係佢就亂咁俾位人都唔跟number去分. 明明訂左位反而等得奈過即場拎位既, 有冇搞錯!? 都算, 我等~~~ 終於等到入去食飯, 叫左 半隻乳豬, 栗米石斑, 啫啫唐生菜, 薑蔥焗生蠔, 生炒骨. 原本叫胡椒豬肚花甲湯不過佢地話花甲賣曬就咁比胡椒豬肚湯你有冇問題, 咁緊係有問題啦~ 於是轉左要生炒骨.不過漏單, 食曬所有野都未黎, 於是追單啦, 等多二十分鐘都未到, 再追啦. 等多五分鐘終於到喇~老老實實, 我覺得幾樣野都幾好, 乳豬唔肥皮又脆, 粟米石斑又唔錯, 生炒骨有肉汁唔會炸到硬曬幾好味, 薑蔥焗生蠔D蠔都幾大隻煮得幾好, 幾軟熟, 又入味. 到俾錢既時候, 叫左結賬又等左十分鐘都無人攞張單黎, 大佬呀我地座左係cashier 隔離, 我眼見你班人係度傾計都唔做野, 比錢都漏單, 咩料呀! 真係火都黎原本食8點鐘, 搞到10點半都未走到, 真係唔會

一早就想同屋企人食新斗記，本來諗住去佐敦食，不過訂檯兩個時段都麻麻地，上去新斗記 facebook 睇，就發現佢地喺屯門嘅新店試業中，冇理由捨近取遠唶？訂檯時已經問定阿姐有冇咩要預訂，佢話燒鵝或者 d 特別 d 嘅海鮮先要，so far 屋企人唔係太食得比較毒嘅嘢，所以唔駛訂。訂咗八點鐘檯，我地早咗三個字到，去到要等一等，八點過少少就有檯。一行五個人叫左六餸一湯，另外仲敬送甜品~// 胡椒豬肚花甲湯 //胡椒十足，豬肚同花甲亦唔吝嗇，唔錯~// 乳豬 1/4 隻 //呢樣冇得輸，燒得鬆化，上檯後隔一段時間食都依然脆卜卜！屋企人即時話春秋二祭要嚟呢度買乳豬！// 栗米石斑 //一碟八件，件件都係啖啖肉。又係上檯後隔咗好一陣先食，魚肉仍然熱辣辣！ 證明唔係廚房整定 hea 你！石斑嘅粉漿唔係好厚，姨媽話個漿再脆 d 會開心 d~~~ // 啫啫唐生菜 //上檯唔係好聽到「滋滋」聲，again，上檯後隔咗好一陣先食，食落先發現有芯嘅部份比較青！ 不過為時已晚，想用餘溫迫熟佢都唔得~~~// 蝦籽柚皮 //席間個個都係第一次食，感覺新鮮，所以唔識話係好定唔好~~// 豉油皇炒麵 //again