新斗記 (已結業)

假日無聊，還有家人未試過新斗記飲茶，即興下10時許試電睇睇有冇訂位，打了兩次冇人聽，便起程取位，11點10分去到才知如籌到，要夠半數人才可入內，唯有即叫家人快點出門，本等了40分有檯，奈何家人要待孩子上完興趣班才到，故最後12點20分才入座!只影了部份點心，沒評的只是一般，或之前已評過流沙飽7.5/10~今次夠流沙，又有旦黃香流沙煎堆(冇相)6.5/10~一樣流沙，但流沙包香D!炸雲吞(冇相)6.5/10~一般馬拉糕5/10~不鬆不香蝦餃~因上次唔掂今次分兩次叫，上圖是第一轉，皮靚好味，蝦彈，故叫多籠，但第二輪的與第一輪是兩回事，皮淋，蝦搞爛不彈，點解?粟米百花球4/10~內裏的蝦只有街邊跟腸粉賣的魚旦那麼大(5角錢大)，仲要冇蝦味又"梅"!蝦球窩粗7.5/10~蝦爽彈，麵冇鹼水味，湯㡳鮮!6大2小叫了17點心1煲仔飯1窩麵，埋單約$620，假日來說都好抵，可惜要等位，都係去返富臨好了!提提自己來這裏，要食棉花雞，流沙包同燒鵝!

閒日放假難得湊夠4人，可以試多D嘢，未試過屯門新斗記，決定在此吃午餐，一如以往，要等位，等了約半小時終有位。有位入內即研究點心紙及小菜單。大食又貪心的本人，一共叫了7點心，1煲仔飯，1燒鵝餐。7/10 ~ 包皮鬆軟，餡料好香咸蛋黃香，可惜不夠流，但依然好味!6/10 ~ 腸粉皮薄滑，但欠米香，餡料味道不突出。7.5/10 ~ 材料豐富，有豬潤，豬肚，豬粉腸，咸菜，夠熱又夠辣味!  7.5/10 ~ 有點像鮮蝦粉粿，材料有蝦，馬蒂，香茜等，皮夠薄，食味鮮甜!4.5/10 ~ 皮蒸淋了，但味道是不錯的，內有荀粒，蝦肉亦爽彈鮮味!6.5/10 ~ 1杯有4條，炸得夠脆不油，但味道沒特別，亦不覺有芝士味3/10 ~ 外表睇面層炸得不夠酥，芋蓉也夠軟，但內裏餡料有"㓎"豬味!7/10 ~ 飯粒夠乾爽，排骨夠入味!7/10 ~ 套餐的薑汁芥蘭，新鮮爽脆7/10 ~ 套餐選了湯河，一大窩，每人有兩大碗，湯不太咸味剛好，河粉是較為厚身的，是本人喜愛的，現在大多舖頭用薄身的，冇米香冇質感燒鵝 8.5/10 ~ 上檯巳覺色澤好正，好香，入口感覺真係不得了，外皮脆，那種脆的口感就好像你在口內咬破一粒新鮮車厘

今天行山行了三小時多，落山後腿都發軟了，所以想找個可以坐耐少少的晚飯地點，嗯，那最好去酒樓吃中菜了。因為還未試過新斗記的晚市質素，今晚就選擇了這裡。之前自己都有來過食點心，味道不至於令我回味，而且點心定價不平，所以自那一次之後就無再去過了。周日晚上六點幾竟然不用等位便可以直入，比起周末茶市的人流實在是恰好相反。未坐好已經有侍應前來招呼及開茶，任何酒樓的晚市服務點都會好過茶市，這裡都不例外。如一本書的精美餐牌內的內容是列出較精緻的食物，如鮑參翅肚，另外的單張餐牌，有燒味孖寶﹑海鮮孖寶，看到不少食客都點乳豬及燒鵝，前者我不吃，後者的份量都不是二人可以吃得完，於是便埋首在小菜類，價錢比其他酒樓是貴少少，但就未至於太狼﹗我十分鐘意飲香片，可惜現在好多酒樓都用平價貨色，味道苦澀亦毫無花香，不過新斗記的香片真的好好飲，味道清香宜人，絕不濃苦，茶葉內有著大量茉莉花花朵，散發陣陣花香。奉上的是辣青豆，對我來說有十級辣，更是麻辣的那種，其實都幾特別，而且越辣就越想再食。我勁力推介手拍青瓜$38，其實我上次都有吃過，覺得是超級好食﹗不過今次的青瓜並非'拍'過，因為看到青瓜的切痕相當整齊，不禁有點失望呢。幸

 今晚同爸媽去食晚飯，叫左1/4乳豬食，食左禁多次今次令我好失望，D乳豬燒得唔係好熟禁，同埋我都未見過D    豉油王抄麪一D熱，一D凍ge.  我去新斗記都食過好多次晚飯，係最差ge 今次。

星期一年初四去完青松觀後嚟左呢度飲茶,其實係媽媽話好想嚟飲茶,但係一個人唔可以飲,因為冇得撘枱,所以我們就要陪佢嚟飲一次啦,嘩,未行到門口,果個人場的氣已阻擋住我要行埋去攞飛既心情,我地四個人,號碼係要等40張枱以上,張飛上面係話要等75張枱,係咪想馬上走...但左幾個字都冇叫過一個號碼,等呀等呀等呀,二小時過去,還有20張,差唔多2點仕應問有冇人係五位以上,我們攞了另一張五位枱,馬上飛埋去,先可以入座,入面的位置係L型的,佈置中式化. 不是很特別及華麗,普通吧了.點食物,價錢係由15.8開始到20幾30元,我們點左有拍青瓜($28),八珍豬腳薑醋($38),咖喱魷魚,鮮竹卷,叉燒腸粉,蝦餃,牛栢葉,芋角,北菇滑雞飯.芋角一般啦,唔熱的,唔算好鬆化,但都唔油的,拍青瓜正常份量,唔算好大碟,上面有些蒜蓉及辣椒,都好爽口好味的呀,個醬做得好,我們坐係一張張BAR枱旁,看到一個大煲,初初唔知係咩,後尾見仕應放D豬腳入去,原來係豬腳薑,但唔明點解要放係果度,我們以為我們的豬腳薑係果度嚟,但係又見到仕應係廚房拿了兩碟豬腳薑出嚟,莫名奇妙. 那個長BAR枱係放滿了碗碟又係俾仕應放點心的地方但又放一

應該係好差的飲茶體驗，自稱米芝蓮星級，茶凍，坐位逼，左魚池右人坐。收費貴，冇服務！真是一個新經驗！鍋貼厚皮，煲仔飯勁咸！乳豬又唔特別，只是特別貴！不過點心就算可以，總算到此一遊！

新斗記都想吃的食店，早已聽聞它的名字，也經常有媒體報導。無奈分店地點比較對我來說比較遠，一直沒有成事。如今，它在屯門也開了分店，那不妨試一試。五時多己有十多人在輪侯，似乎實力非凡。新斗記的裝潢帶古典的風格，門口接待處附近設置了大魚缸。在門外等位的時候，在廚房更設有大型玻璃窗看到師傅火山石即燒乳豬的場面，我急不及待拍下了！店內面積也很大，這間鋪前身是一個兒童遊樂場。它的裝潢令人感覺舒適。餐桌之間距離不算太多。由於該鋪不是一般中菜酒家的的長方形設計，中菜酒家繁囂和嘈雜感覺略為減低。 前菜($12/位)這碟花生是何其的...... 貴！當晚三人到訪，這碟花生索價$12X3=$36！而且，花生不香，再者還有些油溢味！我覺得它是不新鮮的花生。後來，隔鄰枱入座表明不要前菜，侍應說可不收前菜的費用。雖然可能被人感覺小家，但是我看到這碟花生，實在有點無名火起。 晚市茶($9/位)茶的茶味可以。雖然不是茶香四溢，但是應有的茶味亦有出現，絕對不是那淡如水的味道。它選用印有獨特公雞圖案的餐具再加上新斗記三字，是否懷舊風吹得熾熱嗎？或是集體回憶？ 即燒乳豬1/4隻 ($178)新斗記最出名的是即燒乳豬，

點心返蒸好難食--五香芋𢇃餅煎吾香不突止仲好油淋到一bad bad, 娥姐粉果冇味但有雪蔵味，叉燒包全是肥膏，薑醋蛋冇乜味，薑多，唔入味的蛋及豚手，薑仲要硬及多渣，得意腸粉居然唔脆放到又淋又勒，食到火到黎！！食物唔得,連杯茶都唔熱，乜嘢叫水滾茶靚呢個集團一定唔識，茶葉預左你唔靚但都唔好咁離譜水都唔滾，食水咁深真係一肚氣

自從食過一次，愛佢愛到不能自拔，米芝蓮乳豬，皮超脆，脆到一丁點油膩既感覺都無。無得輸！咕嚕肉! 甜酸汁做得好好，排骨炸得好脆，無骨落碟！啫啫蠔! 手掌甘大隻，味道夠香，夠鮮！栗米班塊-汁同班塊分開上要讚，班塊個粉唔會厚，熱辣辣加少少汁淋面，完美!豉椒抄蜆- 味道ok，無沙鹵水乳鴿-夠入味。豉油王抄麵- 唔油。最有驚喜係個壽包，拳頭個大，蓮蓉夠香，包夠軟綿綿，成個蛋黃流晒油，正!整體都好食，服務態度良好，米芝蓮實至名歸！

自從新斗記在屯門開了分店之後，媽媽因跟朋友來過幾次而在我們面前多次稱讚此店的高水準，十月的一個星期日的晚上，終於跟爸爸媽媽和老公一起來了試菜。漂亮的公雞碗筷首先點兩個媽媽推介的：乳豬例牌 - 乳豬皮好脆，肉好嫰，鹹度適中，果然好味道，最難得是連不吃豬皮只吃肉的媽媽也推介。粟米斑塊 - 這個很好吃，炸漿很薄，魚肉鮮美，粟米汁另上不會將炸皮浸軟，應該算是粟米斑塊高級版。要多點兩道菜，但又沒有什麼頭緒，此店的MENU對於推介的菜式前面寫了一個"斗"字，於是我也決定按圖索驥來點菜。咕嚕肉 - 平日吃咕嚕肉最怕豬肉太肥以及汁料太酸，這兒的咕嚕肉不算特別出色，但絕對沒有前述的問題。啫啫唐生菜 - 這道菜算是堂弄，唐生菜上枱的是候還是生的，侍應用湯匙攪幾攪之後就剛剛熟，所以很爽甜。新斗記果然不錯，我們這一餐價錢也不算太貴，是可以再來的店，可惜就是常常都要等位，嚇怕了我們這些怕等位的人呢﹗

原本想叫大糯米雞既，剔咗咗呢個蟲草花蒸雞，五舊斬開咗既雞中翼，即係兩隻半，急凍貨色，除咗夠熱，一無可取。蒸腐皮卷反而有D驚喜，比外面食到既清新爽口，亦係熱辣辣既，值得推介。南乳豬手，都夠熱，得四件，碟底連墊高少少既花生都慳返。娥姐粉果就比較得，熱辣辣既，點心一定要熱先好食架麻。豬膶腸粉，好明顯就係一條開三，比起平日係普通酒樓食果D，變相少咗一條。未放豉油，又係微微暖既，D豬膶好薄，有少少鞋同豬膶既腥味，唔見得好好食。好似煙仔餅咁粗既春卷真係過份得離譜，你地估都估到個餡都應該冇乜料到架啦。至於芋角呢，唉，我係警犬黎架嘛，食得出D炸芋角既油好唔掂咯，有少少萬年油味。而且一D都唔鬆化，又唔熱先係死罪呀! 唔好忘記我地係早上茶市第一批客呀，冇理由係唔熱既。室內裝修光猛，格局高檔，可惜碗筷清潔度強差人意，嚴重扣分，侍應服務久佳，竟然添水後，立即轉身走人兼拋下一句: 自己冚返好個蓋啦。兩個人去，二百五十幾蚊落樓，成百三蚊位既早餐，咁既食物同服務水平，一D都唔抵食。

今晚與太太及岳父到米芝蓮星級中菜館“新斗記”享用晚餐，乳豬，東星班，虎蝦，蠔，鵝腸味味都是勁好食！尤其是烏雞蟲草嚮螺湯確實是人間極品般美味！超正！乳豬非常香口!東星班很有魚味!虎蝦鮮味十足!蠔味道濃郁!鵝腸爽口彈牙!烏雞蟲草嚮螺湯保湯極品, 鮮味可口!

1. 海味芥蘭煲 - 個煲好大，只可惜份量好少，芥蘭配少量蝦米及魷魚鬚加入蝦醬炒香，用煲仔上。味道偏鹹，勝在夠鑊氣，做得最好嘅係夠乾身，食完材料後煲底唔會有好多油。2. 燒乳豬1/4隻 - 乳豬皮燒得好乾好脆，唔油膩。師傅將乳豬皮下肥膏片走。一碟有大約10零件，每件size大約有半張八達通咁上下。3. 海皇羹 - 有蝦肉、魚肉、豆腐，味道適中，亦唔會過稀過杰4. 菜膽雞半隻- 雞肉好滑，用上湯打茨已經夠味，不過隻雞好細隻，冇乜肉5. 果皮蒸泥鯭 - 上碟有六條，冇泥味，亦冇果皮香味，豉油偏淡，最好食反而係伴碟蔥絲

屯門區最大間的冒險樂園結業後，換來的並不是遊戲類別的店舖，反而是食肆，更是一間米芝蓮星級食府。新斗記這名字我就聽得多，不過一直都無試過，直到她發展到新界區，繼而駐足到屯門市廣場，更可讓懶惰的我不用外出去食了﹗可是等到良久也未有機會過去飲茶，一來認識的人對新斗記都不太感興趣，二來酒樓平日開11點，假日開10點，我不可以在上班前去飲早茶。而我最清楚的是探望她的人流每星期都是很多很多，即使過了幾個月都不見任何'衰退'跡象﹗直到今天下午經過，看到等位的人數只有數位(難得耶...)，便想也不想便來一個新斗記下午茶吧。 茶市價錢由早到晏均是劃一，點心收費$14.80至$29.80，以平日下午作比較，如此收費在同區酒樓來說並非便宜呢。反而炒粉麵飯及精選小食是大眾價錢，但一個人吃不到啦，加上主要想先試試點心，所以今餐就豪一點﹗點心款式選擇不算多，看看是否重質不重量﹖酒樓正門左邊有個小窗子可以觀看到師傅燒乳豬的情況，裡面火光熊熊的，好不震撼﹗除了正門後面有的位置外，左轉彎後又是另一大地方，內有幾間廂房的。酒樓的裝潢色彩以金紅為主，牆邊放有又大又闊的木格櫃，每一格放著大大小小的擺設，餐具是用上印有自家品牌

去前不知道是去這間米芝蓮餐廳吃晚飯的所以直到看到餐牌前也沒什麼期待, 只求吃飽由於家人吃了一點東西, 所以沒有叫太多東西只叫了乳豬和大斑兩味先說乳豬, 是叫1/4隻, 沒什麼可以說, 與一般其他地方叫的沒差別, 完全沒有突出的地方好, 講一下大斑兩味了(兩味菜的正名已忘記了)一味是啫啫斑球煲, 這個東西的確非常香, 氣味好吸引吃了一口, 非常鹹, 味道一點層次也沒有, 沒有魚鮮味, 沒有甜味, 只有鹹味斑球沾上非常多炸粉, 走油過程應該太長了, 所以食起來有點乾, 咬開後沒有看到斑球有少許水份, 魚肉啞色,沒什麼光澤, 而且非常多油, 過火了第二味是西蘭花炒斑球西蘭花烚好後放太耐了, 只有微溫, 斑球味道一般, 也是偏鹹和多油整體賣相OK服務方面正常, 整潔正常, 價錢...以這樣的食物, 極貴, 因為到最後我要食21蚊快餐才飽....*四人同枱,只有兩人食, 614埋單