新斗記 (已結業)

屯門有間新斗記一直都聽朋友講乳豬好味道，但小菜實在太難2個人去，今次我地一行5個女人仔同仔仔一齊去吃飯（晚上8點，已訂位）但可能因為平日關係，到達時只有幾桌人，因而待應都不停睇我地有咩需要。一坐下見到雞碗套裝好開心（因為中國小菜關係吧），又可以影影影！～我地因為沖著乳豬黎，所以叫左半隻乳豬加其他小菜。叫左6個小菜，其實份量都細，5個女人仔加1個小朋友最後好似冇咩食過野咁。其實都失望。好味的小菜：乳豬半隻：最出色的小菜，以為已經8點都夜，沒想到一樣咁脆口，肉同肥膏一齊食都吾會好滯。份量合適。每人有2塊左右。蛋白炒飯：炒得好好，夠干身，蛋白份量都好夠，每人一小碗反而覺得吾夠。普通的小菜：通菜煲：普通，都香口同吾太油。可以接受。古老肉：普通味道，粉還可以，脆口而又酸酸味道。失望的小菜：炸魷魚：失望，皮太厚，油益味，咩都有，除左魷魚細條。最後大半碟放係度冇人食。蠔餅：蠔吾多，粉好厚。蛋的成份應該都好少，吾香口，又係食左一半就冇人食的小菜。最後＄800結帳，不計小朋友。。即每人＄160，價錢還可接受，空間感吾迫又吾太嘈。傾計聚會一個吾錯選擇。但朋友都說已經以新斗記黎講好味

早前相約友人去屯門飲茶，順便找阿女一起吃午餐，就揀去新斗記,之前去過筌灣分店，今次來屯門分店,新斗記是米芝連食店,對我這個師奶來講，只是一間貴價酒樓，3個人叫了4個點心，牛肉腸都OK ，豉油不算太咸，春卷又幾好吃，炸得不會太乾 ，十分香口，九菜餃就一般，服務都是一般啦,環境都OK食物味道牛肉腸,我覺得一般,只是微熱,豉油不算太咸,我覺得牛肉腸只是一般春卷,這個反而好好吃，平時唔吃炸野,覺得這個炸得好脆，又不會太油膩九菜餃，這個只是一般服務我覺得只是普通環境這裡都OK價錢新斗記唔平,平均90元一個番吃未必再來新斗記無論食物/環境/服務，整體只是一般,真的不值這麼貴

同屋企人可能幾個月先見一次，也從不慶祝任何生日節慶，但我地感情好好，同魚子醬都成日Facetime，新年前湊巧大家都放假，就出來飲啖茶食個包。來到平時weekend例必人山人海的新斗記，雖然weekday但可能接近收爐時期，都唔少人啊，好彩等左半個鐘左右已經有得入座，加上周邊大量可消磨時間的店舖，等位時間不難過主廳範圍不算太大，但有心思設計也一望眼晒，檯與檯都有一定距離，而且觀察一陣已經發覺這裡的職員做事都慢慢慢慢來，好像很悠閒，不會像一般酒樓衝鋒陷陣，可能是因為人手足，又或者是這裡的客人流量沒那麼大，沒那麼多要求 推著BB車，四大一小獲安排坐最後排的大檯，所以都好鬆動。對於新斗記的高價菜式聽過不少，但每次從朋友口中都大讚，晚市還未有機會來，但看著點心紙又看看下午茶價錢，絕對是非常合理，不比美x皇宮、稻x貴，但環境和服務都好得多；除了點心，都想試試這裡比較大堆頭的手勢，沒有點乳豬，反而是從簡單入手的肉絲炒麵。小時候最愛脆卜卜炒麵，沒想到魚子醬也一樣，金黃香脆有鑊氣，炒麵久未有被獻汁弄得淋身，由麵條到食材的比例和味道都很滿意，忘記了價錢around $80前後，但卻是高水準的出品馬拉糕是

上次試過乳豬都幾好食, 今次再嚟, 但由於係平晚, 唔駛好似上次咁, 要分兩輪時間, 今次任book時間~  1/4只乳豬上次5個人叫半隻實在太多, 今次叫1/4隻都係夾硬清埋佢, 不過冇上次咁好食, 但都熱同脆~  香橙骨好橙味, 但唔會酸, 汁唔會太多, 但剛好每舊都包到  1/2只貴妃雞我自己覺得佢唔似貴妃雞, 似鹽焗雞多d, 因為味道鹹咗少少, 好在佢唔肥, d肉又唔鞋, 最難得係有雞潤同雞腎, 從未見過出街叫雞會有埋內臟架~  啫啫什菜煲未上枱已經聞到好香, 一路咋咋聲, 伙計一路兜勻佢, 超正~什菜有西蘭花、小棠菜、菜心、芥蘭等, 隻隻都好香~  椒鹽豆腐開頭見到對面枱好似食椒鹽豆腐, 覺得個樣好靚, 我地又叫, 但原本唔係人地果樣嘢, 人地果個係餸咁大碟, 呢個只不過係小食, 份量少到相信最多只有1磚布包豆腐, 切到細細粒去炸, 不過冇乜椒鹽味  瑤柱蛋白炒飯上次食過好食, 今次再叫, 但今次比上次油, 唔夠乾身   紅荳沙好夠沙, 但偏甜咗少少今次冇上次換碟換得咁多, 係一次都冇, 上次一餐都換咗3-4隻碟, 可能平晚少咗伙計掛?

新斗記是一間知名酒家 ,去年時候在屯門開分店,本來公司的人較常去好日子同明星,公司的同事接近2年冇去明星,新斗記成為公司的同事常去酒家,通常不用同事找數,公司高層人士找數,我去過3次,公司的聖誕聚餐/團年飯局/經理升遷聚餐都是新斗記同好日子,近來成日是新斗記,我覺得不算特別好吃,服務都麻麻地,呢個係我的感覺，新斗記較好吃是春卷,其他只是一般,因和同事一起吃,唔太方便影太多相,費是把同事入鏡啦,新斗記只有名氣大,並不是特別好吃,因為公司的人Like來新斗記,加上市中心冇咩酒家選擇,通常不會選擇不近公司的酒家,我個人不會來新斗記,只因公司的人Like來新斗記,其實,屯門新斗記環境都唔錯,上點心又好快,我們點了5分鐘就好快送到面前,味道不過不失,並不算特別好味,只是一般,唔知點解公司的同事都鐘意來味道:我覺得只是一般,並不算特別好味服務:我覺得麻麻啦環境:環境又不錯,地方又大,座位坐得舒服番吃:公司聚餐揀選呢間,自己私人飯局就唔來地址:屯門市廣場1期2樓.近大眾書店新斗記只是名氣大,屯門比以前物價貴咗 近年有不少知名洒家在屯門開分店,全因自由人原因,使屯門物價愈來愈貴

又一篇舊食評；近年新斗記發展很快，也開到屯門來了。該晚在市中心逛街後，就來了吃晚餐；餐廳人氣頗旺，我們六點來到還要等一陣位呢。店內裝修舒適骨子，地方光潔企理，也有BB high chair等設備，是幾適合帶同幼兒來用餐的。以酸甜爽脆、滿有水準的咸酸菜開胃後，2大1小合同點了三款小菜，再加兩個白飯，就成一頓家常便飯。　　三款中最喜歡 金瑤琵琶豆腐 ($88)，以魚肉、蛋及豆腐製成的琵琶豆腐，經輕輕香炸過，再淋上滿有瑤柱絲的醬汁，清淡中見香口鮮美，份量不小，三人吃都還有剩。菜式又搭上數條小棠菜，更添清新也更健康。另外 生炒上肉排 ($98) 也做得不錯，外層十分酥脆，酸甜的醬汁十分對辦，半肥瘦的肉排令口感更豐腴富迷人脂香，但同時也不會很膩。份量不少，又是吃不完要打包走的。　比較失色是 大白菜粉絲丸子煲 ($88)，點這個菜原意是吃多點蔬菜，沒想到丸子的份量又多又大，比大白菜還多上許多，還好粉絲是彈牙又入味，結果粉絲及白菜給吃光了，肉丸子還剩下許多要打包。這些食物加起來都夠老公抵一頓午餐了！　連上兩碗白飯、茶芥及加一，埋單 $353，是吃悶了美心系列中菜的另一選擇。對了，由於這頓妹妹沉沉睡了

呢度book枱只係得兩個時間, 一係六點, 一係八點, 我地book咗六點, 但未夠六點去到, 已經企滿人, 但佢未比人入住, 因為briefing緊d員工, 不過你要先報到, 一到六點, 佢就會叫人入去..........未入去之前, 見到門口有個窗口位, 入面係燒乳豬的地方, 你可以睇住師傅燒豬, 但又唔會好勁炭味~開頭諗住全部人一齊六點入去叫餸, 會等好耐, 但都比想像中快, 一味食到一半, 另一味又上枱, 當然最快就係燒孔豬啦~ 因為招牌菜, 一定不停係咁燒~  前菜有花生同雲耳, 都幾好味~ 燒乳豬個皮好脆, 燒得幾靚, 唔會有部份變焦炭, 都唔算太肥, 但都有一層肥膏連住塊皮, 想刮走層肥膏, 但一刮塊皮就爛, 因為實在太脆, 如果要比, 佢呢度個燒乳豬好食過季X紅~ 上湯浸菜心上湯腥腥地, 可能我試果陣凍咗掛? 而且D菜心有沙, 麻麻地 糖醋骨用錫紙包住, 唔知係咪因為之前放响焗爐入面keep warm呢? 佢個骨唔同平時切法, 平時果d係順住條骨直條切, 佢係反方面, 一齊切埋條骨, 所以每一舊都有3-4舊短骨仔, 咁反而仲易食, 而且味道酸酸甜甜, 唔錯~ 滷水

今天忽然想食乳豬，邊行邊諗，就諗到用員卡可以儲分有優惠，所以便跑到新斗記去了。去到叫左個例牌乳豬，滿足兩人的願望。面對美味既食物，總把減肥呢件事忘得一乾二淨，好彩為迎合大眾的健康口味，現在的乳豬大部份都去除肥糕，無咁油膩。乳豬皮還保持脆口，肉質亦嫩。食完呢餐都係要好好實行我既減肥大計。

新斗記跟大伙人吃飯的好去處粵式菜，菜式選擇多最出名的乳豬，十分皮脆，油份亦合相魚兩味的是套餐，有點太油了，但十分超值美國蠔煲，味道十足，不過份量少，而且很油豆苗，好味，配合蟹肉汁，簡單美味燒鵝不過不失總'結水準不錯，十分適合大家庭吃飯

事緣>>我老細有次黎到呢間新斗記飲茶…覺得幾好  …所以二話不說拿拿林就吩咐admin book位開x′mas party...個個同事聽到係米芝蓮餐廳都欣喜若狂…踴躍報名… 公司40幾人…但房間就細左d...只可放3張大枱…每張15人…唯有大家親密d啦…但就連上菜位都無咁滯… 頭盤係招牌乳豬…皮同肉分開…相信係特登走左d肥膏…皮脆肉汁多…  同事連豬頭都可以脆到撇出黎食…帶子好大粒…無雪味…應該新鮮…肉實而厚…ok 蟹鉗熱辣辣…好彈口… 蟹肉，翅唔多…叫做 清清地啦…老虎斑好大條啖啖肉…當然大魚既肉唔滑得去邊…剛剛熟… 唔腥又新鮮…鼓油咸甜適中…一上菜見到d聖子殼成隻碟咁長…大家都好開心 …點知夾起黎就好細條 …可能係驚唔夠分一開二啦…不過好新鮮…而且配料(紅椒，青椒，洋蔥）都多… 無咩雞味…應該係冰鮮雞黎…但滑而唔肥…瑶柱一般size...汁幾好…除左蠔油味…亦有瑤柱味…糯米飯炒得乾身…臘味不太多…不太油…有d粒粒米比較硬身…有咬口…有d就唸…兩者配合一齊…食完唔會有頂心頂肺既感覺…伊麵配料唔多…但炒得入味香口…最尾係紅豆沙…豆多…無果皮

一直都很喜歡到酒樓吃點心，新斗記的點心記憶中都算不俗，這次就試試位於屯門的分店.位於商場內的新斗記，在等位期間可透過玻璃窗看到師傅在轉乳豬，為等位這枯燥活動帶來一點樂趣.平日下午都要等位，本以為酒樓面積不多，怎知內有乾坤，室內面積大得很，店員安排我們坐在房內，更添寧靜.原籠古法馬拉糕 (中點)很喜歡吃馬拉糕，尤其是原籠上的更是在酒樓見到必點的，不過新斗記的馬拉糕不知是否番蒸得太勵害，非常多倒汗水且令到馬拉糕過於濕潤，所以一d都唔好食的!!!芝士蝦長春卷 (大點)即炸的春卷熱辣辣，不過用萬年油來的長春卷就像從非洲來似的，黑漆漆的!新斗得意腸粉 (大點)腸粉內包著春卷，不過只是微暖的腸粉實在不好吃.魚湯浸鮮竹卷 (中點)鮮甜魚湯配上嫩滑腐皮包著的鮮竹卷，已經是4款點心內最好的一款了.不知道是時間太晏還是這分店的點心較差，應該會再時間多嘗一次，畢竟快要搬到屯門居住，再訪的機會也大. 

這食店原先由一間, 慢慢擴展到有6間分店, 其佐敦店更於2013年獲米芝蓮推介的港澳食肆之一。它的廚師水準必定非常出色及食材一定上等. 使食店經常客似雲來. 每晚都要分2輪訂座(6:00PM/8:00PM).  聽聞佐敦店的人流非常多, 就算訂了座位也有可能要等上半小時. 另外,很多時經過屯門店,無論是早,午,晚, 都是人頭湧湧. 在我的好奇心驅使之下, 決定今晚來見識一下。我們一行4人於6:20PM已到食店(但之前已訂了7:30PM), 但因早到了所以直接WALK IN. 但竟然可以馬上安排座位，假期大部份屯廣的食肆都佈滿了等位的客人，難道這裡的熱潮已過？還是另有原因？一入門口便可以看見師傅即場燒乳豬, 非常有趣! 但今晚沒有打算吃乳豬, 反而想試其他招牌菜· 店内裝修高格調，燈光柔和，更設有房間，但枱與枱之間的距離甚密，有些迫的感覺！我們被安排坐店内較入的位置, 這位置是靠廚房出口，稍後便知是好是壞!餐具以80年代的公雞的茶壺, 茶杯, 飯碗,湯匙為主, 好似回歸舊時代似的. 使我回想起小時候與家人飲茶的情景. 服務員給了餐牌和問我們想喝什麼茶，我們要了普洱茶和香片茶。一陣子服務員

我從來都深惡痛絕排隊求吃。送月餅請飲茶，長輩獨愛新斗，望龍生畏也硬着頭皮。乳豬四分一隻加炒菜加一窩湯瀬二百多元，乳豬有十三件，大大件，熱辣辣，皮脆卜卜，肉有炭燒香，十分味美，更貨真價實是乳豬件下面還有一堆肉，比之大中華，價錢、份量和味道新斗是大勝。點心雖不便宜，但交足貨，全都不賴，尤其是馬拉糕，香鬆軟。單為乳豬，也值苦候。

今日屋企人生日, 於是去屯市既新斗記食晚飯, 也是第一次光臨.好好彩, 唔洗等位就入到去, 但裡面幾乎全場爆滿, 坐左陣就已經滿座.我地點左 4個餸菜1個甜品, 包括:>>粟米斑塊, $138>>2餸套餐(豉椒炒蟶子+豉油皇煎中蝦), $368>>4分1隻乳豬, $178>>3隻流沙奶皇飽, $30以下為各餸菜食評:a) 豉椒炒蟶子評語: 大大隻, 肉很飽滿, 幾乎冇沙, 夠淋, 但略嫌為了吊味而落多了糖, 令個汁略為帶甜, 但個人可接受b)4分1隻乳豬評語: 場內很多人叫既菜色之一, 而且電視也有介紹過這菜色, 皮脆, 皮肉之間的肥肉切走左, 所以冇咁膩, 個人認為比 季季紅乳豬有過之而無不及c) 豉油皇煎中蝦評語: 殼夠脆, 剛上碟熱時可以整隻連殼吃下, 不過同蟶子有同一問題, 就係為了吊味而落多了糖, 令個豉油汁略為帶甜d) 粟米斑塊評語: 又一款場內很多人叫既菜色之一, 電視也有介紹過這菜色, 雖然知道用的魚不是一般的龍利斑塊, 不過沒有想像中咁大驚喜, 中規中矩啦e)流沙奶皇飽評語: 冇相, 但可以講有流d奶皇,

一去到新斗記門口，已經有好多人等緊位，好彩我一早訂咗位。一行四人是第一次到新斗記飲茶，晚飯就常去。點心紙上的種類尚算多而且午市也有很多不同套餐選擇。我們點了一時大路的點心。牛肉球-有牛肉鮮味，沒有像有些酒樓整牛肉球放好多梳打粉馣過！燒賣-蝦夠大隻，賣相不錯，吃下時豬肉很足夠，不是用大量肥膏堆砌而成。川弓白芷蒸魚雲-很濃的中藥材味，魚頭沒腥味，新鮮！魚湯浸鮮竹卷-腐皮很薄，獻汁不會太杰，而且涵料好足料！鮮蝦腐皮卷-很香脆，涵料足夠，有很多蝦響裡面！叉燒包-夠熱而且很新鮮。蝦餃-皮夠薄，蝦很爽。香煎蘿蔔糕-很夠蘿蔔，不是用粉槳而成！南乳蒸豬手-南乳味很濃，點心師傅將豬手的毛除得很乾浄。芒果布甸-很重芒果味及很多芒果！加花奶會更好味。