新斗記 (已結業)

晚飯黎新斗記，一定要食乳豬啦！餐牌厚厚一本，其實淨係睇呢個廚師推介都夠叫。仲有懷舊菜式提供，食懷舊中菜都可以。糖心皮蛋酸薑（$38）： 流心皮蛋，加酸薑，平衡舌尖嘅酸鹼值，有質素嘅開胃前菜。金牌即燒乳豬（$168/例牌）：乳豬皮超級香脆，乳豬肉都好鬆嫩。清炒豆苗（$108）粟米大魚塊（$158）：新斗記另一名物，火候控制得好，魚塊著上金黃色薄脆外衣，魚肉就幾滑溜。粟米汁貼心地分開碗另上，而唔係淋喺上面，即使食到最後一塊，都依然香脆。西湖牛肉羹（$45/位）：材料如牛肉同豆腐都好簡單，但湯羹則十分滑溜。

一年容易又一年，過年前與中學同學聚會，細說一年內的點滴，渡過愉快的一晚。一班人最好不過食中菜，選擇比較多。今晚去了一間老字號酒家，有出名的燒乳豬。其實我不太喜歡食乳豬，不過食過嚟度嘅乳豬之後變得愛上了。皮好薄，丁點肥膏都冇，好脆好脆，肉質軟腍味道濃厚，真的不錯。生炒排骨酸酸甜甜好開胃。㚈層粉漿不太厚，可以食到肉香，滋味。琵琶豆腐份量多抵食。啫啫生菜熱辣辣，食落爽脆，非常入味。奉送的甜品有芝麻糊和紅豆沙。芝麻糊認真失敗，用粉混合，漿粉太多，好難食。紅豆沙好得多了，綿綿的紅豆香甜，不過略為過甜。

新斗記是以烤乳豬聞名，也在年前獲得米芝蓮推介，一直都有興趣試試新斗記, 但最後也是一拖再拖未能成行。最近要為二月生日的朋友搞慶生飯局, 那就下定決心, 選了在這裡。鴻運即燒乳豬(例)是這裡的名菜，即時爐燒的，也是認真的製作, 先吃皮，皮下油脂早已給撇去，吃起來上皮很爽脆，肉是嫩滑好吃，加一點醬汁就更加美味。是日的名廚精選老火湯是杏汁菜膽豬肺湯, 由店員來招呼，給每人盛湯, 湯很醇厚，有鮮甜的肉味之外，也有杏汁香味，入口清潤順喉，而湯料方面，軟熟好吃的豬肺是我喜歡吃的，當然不可錯過, 一大煲湯，很快已給我們喝完了!來一碟生炒上肉排，咬下去脆漿做得唔錯, 帶點脆口，肉醃得好吃，用料是不錯的, 味道酸甜平均。單尾是豉油皇銀芽炒麵, 這裡的做得真的不錯，上檯已知，夠鑊氣,麵炒得條條乾身，豉油均勻的滲透每條麵，非常好吃, 有水準。店家敬送的紅豆沙, 煲得起沙之餘，甜度適中, 陳皮味濃, 有水準的。個人較欣賞這類傳統中菜, 把重點放在菜色本身, 做好每道菜色, 才是長期留住客戶之道。

臨近新年，是時候同屋企人慶祝一下🍻🍻🍻，平日多忙也好，新年也一定要放鬆一下，同屋但人聚首一起吃個晚飯，才算完美！ 新年將至，餐牌上麵換上了賀年菜式，款式更顯特別，精緻而充滿節日氣氛！ 🔥鴻運即燒乳豬🐖（$168/例） 乳豬是店內招牌，豈能不試呢？ 例牌份量的乳豬一份有六件，乳豬外皮燒得非常香脆，香脆美味，非常鬆化。乳豬肉質也非常香滑，絕不鞋口，非常好吃，真是名不虛傳，屋企人都讚不絕口，大讚好吃！ 🍲名廚精選老火湯（$128） 是日老火湯是杏汁豬肺湯，鮮甜美味，湯頭夠熱，足料又夠火喉，最岩平日少喝湯水的我。 🍗鹵水鵝掌翼（$88） 掌翼鹵得入味，軟腍好吃，很易退骨，味道調較恰度好處，不錯！ 🐷生炒上肉排（$98） 生炒上肉排就是我們平日吃到的咕嚕肉，味道酸酸甜甜，香脆可口，肉排香而軟滑，好吃！ 🥘薑蔥美國桶蠔煲（$198） 薑蔥美國桶蠔非常出色，上枱時仍是「炸炸」聲，香味洋溢四周。薑蔥與桶蠔在煲內發出的香味十分吸引，忍不住馬上吃一口！ 桶蠔非常新鮮，大隻肥美，肉質鮮甜，外層充滿薑蔥香味，美味煎香至金黃色，非常香口，惹

成🐷之路就是這樣練成的，自己真是一個愛吃皮的女生，無論是雞皮、鴨皮還是乳豬皮都喜歡食！時不時都會去太x食乳豬飯。今次又發現新大陸啦！見到不少人推介這裡的乳豬，自命皮控的我當然要試下！☺️📌金牌即燒乳豬（例）ᴴᴷ$168果然無令我失望，推介這裏的乳豬！👍🏻👍🏻這裡的乳豬皮是薄薄一片乳豬皮，連帶一層非常少的油脂，燒得紅彤彤，沒有燒焦；咬一口香脆非常！聽到‘格格’聲，好似薯片咁，但同時哪一層薄得像紙的油脂帶來香濃；真是非一般享受，連食幾塊都不會覺得油膩，只有強烈不夠喉的感覺！📌金牌拆肉泥鯭粥（窩）ᴴᴷ$128另一推介既係泥鯭粥，原本想叫原條🐟上既，不過無，於是揀左拆肉個款。一窩真的份量很多，粥煮得夠綿滑之餘，但仍留有少少粒粒口感，粥沒有太鹹，更能突出泥鯭魚味的鮮甜，魚已經拆肉方便食用，尤其不會吐魚骨的朋友喔！📌豉油皇銀芽炒麵ᴴᴷ$72麵炒得好有鍋氣，銀芽增加爽口口感，麵上的芝麻令麵更香。不過食到底時比較油，如果再炒得乾身一點更好！📌龍仔荷葉麵醬蒸魚雲ᴴᴷ$128上檯時，一股清香荷葉味撲鼻而來！魚雲蒸得剛剛熟，入口嫩滑新鮮。麵醬配魚雲自己覺得味道不太夾...而且有點太鹹，可惜！📌魚湯高山菜ᴴᴷ$

去銅鑼灣食粵菜，要食有質素的，呢間一定有份，位於時代廣場後面，十分方便。見到D報導已經好肚餓。仲係門口已經見到咁大個金牌，一定要食乳豬。氣氛很熱鬧，未到8點已經滿座，都幾多大枱，很適合一家人或一班朋友聚會。(茗茶 $10/位+前菜花生$5/位)招牌即燒乳豬例($168)乳豬皮好似薯片咁脆，肉部分較多脂肪，嫩滑非常，啱晒識食嘅你。薑葱龍躉頭腩煲($238)魚很有膠質，骨頭較大容易食用，魚肉又滑又彈牙，薑葱爆完非常香口滋味，連葱都很美味，食到lam lam 脷，可以食到幾碗飯。鎮店鹵水頂鴿皇($98)，食開脆皮乳鴿，真係好少食鹵水的，頂鴿皇都幾大隻又幾多肉，鹵水味唔會太咸，但係都好入味，肉質嫩滑，沒炸的咁熱氣。啫啫什菜煲($78)有西蘭花、白菜仔、菜心，蝦醬很入味，落埋蒜頭辣椒炒，香噴噴，很惹味。煲很保溫，放左一陣仲係好熱。飯後甜品也不賴，有紅豆沙、芝麻糊，味道好濃郁，唔太甜。

好耐冇同過屋企人出嚟食飯，因為之前父親有啲唔舒服。近日佢活躍起嚟大家就話不如一齊食個晚飯呀。選咗呢一間朋友介紹嘅米之蓮餐廳。食美味中菜，聽講佢哋嘅乳豬10分受歡迎幾乎每一台都會叫。我哋叫咗個例牌，果然香脆而且充滿肉汁。肉質鮮嫩不會太油，一碟六件實在太少！下次要叫半隻。我好鍾意食龍躉就但係呢因為係街市買嘢唔係咁新鮮所以之前就已經叫做媽咪唔好再買街市的龍躉。有得揀應該要喺酒樓食，夠鑊氣夠新鮮，先迫得出個膠質口感出泥。點解呢個龍躉兩味，第一味係西芹炒腩，好多肉，西芹好嫩而且無根。鑊氣夠，未食第二味已經覺得抵。我睇錯左以為係頭腩煲，原來係蒸頭腩，仲正過頭腩煲，因為咁樣先食厚厚嘅膠質。鮮甜美味。好耐無食過芒果布甸，尤其係呢種小時候酒店的感覺，更加吸引。如果各位同我一樣喜歡這個老式的芒果布甸一定要試。龍躉兩食都係講緊＄390，平過屋企樓下大型酒家，米芝蓮食府實惠價格。長輩們都喜歡。

這晚家中兩美女下班後都會來到銅鑼灣附近，相請不如偶遇，倒不如在外吃飯後才回家，有人想起要吃乳豬，我當然不會令她失望。試過同名在另一區分店的乳豬，十分回味，所以有信心再返兜。這晚食肆也有不少捧場客，但沒訂座仍有位。太座愛香口之物，點了椒鹽魷魚鬚作餐前小食，邊吃邊等大小姐到來，上了粉漿炸，外脆內軟，乾身惹味，魷魚鬚，永遠都受人歡迎，佐酒更一流。知道大小姐已差不多到達，是時候點定菜，不作他想，先選即燒招牌乳豬例牌，一碟份量不算多，但顏色甚吸引，炸至起泡泡，通紅的豬皮，看到脆的一個點，皮的脂肪已撇去，下面是淨肉，皮很薄，像薯片般脆，而且不油膩，焦香味濃，而肉很精瘦，也醃得入味，三人分吃剛好。我這晚想吃雞，從白切雞和薑蔥霸王雞中選擇，結果選了後者半隻，因喜愛薑蔥伴著雞同吃的味道，能提升雞肉的滋味，所以燒味檔買外賣都送薑蔥蓉給你，靚的雞真是百吃不厭。大小姐喜歡銀山鎮江骨，因為味道酸咪咪很開胃，以錫紙包著焗，顏色紅潤，肉質一咬即開，有些還很鬆化，若配白飯會很好。可惜這晚的女仕對飯沒有興趣，點了雜菌炆伊麵，炆得好有水準，夠乾身，而雜菌亦很入味，伊麵不過腍，每人兩碗。飯後有糖水送，芝麻糊或紅豆沙，兩種都

老牌中菜館「新斗記」曾獲米芝蓮一星餐廳的美譽，名子應該絕不陌生，在港四處也看到其分店。今晩便去了銅鑼灣那間，雖然只是閒日，但竟也全店坐滿，謹記要預先訂位唷！脆皮燒乳豬 ($148) 是得獎招牌名菜，怎能不試呢？乳豬皮超薄身，烤得香脆無比，肉質鮮嫩而富口感，中層的脂肪早已切去，毫不油膩，加上砂糖及乳豬醬，非常滋味。漁香茄子煲 ($88) 很有鑊氣，茄子炆得腍而入味，醬汁伴飯吃簡直一流。粟米大魚塊 ($158) 經過高溫油炸，外表炸得金黃色，脆漿份量剛剛好，不會覺得厚身。魚塊入口保持豐富肉汁，厚肉鮮嫩 。最有趣的是粟米醬料是分開上的，不怕醬料令炸魚塊變腍，確實很有心思。碧綠賽螃蟹 ($98) 炒得香滑細嫩，還有不少蝦粒在內，令其鮮味和口感也提升，又是拌飯吃必備的餸。吃了那麼多肉也需要點個蔬菜，干煽四季豆 ($88) 也鑊氣十足，而且炒得非常爽口脆，但是頗油膩呢。還有免費糖水送，有紅豆沙和芝麻糊可選擇。雖然紅豆沙的陳皮味很重，但我就覺得芝麻糊更岀色。

近日冬意甚濃，最適宜吃火鍋或煲仔菜。雖然最終未能成事，但也在「新斗記」享用了一頓暖意洋溢的飯餐。 「蟲草花煲唐排」屬是日例湯，湯料充足，湯汁味道清甜得來帶有微微回甘的味道。 「金牌即燒乳豬」是餐廳的招牌菜，乳豬皮製作薄脆，令人不悦的油脂亦早已被去掉，熱辣享用十分吸引。至於豬肉部份，出品切得比較幼碎，或多或少影響了口感。 「蒜蓉粉絲蒸蟶子皇」用料新鮮大隻，厚肉爽彈味鮮甜，再加上惹味的蒜蓉粉絲，值得推介！ 「啫啫唐生菜煲」一向是小編喜愛之物，在熱辣辣的瓦煲催迫下，吱吱聲四響，蝦醬香氣四溢，再以鹹香甜爽的食感刺激味蕾，是全方位的享受。 「金牌臘味煲飯」因製作需時，所以壓軸登場。雙腸肥瘦軟硬適中，臘肉則明顯過肥。米飯粒粒分明，在沾上臘味精華後顯得份外誘人，只是飯焦部份不夠火喉，有點美中不足。 結賬前店員主動送上糖水兩碗，不論「紅豆沙」或「芝麻糊」也做得不錯，成功為飯餐完滿作結。

呢排同老友晚餐聚舊，揀親都係日本餐同西餐，好耐無食過中餐，所以今次老友就提議去新斗記到歎下,好耐之前已經聽過呢間喺人氣中餐廳,尤其係最出名嘅乳豬。今次兩個人一於就擦餐勁嘅!話明係招牌菜，櫈都未坐暖，就即刻點點佢先!乳豬脆脆嘅外皮，再加上斬件嘅刀法,皮加肉一啖咬落去,嘩!真係正到喊，果然名不虛傳,仲要係唔膩,抵讚!臘味炒芥蘭天氣寒冷，又係臘味出籠嘅時間。炒得好香口,芥蘭食落去好爽口，臘味又惹味,唔錯!芝士牛油焗龍蝦芝士份量啱啱好，龍蝦都好新鮮，啖啖肉！芝士同牛油比例剛好!仲有甜品 紅豆沙甜到適中 好喜歡果然無令我地失望，雖然好耐無食,但依然保持水準,唔怪得人氣依然咁高企,下次我都會考慮叫多啲朋友過嚟一齊食,因為今次看看menu,仲有好多好似好好味嘅菜式都想品嚐一下。哈!

<新斗記個乳豬🐖同粟米魚塊🐟真係食幾次都覺得好正👍🏻>好似大慨一年前去左食新斗記既灣仔店 記得佢既小菜係好食 坐位舒服 👍🏻 今日同fd黎到cwb分店 諗住再懷緬下 其實環境間間都差唔多 好似一間企理酒樓既裝條 menu野食印象中係一樣 😃🍴乳豬(例) 168 蚊🐖乳豬係新斗記馳名既菜式 欣賞佢間間分店味道都差唔多👍🏻 例既豬肉都有6, 7 塊 切成比較長身 外表薄又香脆 入面既豬肉嫩滑 醃得幾入味😍 點埋甜酸醬食仲正🐖🍴粟米大魚塊 158 蚊🐟🌽 平時d粟米班塊都係幾廿蚊 . 呢個百幾蚊 我食落去應該用新鮮魚即整 😃 魚塊大大件炸得好香脆 厚度適中 😍 入面既魚肉煙靭夠魚味🐟 淋d另上既香甜粟米🌽 一齊食更滋味😀🍴椒鹽白飯魚 98 蚊🔥🐟香口野 白飯魚大大隻 望到有魚眼 一睇就知新鮮 外皮香脆 椒鹽味香濃 魚肉煙靭 😍送啤酒一流🍺🍴啫啫唐生菜煲 78 蚊🔥🌿用瓦煲上枱將菜倒落煲入面 熱辣辣夠哂鑊氣 😍 生菜充滿啫啫香味 係類似豬肉同蝦醬香🦐🐷 食落去好入味 濕度剛好 正👍🏻🍴生炒上肉排 98 蚊🐷🔥其實就係生炒骨 用西芹紅椒炒得好夠鑊氣 肉排帶d骨 肉質煙靭 帶

平心而論, 新斗記的食物是非常好味的.  但服務態度, 佐敦及銅鑼灣店都.....先說在佐敦店的經歷 -- 找不暗廣東話的員工寫菜, 聽不懂我想要點的菜式, 漏單時的態度,是一副愛理不理的模樣。然後, 星期日於銅鑼灣店, 當晚晚飯時間只是一半滿座.通常點菜後, 很快就會上菜, 速度還是很快。但我等了大約半個鐘, 不停催促伙計跟單, 他們只是敷衍了事! (但大家都好清閒)催了 3-4 位伙計, 我說半個鐘還沒有上菜, 其中一人的答案 "係咁架啦"~~~有老有嫩等到發呆, 真想埋單走!!!所以, 菜館除了味道好之外, 服務都是留住客人的主因呢!!!

因購了團購的六人套餐，便訂了星期日的6:00，因時間尚早食客不多，侍應們還好有耐性幫我研究開紅酒。說回餸菜味道，套餐共七餸一湯+炒飯及甜品。雖然全是平凡的家常小菜，但每款的味道都不俗特別是杏汁白肺湯及咕嚕肉，乳豬亦很鬆化入味比較值得一讚是星期六、日在旺區的食肆多是90分鐘便被催促交枱，但新斗記是好有禮貌的提出若可以最好8:00交枱，態度有禮没有令食客感不快況且不收開瓶費也是一個比較窩心的服務。

第一次打食評！因為好嬲！😡事源我係yahoo團購見到佢有298一隻乳豬，見佢平過平時400蚊咁抵，仲有得選擇（自取）或（堂食），就訂購了一隻。當我第一次打電話去想要隻乳豬時，佢同我講乳豬只限堂食，我就問佢咁咩叫（自取）？佢都係答我：冇阿，只限堂食。我發現同佢溝通唔到，我算數了，唯有再約朋友第二次再去食。到咗第二次訂位要堂食，電話中已經講明今晚食團購乳豬有冇問題，佢話冇問題。我地book左8:30，去到好多人等緊，算數，比少少時間佢地翻枱，足足等到9:05分先可以入去。坐低後同佢講話留左乳豬，我開yahoo團購個apps比佢睇我買左，佢同我講話唔得wo，要print出來，話個個客都係去快圖美print，我話有冇搞錯，而家9點幾，你要我地等咁耐位，之後仲話要去快圖美？我話究竟你地要幾唔想我地食呢隻豬，真係食你哋隻乳豬仲難過取消有線！我地好嬲，起身走，佢仲好意思話唔係佢地問題，係yahoo問題！！ 永遠bad list!!!