新華苑酒家

营业中

休息中

在旺角道一號，新開了一家'新華苑'，有蒸氣海鮮粥底鍋，也有家常小菜👍愛吃海鮮的我，當然選海鮮鍋啦😍還是任飲任食，重點是連啤酒都係住飲呢～ 粥底有三款，我揀選咗較為健康嘅瑤柱鮮淮山粥，然後自選四款海鮮~先來兩款定食:乳鴿同埋貝殼拼盤~乳鴿皮香肉嫩，不用也淮鹽都足味😋 貝殼類，粒粒脹卜卜，冇沙👍鮑魚、蟶子皇、美國桶蠔、象拔蚌桶蠔肥大肉厚，鮮甜冇渣，淥耐左都冇縮小👍鮑魚爽口唔韌，鮮甜無比，鋪上少許蟲草花，更顯鮮味😋😋😋聖子皇長過對筷子😅，肉質爽脆鮮甜，配以蒜蓉粉絲，口感更佳😍象拔蚌亦豪不遜色，它的肉比聖子厚，爽得嚟更有口感，但鮮甜度就聖子較勝一籌囉～食完貝殼拼盤、乳鴿同四款海鮮。。。都飽得七七八八😅但都不得不試手切和牛，牛肉油脂分佈均勻，入口軟綿，牛味香濃👍和牛粒肉味跟手切和牛一樣，但較有嚼口，難分高下😅不想再食太多，主要是不想浪費最美味嘅粥底啦～海鮮和牛肉嘅精華，全部落晒喺粥底，不用多說。。。都知道有幾好味啦～連茶介、加一，每人都是三百元左右，的確化算呢～

之前都有食過元朗分店 今次旺角都有呢間緊係要黎食多次喇旺角呢一間係比元朗個間多咗啲前菜 佢又話啲貝殼類嘅海鮮同埋有乳鴿比你份量雖然唔係好多但係都唔錯 乳鴿肉質唔錯食落唔會覺得十分之鞋口貝殼類嘅海鮮蒸出黎好清甜海鮮每枱可以揀4款 就揀左鮑魚 蟶子 龍躉同扇貝鮑魚超厚肉同多汁 鮮味超濃 而且好彈牙蟶子汁勁濃味 而且條條都勁粗勁新鮮 扇貝既汁係亮點 夾埋粉絲食係正到爆 又鮮又入味 有口感味道又勁濃郁龍躉肉質鮮嫩又滑 入口即溶最衰冇得任食海鮮😂想再食嘅話就要按市價計錢食囉 但咁樣食都唔錯🤤肉類雞係賣點 分別有兩種雞蟲草花蒸雞同順德污糟雞兩隻雞都好正 蟲草花好多 加埋紅棗係面 食落甜甜地又帶住蟲草花既甘味 補身又好食順德污糟雞就一d都唔污糟 好入味好好食 肉質鮮嫩 滑得來雞味濃 值得推介其他肉類都好唔錯 例如豬頸肉, 蒸出來效果比起燒豬頸肉更為正仲有手打丸都好彈牙👍🏻蔬菜類南瓜同茄子都好好食 南瓜夠當造 食落勁甜茄子厚切 蒸完勁juicy 仲有唔少菇類同栗米都唔錯糕點同元朗分店一樣 分別有紅棗糕 馬拉糕 蜂巢糕等等我地就係叫左紅棗糕同馬拉糕 即蒸即食既效果係好出色 馬拉糕即蒸出來 雖則燙口但鬆軟

Happy Friday 💕終於放工！老公帶我食好野😊book左旺角-新華苑酒家，座位與座位之間闊落，我地坐卡位，十分舒適。入座後，服務員叫我地先揀粥底，我地揀左南瓜排骨粥。服務員先將南瓜、排骨、米，放入水在鍋裹煮，利用蒸海鮮的原理，煮成粥！是日晚餐係任揀任食任飲蒸汽海鮮餐😍首先係8款海鮮自選了四款：1️⃣蟶子皇2️⃣生猛海蝦3️⃣生劏龍躉件4️⃣生猛大元貝哩度海鮮樣樣都真材實料，大件抵食，蒸完十分鮮味，大大粒既大元貝，蒜香加埋粉絲絕配，蟶子皇蒸完十分滑又爽，海蝦夠大隻，龍躉件厚身又好味😋😋食完海鮮，仲有定食一+定食二，脆皮燒乳鴿，每位半隻，脆皮又夠香，另外貝殻拼盤，每人都有5件，貝殻大隻肥美。哩度最正仲有任點任食其他食物+任飲各式汽水同嘉士伯、朝口啤，包您食到飽同飲到夠😆正正正👍🏻👍🏻任點食物有24款，樣樣都想試🙈最愛手切和牛肉，厚身大塊和牛肉，❤️蝦丸，彈牙，順德污槽雞，蒸左好嫩滑，啖啖肉！食完海鮮同肉類，仲有蒸鍋裹的南瓜排骨粥，綿綿粥底，淡淡南瓜甜味同吸收晒蒸海鮮精華既汁，夠晒味！

就朋友係附近睇完戲想搵個地方食晚飯，對面就見到佢，大大個門面，上一層全層都係佢，朋友喜歡中式嘅口味，當然我就沒有特定，有小菜同蒸氣火鍋任飲任食，我們嘅選擇當然係蒸氣火鍋任飲任食嘅選擇啦！價錢同出面食開嘅，這裡相對較抵食，因為出現一次過比你，但這裡嘅任飲任食，而海鮮就超新鮮生猛，還有三款粥底選擇，此外亦有定食選擇燒乳鴿每位半隻同埋貝殼拼盤送上，真係十分超值！醬油區係自助形式，可隨個人之喜愛調節！而店員服務亦十分之好，包括幫你將食物計時並上碟，樣樣都十分好味新鮮！乳鴿夠晒香脆美味，跟埋個貝殼盛盆真係抵食！而海鮮就有大大塊嘅龍躉片，肉質彈牙爽口之餘塊魚皮充滿了骨膠原，鮑魚亦十分煙韌彈牙，象拔蚌夠晒多汁鮮味！同埋大大隻嘅元貝都係鮮味十足！而食完海鮮就係任食嘅戲肉！手切和牛粒同牛肉必叫，蒸完肉質嫩滑軟熟，夠晒味道之餘充滿肉汁，而丸丸類亦唔錯，夠晒煙韌彈牙而且好好味道！個人較喜歡牛丸，而蟲草花蒸雞都好入味，雞件夠晒嫩滑軟熟非常入味，除了吃肉都有點了勝瓜件同甜栗米，味道都十分清新，如加少少蒜蓉在勝瓜上蒜就更加好味！而蒸糕亦推介，三款口味各有特色，而且唔會太大件，而味道夠晒傳統！最後就係個南瓜排骨粥，

今日同親戚一行六人去開大角咀，話想食小菜，就搵左附近一間酒樓食。酒樓前身係朝福蒸汽火鍋，見個招牌都係剛剛拆，應該新轉手，做緊優惠，好多小菜價錢都唔貴，平均$60都有。首先要左個芝士焗龍蝦伊麵底，$218算好抵，龍蝦啖啖肉，好新鮮又惹味，正丫，絕對唔係次貨！之後要個椒鹽豆腐，當小食一流，忍唔住一舊又舊口，不過真係會熱氣食完喉嚨痛添！叫小菜點小得魚香茄子煲同金菇肥牛煲，呢兩樣激送飯，仲要份量夠多，好惹味，無得頂！再要左個菜清清地，魚湯魚肉浸菜苗，正常。之後再叫左沙拉骨同欖角排骨。個排骨好有驚喜，肉質鮮嫩，送花又正。總結成餐飯食到我地個個都好飽，性價比超高，抵食！

蒸汽火鍋同普通火鍋唔同，蒸汽火鍋d料無放羅水，只係用蒸汽熱力煮熟，所以d食物保持原來味道，可以更加感受到食物原味。今日同老婆兩個人黎撐台腳，坐低已經有脆皮燒乳鴿，隻乳鴿燒得甘香可口，連骨都係化的。自選海鮮我地選左生猛大元貝，聖子皇，美國桶蠔，鮮鮑魚大元貝，粉絲墊底，預先落好味，好鮮味聖子皇，好爽口好大隻美國桶蠔，我自己本身唔食蠔，老婆話好正鮮鮑魚，好淰好入味再黎其它食物，蟲草花蒸雞，雞好滑，配埋蟲草花，香味撲鼻手切和牛粒，油花均勻，好甘甜手切和牛，啖啖油花味，入口即溶自家製韭菜餃，這韭菜餃子無乜特別，不過不失手打梅菜豬肉丸，我中意，丸打得煙煙韌韌，質感好粟米，夠新鮮，好甜勝瓜，蒸勝瓜不嬲都無失手雜菜，食完咁多肉，食飯D新鮮蔬菜真係令舍不同有汽水啤酒任飲，於是自己吹左支ashahi老婆就飲茶最後將鍋底D瑤柱粥食埋，超級惹味，真係好飽！

這間店鋪的同一位置原本是潮福蒸氣火鍋，最近改頭換面為新華苑酒家，見食評都幾好又有脆皮燒乳鴿及貝殼併盤送，就上咗去試下。一上去就係酒家內行咗個圈，拎野飲之餘發現佢地嘅海鮮及魚缸都有放出來俾人可以見到，不但光淨而且大大件好新鮮，令人可以食得好放心。於是我地就叫咗蒸氣鍋配雞粥，仲有海鮮包括帶子蝦飽魚及聖子蝗，樣樣味道都非常鮮甜，基本上都無須要配醬料，單靠食物本生的鮮味已經好足夠。而且酒家送上嘅脆皮燒乳鴿及大蜆都好好食，大蜆每人有3-4件又鮮甜又多汁，令人好滿足。我地另外仲叫咗和牛肉粒，多款手打丸及蔬菜例如粟米芋片冬茹和菜，由於每樣食材本生質素好好，蒸熟後多出來的水份令食物好juice，而且更流到粥底令其充滿鮮甜味。我亦非常盛讚佢地嘅牛肉粒，口感好軟(脂肪比例高)好重牛味，我地再三order幾碟都不斷送上非常好服務。成晚食到肚都突埋都只係三百蚊內嘅事，非常扺食。

><估唔到天氣熱 都旺場 好多人都食蒸氣火鍋蒸氣海鮮餐($288)汽水啤酒 配菜都係任叫另外就要畀$20醬料費一開始倒咗米粒去鍋底 到最後有綿綿嘅粥食拎醬料嘢飲經過 好多海鮮擺咗喺到睇落幾新鮮原汁原味 蒸嘅時間啱啱好所以好多肉汁易嚼 鮮味十足仲試咗韭菜餃 蝦丸 和牛 蒸雞馬拉糕 雜菜籃食小菜都可以嗌蒸氣火鍋嘅食物餐牌仲寫埋每樣食物所需嘅時間><><><><><><><><><><><><新華苑酒家旺角旺角道1號旺角道壹號商業中心1樓

—呢排食得濃味嘢食多 突然想食清清地清蒸嘅食物就啱哂任揀任食任飲海鮮餐($288 +醬油費$20)食住燒乳鴿等其他食物蒸熟 個味都唔錯 下次可以嚟食小菜海鮮揀咗鮑魚 / 海蝦 / 龍躉 / 桶蠔貝殼拼盤都係default咗食到咁上下 嗌咗手切和牛粒 和牛肉片 蟲草花雞 蔬菜籃..全程有人幫手擺料落鍋 計時蒸幾耐到最後有瑤柱鮮淮山粥食汽水 / 啤酒 / 一jar竹庶茅根——————————————————新華苑酒家旺角旺角道1號旺角道壹號商業中心1樓

最近途經旺角，見開咗呢間蒸氣鍋店，同我之前係元朗食過又幾抵食的華苑酒家同一集團，見佢除咗有蒸海鮮+粥底鍋+配菜肉類任點任食外，仲另外送上脆皮燒乳鴿及貝殼併盤，比元朗的華苑酒家更多野食，二話不說就立即上咗去試下。這個新華苑酒家非常新淨又好光猛，地方闊之餘設備又夠新，令人坐落感覺好舒服。職員的招呼亦非常好，一坐底已經為我地order並送上飲料，另外提供2張蒸氣鍋的點菜紙俾我地自選。我地今次揀咗大蝦，鮑魚，聖子蝗及元貝四款海鮮，另外又點咗淮山雞粥，蟲草花蒸雞，手切和牛肉，手切和牛粒等。原本睇落點菜紙細細張以為唔夠食，點知原來每樣試少少再配上一碗美味嘅淮山雞粥已經好夠飽。而且全程基本上我地都唔須要自己去蒸煮食物，無論由送上生食物直至熟食物送到我地碟上都有職員照顧，我地只須要等邊等食，成晚都覺得好似去咗高級西餐廳，非常享受。這餐飯無論食物和服務方面都讓我感到好滿意，臨走前見别檯享用小菜而非蒸氣鍋，有大大碟龍蝦伊麵送上檯面非常吸引，於是又決定好下餐一定要再來試下佢嘅小菜呀!

跟朋友麻雀耍落之後佢帶我地去咗屋企附近食草帽蒸海鮮大餐任揀任食任飲都係一個價錢我哋大人就$288一位唔貴仲可以坐足兩個半小時首先揀何必食粥底我哋就鍾意南瓜排骨粥到最後就會吸收晒海鮮嘅精華接着自動送上定食脆皮燒乳鴿，皮脆肉嫩又多汁貝殼拼盤，百花齊放然後有四款自選海鮮我們點了生猛大元貝生猛鮮鮑魚生劏龍躉件象拔蚌仔全部海鮮新鮮生猛，質素高入口味道鮮甜蒸海鮮更能食得出食物嘅原汁原味大元貝、鮮鮑魚肉質彈牙爽口蒜蓉粉絲蒸增加海鮮豐富的層次感食到中段已經好滿意仍然可以繼續選任食品種我哋就試咗蟲草花蒸雞、自製牛丸、鮮蝦丸最欣賞還是手切和牛粒 & 手切和牛肉真係食過返尋味我哋都Encore 左兩次食到差唔多留返個肚食蔬菜又點少得蒸勝瓜呢清新多汁跟住食蒸海鮮冇諗過有咁正嘅甜品可以食果然係有創意我哋食咗馬拉糕、蜂巢糕同埋紅棗糕好完美的一餐又可以飲茶或者任飲汽水如果鍾意飲啤酒更加係抵到難以形容侍應細心為我地蒸每一道海鮮值得一讚全部海鮮都整得恰到好處時間掌握得很好仲幫我地上埋碟總括環境裝修簡約舒服侍應姐姐服務一流價錢優惠，明碼實價海鮮質素高回頭率甚高

試過佢的粥底蒸鍋，真係幾得，海鮮夠曬新鮮，放曬響冰櫃又多款選擇，好啱每樣想試少少的人。任揀任食蒸氣餐係以下食法，價錢亦幾公道。另外仲有一張任點任食的，肉類、蔬菜、丸類都有。飲品除左啤酒汽水，仲有竹蔗茅根精，任飲不另收費。首先選粥底，我地揀左淮山雞粥。由鮮料開始煮， 乾鍋炒幾炒，令米底同雞更加香。然後再加水，加埋一個蒸架，等水滾就可以開始蒸野。海鮮就跟 order 紙每人八選四，其實佢個海鮮 counter 係幾open 的，可以去望吓邊樣精神就楝邊樣。事實係全部都好吸引，真係選擇困難。等水滾期間，整隻乳鴿 （定食一）先啦！真係堅好味，皮脆肉嫩。每人半隻唔夠喉，不過要留肚，之後仲有大把好野。食完乳鴿就到定食二，蜆雖然細細隻，但勝在夠曬鮮甜又冇沙。扇貝，真係好大隻，厚肉肥美，落左蒜蓉同粉絲一齊蒸，全程有專人幫手睇住火候控制時間。蒸到緊緊熟沒有 over, 好好味象拔蚌，亦係新鮮到冇朋友，食到甘甜的味道。手切和牛片係任食 item, 睇見都知係靚料，片片充滿牛香入口即溶，我地 encore 了。除左牛肉片，仲有手切牛肉粒，有牛味有口感。有多款中式糕點可以蒸，似平時飲茶果D，幾香幾好味的，不

兩隻為食貓去晚餐，去左旺角新開的酒家食海鮮蒸鍋。餐牌有呢張，平日$268 一位，五六日就$288。每位可選四款海鮮，定食有燒乳鴿半隻同貝殼拼盤。而任食的部分有呢張，雞豬牛丸餃菜乜都有。最特別仲有甜品蒸添！有可能係世界上最好的啤酒任飲，唔啱口味的話仲有朝日，或者汽水。二人枱都有卡位坐，夠曬闊落舒服乳鴿，每人半隻，上枱即刻香氣四溢。拿上手係辣手的，放都放唔切...... 一啖咬落去，果然皮脆肉嫩。鐘意佢肉唔厚，係真 ·乳鴿。海鮮拚盤亦上場，有大大件龍躉，肥美又嫩肉。美國桶蠔，很大隻，有蠔味，夠鮮又夠甜。貴妃蚌，肉質爽脆有口感，仲郁郁地，好新鮮。大元貝，亦係新鮮開出來的，好大隻又鮮味，連D汁都甜過人。貝殼拼盤，其實係蜆，隻隻鮮甜又冇沙，good good ! 清蒸雜菜，第一次食蒸菜..... 冇油冇鹽冇水，其實覺得 dry 左少少，不過又真係幾健康，同埋可以真正食到蔬菜的原味。叫左「污糟雞」，其實係用左薑同紅棗來醃，感覺好補，唔明點解會叫污糟雞 Set 定時間，蒸五分鐘啱啱好，雞肉又嫩又滑，好有雞味，難得難得！手切和牛肉，輕輕蒸一蒸就 ok , 肥瘦適中好有牛肉味，係任食架！驚喜之處，仲有

蒸鍋同打邊爐相比起嚟，感覺上少咗一份負擔，所以近排都多咗食。今日去咗旺角道嘅呢間新華園，其實即係以前嘅潮福嘅位置，由於而家都一樣係食蒸鍋，所以無乜大改動，呢度地方闊落，樓底有夠高，所以感覺上絶對唔會侷促，卡位，圓枱，包房都有呢度食套餐為主，二三佰元起，價錢中等，套餐已經包括左有海鮮，例如海蝦、聖子、鮑魚等等再加上自選嘅食物，如果想食得精啲嘅朋友，仲有啲新鮮嘅象拔蚌， 龍蝦同桶蠔等等。店員會先上粥底，我哋揀咗南瓜排骨，另外每人仲有半隻乳鴿同埋幾隻蒸大蜆。各款海鮮都係新鮮美味，而且蒸得啱啱好，肉質爽甜，最鍾意係聖子同鮑魚，食完一隻都唔夠喉。另外配料我地點左蟲草花蒸雞，肉質夠滑又入味，呢個推介手打蝦丸同梅菜豬肉丸都好食。另外仲食咗蒸粟米，勝瓜，雜菇同菜等，全部都好鮮甜，食完啲肉再食蔬菜，特別舒服最後個粥底亦都煮好，南瓜夠晒甜，再加上之前蒸嘅海鮮、肉類精華滲晒落去，唔使加任何調味已經好夠味，絕對係精華，每人食兩碗，飽飽！另外一提呢度啤酒、汽水都係任飲，今日自己都破例飲晒成支大啤，鍾意飲啤酒嘅朋友就啱晒啦。