曦

营业中

休息中

幾個月前同老友 “村井” 初訪, 事隔一段時間, 記憶係魚料新鮮抵食, 但體驗有扣分位, 唔記得係乜, 一直希望再訪. “關注組” 係 “㬢” 開業初期推過一兩次, 人氣普通, 唔算 “預約困難店”. 🥢 神推鬼㧬, 今日 “谷友” 約飯聚, 揀咗呢間鮨店, 商討未來幾個月嘅飯局. 餐廳設一張L型壽司吧枱. 兩位師傅, 各一打五. 今訪點咗12件壽司套餐, $480+10%. 🍣 封面相片: 鯖魚🍥 蒸蛋. 有蝦同埋元貝. 夠熱已經贏咗一半.🍣 第一件... 真鯛, 愛媛. 味道清新簡單. 合格.第二件... 帆立貝. 鮮甜, 厚肉, 充實, 爽口. 超水準!第三件... 金目鯛. 油香略遜預期. Ok嘅.第四件... 鯖魚. 超重魚味, 簿切三片再叠埋, 除咗賣相加分, 口感更柔滑. 今訪驚喜之一.第五件... 鱈魚幼魚. 配麵豉醬, 俾咗少少甜味, 油脂豐沃. 十分讚.第六件... 池魚細切. 師傅用 “三升漬” 處理過, 甜甜辣辣. 超好味喎. 三升漬其實係北海道鄉土料理.第七日... 赤貝. 爽身彈牙. 正常.第八件... 深海池魚. 非常肥美. 不俗!第九件... 吞拿魚醬油

港島超優質廚師發板之選師傅功架十足之餘態度親切店舖只有10個位記得預先訂座前菜先來腐皮加蘿蔔清清味蕾刺身一共有5款愛媛縣既真鯛包住海膽 配左紫蘇葉 岩鹽 牙葱 薑配搭沙甸魚打造磯邊卷 非常滋味毛蟹混合左蟹膏甘香十足炭燒螢光魷魚比起傳統做法更為有特色而且啲膏係非常甘鮮 鹹香味十足香魚造型精緻 炸得口感酥脆由尾巴開始食岩鹽青檸大大提升北海道象拔蚌既海水味梳子魚配搭葱粒 肉質鮮嫩太刀魚配上酸汁更為鮮味新鮮熱辣令人回味接落嚟就係壽司部分千葉県既金目鯛油香散發整個口腔鯖魚配上薑葱 令魚味更為平衡北海道牡丹蝦鮮甜至極 口感彈牙深海池魚肉質鮮嫩鳥貝質感爽甜 係夏季當造之選池魚魚香獨特間八加左wasabi莖 層次豐富有驚喜鮮北寄貝好鮮甜 彈牙口感好清新獅魚bb腩加上博多細葱 比較肥美師傅特意俾我哋試唔同部位嘅吞拿魚不同部位既大拖羅 師傅花心機界開筋部令肉質更為柔軟赤身加葱花 魚味較重三文魚子新鮮 口感脆卜卜松葉蟹汁加上磯煮鮑魚 滿足度爆燈！另外鮮蜆麵豉海鮮湯正好暖胃最後水果有鮮甜蜜瓜 每一口都好多汁

之前經過炮台山宏安道，見到呢個日本餐廳一枝獨秀，一睇就知係食廚師發辦😍今日周年紀念就一齊嚟品嚐下！服務員好貼心，主動幫我哋處理隨身物品～坐低無耐，就有茶碗蒸😋蒸蛋好滑，當中仲有蝦肉、蜆肉，令味道多左份鮮甜味❤️食完茶碗蒸，師傅就為我哋準備啲當造壽司🤩鯛魚：肉質爽嫩，有少少實淨，淡淡嘅魚香慢慢係口腔滲出嚟👍🏻帆立貝：新鮮帆立貝果然特別鮮甜😋深海池魚：口感比較結實，但魚香味濃！赤貝：呢件赤貝真係珍寶size😍Q彈爽甜，好食到飛起！梭子魚：魚皮微微燒香，食到魚嘅鮮甜味之餘，仲多左份香口～～鯖魚：新鮮青魚非常有驚喜🤩完全冇魚腥味，肉質好嫩滑金鯛：金鯛肉質比鯛魚更細滑順口，好正😋拖羅：用左3片薄切拖羅，口感特別綿滑，肉質好細緻，完全無筋位，真係想食多件😛北海道海膽：食廚師發辦點少得海膽，簡直冇得輸😍三文魚籽：呢度嘅魚子好唔同，鮮甜味十足，唔會咸到爆師傅會按魚嘅鮮甜濃度安排先後次序，令我嘅味蕾更有衝擊😍最後仲會有味噌湯及甜品👍🏻

今日終於都可以食到久違嘅ᴏᴍᴀᴋᴀsᴇ🍣鍾意食ᴏᴍᴀᴋᴀsᴇ當然係因為可以食到當造食材今日食到好多驚喜食材新鮮鯖魚❤️拖羅❤️三文魚籽❤️北海道馬糞海膽❤️鰻魚海鮮茶碗蒸海鮮嘅鮮甜味佈滿係個蛋度⭐️鯛魚係日本嘅國民魚，肉質比較爽口鮮嫩⭐️帆立貝好爽甜，其顯著嘅細紋更能突顯其新鮮⭐️赤貝口感Q彈鮮甜，完全無得挑剔⭐️鯖魚嘅ᴘʀᴇsᴇɴᴛ好特別，口感好嫩，同平時食嘅鯖魚好唔同⭐️拖羅：用左3層薄切嘅拖羅疊埋一齊，可以突顯到唔同嘅油脂層次，口感特別綿滑唔油膩⭐️呢度嘅三文魚籽唔會淨係得死咸，係有種驚喜嘅鮮甜味係口腔內迴旋⭐️北海道馬糞海膽非常ᴄʀᴇᴀᴍʏ鮮甜⭐️鰻魚有別於平時嘅汁燒，呢度嘅鰻魚係先微微烘熱，再撒上海鹽，口感出奇地軟滑仲有魚嘅甜味添！🍨芝士雪糕勁好食ʏᴜᴍ! ʏᴜᴍ! 芝士味特濃～～

在港島區，中環和銅鑼灣可謂Omakase的戰場，說的除了是鮨店出盡招數，以求留著客人的胃的互相角力，也是食客爭相追捧「預約困難店」的戰爭。其實稍移玉步，不難發現滄海遺珠，例如這間位於炮台山的鮨店「曦 Hikari」，開業半年，店舖的骰，壽司吧枱只得十個座位，但因為甚少宣傳，只靠口碑，所以依然未算難book位。鮨店內器皿都很精美，原來大部份都從日本採購，尤其欣賞不同座位會有不同的壽司碟，是次我面前的是翠綠色年輪紋壽司碟，有種雅緻感。入正題，十二貫壽司（師傅整漏一件，埋單走人上車後才收到Whatsapp通知🥲），打頭陣的是天草真鯛，只加一滴青檸汁提鮮，再一抹醬油，不需多餘調味，肉質富彈性，味道甜美。深池爽甜；幼鰤軟滑。再來櫻鱒，在「個個都是食家」的年代，鮨店內出現三文魚刺身往往會被人詬病，但其實三文魚也有分不同品種，若將高級野生鮭當成廉價養殖鮭，一見到三文魚刺身就有偏見，一概不吃，拒諸門外的話，那你很可能就錯過了很多美味。例如櫻鱒就算是比較知名的日本原產野生三文魚品種，每年春天還記得櫻花正開之時，正正是櫻鱒時令之期，櫻鱒比起平日常吃到的挪威三文魚刺身，顏色沒那麼鮮艷，粉橘色的魚肉甚至沒那麼

見到炮台山有間omakase sushi 店，一心諗住去試下，一去到門口就見到一地垃圾！又紙箱又發泡膠箱，仲搞到一地血水！最離譜係連食完個外賣都要放門口？！起初都諗住照入去試下omakase, 如果食物質素好的話都算數，但比我見到有小強由間餐廳門縫行左出黎，決定取消入去念頭！相信大家都會明白餐廳衛生係最重要，食物質素幾好都冇用。

疫情終於受控，四月下旬晚市得以重開，舞會亦隨即開放，堅有XO仔心嘅靚女舞伴即相約舞前於鄰近嘅新店「㬢」嘆番餐廚師發辦，補祝細佬生日，認真客氣！小店離炮台山地鐵站不遠，巴士、小巴、叮叮附近都有站，交通絕對方便。地舖木造嘅門面、鮮紅色嘅布簾及光亮嘅招牌於灰牆上十分顯眼。步入店子，即可見到可容納上十人嘅壽司吧，掌舵嘅兩位師傅相當好客，而且平易近人。不用花巧之裝潢，木造嘅間隔足以滲出和風味。值得一提嘅就係男女共用嘅洗手間全自動模式操作，疫情下感覺尤其衛生。每位席上都擺有齊備嘅自用餐具、濕紙巾及口罩信封。桌上另有牙籤及額外嘅乾、濕紙巾。晚市只提供一款以店名取名嘅「㬢」廚師發辦套餐（$1,800/位）。電子飲品餐牌則有一頁之多。嘻嘻，酒鬼賀壽當然係要飲番兩杯啦！如貴客欲自攜佳釀，每樽720ml及1.8L日本清酒嘅開瓶費分別為$200及$500，價格都好合理。師傅備製魚生前，先送上清新爽脆嘅漬物送酒酒，細心得很。為晚餐作序嘅有暖胃嘅茶碗蒸。小碗中嘅燉蛋軟嫩滑溜，配料用上橙美厚彈嘅蝦隻、厚潤嘅帶子粒及幼嫩嘅松葉蟹蟹絹即倍添口感及鮮甜。頭兩道刺身均為組合菜。第一件師傅以愛媛縣嘅真鯛切成薄片，夾入海膽後再

話說幾個星期前同朋友 “村井” 食咗間新嘅廚師發辦, 一個字: 失望! 我提議食番間我食過又有信心嘅, “村井” 竟然話唔怕失敗, 寧願試新嘢, 可以睇下我寫新食評 😂. 終於夾到時間. 食乜好? 谷友大神推介嘅大部份都係 “預約困難店”, 唯有開店幾個月嘅 “㬢” 似乎未必被推爆, 我同 “村井” 決定趁早一試.🍽 “㬢” 入口喺宏安道, 對住馬路嘅地舖. 餐廳設有一張10人L型吧枱, 兩位師傅, 今日每人一打四. 點左12貫壽司套餐, $480+10%.🍥 蒸蛋. 配有蝦, 元貝, 俾到鮮味. 夠熱. 好味道!🍣 第一件... 真鯛. 配少少青檸汁. 以第一件嚟講唔淡味喎, 合格.第二件... 金目鯛, 千葉縣. 十分肥美, 冇燒過都咁好味嘅? 掂!第三件... 帆立貝, 配岩鹽. 清甜爽口, 非常厚身, 口感澎湃, 我鍾意! “村井” 好奇問師父點解帆立貝唔係圓形係長方形, 師傅即席示範: 中間切開, 反出, 得咗.第四件... 櫻鱒, 秋田. 口感綿綿軟滑, 有驚喜.第五件... 關鯖. 加咗薑蓉, 蔥花及秘製味料. 油脂滿溢, 魚味濃郁, 味道調教一流. 師傅將魚料切開三片再

環境5分：炮台山日本餐廳，地舖一眼望哂個壽司吧，十個吧檯位都對住兩個師傅整野食，真係好享受同興奮，畀五分。衛生5分：地方好乾淨光猛同衛生，一樣畀五分。服務5分： 師傅非常專業，續樣海鮮慢慢切同調味之後，上枱時再詳細介紹。樓面只有一個服務員，但都好好招呼，不斷加熱茶，效率高，服務滿分。味道5分：（㬢Omakase：HK$1,800/位）1) 咸漬物有蘿蔔，牛蒡，同淮山，全部都好開胃，見你食完又會添加畀你。2) 蒸蛋非常嫩滑，熱辣辣，入面有松葉蟹，帶子，蝦，同瑤柱，好甜。3) 真鯛薄切中間夾住馬糞海膽，口感一流，加埋Ｄ紫蘇花好香。4) 沙甸魚非常肥美，同芽蔥捲埋一圈非常特別。5) 季節鳥貝非常爽甜，不用點任何醬汁，淨食本身嘅鮮味。6) 原隻馬糞海膽放响枱面，用匙羹大大啖咁食，非常豪邁。7) 螢光魷魚通常都係凍食，燒過之後魷魚味特別出，同埋有一陣好香嘅味道。8) 象拔蚌非常爽甜。9) 間八魚非常鮮甜，厚度切得啱啱好。10) 份量多嘅池魚連長蔥，麵豉，辣椒等切碎，用紫菜包住嚟食，當你食完紫菜，師傅就會畀多一塊你。11) 響螺放响壽司枱非常特別，食落非常爽甜。12) 大拖羅對上少少個位，熟成左幾

好一段時間沒吃過 Omakase，價錢昂貴的星級預約困難店，一難預約、二動輒過千元以上一位，實非我等小市民所能負擔、三即使負擔得起，我也不捨得；價錢超便宜的，我對刺身壽司的質素又沒信心，新近看見有人對這間壽司店的評價不錯，既然好一段時間沒吃過 Omakase，就致電預約吃個午餐吧！店舖門面不起眼，我在附近兜了一圈，再問了在附近工作的保安才發現它，實在難找。我到達的時候還未到正午十二時，舖頭還未開門待客，等了一會，待店用的師傅從準備中轉成營業中，才能入內。店舖地方不大，座位只有12個，全部都是面對著壽司師傅的 L形位，而這天為我與太太準備壽司的，是明師傅。吃的是「錦」（$480），包括茶碗蒸、十二貫壽司、湯、甜品或咖啡。「茶碗蒸」的蒸蛋不會過於水汪汪或蒸得太老，味道亦見適中不過鹹，蒸蛋基本功扎實。十二貫壽司分別是：1. 「真鯛」：來自天草，肉質軟熟，下了少許青檸汁以提鮮。2. 「深海池魚」：肉質爽甜，富有彈力。3. 「鯖魚」：沒經醃漬的三切鯖魚，味道不錯。4. 「帆立貝」：鮮甜的帆立貝，附有爽脆的貝柱在上面，帶來口感上的強烈對比，都幾特別。5. 「金目鯛」：來自千葉縣的金目鯛，油脂豐盈，

炮台山有間隱藏於AIA大廈的師傅發辦日食店,座位只有10個,小店好處是可以同師傅有傾有講,聽師傅講食材的來源地及特色,加上要如何品嚐,吃的時候好像也特別好吃。前菜是茶碗蒸,蛋很滑而且香,放了三葉增加了風味,還有滑滑的啡菇。真鯛壽司,味道淡淡的,肉質有微微的甜味,而且富有彈性。帆立貝壽司,平常的帆立貝有一點黏膩的感覺,這個完全沒有,而且非常鮮甜,帆立貝的紋理很清晰,師父說這是手撕新鮮的帆立貝才可做出這個紋理的效果。深海池魚壽司,味道比之前的濃烈一點,而且油脂也多一點。赤貝壽司,師傅用上了新鮮的赤貝,師傅拍打激活赤貝神經線,吃的時間很爽很有彈性。青魚壽司,師傅把魚肉切了3片,使入口沒有渣的感覺,魚的油分豐富,師傅用薑蔥平衡了油膩感覺,而且加了點點的酸味使整體更加平衡。魷魚絲壽司配紫蘇葉,最怕魷魚那種黏笠的感覺,師傅將魷魚切絲配上紫蘇葉,使魷魚沒有黏稠的感覺,還帶有紫蘇葉的獨特風味。千葉縣金目鯛壽司,魚肉很滑沒有筋，肉實較煙韌,味道鮮得來有咬口。梭子魚壽司,輕輕燒過有獨特的焦香味,肉質較結實。間八壽司,這個間八不但肉質爽,雖然油脂較多但沒有油膩感,而且味道濃郁,師傅更用了芥辣莖做配搭,莖的質