木船泰國粉麵專門店 (已結業)

今日出大埔探朋友，午餐後閒逛，經過見到這家有人龍，原來是泰式餐廳，場內座位多，環境不錯，決定買幾款外賣給家人品嚐。午市套餐有36款，飯、湯河、意粉，選擇多，價錢相宜，第一次一定要試招牌菜式。招牌燒豚肉飯（定食） $78豚肉燒得有點點焦香，肉質細軟，辣味慢慢滲出，燒肉醬汁惹味，好好送飯，頂層有青木瓜沙律，真正泰國食到咁辣，辣度十足。香茅肉碎Double煎蛋飯$62肉碎鹹香惹味，辣味不重，加上半熟煎蛋，蛋汁伴飯更香滑惹味。黃咖喱牛腩焗飯 $56黃咖喱香氣撲鼻，咖喱香甜不辣，牛腩肉質濃，肉淋入味，加上香甜洋蔥，小朋友好鍾意。多款午市套餐附送飲品外，還有雞卷小食、雞湯。飲品我要了咖啡和凍檸檬茶，下次再嚟啦！

呢排嘅天氣實在太凍， 所以就懶唔煮飯， 叫外賣， 去咗間之前都幫襯過嘅泰國餐廳度叫外賣。巨大雜錦木船湯河(定食)套餐包咗三份小食和一個湯， 有冬陰功湯或肉丸扎肉雞湯， 小食有蛋沙律，中華沙律和雞卷。個湯河夠曬大份， 有紮肉，肉丸，牛肉，雞肉， 芽菜等， 最特別係有豬油渣， 湯底都幾清， 食落唔會太漏， 啱曬大胃王。招牌燒豚肉飯(定食)豚肉係用辣汁先醃過然後再燒， 豚肉醃得夠入味 ， 少少辣，豚肉有焦香味， 配少少青瓜絲嚟食 減少油膩感。汁燒安格斯牛飯(定食)牛肉先用日式燒汁醃，然後燒， 有焦香味， 牛肉味香濃， 肉質嫩， 溫泉蛋生熟程度剛剛好， 幾有高級日式便當嘅味道。

呢排木船幾乎做左飯堂咁濟, 特別係呢幾日咁凍, 完全唔想煮野食! 今日lunch 又係諗都唔駛諗, 行兩步過黎呢到買外賣, 快靚正。次次個MENU 都睇到花多眼亂, 呢到有好多款我都試過, 都無伏的,可以放心試下。再加上佢既價錢非常抵食,而且好好好好大份, 有主菜,有湯有小食, 仲有野飲。你話點可以唔成日過黎呀! 今次就叫左招牌燒豚肉飯,同埋辣椒膏雞粒炒飯。呢兩個係我食過咁多次, 會不停返食再返食既飯黎架, 絕對誠意推介!招牌燒豚肉飯基本上係膽黎咁制, 我每次都會叫。d豚肉真係燒得好出色, 再加埋d酸酸辣辣既青木瓜絲, 成個味道真係好match好perfect wor! 而且佢豚肉既份量都幾多下,一個女仔係絕對絕對唔會食得哂架! 而辣椒膏雞粒炒飯你聽個名都大約知係咩東東, 就係用辣椒膏同雞粒去炒飯啦。但唔好睇少佢, 個炒飯都幾乾身下, 唔會一pat野或者硬到乜咁, 幾岩我心水。講完個主菜, 當然唔少得小食同個湯啦。小食佢都幾有心思, 每過一段時間就會轉下款, 今次係有碎蛋, 炸粒粒, 同埋一小件朱古力蛋糕仔。前菜同甜品都照顧到, 幾有心思呀! 兩款湯味道都唔錯,一個清湯一個冬陰公, 兩

呢排出街都想搵D抵食夾大件既餐廳, 呢日就搵到呢間木船, 應該因為疫情旽關係, 佢既餐牌都有唔少抵食既選擇~ 如果外賣都有唔少選擇! 我地就叫左個冬蔭公肥牛金邊粉同埋汁燒安格斯牛肉飯配溫泉蛋, 呢兩個定食餐都係有跟湯同埋3款小食, 我地另外仲叫左個菜同埋追加左D 小食冬蔭公肥牛金邊粉既湯底真係一流, 飲落好香, 仲要辣辣地, 愈飲愈有胃口! 而金邊粉既份量都有好多, 肥牛都有好多塊, 絕對冇將貨就價, 一D都唔姑寒, 跟餐送既湯都好足料! 而送既3款小食當前菜都夠哂開胃! 飲埋D 湯就夠暖胃!.汁燒安格斯牛肉飯配溫泉蛋, 呢個飯夠哂份量! 勁多豚肉, 而汁燒係甜甜地, 又出奇地夾同好食! 撈埋蛋汁真係perfect! 食埋個菜同炸物真係大滿足!

而家晚巿禁堂食，見咁耐無出街食，就揀間附近食泰國Lunch。Set Lunch有多種選擇，就每人揀一個試。每個定食都可以選擇配肉丸或冬陰功湯，另外有兩個小食係炸魚肉春卷同碎蛋沙律，仲有一細件的BROWNIE 做甜品。招牌焼豚肉飯（$78)呢個係店員推介，個飯賣相好正，飯面有一大堆調好味的青瓜沙律，酸酸地好開胃，青瓜亦可以解焼豚肉的油膩感，豚肉鋪满飯面，烤得好香，豚肉的焼汁偏甜，好適合配飯，食食下先發現，原來豚肉下面仲有隻溫泉蛋，蛋黃汁加焼汁係撈飯嘅絕配。豚肉飯量都幾多，男士十分適合。冬陰功鳳尾蝦湯河（$65)冬陰功湯好濃郁，辣較酸味多帶少許甜，蝦大大隻又爽口，河粉幾厚身，好有飽足感，河粉入面的菇同芽菜唔好漏咗啊，佢地吸收哂冬陰功湯。肉丸湯較冬陰功湯清淡，但有肉丸同札肉，冬陰功湯就同河粉個湯一樣，如果唔係食冬陰功湯河，推介可以叫黎試下。餐飲可以加$5轉青檸梳打，推介食招牌焼豚肉飯嘅可以叫青檸梳打，清爽嘅青檸中和肉的油膩，梳打係成支勝獅比你㗎，可以倒到兩杯，好抵飲！另外加$10可以有泰式奶茶（只有凍飲），茶味濃但有少許甜，當然要飲泰奶先係完滿的一餐泰國菜。

泰國菜都係我其中一個最愛! 冇得去泰國食唯有係香港搵好食既泰菜! 呢間泰國野價錢夠哂親民! 我地都叫左好多野食, 佢既餐仲送小食同肉太湯/冬蔭公湯~ 我覺得叫佢既冬蔭公湯正D~一黎重口味D, 二黎夠哂惹味! 佢個招牌豚肉飯好正, 雖然唔係泰菜, 但係見到招牌呢兩個字就想試下,因為通常都唔會中伏~結果真係冇令我失望! 有勁多青木瓜絲係面! 同埋D 豚肉既份量有爆多! 仲有D 汁燒豚肉味道好夾燒得好香! D 汁送飯超正! 另外佢仲有隻溫泉蛋係碗飯入面, 督爛佢用黎撈飯一流!跟餐既肉丸札肉雞湯味道都唔錯, 但都係揀冬蔭公正D~ 另外送既小食仲有三小款, 中華沙律, 麻醬豆腐同埋魚丸~ 夠哂份量！另外仲叫左一個餐係冬蔭公肥牛金邊粉, 個湯底超正! 超惹味! 但如果叫呢個真係要食快D, 因為金邊粉都好爽湯汁, 慢得滯D 湯就好易俾D 粉爽哂冇得飲! 肥牛份量都好多! 碗粉超大!我地另外仲叫左幾款小食, 包括有泰式炒通菜、鳳爪沙律、青木瓜沙律、庶蝦同埋單骨雞翼! 全部都好好食! 而我最中意既係鳳爪! 夠哂惹味!

見到門面係充滿異國風情，原來係泰國餐廳，睇埋MENU就非常肯定要幫襯！因為以泰國嘢嚟講，真係非常抵食呀！D外賣餐具非常企理乾淨，質量係出奇地好，抵讚！招牌燒豚肉飯定食～ 先見到有大量青瓜絲喺面，原來係有酸辣汁拌好嘅～ 對我嚟講，呢個份量已經夠做一個full size嘅青瓜沙律!! 每塊豚片見到清晰坑紋，而且較為厚身口感非常好！燒烤時用了濃厚醬汁，加重了香氣，十分合我口味。驚喜位係，個外賣隔咗半小時，溫泉蛋無爆到，而且蛋汁丰富，最鍾意睇佢流出嚟果吓~汁燒安格斯牛肉飯拼溫泉蛋定食～ 牛肉嘅份量超多， 加上蔥粒同芝麻，除咗賣相提升之外， 亦都令個飯加添咗 唔少口感同蔥香！！而飲品方面一啲都唔馬虎，一杯龍眼冰竟然有15至20粒龍眼，夠哂足料！！

最近疫情嚴重左，所以都轉左外賣番屋企食。呢到都幾抵食，一個set 咁叫，有三色小食，有湯，有野飲，加埋都係70幾，算係性價比幾高架。外賣都包得幾實，唔會倒瀉。叫左碗招牌燒豚肉飯定食，肉上面鋪左好多木瓜絲，酸酸甜甜咁幾開胃，食肉的時候就冇咁易濟，而肉塊本身已經調好曬味。三色小食原來係有蛋沙律，中華沙律同丸。另外，都叫左個青咖哩雞，唔算多骨，青咖哩濃，有少少辣度，送白飯一流呀! 呢到既小食都好抵，二三十蚊就有，所以加左個絲網春卷，有4件，炸到好香脆，入面仲有D芋頭絲。野飲就叫左泰式奶茶，同係泰國飲到既味道有8/9 成相似，真係幾驚喜。龍眼冰都好多果肉，十分唔錯。原來呢到除左泰菜，仲有其他粉面飯之類，選擇都幾多架，值得一試。

想飲冬蔭公，就嚟咗附近嘅木船，因為限聚緊，又唔可以堂食，唯有外賣～又估唔到外賣即叫即煮，嘢食無走樣，仲好好味，(下次記得打定電話☎️)招牌燒豚肉飯(定食)+肉丸扎肉湯+雞卷2件海南雞飯(定食)+冬蔭公湯+雞卷2件呢度定食set，有湯、小食、飲品，好豐富呢～好鍾意食燒豚肉，似BBQ咁燒到微微焦燶，一開蓋香氣四溢。薄薄的一塊豚肉，燒完還嫩嫩、又juicy，加上燒醬汁，好味😋好多雞丫🤣🤣成盒飯面都係雞，大大件，抵食！鍾意海南雞爽滑，而且啖啖肉；配雞油飯，個飯都係主角之一，入哂味👍🏻👍🏻呢度嘅冬蔭公湯，my favour ar🥳🥳香、濃、辣，咪見它紅噹噹，其實唔太辣，加加埋埋d海鮮、菇等配料，好豐富、好泰國feel🇹🇭🇹🇭🇹🇭雞卷 每定食有2件雞卷，一份沙律蛋，一份中華沙律菜；呢個組合好吸引，又好好食～雞卷細細粒，但充滿雞肉；沙律蛋似自家制，又fresh又味道啱啱好！春卷4件想食春卷，典型泰式網炸春卷，唔會好油，又多餡料，要食多幾條😆😆

大埔有兩間木船餐廳 食過幾次質素都ok今次食招牌泰式燒黑豚肉飯🙈炭燒味道好香 梅頭豬肉片🥩🥓好入味 😇甜甜酸酸辣辣好惹味 配上爽脆木瓜沙律清清味蕾🤓至於青咖哩雞焗飯🍛面頭有些許拉絲芝士 咖哩椰汁味道濃 較甜口 而且係蛋炒飯底！有誠意飲品點椰青 椰青水好甜 係超甜好滿足🥰🥰🥰✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿招牌泰式燒黑豚肉飯配木瓜沙律青咖哩雞焗飯泰式海南雞飯✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿. 𝚈𝚞𝚖：👅👅👅👅/𝟻𝚁𝚎𝚟𝚒𝚜𝚒𝚝﹕💃🏼💃🏼💃🏼💃🏼/𝟻𝙿𝚛𝚒𝚌𝚎﹕ $200/𝚑𝚎𝚊𝚍.˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 木船˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

今日朋友話想食泰國野，就同佢入左呢間餐廳。一入到坐低個環境唔錯望落乾淨企理，座位都夠寬坐得舒服，裝修都好有特色，好似係船艙入面咁都幾得意。同朋友一齊3個叫左地道酸辣鳳爪，睇個名以為得鳳爪，原來係一大盤鳳爪沙律，鳳爪青瓜同蘿蔔絲配埋個酸辣汁，酸酸甜甜惹味又開胃。我地再叫多個炸魚餅，魚餅夠彈牙。主食方面就叫左燒豚肉飯套餐，一上黎就聞到好香炭燒味，豚肉燒得好嫩同埋多汁配飯一流。另外，仲叫左個香葉肉碎配脆脆雞翼套餐，肉碎調味夠濃好惹味，雞翼炸得好好一啲都唔油膩，食落夠香脆肉又夠juicy，兩個套餐都會有三款小食，泰式春卷、朱古力蛋糕、沙律仲有鮮雞湯或者冬陰公湯，唔過百又有湯主食同小食性價比超高。飲品就加錢叫咗個椰青同埋青檸梳打。椰青新鮮同埋清甜，青檸梳打夠酸夠爽。總括黎講呢間餐廳野食好食，份量同價錢成正比，推薦推薦!!!

好記得我一入到去，就見到有好大架海盜船喺餐廳入邊，我同我朋友好好彩咁坐左係㗎船入邊，一入去就叫咗兩個套餐，我地怕好細份唔夠食就再叫左個小食鳳爪沙律，首先上菜嘅係招牌菜海南雞同埋河肉扎肉雞湯，睇個名好似清湯咁，點知黎到係好濃味十足以前喺泰國食嘅船麵湯底，個粉超出色，個海南雞仲好食不過好似少左d定唔知太好食啦，好快就食晒。影緊海南雞套餐嘅時候，我個燒豚肉飯就上菜啦，如果滿分係10分，呢個燒豚肉飯我會比11分，你望到張相就知有幾juicy，食落去仲唔油膩，可能係因為佢有三層，第一層係滿滿嘅燒豚肉，第二層全部都係類似沙律，第三層先係飯，兩樣嘢加埋一齊食真心正，第一次覺得豬肉好食過牛肉。仲要提下個冬陰功湯冇得頂，好少喺香港可以飲到咁正宗嘅泰國冬陰功，我嫌佢太細碗唔夠喉。個套餐仲送咗三個小食，佢個春卷估唔到咁脆又幾唔錯。因為好似全部都係肉，所以中途再叫咗個蒜蓉炒通菜，個通菜一放上枱就聞到超香蒜蓉味，如果鍾意食鹹嘢嘅人，呢個通菜一定係首選，平時食得太多淡茂茂嘅通菜，今次呢個真係超晒班。最後個鳳爪沙律我就飽到食唔落咁濟，同埋本身我麻麻地食有骨嘅嘢，所以基本上係我個friend自己食晒，我都試咗幾舊，酸

今日入大埔搵朋友 咁岩行過見到木船點解咁多人排隊嘅 相信應該係一間不錯嘅餐廳 當然唔輸蝕就去排隊啦😎木船餐牌很簡單 套餐加小食招牌燒豚肉飯定食 配冬陰功湯 & 三色小食乙粉大量木瓜沙律覆蓋住燒豚肉飯 燒豚肉汁非常之好食 肉質一啲都唔會鞋口 配埋木瓜沙律食啱啱好中和成個味道豚肉飯大推介呀👍🏻👍🏻👍🏻燒汁安格斯牛肉飯配溫泉蛋🤩配肉丸湯 & 三色小食乙粉大量蔥段鋪滿牛肉上 覆蓋左溫泉蛋吉穿溫泉蛋用黎伴飯好開胃牛肉嫩 話咩易食晒成碗飯🤪🤪小食方面🥢單骨雞翼 炸得香脆蒜蓉炒通菜 有鑊氣鳳爪沙律 酸甜度控制得好好炸蝦球加入粟米增強口感飲埋青檸梳打大滿足呀😍

今日黎到大埔食飯，揀左呢間木船泰菜。大埔真係好多泰菜館，而呢間木船睇個門口咁多人等位都知唔惹少。今日去到食lunch，餐廳除左有set lunch，重可以加小食，我地叫左汁燒豚肉飯、汁燒牛肉飯，另外小食有鳳爪沙律、炸蝦球同埋炸單骨雞翼。先講下set lunch，除左main既飯之外，另外重有湯同前菜，重有細細舊布朗尼應該係甜品。湯可以揀冬蔭功／肉丸湯，前菜有凍豆腐同炸魚餅，而主菜汁燒豚肉飯就好香，大大塊燒豚肉舖係面，加埋切好既青瓜條，食落一來有口感，二來唔會覺得肥膩。而汁燒安格斯牛肉同樣出色，內藏溫泉蛋一飯，撈飯食就一流。小食方面，炸單骨雞翼有6隻，算係幾抵。鳳爪沙律，酸酸辣辣好開胃，配埋無骨鳳爪胃口大增，炸蝦外脆內軟，而且加左粟米增加口感。最後就係炒通菜，鑊氣十足。

星期六晏就又係唔想煮飯既時候，不如係樓下買外賣算。早排食過木船既晚餐，性價比超高，今日晏就再返兜叫左個汁燒安格斯牛肉飯配溫泉蛋（定食），因為上次叫過定食，佢包小食同埋湯，價錢都唔算貴太多，但成個感覺就好豐富，所以今次再叫！而呢個汁燒安格斯牛肉第一次試，再加埋溫泉蛋，完全諗唔到點可以唔叫。果然呢個飯無令我失望，佢Ｄ牛肉舖滿哂成個飯，份量夠哂足，岩哂我呢Ｄ食肉獸，再加埋溫泉蛋既蛋汁，撈飯食一流呀。除左味道正，佢個賣相亦值得一讚，雖然係外賣，但一Ｄ都唔頹，加左Ｄ蔥同芝麻，成件事upgrade哂，你話佢要百幾蚊我都信呀。另外再叫左個傳統香葉肉碎double煎蛋飯(定食)，呢個都係叫定食，因為唔駛爭，大家都想食小食同飲湯，哈哈！同埋肉碎飯基本上係我每次去泰國餐廳都必叫架，因為真係好惹味，勁開胃，食兩碗飯都得呀。同埋佢唔係普通煎蛋，佢係打孖太陽蛋呀！！！！！又係撈飯食一流，呢個見到相我又流口水啦。。。好想今晚再encore。。。湯個到我同朋友仔就一人叫左一款，一個冬蔭公，一個肉丸扎肉鮮雞湯，前者比較濃郁，後者比較清淡，兩個味道都唔錯，而且仲有Ｄ菇呀，肉丸呀食下都唔錯。另外小食又係令到成件事豐富哂，