東海堂 (青衣城1)

营业中

休息中

行街時見到東海堂翻新，形象同產品都唔同好多，好奇之下問下ｏ個職員，話係新ｃｏｎｃｅｐｔ　ｓｔｏｒｅ喎，全港得三間．講到咁西利，就買黎試下啦我見間東海堂轉賣好多日式類甜品，又有泡芙賣，自己就買手指泡芙試下，， 焦糖朱古力味，牛奶朱古力味脆皮配上焦糖味ｃｕｓｔａｒｄ，幾夾，我尤其鍾意ｏ個ｃｕｓｔａｒｄ，之前都未食過，味道有ｄ特別。另外層脆皮上面都放ｄ焦糖粒粒吊味，都幾滋味～榛子黑朱古力味，普普通通啦，唔係好食得出有榛子味，個黑朱古力脆皮又唔係真係好ｄａｒｋ　ｃｈｏｃｏｌａｔｅ喎．．．食完印象不太深刻值得一讚係佢ｄ　ｃｕｓｔａｒｄ香甜得黎唔會好膩，當飯後甜品食都唔錯 好似enjoy card 有短期優惠, 可惜我無。。

朋友生日，本身諗住整蛋糕送比佢，點知又唔夠時間．．搞到最後要臨急臨忙買蛋糕！問同事有咩好介紹，有人就話東海堂有新line，行高級路線！介紹咗檸檬純柚子芝士蛋糕．蛋糕$188，HSBC同HANG SENG卡有9折，折左好似169.2~ 去到間新東海堂，就咁睇個蛋糕又幾有特色喎，蛋糕面層有好多脆餅之餘又有個“火灸檸檬”，款色幾新穎！後來食過又好ok喎，d cream cheese好滑，入口即溶，最重要係食落唔會好heavy，一人一大舊都唔會滯，而且個蛋糕嘅柚子味好香濃，酸酸甜甜咁，味道幾清新！最驚喜嘅係佢個軟綿蛋糕底仲有啲柚子肉，加埋個脆餅非常有口感！我地TOTAL5個人，份量剛好，剛夠喉

好野有芝士蛋糕食! 呢個芝士蛋糕係亞媽買，我問阿媽有咩特別，佢又講唔出。講樣，其實好少蛋糕長方形，多數圓同正方，上邊放果D粒粒好似曲奇﹐聽講係話一一放上去。味道方面，白白的CHEESE真係好LIGHT，唔HEAVY，女仔最怕肥，不過呢層CHEESE好OK，堅好食。下層有薄薄一層柚子，甜酸好清新，我未食過蛋糕有柚子架!!!!! 幾夾呀~ 我地個個都覺得個蛋糕幾好食，不過舊檸檬最咩事燒到咁燶呢? 黑晒 =_=" 溫馨小提示:用HSBC/HANG SENG CARD有折呀，要買記住帶呀~

去間新舖八吓啦. 點知去到真係眼前一亮. 成間東海堂完全就唔係以前嗰回事. 除咗裝修風格唔同咗好多之外, 仲見到勁多勁精緻嘅甜品 , 真係睇到我心花怒放, 亦都一口氣買左4款甜品, 帶番屋企自己慢慢歎!! 焙茶玉露蛋糕 外觀上黎講呢款最吸引. 而食落呢個焙茶MOUSE好香好滑, match埋啲忌廉好夾, 綠茶味好足得黎仲一啲都唔甜. 而且MOUSE上亦加咗啲煎茶粉, 睇得出o係細緻位嘅用心: 紫薯撻 紫薯撻呢一款甜品都幾少見, 我都係第一次試. 食落啲紫薯好林，幾得意， 而入面係好香滑嘅忌廉, 奶味亦都好犀利, 勁啱我 (雖然真係好肥/_\) 紅桑子荔枝蛋糕就咁睇覺得表面好水好JUICY, 不過食落 就甜咗啲, 而且個人覺得紅桑子同荔枝唔係好MATCH, 麻麻地啦 甘酒朱古力蛋糕相比之下呢款個樣最普通. Decoration都只係薑條2條，成個面好白，..好彩.甘酒叫做有SELLING POINT啦，否則我唔會買LOLOVERALL, 80 分，$24/一件，比起AB, MO當然平一大截，睇樣都唔錯，嗜甜一族可試下

轉左形象的東海堂, 竟然多左泡芙賣 依家走「日歐式」甜品路線喎~ 今朝雜誌有介紹佢同COCO FRANS 的副線呀, 同樣都係sell泡芙, 喜愛甜食的森巴豚當然忍不住要試下 比較下之前食開的beard papa先!!!講品種, beard papa的泡芙口味就比較多, 吉士都n咁多隻味, 依家東海堂只有3種: 原味...曲奇...杏仁...純粹口癢, 買左一件「曲奇泡芙」...$17都ok啦! 拎上手都幾重手...幾足料...感覺上泡芙脆d同埋硬身d~~~ beard papa的就好似較為輕身d, 口感鬆化, 有少少「一陣風」的口感, 如果喜愛有口感的朋友們, 東海堂係唔錯的選擇~~~我覺得曲奇泡芙個曲奇面係最特別最吸引的, 但略嫌d曲奇食落朱古力味唔太夠喎~至於D吉士餡, 東海堂的Vanilla 餡好香, "杰"身同挺DD, beard papa就稀少少, 呢個我就比較喜歡東海堂的餡!! 好似抵食d 仲有一樣, 就係東海堂的泡芙係開邊架, 在中間唧吉士, 而beard papa就係底部唧入去, 唔係係咪因為咁樣, 東海堂的吉士會多d, 手工心機都唔少!!!好期待佢地會有吉士夾新鮮生

無意之間，上openrice睇到呢間店， 見到有人都對呢個蛋糕一致讚好, 反正要買蛋糕，於是買左一個! 初初見到個蛋糕, 都幾amazed 佢d decoration. 大佬上面咁多粒野，我諗緊佢係咪真係一粒粒咁砌. 不過呢個都係題外話 講番個蛋糕, 唔好睇佢咁大層綠色,　原來係開心果ｃｒｅａｍ，下層係朱古力， 佢堅係朱古力味, 而且味道醇得黎最緊要唔滯! 配合一粒粒既榛子+開心果同下面層脆米, 滋味之餘又有口感! 不過佢個d 一大pat一大pat既cream我就真係唔多識欣賞, 想肥死人咩 -.- 我食既時候都係liu晒d cream走. 真心建議佢地唔洗落咁多cream…可以少d cream ，價錢賣平ｄ好過啦～

眼見東海堂黎ｏ左個新改革，貪新鲜想試下，揀ｏ左法式三重奏ｏ既其中兩隻味黎試下柑柚同芒果味 其實揀三重奏係因為一開始見到個舊柑，真係比佢鮮艷o既顏色吸引ｏ左。本身買完之後都有ｏ的淆底， 驚住ｏ的勁酸，好彩我ｏ既擔心都係多餘ｏ既，因為ｔｕｒｎ　ｏｕｔ出黎ｏ的柑柚好甜好多汁。至於個泡芙入面係柑柚吉士，ｍｉｘ埋ｏ的橙一齊食，ｙｕｍｍｙ！不過個泡芙外層就有ｏ的失望，太林身，我expect係脆架…… 定係我唔識食呢？！ 另外隻芒果味就普通ｏ的，吉士係vanilla 味0既，ok啦，不過不失。見到仲有好多唔同類型ｏ既產品，最好幾個人share一齊食，否則一个人吃晒一件，真係幾full

Éclair 在外國吃過，見到好多花款，可惜香港唔多覺，有都好貴。聽朋友講東海堂有，不過只係型格版arome bakery room先有，分店唔多，位置唔太就脚。 Maritime Square 呢間，好似新開，見佢門口位有廚師即席係度做，幾吸引。我買左兩只味，緑茶同黑朱古力先試。緑茶好似一條青椒，上層緑茶面都幾厚，要讚一讚佢地的煎茶粉，令緑茶味更香。吉士餡都係緑茶，唔太甜，好味。貨量唔多，應該做多ｄ啦。黑朱好classic ，穩陣必吃，吉士係榛子餡，幾夾。Éclair其實係手指形的泡芙，不過有ｄ焗得Over 左，吃落口有ｄ燶。

dessert & bakery shops 周圍都開，價錢上落都幾大。呢間主打法式甜品，約22元一件，OK啦，要食法式甜一般要去酒店先有得食，見個呢度平平地，買左來試試。我買左法式三重奏，有柑橘、芒果同藍梅。先講講外型，法式三重奏係由三隻味道組成，而每種味道有三粒連住，幾得意一啖一粒，啱啱夠喉。好，到味道。藍梅泡芙上面有粒新鮮藍梅，好甜唔酸，配合泡芙裡面藍梅吉士，好多藍梅蓉，不過都太甜! 另外到柑橘，睇個樣好普通咁，泡芙面上粒柑橘好似無咩光澤，但咬落去粒柑橘係個口裡面爆開，原來好甜唔乾! 不過唔係人人喜歡柑橘，有少少”澀” , 柑橘吉士打得好滑，無一般平價泡芙食到有粉個種感覺!至於芒果泡芙，俾我班朋友搶左來食，但聽佢地講又係OK，都唔知係咪真!我怕芒果酸，所以無同佢地爭啦。overall 味道ＯＫ，建議買完快Ｄ番屋企，我係街行左２個鐘，番屋企，已經吉士有Ｄ溶。

一口氣買左幾件！唔平呀！成百幾蚊架！小小肉痛！arome , 原來係東海堂。Eclair, 即長條形的泡芙 , 我系外國試過，一條手指size over 5 euro 。香港好少見，有次見到要40蚊，太貴啦！點買呀？呢度$18 條，ok la, 試下無妨囉。我買左4種味，我見promo 有raspberry , 可惜斷貨。。。講味道，一定系dark chocolate 最好，厚厚一層朱古力加上可可粒，好香口，但就搶左內裡custard 的味道，唔系好吃到系咩味。Green tea eclair 都唔錯，綠茶味超濃郁，內𥚃的custard 勁深色，綠茶的濃度中和左custard個種甜。不過，上面果層coating 真系太薄，成本問題？薄到裂左，扣分啦~另外的焦糖eclair , 味道無dark chocolate 咁濃烈，牛奶味加焦糖粒，幾match , 粒焦糖有d 溶溶地，咬落痴牙wo 白色eclair , size 好似特別幼身，幼幼一條，感覺好似唔太抵。好彩味道都ok, 內𥚃custard 小小酸，幾開胃，似檸檬味，而上面的粒粒，唔系太吃得出系咩來。。其他的甜品，沒太大特別，唔多寫

呢間店日日都人山人海，唔知以為唔使錢。。新裝俢的東海堂，升左level，產品保留左一d舊的蛋糕，好似流心芒果，北海道芝士蛋糕…另外新加左幾款蛋糕，SIZE 長方形，好像high class 了不少，店員話限只有3間有得賣..五感蛋糕..有3款，我挑了「pistachio hazelnut」，我見個様最特別，同埋材料最豐富。五感，即是5個感覺啦?!(我估)第一感: 開心果 + 榛子，外層甜甜地，裡層咸咸地，咬入口「脆」!第二感: 厚厚cream，講真咁大層cream，都幾驚，不過好彩我痩底，受得住。味道呢，堅「滑」!第三感: 餅底cross section睇，層次分明，顏色撞得好出，近距離見到一層濃厚的朱古力，足有5mm厚，味道似Godiva 果d朱古力，夠「濃」烈。第四感: 最底層似係唔同的果仁碎粒，20mm厚，好有「咬」口!第五感: 蛋糕的視覺美觀當然重要啦，我地將個蛋糕1開6，變做cut cake慢慢吃，個様好精緻，high tea感覺一流，可惜無影到相俾大家睇…一個字「靓」!其實仲有一個感覺，太「甜」了，如果可以少甜就好，吃一件已經夠晒喉啦..

AROME ?! 唔睇中文，真係唔知係東海堂囉．．我平時行開青衣城，靚的西餅店麵包店真係唔多，轉左形象的東海除左裝俢唔同晒，仲多左好多新產品。在鋪頭加左一个玻璃屋，有店員在裡面打吉士同焗泡芙，呢個concept 都幾好，可以俾客人清楚睇到店員的製作procedures。泡芙係主打新品，我買左原味的經典泡芙$17，比Beard Papa細少少，但就重手好多，咬口實在，唔似吃陣風，吃左好似旡吃咁。我在日本吃的泡芙，都似係呢款。中間CUT開唧Custard cream，滿滿的Vanilla custard cream好彩唔太甜，日本人鍾愛吃又多cream又甜的custard ，但香港人健康為上，呢款Custard的份量正好。Vanilla cream話係每日人打造，我Buy，因為custard 係Puff 的靈魂，新鮮custard，入口特別香甜，凍凍地吃就一流。泡芙有原味，曲奇，杏仁，款式不算太多，最好可以有唔同味的Custard cream，滿足貪新鲜的香港人。

青衣城東海堂麵包店裝修, 誰知是大裝修, 風格大變身, 由光猛小店, 改造成專售法日式甜品, 頭炮是手造忌廉泡芙.裝修風格以contemp + trendy Japanese + European style , 空氣中播著日語收音機, 又有日本茶葉, 薑汁，日本味極具綽頭.泡芙平均＄１７－＄２２. 小小的店內還開闢了一個透明小廚房, 概念是讓店外的人可觀察裏頭的"少女"在制作泡芙.意念不錯,　很多路人都注目而視；玻璃上寫人手打調的吉士忌廉，感覺很ＨＯＭＥ　ＭＡＤＥ，加分不少。早前開業，取了一張買三送一優惠券，於是一口氣買了６件，滿滿的一盒有９件，省了３件的錢！可惜是曲奇泡芙都賣光了，我只好挑了「原味」及「杏仁」。如早前網友說，入面的吉士好足. 啲吉士唔會好漏,　不過每人最多吃一件就夠，小吃多滋味，多吃大肚皮！ 始終ＯＶＥＮ出來的東西，多少有點熱氣，入口有少少＂燶味＂，不過口感很豐厚，麵粉應是日本的，比坊間的香多了，難怪要＄１７一個。新東海堂還有其他新品，款式多，價錢都不平，不過亦有保留其他原有的產品，麵包同價，可包裝美麗多了，對一般市民來講也是豐儉由人。

Mama birthday，見到新東海堂開店有八折，Daddy選左呢個「鴛鴦榛子脆米朱古力蛋糕」！呢個係新店的主打之一，叫「五感の蛋糕」，話係日本糕點師主理，賣相精緻。上面鴛鴦榛子（即係開心果）係店員在店内遂粒放上去，好有心機。下層有一層朱古力同脆米，嘩，好濃的朱古力，堅係正，不過我吃左一細舊，已經頂唔住，有ｄ膩同滞，上面果層ｃｒｅａｍ太勁啦，我怕肥呀 ～反而Mama一個人吃左一大半，猛話好味，佢話我唔識食．．．mama 讚個餅底正，朱古力係法國的，愈濃愈膩，就愈正，佢問我个蛋糕係0米係酒店買，使唔使$３００？我話$１５０，係arome 買，mama 話咩來．．ｈａｈａ

行經青衣，開了不少新店，"arome bakery room"是其一，原來是東海堂premium line。喜愛吃甜東西的我比他吸引了! 論門面，一个字「型」。耳目一新，感覺好似日本餅店，一幅幅油畫feel的黑板，artistic 味十足。可能是新店，店內人頭湧湧，我幾乎看不到餅櫃.... 店員推介「五感 の蛋糕」的「檸檬純柚子芝士蛋糕」，售價$188，相對其他蛋糕為貴。我之前看雜誌介紹，什麼用上..東洋100%純柚子汁....法國軟滑的忌廉芝士...現在開業有8折，心理上良好些，於是買了一个純柚子芝士蛋糕回家。 柚子及芝士這個配搭，的確新鮮。其底層的軟身蛋糕，中間有層軟滑芝士，這層法國芝士，很light輕而不膩，放在口中舌頭上，軟、滑、香..沒有一般cheese的「渣」。柚子的香味在味蕾徘徊，在蛋糕吃到柚子的味道，我是第一次。我很討厭「多cream,太甜，太膩」的港式蛋糕，而這柚子芝士蛋糕正合我口味! 順便一提，蛋糕上層有些曲奇粒，與芝士蛋糕同吃，十分爽，一軟一脆，感覺有趣，但數量少了些，太精緻了吧。那上層的火灼檸檬，是decoration 吧，我多手擰了一下在蛋糕面，又多了一種味道