板神鉄板燒日本料理 (The Hennessy) (已結業)

離譜，簡直離譜。佢上菜嘅時候，我已經特登靠牆讓個位比佢上菜，仲可以成碗熱到出煙嘅湯淋落嚟，件衫條褲半個人濕到入去，成dat跡享到，比幾張紙巾就算，有冇搞錯？？？個碗湯係熱㗎！淋落我條腰到痛嫁lor好冇？一D表示都冇，$50乾洗費都冇。件衫吾洗要啦！上菜員服務態度要改善吾該，認真D好冇？仲要比我見到佢去後樓梯食煙。已經咩都吾想講。完全冇諗過做回頭客。

灣仔分店服務態度非常惡劣，以這個價格唔明點解可以請d甘既質素嘅職員book左12-1:30，沙律先黎，食到臨尾有條眼睫毛，叫同事過嚟，個個後生仔佢只係”哦”左一聲，後面另外一位女士同事聽到就話唔好意思幫我換過，但我哋唔需要其實只係想餐廳留意番衞生狀況之後上既銀雪魚唔熟，不過有再整過俾我地食左幾樣嘢後，坐咗幾個字都未有嘢上，個時已經1:05分，我示意過女職員過嚟問佢d食物，佢話廚師整唔切，我有同佢講因為已經1:05分，驚1點半食唔切，因為只上左幾樣，佢話冇問題，因為係廚師整唔切食到1:40度，食完我已經立刻埋單，因為知道有第二輪客，等緊簽單時，有個講唔正廣東話嘅女職員走過來同我講話我哋已經夠鐘，我已經答佢我哋埋緊單，之後佢啲態度仲差仲話佢只不過提醒我哋就算食物質素及環境再好都不會再光顧😡

今晚同🐽🐽補祝紀念日晚餐，係無得去旅行既日子。我搵咗間鐵板燒餐廳食餐好嘅。我哋叫咗個鐵板燒二人前set,餐廳仲安排左間房比我哋，夠哂private。先來咗個主打海鮮，我地個set有澳洲龍蝦或澳洲鮑魚，北海道帶子或大蝦。我哋要咗澳洲龍蝦同北海道帶子。前菜（左上）季節沙律（右上）剌身三款有池魚、油甘魚同赤身（左下）勁厚刺身食落好有口感、仲有咁大舊冰同你keep住啲刺身既溫度夠哂新鮮。蟹肉他他（右下）由上到下有三文魚子、高糖番茄粒、中層係蟹肉、再加埋牛油果同脆卜卜既餅底。食落好有層次感，有驚喜好味道！主菜出場北海道帶子金黃色既帶子上面再加埋啲金箔同魚子醬。真係夠哂浮誇😆帶子鮮甜爽、火喉岩岩好，正呀！澳洲龍蝦🦞出場果然無選錯要澳洲龍蝦🦞肉質彈牙、爽口再配埋個龍蝦膏汁夠哂滋味。都唔洗再點鹽。美國牛肉薄燒牛肉入面包咗啲蔥同蒜片粒。外軟內脆好味呀！美國牛肉厚燒埋野菜肉質鬆軟，入口即溶岩哂我呢啲無🦷既人！板神炒飯呢個炒飯好好食啲料切到一粒粒！又入味！板神班戟呢個班戟係灣仔店先有！我哋好lucky !最後想讚下師傅，食物既火喉控制得好好，仲好nice tim同我地傾吓偈！食得開心🥳令我哋有一個愉快嘅晚上

好掛住日本！好想懷念一下日本旅行嘅感覺，所以搵咗間日式鐵板燒！睇完餐牌，點咗$2680美國牛肉鐵板燒二人前，可以揀要龍蝦或者澳洲鮑魚，大蝦或者北海道帶子，對蝦敏感嘅我都有得揀👍🏻連環食完前菜、沙律、刺身、同蟹肉牛油果他他，就同朋友傾吓偈，睇吓夜景，同睇吓師傅喺鐵板上處理我哋嘅主菜。😋特別想讚吓個刺身，有厚切吞拿，間八同深池，非常新鮮甜美！之後就到主菜鮑魚，隻鮑魚大過我隻手掌！師傅好細心咁燒同切片，燒嘅時間掌握得非常好，唔會過韌😋帶子亦都一樣，切開有汁流出，非常juicy!食埋厚薄切兩款嘅美國靚牛肉、飲埋碗麵豉湯開始有啲飽，呢個時候再送上一碗熱騰騰嘅炒飯，香味洋溢，又忍唔住食晒！估唔到連最後一道菜都非常有驚喜，甜品竟然係疏乎厘pancake！pancake超級鬆軟，又唔會唔夠熟出水，真係勁有喺日本食pancake嘅感覺！🥰食物水準同服務同個非常美麗嘅洗手間都令我有自身日本嘅感覺，食完又唔會有油煙味，我真係好鍾意呢度呀！

今日黎到灣仔既板神食鐵板燒板神有3間分店，分別位於觀塘，灣仔同銅鑼灣而灣仔係海景店，我地食鐵板燒所以坐吧台望住山景好開陽不過overall未到好驚喜特選套餐 Special Teppanyaki Lunch Set薄燒A5和牛 ($580)個set包左前菜, 沙律🥗, 大蝦🦐, 牛肉🥩跟住可以揀帶子/ 法國鵝肝/ 銀鱈魚，最後有炒野菜，炒飯同埋甜品/ 餐飲🥗前菜＆沙律前菜係雞絲秋葵，味道唔錯沙律就反而麻麻，唔夠醬汁之餘啲菜太大塊，食起上黎有啲難🦐大蝦大大隻蝦 味道正常，冇乜特別🥩牛肉牛肉有美國牛肉，澳洲和牛同A5和牛揀，亦可以揀厚燒/ 薄燒，價錢亦都有唔同今次我揀左薄燒A5和牛，因為個人唔中意厚燒大大舊肉薄燒牛包住蒜片同蔥，油脂感重，但味道唔太濃，要另外點鹽/ 醬先夠味同行朋友都有分別試左澳洲和牛厚燒同A5和牛厚燒澳洲和牛厚燒牛肉味比較重，但相對A5和牛厚燒就冇咁軟淋A5和牛厚燒油脂感重啲，但兩款都係要點鹽/ 醬先夠味🦪帶子帶子燒好左之後有淋上牛油，再係面加魚子醬，size亦都好大粒但食落冇乜帶子應有既鮮甜味，有啲失望同行朋友都有叫到鵝肝同銀鱈魚，每樣都有試到鵝肝反而有驚喜，用左迷你漢

好多年無食過鐵板燒啦，完全無晒記憶咁濟。今次同朋友一齊試下呢間係灣仔嘅板神，名符其實，質素的確不錯。我哋試嘅係二人美國牛肉套餐，價錢係$2680。愛酒之人，絕對可以加配一枝清酒，點綴一下。前菜先上嘅有三式前菜，分別係東風螺、海藻凍同蕃茄仔。味道以清淡為主。亦有一份煙三文魚野菜沙律。蟹肉他他以大量蟹肉、小龍蝦、三文魚籽同牛油果嘅配合，口感好豐富！刺身食日本嘢一定要食刺身，有三大塊味道非常得我心嘅刺身，味道清淡，口感彈牙爽口。其中以深池最為深刻！主菜有北海道帶子配魚子醬、鐵板大蝦、龍蝦、美國薄切、美國厚切。海陸嘅配合，一啖接一啖，無法忘懷！當中龍蝦特別新鮮，係鐵板上仍然垂死掙扎！而牛肉而非常不錯！最後嘅炒飯亦加添美味，而龍蝦味噌湯不腥。甜品廚師即席烹製疏乎厘，空氣感十足，完全勝於大部分嘅甜品店，畫上完美句號！

鐵板燒嘅精髓，就係可以睇住廚師係自己前面即席烹調。食材新鮮度、廚師技巧同食物質素係一覽無遺。前菜三板分別係三式小菜、煙三文魚野菜沙律同蟹肉他他。三式小菜入面嘅東風螺味道清淡、口感彈牙。蟹肉他他層次分明、豐富，蟹肉混合小龍蝦，加上牛油果同脆底，非常美味！鐵板菜式北海道帶子配魚子醬打頭陣，魚子醬帶出帶子嘅鮮味。大蝦味道濃郁，偏為咸香。龍蝦十分新鮮，口感好好好爽口，味道以鮮為主。美國牛肉薄切同厚切都好考師傅功力，薄切牛肉包住蔥同蒜，味道特別！而最後以炒飯為結尾，粒粒分明，十分惹味。最後部分侍應送上龍蝦味噌湯，將龍蝦嘅精華提取出嚟。而甜品則係即席疏乎厘，加上忌廉、蜜桃同藍莓，食得非常之飽呀！

《板神鉄板燒日本料理GodofTeppanyaki》同朋友黎到灣仔搵嘢食岩岩出咗糧就緊係食餐好啲嫁啦🎵🎶餐廳位於軒尼詩道The Hennessy 既30樓可以望到維港景撞啱今日好天氣望住藍天白雲加海景再嘆個高質鐵板燒全日好心情就由呢一餐開始😋餐廳座位闊落有分海景卡位同吧檯位我哋唔想嘥咗個景所以揀咗卡位坐Lunch Set有分好幾種由HKD3xx到HKD3xxx都有我哋就分別揀咗兩個set主菜都係揀左澳洲A5和牛朋友唔食海鮮同生嘢所以揀個淨牛肉既我就揀咗個有大蝦同鵝肝加刺身既set兩個set都會有前菜，沙律，主菜，炒飯，漬物，麵豉湯同甜品/咖啡雖然我哋係坐卡位但其實都見到師傅點樣處理我哋嘅食材整體黎講食物質數符合價錢收費環境同服務都好到位有機會會再嚟幫襯👍🏻

今晚一行8人預訂鐵板燒，冇得坐鐵板前，只能安排坐兩個卡位，1840到達，見餐牌有$780/位 或 $1180/位，分別係$780食鮑魚同大蝦而$1180食鵝肝！ 因有小朋友，分別點了4份$780及3份$1180鐵板燒套餐。點餐後不用3分鐘便上了個前菜及沙律，突然間覺得點解咁神速？！前菜賣相算唔錯但食味一般～ 煙三文魚沙律絕對係抵檔餐廳做法😬 普通沙律菜加兩片煙三文仲要冇咩沙律醬🤔之後上咗帶子及雪魚，呢兩個質素似番樣，帶子外脆內軟生熟情度好👍🏻 雪魚冇雪味唔係下價貨！呢兩味可以encore 講吓服務！由入門口到埋單，全程只係見到兩位操流利譚仔話嘅阿姐落單及端菜～ 聽到譚仔話自然冇咩服務期望，正常唔識換碟及添茶！講真俾過千蚊食個飯，唔會期望呢啲Services 🙄👎🏻 最過份係趕收工嘅速度….😤即係趕客嘅速度🤬🤬🤬之後上大蝦及龍蝦🦞，蝦有蝦味！但估唔到大蝦（一隻/人）好食過龍蝦（半份/人），記：有隻大蝦唔新鮮（霉的）, 有經驗嘅廚煎時候會分到😳 按落去有冇彈性一定知，咁都上枱要不得！🙅🏻‍♂️鵝肝到啦，一個好似馬卡龍大小嘅有色burger 包住半塊鵝肝，如果兩個餐差成4舊水，確實有啲搵笨👎🏻

鐵板燒嚟不開嘅食材都係海鮮、鵝肝、牛肉、炒飯等，調味都係鹽、黑椒為主，味道就視乎個大廚係重口味還是適中……依間鐵板燒特別之處係甜品，一人餐嘅甜品係朱古力蛋糕（因為睇到隔離嗰pair情侶），而我哋嗰個二人餐嘅甜品就係梳乎厘，西餐廳嘅梳乎厘係喺廚房焗爐焗完即刻拎出嚟，依間就係喺廚房打好麵糊後即場喺鐵板上焗梳化厘，師傅話咁樣焗係無得睇進度，只能靠經驗，仲要小心癡底，最後出嚟嘅製成品並不是慣常挺身嗰種，依個梳乎厘雖然好快下榻，但口感不比焗爐的差，讓整餐鐵板燒帶來最尾的驚喜。

板神鉄板燒日本料理灣仔軒尼詩道256號The Hennessy30樓*好友生日，揀左黎到板神鉄板燒日本料理慶祝!位於The Hennessy 30樓，居高臨下飽覽景色，店員加茶同收碟速度都好快，服務令人滿意。*前菜麵豉醬青瓜：爽脆青瓜配以鹹香麵豉醬三文魚籽配山藥：山藥香甜有營養、三文魚籽飽滿鮮味炸螃蟹：口感夠酥脆*煙三文魚沙律爽脆沙律菜配帶有獨特鹹香味煙三文魚，口感豐富。*刺身赤身：色澤紅潤，鮮味十足，入口即化深海池魚：油脂豐厚，肉質爽口又嫩滑右口魚裙邊：滑溜甘香，魚油豐富*龍蝦新鮮龍蝦肉滑嫩又Q彈，師傅特別加入蝦膏作醬汁，好甘香~*法國鵝肝口感綿密帶點紮實，入口即化，味道濃郁，滿口盡是油香。*帶子新鮮結實又彈牙，味道甘甜。*A5和牛薄燒油花豐富，口感軟嫩細緻，包住蔥花及炸蒜片，味道濃香，層次豐富。*旁邊有多款蔬菜，解膩一流。*和牛炒飯米飯粒粒分明炒得夠乾身，加入牛肉碎、蛋、蔥花、紅椒粒等配料，好有鑊氣，充滿焦香。*另有牛蒡漬、酸菜漬，好爽脆。*龍蝦湯啖啖鮮味十足，好暖胃。*甜品有焦糖多士同卷蛋，焦糖薄脆香甜可口，絕佳組合，蘋果味及抹茶味卷蛋輕柔且軟糯。

灣仔分店位於商廈入面30樓，高樓層風景唔錯，大玻璃設計，適合打卡。夏天晚上七點入座更可同時欣賞黃昏晚霞及夜景。以鐵板燒店黎計環境算大，有分區間房，私穩度高。🙆🏼‍♀️一人鉄板焼分為兩款，從餐牌看來分別主要在主菜部分。【椿】 $780 - 主菜為南非鮑魚、白鱈魚、大蝦【蓳】 $1,180 - 主菜有龍蝦、帶子、法國鵝肝一場黎到就選擇後者，食材較高級！😍仲有我最愛既龍蝦！🦞🦞🦞＊－。－。－。－。－。－。－。－。－。－＊🔘蓳•席前鉄板焼(一人前)▪️前菜 - 擺盤精緻，為今晚的盛宴打開華麗序幕，令人期待。店員建議用餐次序為：蟹凍啫喱 > 高糖蕃茄 > 澤蟹。▪️刺身 - 三款時令刺身全部為厚切。間白鮮味；金目鯛火炙味重，肉質相對偏腍；深池彈牙爽口，個人幾喜歡。▪️帶子 - 上菜碟呈珍珠形狀，珠光色閃令令，碟上附帶一粒珍珠仔裝飾好靚。北海道帶子煎到外皮焦脆，肉嫩彈牙。以少量鹽調味，配上魚子醬，非常鮮味。▪️龍蝦 - 每人一隻唔怕唔夠食。肉質Q彈滑嫩、鮮甜。原隻起肉出黎煎，啖啖肉，原汁原味。另外仲有兩隻蟹鉗仔！最後用返龍蝦膏做醬汁，味道真分濃厚，超級回味！▪️法國鵝肝 - 以迷你漢堡夾住煎香

上次已經去過呢間嘅銅鑼灣分店 今次再戰灣仔分店 豪一豪佢😋入面環鏡好靚 咁啱呢日冇再落雨 超好天🌤夜晚7點去到 都仲見到美美的藍天💙對住夜景食鐵板燒😍😍完全舒緩到工作左一日嘅心情🍢鐵板燒 (一人前) $1180前菜💚咁靚嘅器皿 入面有蟹凍啫喱、高糖番茄🍅同埋澤蟹🦀店員介紹係先食啫喱、再食番茄、最後先食蟹。蟹肉嘅啫喱真係第一次食 一夾開真係有層蟹肉喺入面 好鮮甜🥰mini澤蟹🦀脆卜卜 當咗係餐前零食🥰但仍然不乏蟹味刺身3款左 - 間八刺身 厚切 肉質鮮甜較淋 油脂分佈平均 仲有少少回味甘甜😍😍中 - 金目鯛 係炙燒咗嘅🔥咬落去最外層炙燒就脆卜卜 而金目鯛亦鮮味十足 肉質細膩右 - 深池魚 超肥美😍😍咬落口感爽口 彈牙 係3片刺身入面最愛😍🐚北海道帶子 真係用珍珠貝殼形狀嘅碟呈上帶子俾我🐚仲要有粒珍珠痴喺隻碟上面！隻碟好靚！成件事好grand✨🌟帶子好大隻 上伴有魚子醬 大廚燒得啱啱好 係好厚實嘅感覺 又有咬口又鮮甜 完美💕🦞龍蝦 蟹鉗呢個見廚師表演咗好耐🤣🤣因為龍蝦佢除咗拆肉之外 仲撩埋龍蝦嘅蝦膏出嚟 燒一輪之後再撈番落龍蝦同蟹鉗度😍😍係咪淨係用文字形容都已經覺得好吸引？😍😍😍最後所有肉

🇭🇰板神鉄板燒日本料理·呢間我之前去過佢銅鑼灣分店食yakitori 之後我個朋友仔話睇完覺得好似好好味 就再book左呢間黎食佢既鐵板燒😍😍佢灣仔呢間個景色仲靚 有落地大玻璃 一路望住個太陽落山 一路食野超有情調😙·椿度前鐵板燒(一人前) $780因為我同我個朋友仔都係比較細食既 我地見佢一人前都咁多野食 就決定淨係嗌一個set再散嗌D海鮮🤭🤭呢個決定真係超明智 因為我地最後真係食唔曬 佢超級多野食 就算我地兩個人share最後都食到超飽😍·前菜 l 季節沙律 l 刺身三款佢個前菜超得意 係有一隻細蟹仔 佢炸到超脆 好似食緊零食咁 口感好正🤤而且就算佢咁細隻 都超濃蟹味 唔錯唔錯🦀之後佢個前菜仲有個三文魚籽山芋同埋麵豉青瓜 呢兩個都ok既 不過最吸睛都係佢個擺盤😙之後佢個沙律就正正常常啦 上面有塊煙三文魚咁 都開胃既🥗之後佢個三款刺身都唔錯 佢係超級厚切 而且都幾新鮮 係個赤身一般D🤭🤭·南非鮑魚 l 白鱈魚 l 大蝦 l A5和牛薄燒之後佢呢幾個燒野都好好味 佢個鮑魚超級大隻 而且好彈牙 不過我自己覺得可以再濃味少少🤤之後佢個鱈魚煮到岩岩好 魚肉仲係好嫩 尤其係個皮燒到好脆🐟之後個

前菜: 菠菜、生蒜、蟹膏蟹肉豆腐，由淡味食到濃味。雞肉沙律，原本以為都係一個普通嘅沙律前菜，但原來堅果沙律醬先係重點，超香嘅堅果味！刺身3食，每款都好厚身，新鮮。鉄板燒: 南非鮑魚，鮮甜得嚟唔會乾，仲帶點鹹香。白鱈魚，燒到皮脆肉嫩，無骨嘅白鱈魚真係啖啖肉，好滿足！車海老，比手臂仲長！蝦肉爽口鮮甜，仲有好多蝦膏添！A5和牛薄燒，可因應個人而挑選熟度，我哋叫咗三成熟，配炸蒜片同香蔥，捲埋一齊食口感同油香特別豐富！牛肉炒飯，加入高級牛肉碎，炒至粒粒分明！甜品，奶凍奶味重，為全餐畫上完美句號。