樂農 (已結業)

以前經常來食的食齋好地方,因我工作在灣仔區,故此差不多一星期總有兩三晚在此開餐,而最常叫是招牌流沙湯餃,真的很不錯, 還有南乳齋煲,的確好足料,味道香而不膩,重有那個香煎蓮藕餅,有口感得嚟,又足夠大件,另外又有咕嚕竹,食落仿似真咕嚕肉,正正正! 早前再去時稱大裝修,約在7月尾左右,裝到9月頭,今日再來時,食物依舊,但原來人面全非,經理及大厨都換了人,沒有了以往歡樂的氣氛, 只有講一句,可惜,可惜~~~~

已經第二次來樂農吃飯。經歷整個八月的休息，我們終於可以再來幫襯。以前我不愛素食，除了是作為一隻食肉獸外，更重要的是傳統素食以油炸或濃味為主。但樂農的素食兼顧健康，少油鹽和有機，如果在附近上班，著實是午餐的好選擇；而這類健康素食，不單在灣仔，即使在香港也是鳯毛麟角。加上社會企業，使我一再上門幫襯。十二點上去，餐廳還是靜悄悄的，我們差點以為店舖還未開；但半小時後，餐廳裡已是車水馬龍；雖然人多，還未致於滿座，樓面大概有五個侍應，其中四人都是聾啞人士。幸好他們久經訓練，點菜上菜也沒有問題；我說要咖啡時，他們甚至可以說出「咖啡」兩字，可見是唇語練得純熟之故。傳統素菜館最愛以罐頭菠蘿作前菜奉客，但這裡則是水煮粗糧：粟米、蕃薯、南瓜，其中M君至愛的水煮花生，不加調味更見果實本身的獨特味道。雙餃：是金沙餃和雲耳餃。金沙餃其實是薯仔煲爛，混蕃茄而成的餡料。蕃茄味甜，配上薯仔的澱粉恰到好處。看似簡單，但其實別出心裁。對於我這個比較不喜歡太多餡料的人來說，是一大喜訊。雲耳餃的餡料比較豐富，雲耳爽口，中間有胡蘿白絲，薑味亦重，驅寒倒是甚佳。後面是冬菇西蘭花。獻汁較濃味，讓人感覺蠻HEAVY；份量很多，冬菇炆得

6-7-2011(Wed)繼續o係灣仔做o野,約同男友出o黎食飯,我o地再次o黎呢o度,o黎到都有8成滿,我o地坐低後,至知o係收銀o度填表揀$42.00o既三餸飯餐,要飲品就加$8.00,好貴喎.我同男友都揀晒六個餸,有五香麵餅,咖哩茄薯雜菜,椒鹽脆豆腐,南乳炆齋,青瓜粉絲同時菜.而一碗飯內原來有糙米,重有一碗湯.先飲湯,係雪耳煲雜豆.呢個冇味精,唔錯.而餸呢,五香麵餅其實係五香齋,佢就最濃味;咖哩茄薯雜菜,茄係毛茄同茄子,薯仔夠腍,呢個食到辣味;椒鹽脆豆腐最遜色,因為唔惹味之餘亦唔脆;南乳炆齋一般冇問題;青瓜粉絲有啲怪味,似西芹味,男友話落o左薑,呢個麻麻;而時菜呢,我o地唔知係咩菜,但清得o黎好食.環境:其實都幾迫.服務:由於男友要搬o野,所以有個手拉車仔,職員見到主動幫我o地keep起,呢黠唔錯.

朋友介紹一起來食，好可愛又簡單的裝修，服務也幾好。兩個人點佐冷盤雙拼，蓮藕餅，餃子，咕嚕支竹，紅棗茶。餃子就一般了，其他都ok，不過要特別推薦咕嚕支竹，真系好好味阿，中意食支竹如我的人一定要試，醬汁味道同咕嚕肉好似，支竹咬落去軟硬適中，仲入晒味tim.好好味阿。不過位置比較逼，兩次去都好多人，價錢也唔算便。

同朋友慶祝生日，其中一個食素嘅朋友搵咗呢間試下……呢間素菜店請咗有聽講障礙嘅人當侍應，佢哋態度都唔錯，亦都唔會因為咁而影響order服務。叫咗最出名嘅流沙餃，講真真係有 d 期望，因為好多人都話好食，仲話係呢度嘅招牌菜，但我個人就好唔鍾意果種蕃茄味，質感也怪怪哋。羅漢齋煲個南乳味其實幾香，但好似有小小濃咗嘅味。三絲炒米粉同沙葛炒 xx (唔記得) 都普通啦。比較好味係炸嘢，火喉唔錯，炸得香，但又唔會好多油。最正係個芋頭魚，其次係炸春卷，但春卷皮略厚。係一餐中規中矩嘅店。最特別係有朋友生日，訂檯時訂埋壽包，最後壽包係送嘅，生日朋友個壽包仲會特別大。除此之外，店長特意教我哋做手語唱生日歌，雖然感到有小小尷尷，但店長用心教我哋，我哋都有跟住做。

21-5-2011(Sat)同男友出席男友人LKH筳開4圍o既壽宴,菜單由佢大女請相熟o既樂農發板,有:1. 五福臨門五福臨門有中間o既燒粟米,大豆芽菜,苦瓜,涼伴粉皮同西芹,當中最好食o既係燒粟米,調味應該係日本燒汁o個類,甜甜o地o既.涼伴粉皮夠凍夠爽,麻醬同芝麻味夠濃.苦瓜味道好甘,另外兩樣都冇乜問題.2. 秋葵雙耳淋o左好多芝麻o係面,同樣勁芝麻味.秋葵亦即係毛茄,內裡有潺口感都爽,而黑木耳同雪耳都冇問題.3. 香脆芋蓉餅呢個無論外表同口感都唔油膩,內裡芋蓉味道唔算好夠,可能o衣o家未當糙o掛.而芋蓉餅o既汁就超好味,女友人R更留低佢自用.4. 生煎蓮藕餅每個都做得薄薄,食落,唔覺有蓮藕o既?應該係剁得太碎吧,而可幸冇食粉o既應覺,因為都有好多蘿蔔絲.5. 流沙湯餃內裡亦有好多芝麻,湯汁清清o地,皮薄,舖底o既係莧菜.6. 梅菜蒸餃呢個冇問特別.7. 南乳炆齋煲有雲耳,腐竹,蘿蔔同粉絲.呢個南乳味唔多夠,好清o既一道菜.8. 咕嚕鮮竹唔記得睇菜牌時,睇唔出係咩o黎,咬開後都唔知係乜,女友人M問係咪魚?我都唔確定,要睇返菜牌至知.呢個酸甜汁煮得好味,正.9. 焗咕嚕咕菇唔明點解個

去演藝學院看Drama前，先約好友晚飯相聚。生病的我被逼收心養性，暫時忘記大魚大肉，今餐改為清淡一點。老友介紹我到這間素食店，它是一所社會企業，為聽障人士提供就業機會。店子位於樓上舖，面積不算太大。裝修以綠色為主，配合素食的主題。晚上六時多到來，可以即時入座。後來發現不少桌子經已留座，若要光顧還是預早訂枱為妙。侍應見我拿著個大袋，特別給我一張圓櫈擺放，果然是照顧周到。雖然服務我們的是聽障人士，但溝通完全沒有困難，而且覺得他們工作勤快，經常留意客人需要，值得鼓勵。言歸正傳，今次點了兩個菜式，分別是流沙湯餃，以及芋粒南瓜焗飯。後者需要製作三十分鐘，見時間許可便即管一試。流沙餃的餡料有別於坊間所見，是意想不到的蕃茄和薯仔，頗有創意。餃子的外皮偏厚，餡料則酸酸甜甜，我覺得味道可再強烈一點。最敗筆是湯底，胡椒粉味過重，而且油份極多，破壞了整道菜式。以味道品評，這只是平平的作品。另一道芋粒南瓜焗飯卻教人驚喜萬分。焗飯送上時還在冒煙，夠晒熱辣辣。飯面鋪上一層白汁，還加了些芝士粉，非常香噴噴。炒飯底夠乾身，配合芋粒、南瓜粒、西蘭花等，恰到好處。真想不到素食也令我吃得舔舔脷。曾經幫襯不少社企食肆，論食物

20.4.2011很感激朋友們記得我的生日, 並說要與我吃生日飯. 他們知我善於找一些特別的餐廳, 所以就叫我自己找慶祝生日飯的餐廳. 本來想去UCC, 但原來是不可訂位的, 所以我就要找另一間可以訂位+地點方便+價錢實惠+食物好味的餐廳. 找了一晚, 突然找到我在三月時看過食評的樂農, 從食評中已經知道這是一間幫助聽障人士就業的社企, 所以都有興趣找個機會去試試. 於是, 當我告知其中一個朋友我選擇這間餐廳後, 我就立即去訂位了. 唉, 其實要自己為自己生日飯揀地點, 訂位和通知他們訂枱資料, 真的覺得怪怪的, 總覺得是迫他們與我慶祝生日似的. 但當我想深一層, 他們六個都是放工後趕過來的, 如果是無心與我慶祝, 就不會犧牲休息時間與我吃飯吧. 之前已告訴了朋友們這是素食的社企餐廳, 朋友們對食物沒有特別要求, 於是由我來點菜: 白灼時菜我們要了西生菜, 是有機的, 口感清爽, 鮮美. 香煎芋容餅外層好香好脆, 內層好熱, 芋容好腍, 軟棉棉的, 質感好像護膚品的cream一樣, 好感好正 芋粒南瓜焗飯飯內有芋粒, 南瓜粒和西蘭花, 這個焗飯落了糊椒粉, 所以有點辣. 這個飯焗得

原本見這裡頗出名, 就在星期六的晚上一試.但實在令人失望.裝潢不算吸引, 食物質素亦然, 但只是一客8隻的招牌流沙餃也要盛惠40. 還要茶錢10元. 而且味道只是一般, 還要是招牌菜.另外晚上給人的感覺是只招呼人多的一群, 晚上所有套餐欠奉, 逼人 a la carte, 要不是人多有得share實在很難負擔, 每款菜式要40以上, 就算是社企也不應收這價錢吧??最不忿是, 人家7-8人可送免費特式甜品, 每桌像我一支弓或二人世界的, 就什麼都無. 要是晚上只服侍大客仔的話, 那麼就不應安排座位給我們, 乾脆說沒座位好了. 這樣的質素我下次都不會再去. 要食素食, 做善事也有很多選擇. 我寧可到功德林大吃一頓然後再捐款到救世軍.

之前見過電視介紹已經想嚟試下，趁今日同朋友仔去婚紗展買餅咭就順路試下啦～去到已經接近九點嘞，不過仍然要等位喎，好彩都只係等左十五分鐘，期間職員向我地介紹公平貿易貨品，俾左ｄ朱古力同曲奇我地試食，最後買左一罐可可粉以示支持．好啦，終於有位嘞．．．我地叫左例湯，煎梅菜餃（蕃茄流沙餃沽清！），秋葵雙耳，咕嚕古菇例湯係木瓜湯，見唔到木瓜亦飲唔到木瓜味，不過仍然有一種瓜果類嘅清甜煎梅菜餃相當爽口，不過唔係好覺梅菜味秋葵雙耳有好多芝麻，碟頭亦頗大，ｏｋ朋友仔因為鍾意食菇，而本人亦對酸甜的小菜有偏好，所以叫左咕嚕古菇，豈料到上菜的時候，至發現原來係鍚紙焗巨形冬菇同什菇．．．點知，到埋單嘅時候至發現原來呢個巨菇要 $2xx一碟喎，其實叫嘢食時我地冇諗過會有ｄ咁嘅價位嘅小菜ｇａ，　下次都係要睇清楚價錢嘞...

友人介紹來到樂農，名字不花巧，已給足夠的空間在期望之內，服務員大多是說話和聽力障礙，店內收益亦會作慈善用途！但可以告訴你，服務跟正常食市沒兩樣，甚至水準不錯。跟老闆一個短短交流在供應飲料的立場下，喜歡他的堅持，純供應健康飲食是他的忠旨！食物一樣做得出色，沒像一般素菜;這裡不多油又有特色。來個估魯千層番茄薯仔餃子，醬爆上海粗麵全部都好好味，沒有半分水氣而令你覺在茹素！這家食店是我這期極力推食市，再謝友人介紹：）！

同家姐去演藝學院睇話劇，之前就黎咗呢度試新菜。一早知道樂農係社企，為弱聽人士提供就業機會，便打算來這裡表演一下我的手語。　大概六時半來到，已經坐無虛席，我們就坐在對窗的自閉位那裡。原來這裡的侍應並非全部弱聽人士，穿黑色制服的WAITER是健聽的，負責落單的居多，而穿綠衣的WAITER才是弱聽人士，多數是負責收碗或上菜的工作。話雖如此，當我途中有需要的時候，綠衣WAITER也是毫無懼色的走上來「看」我有什麼需要，當然我們溝通不會有問題啦！是時間看看有什麼吃。家姐很讚賞這個雲耳什麼什麼的例湯，但對我來說只有濃烈的中藥味......流沙餃分了不同的味道，其中我比較喜歡蕃茄薯仔餃，他們煲爛薯仔作流沙餡，吃來不膩而且很清甜！三絲炒米則略遜，油太多了，而且我不喜歡紅椒青椒，可以不點．桂花糕沒有外面的做得清瑩剔透，看上去有點混濁的樣子．但一吃之下，驚為天人！它沒有外面如大菜糕般爽口，卻是黏黏靭靭的有口感；而桂花的香味非常濃郁，很少吃到如此美味的桂花糕呢！原本還叫了南瓜餅，可惜已經售完了。下次一定要來試。我出了名是食肉獸，但這家素菜館著實得我歡心。它沒有舊式素菜的肥膩或「扮肉」，既提倡有機健康，而且還

9-3-2011一直對呢度的流沙餃好有興趣, 但是日上到嚟先知原來 lunch hour 只供應 3 餸飯餐 ($40), 不過既來之則安之吧, 難得近 1:20pm 嚟到仲有大把位.飯餐的 3 out of 6 款餸揀了南乳炆齋, 鹵水豆腐及咕嚕竹:-南乳炆齋: 有雲耳, 豆卜, 紅蘿蔔, 銀杏 etc, 煮得腍身入味, 雖然南乳汁質地有點 gooey, 南乳味亦比預期淡, 不過係好「住家」的味道又幾好送飯, 清碟無難度的.鹵水豆腐: 幾硬身, 食落稍嚡, 不過鹵得入味之餘又滿有豆香, 幾好食的.咕嚕竹: 即咕嚕汁配炸過的千層腐皮, 食落唔脆, 不過亦唔會硬, 咕嚕汁的酸甜味平衡得宜, 效果不錯的; 其他配料仲有菠蘿, (罐頭)蜜桃及黃椒 ( ), 前兩者配咕嚕汁同吃好酸吓 , 後者就無食了.亞麻籽糙米飯: 就咁食一啖其實幾有米香, 亦唔會太乾 / 濕; 份量就真係大了 d, 明明 3 樣餸都咁好送飯, 我都食唔晒 d 飯, 早知叫「少飯」啦.例湯就係眉豆 + 佛手果 (?), 火喉十足, 味道清潤,「屋企」feel 得很, 正. 食物清淡住家得來味道又不錯, 環境衛生亦好

大家對一些社會企業模式經營的餐廳,給予評價也較為寬鬆,味道不行也不給予喊面,完全是出自同情心,如果照直說,恐怕會被人罵沒有愛心了.位於灣仔修頓球場,永華樓上的樂農,正好是社企經營的素食館,聽說幕後功臣是曾志偉先生.而此店與長沙灣優閒堡不同之處,是前者僱用智障人仕,樂農是僱用聽障人當員工.晚上生意好到不得了,我們八個人一早訂了檯當然沒有問題,眼見當晚很多沒有訂位的食客前來,全部打回頭.可見這間素食店的確受大家歡迎,我最欣賞其中之一個地方,是菜單上的菜式名字,沒有"掛羊頭賣狗肉"之流,沒有素鵝素雞,在外面稱之為"五柳仙斑",樂農內的名字叫"香煎芙蓉餅".夠老實.餃子有兩款,一個是招牌流沙餃,另一個是懷舊梅菜餃.食法可分煎和放湯上,流沙餃的材料是番茄薯仔,味道酸酸甜甜,果然帶有流沙效果,感覺豐厚.而梅菜餃味道則較為香甜,吃罷湯餃和煎餃之後,還是放湯的效果比煎好一點.是日例湯為羅漢果湯,只賣$9一盅,比外面涼茶舖喝一口涼茶更便宜,羅漢果湯味道甘中帶甜,感覺溫和舒暢.香煎芙蓉餅做得香口,芋茸甘香而不算太膩,少食多滋味.南乳齋煲充滿南乳的濃香,材料足,炆得入味,但感覺上阿鴻小吃做得更好.這一道梅菜

睇報道得知餐廳背景希望香港可以有多D咁既類型餐廳啦 促進社區和諧流沙餃幾特別! 用蕃茄同薯仔 (本身味道已經好夾既食材)不過個湯略嫌胡椒粉味太重健康炒飯 都幾多料 有提子乾 腰果碎等等 唔油! 秋葵雙耳 好多芝麻 幾爽口不過個汁稍為多左 食多最後好似好多油咁順帶一題茶位$10 一個人 再加一真係略貴如果可以平D就好