正宗上海生煎皇 (已結業)

晚飯時間，座無虛席但流轉快，因此有位不用等。不少坐下來吃飯的都是外國人，也不斷有人叫外賣。於銅鑼灣吃晚飯只需五十大元算是平了，加上網上很多好的食評，想必是人流多的原因。點了生煎包和菜飯，無論是賣相和味道都令人十分失望。餐牌（晚飯時間）上海生煎包（兩個）$18吃過不少上海生煎包，這次是最失望的一次！由於個包細細個，比起一般細，加上皮太厚，肉少，不夠熱，湯汁少，底部個皮太厚又硬，實在不好吃。 我見到連隔離枱的外國家庭都只食裡面舊肉，放棄吃個包。京汁茄子菜飯$41茄子好油好乾，不入味。菜飯只見一點點的乾了茶葉大小的菜在面，沒有菜飯味。米的質素不高，很碎。茄子D皮好硬，吃不下。上海厚切炸排骨菜飯$46「炸排骨」沒有炸的香脆，成舊肉都是軟淋淋的。所有「排骨」也冇骨。味道像不咸又不甜沒有叉燒味的叉燒。肉的顏色較深，整體感覺不太新鮮。菜飯的賣相令人意外。飯裡超級少菜，也沒有菜味，反而有種莫名其妙的似舊茶葉味，我不禁看看餐牌多一次，是寫著「菜飯」的啊～總結，食物質素、賣相、味道是怎樣，幫襯過的顧客會知道，口碑亦會因此形成。雖然店員有禮，但要有質素的食物才能挽留回頭客。

6點多,不用等位叫左2隻生煎包皮太厚,唔夠熱,肉汁又唔夠口水雞不是傳統既口水雞味,只得麻辣味,雞就都做到滑既感覺四川擔擔麵唔重花生醬味,只得麻辣味,麵質鞋左D糖醋排骨好味! 都夠酸,夠味,份量都唔少,都有7-8細舊所以野食都十分快就送到台

環境一般，坐位預咗窄，有紙仔俾客落單，選擇多。第一次試，落單後好快就到咗生煎包同小籠包先，兩樣都好新鮮多汁，好食過好多上海舖頭。炒年糕同蒜蓉青瓜海蜇都好好食，只係個醉雞真係麻麻，雞肉梅梅地同一啲酒味都無，同埋個茄子勁多油。下次淨係食生煎同小籠包得架啦

食物 好味 買相都靚 但個四眼女阿姐 態度好差 兩人入座 4人枱 枱面有兩份落單紙 我朋友揸住筆點緊菜 我睇緊另一份 佢係背後一手搶了我朋友份單 拋過隔離位 話兩個人睇一份得啦 😨 吓？ 我地劃緊倡 佢放返底 😒 之後有一位入坐 叫人搭枱 但有其他枱冇人 那客人 坐了隔一張枱 佢好大聲話我朋友 咁大個袋 阻住人點坐入去呀 😨 附近D客人已望住佢攪錯 我朋友只是將一個普通tote bag 放身邊那張櫈 會唔會太過份 再入客人入去 兩位 坐對面張吉枱 妙人話人坐四人枱 又不停鬧其他伙記唔執枱 未食完已經想走 依個環境 就算食物幾好 地方幾乾淨都冇用 完全覺得討厭 請依間飯店 好好檢討一下 冇誇張 全部客人都睇到聽到 一肚氣離開 我們叫了粗炒 生煎包 及五色粉皮 都好味的 至於價錢都偏貴 粗炒要七十幾蚊 但只有兩片薄肉片 而生煎包要九蚊

今日自己一個人落銅鑼灣行街，平時經過登龍街嘅呢間上海菜都特別多人排隊，今日lunch見冇乜人就入去試吓啦。入到去所有服務員都非常有禮貌，如果唔係酒店或者係五星級嘅餐廳我相信呢一種咁有熱誠嘅態度已經係實屬少見，非常值得一讚我自己叫咗一個set，包括一個雪菜肉絲炒年糕，一個酸辣湯同埋嚟得呢度又點可以唔試佢哋嘅小籠包。小籠包多肉汁，又夠熱，比起好多食上海菜嘅地方佢哋算幾出色酸辣湯味道不過不失，但勝在夠足料，啖啖擺落口都會食到有料年糕相反，我就叫左一個比較清淡一啲嘅，所以呢個冇乜特別但都係預期之內。最後總結我覺得用呢個價錢食到晒三樣嘢，其實係超抵食!!不過如果以一人份量來講，就實在太多，下次可以同朋友過嚟一齊食唔使浪費啲嘢

銅鑼灣登龍街對我黎講係我嘅"Go-To"地方，銅鑼灣雖然大，但係同啲朋友去黎去去都係個幾到，今次就試下上海生煎皇啦！每一次見到都好想食，但係啲朋友總係喜歡食其他日本野。。。一行入去登龍街已經見到大大個"上海生煎皇"招牌啦，星期四七點幾，門口都係有條小人龍，大約等左十分鐘剩左右就有位啦。店面唔算大，有十唥張枱到，服務員有大約6-7個到，都做到唔停手架！我地兩個女仔唔係太肚餓（要留肚食甜品：P），所以無嗌飯同麵個啲；上海生煎包兩個（＄18），灌湯小籠包四個（＄34），糖醋排骨（＄38），上海菜肉雲吞六個（＄35）同埋一杯凍豆漿（＄12）。黎上海生煎皇點小得上海生煎包呢！！一黎到已經聞到好香，咬開一小口就感覺到入面啲汁流出黎啦，本身諗住趁熱飲埋生煎包入面啲汁嘅，但係真係會辣到個口架，所以大家要小心呀！我最後都係放棄，倒啲汁係匙羹到再飲就算啦。啲汁好似精華咁，好有鮮味，食一粒其實真係唔夠喉，但係佢哋上菜好快，食完生煎包話咁快已經黎哂啲野啦。灌湯小籠包亦都出色，一咬開啲汁即刻流出黎，連埋佢地一早係枱面準備好嘅醋，可以平衡番個味。佢哋亦都好細心，係枱角有指示教大家點食架！ 糖醋排骨以為會係好小肉，

見到餐廳個名都知，依度既招牌菜係生煎包！😎 我同朋友8點幾黎到，出面仲有唔少人等位。門口有塊大玻璃，可以見到師傅即場製作，令我地好期待😛入去坐低，見到枱面貼左張「生煎四步曲」🤔🤔 原來食生煎包都有guidelines要follow!? 首先，用誠懇敬畏嘅心欣賞下。好！之後，品嚐生煎包前要咬開包頂，最後先可以開懷大吃😆 (哈哈，我睇完指示，都未食第一啖既時候，我朋友已經不客氣地KO了一個🙈🙈)講返味道，一咬開已經有煙出，熱辣辣！食落有好香既肉味，而且多汁😋 每人兩個，份量啱啱好！我地仲叫左小籠包，同回鍋肉粗炒！小籠包一樣好好味，亦都係好多汁的！至於粗炒就好惹味，配菜有好多，好足料。雖然佢比較油，但其實如果冇油，又炒唔出依種風味😂😂

一般藝人攪食店俾我的印象係阿茂整餅，遲早執笠。我本住執笠前一試無防的心態，lunch去左試這間食店。食物生煎包：我跟餐叫左兩個，外面有芝麻和蔥，夠香惹味，而且外型討好。生煎包個底煎得夠火喉， 皮脆而且金黃，功夫了得，水準之作。咬落易入口，肉香而多汁，質素估唔到很高。四季豆回鍋肉菜飯：好多人以為回鍋肉係食佢個「 辣」，其實回鍋肉係食佢個「甜」。這間店就做到了，我相信佢地真係有下過功夫瞭解食物的不同製法，值得一讚豆漿：我欣賞佢不是太水，而且不是太甜，適合一般人飲用。價格：銅鑼灣午餐只係六十蚊，加上高質素食物，你自己話抵唔抵？服務：我不得不讚該店的認真服務態度，店員工作投入積極，因為我坐近收銀，我聽到佢地接電話外賣係好有禮貌，處理門口外賣亦非常用心。此外，最少有兩位店員曾經提我湯汁好熱，小心燙口。真的！忠言逆耳，我燙到想爆粗 改善：因為我係較傳統的人，如果枱面能放上牙櫼讓我隨便使用，甘就 Very good 嘞總結：我承認我大錯特錯。在此，我希望這食店長做長有，開多啲分店就好嘞

識我既朋友都知我好中意食小籠包，每次去酒樓都必點😎 今次同朋友黎銅鑼灣食上海野，當然都要試下！依間餐廳叫上海生煎皇，其實最出名應該係生煎包，不過我目標唔係佢😂😂，所以都係食返我既最愛：灌湯小籠包，同試下特別d既芝士鮮肉小籠包！1⃣灌湯小籠包咬開佢既外皮，好薄，已經見到入面有好多湯汁😍 再咬大啖d，入面既湯汁標哂出黎！😂食第二個既時候，我仲同男朋友講，會小心d食，點知同樣情況又再發生🙊哈哈證明佢真係超級多汁！😆2⃣芝士鮮肉小籠包依款相對黎講冇咁多湯汁，但好香芝士味，混入豬肉餡，口感幾特別，係好味既！👍🏻3⃣雞絲伴麵一向都中意依個菜式，佢d雞肉好滑，配合埋麵條、青瓜絲、同不可缺少既芝麻醬😌 好味好味！下次要試埋生煎包🤓 依度食野價錢唔貴，食物種類多，我會再黎幫襯既！

早前同朋友行開銅鑼灣，因為我放工放得比較遲，又未食lunch。四圍逛嘅時候，突然間覺得好肚餓。就同朋友入咗上海生煎王食少少嘢。既然叫上海生煎皇，咁就梗係要試吓佢既上海生煎包。佢張枱上面寫咗「生煎四步曲」。佢既生煎包究竟係咪真係有咁特別到可以欣賞？😅佢嘅上海生煎包外表看起來其實都幾普通，不過原來反轉之後，後面又煎得幾脆。生煎包咬開之後，的確有好多汁。味道都唔錯嘅。另外佢嘅小籠包，就普通啲，冇生煎包咁出色。不過佢既皮都唔會太厚。裏面餡料都一樣有肉味同肉汁，雖然普通，但係都OK！

第一次光顧 店員服務好差 冇笑容 冇禮貌 特別是收銀員的服務態度 感覺好受氣 本人不是來食免費歺 不是乞食 有俾錢架 態度如此差 食物就算幾好食也沒有用 服務咁差 以後不會再光顧 對這間生煎包皇好失望

晚上八時，想吃的餐廳都大排長龍，於是隨便挑了一間餐館。等候了大約五分鐘就入座了。餐廳不算大，但看下去整潔有序。以二人和四人座位為主，坐得尚算舒適，翻桌率很高呢！餐單選擇有招牌包子、前菜、小食、熱炒和湯麵等。價位中等，怪不得生意那麼火旺了！⭐️上海生煎包（4個）$35來這裡一定要試試這客生煎包，端上包子後，店員細心一定要小心燙。咬一口，幸好沒有很燙，湯汁滿溢，內餡肉質飽滿，底層煎得香脆，如果包子皮更薄一點就完美了！⭐️芝士鮮肉小籠包（4個）$36小籠包跟平常吃的差不多，特別之處在於在小籠包上點綴一塊芝士，芝士味道跟包子意外的搭配，令包子添了鹹香風味，口味相對特別。⭐️涼伴青瓜海蜇$30我最喜歡吃海蜇了！可惜份量不算多，海蜇和青瓜新鮮爽脆，還有蒜末，味道香濃。⭐️糖醋排骨菜飯$49糖醋排骨的醋味醇厚帶香，我很喜歡。咬一口，排骨吸滿醬汁，入口酸甜，肉質鬆化，配一口菜飯，吃得很滿足呢！⭐️白灼蠔油菜心$25最近少吃菜，所以點了一碟菜，菜心新鮮爽甜，不錯。▪️份量剛剛好，兩個人吃剛剛好。偶爾吃一吃包子和小菜，也挺滿足！

夜晚放工係銅鑼灣食飯，我一直鍾意食餃子生煎包，今晚決定同朋友食生煎包。餐廳細細間，生意唔錯。望一望餐牌，以為全部都係生煎包，原來仲有小菜同麵，唔驚食唔飽啦。餐牌有介紹點食生煎包。一場黎到，一定要試下生煎包和小籠包。生煎包真係好多汁，一咬落去，汁就噴出黎！小籠包就啖啖肉，而且芝士味都幾突出，鍾意食芝士就可以試一試，我就鍾意原味多D。再叫多個糖醋排骨菜飯同朋友分黎食，估不到係菜飯，我鍾意菜飯，飯就乾左D配飯食就啱啱好。

哩間咁出名既生煎包，好多年前係旺角食過原來依家已經有幾間分店喇過年前去登龍街做facial，經過就食少少野先去做facial門口有幾個排緊隊，等左十分鐘左右分別嗌左生煎包，蟹粉小籠包，雞絲粉皮食生煎包真係要非常小心裡面既熱湯第一啖唔為意就辣親左喇😫😫但真係幾好味，外皮脆卜卜，裡面湯滿是肉的精華蟹粉小籠包即叫即蒸就要等耐d蟹粉味道適中，佢既肉味比較濃所以都係食到肉味較多，都算不錯比起出面一般小籠包更皮薄餡靚值得一試！午市套餐有飯有麵，下次lunch可來試試

之前好似係電視見過呢一間店，搞到我好想食，今次趁放假就特登去咗銅鑼灣登龍街食。上海生煎包見到個個都點呢間鋪最出名嘅生煎包，我當然都要叫一份，每一份都熱辣辣。枱上面仲貼咗張紙，教你點樣食呢個生煎包。生煎包皮薄，餡多，冬天食落好暖身。灌湯小籠包好正，呢個係我好鐘意食。好多湯汁，要小心用匙羹不。湯汁好鮮甜，仲可以配上薑同醋，更加突顯小籠包嘅味道，又想去食了。醉雞醉雞有酒香嘅味，每舊都食到酒味，但可能雞切得大舊，食多幾口，味道就較淡。