正宗上海生煎皇 (已結業)

天寒地凍的一晚，係銅鑼灣行完街，走入咗一間知名生煎包連鎖店，食咗熱辣辣既生煎包同小菜，果然食物質素同名氣都相符！「蔥爆羊肉」陪「菜飯」呢味菜鑊氣十足，色香味俱全！羊肉份量好夠送飯，少少羊騷但好香口。雖然切得薄但每塊羊肉的大小都好大，有半隻至全隻手掌心咁大，絕對足夠一個大男人或兩個女仔食！另外大蔥都好香好入味，同羊肉炒埋互相輝映十分惹味，足見廚房大廚的功架！菜飯亦都好上海風味，滿滿的一大碗飯夾雜著切碎了的白菜仔，嫩嫩地好清新，伴飯可以中和番一大碟肉的罪惡感！最重要係叫小菜加$6蚊就可以配一碗菜飯，簡直平靚正！「蟹粉小籠包」上海菜點少得小籠包？！今晚咁凍所以就豪d叫了蟹粉小籠包。餡料有豬肉、蟹肉、蟹膏等，材料、份量都絕無呃秤！夾一個上手，可以見到薄薄包皮內充滿肉汁，但完全鎖得著係包內無穿無漏。我完全無落薑醋，因為個包的鮮味已經好足夠，而且細心品嚐仲食到整塊蟹肉！簡直比好多大酒樓食到的蟹粉小籠包更高水準！凍豆漿

今日下午3點幾來吃。一個人入去諗住行入店中間空位坐,有個呀姐話: 小姐幾多位呀? 一位坐尼度啦(指住門口位)。我已經朝門口位行緊,佢仲要講一句:你仲想行去邊呀? 之後企係門口位 係咁叫我坐入去。 當時右面有客坐,左面就係呀姐企係度,得一條好窄既路,死要我行入去。 我同呀姐講:我諗住等你行開左先入姐。佢仲要駁我:我未行得呀。我仲要收隔離d野。頂~~你一係快快手收晒d野 讓開條路啦。坐門口位 唔係問題。好聲好氣叫我坐咪得囉。一入去已經要受氣。。肚餓食碗麵姐。。宜家飽晒啦。成肚氣!!!!

今日行經銅鑼灣，天寒地凍搵左間熱食既餐廳，食上海菜既等左一陣，就有位了首先，叫左個招牌上海生煎包，四個上菜速度超級快生煎包熱辣辣，底煎得好香口配上少少蔥花，黑芝麻賣相相當吸引一咬。肉汁非常多肉質又滑食既時候，要咬細細啖先否則肉汁會彈到隔離😅😅另外，叫左個酸辣麵味道唔算好辣材料非常豐富，有筍，木耳絲，肉絲等等湯唔會好杰，剛剛好而且麵既份量超級多冬天食完好暖，啱哂餐廳晚餐坐滿哂人果然好受歡迎自己點菜，選擇多多下次會試埋前菜，小食

早排試過有報章比較全港數間上海生煎包舖邊間好食，印象中好似依間叫正宗上海生煎皇既評價幾好，所以就同埋朋友專程黎試試我地黎既時間尚算早，所以兩個人都即刻有位，但其實舖面不大，時間雖然早但都已經係六成入座率啦餐牌只此一頁，價錢係依個地段黎講算平，我地諗左陣就決定食依幾味咁凍既天時就叫杯熱豆漿飲，帶點甜，味道唔錯主角生煎包到就咁睇同一隻圓既餃子差唔多，但夾起感覺個皮厚小小，而個包底係煎脆左起黎，硬身小小一咬落真係唔嘢小啲汁成條水柱咁射出黎所以食既時候要小心啲，但佢真係好好味個皮雖然厚，但好易咬開而且好有口感，入面既湯亦好飲味濃，最後配埋內裡既肉一齊放入口，口內香氣四溢食上海嘢一定唔少得既小籠包亦做得不錯，皮薄肉嫩，入面亦幾多湯汁，好食想搵番啲香口嘢食下，就叫左依碟口水雞，同出面食開主要落紅辣椒油既不同，佢都落幾多蒜下，真係算辣，對於幾鍾意食辣同幾食得辣既我黎講都覺得幾好食，而佢既雞味都無俾辣汁蓋過，不錯想飽肚啲就叫多碗炸醬麵食賣相不錯，食落味道同平時果啲有少少唔同，偏甜既撈一撈佢先食會更好店舖入面貼滿既報導

今日收工又約左friend行銅鑼灣times square兩個晏晝都食得太飽行到8點幾都唔肚餓但又想食少少野就去左登龍街既正宗上海生煎皇食野去到都幾多人排隊架不過條隊move得好快等左唔洗10分鐘就可以入去叫左蟹粉小籠包、雞絲粉皮同菜肉雲吞粉皮爽口彈牙加埋個醬真係好好食！雞肉唔係稔到一pat pat個隻食落都好爽口食完好開胃菜肉雲吞好大粒係我最鐘意既白菜豬肉個皮又簿仲有幾條菜做底正重頭戲 蟹粉小籠包入面好juicy大家咬開既時候要小心第一啖已經食到蟹粉既味道好正好想食生煎包但真係太飽所以冇叫到下次黎一定要食到枱面仲好貼心 提大家食生煎包既steps同樣適用於小籠包

係銅鑼灣登龍街的正宗上海生煎皇，係個CWB必食嘅餐廳. 每到放工時候或者假日都好多人食，今次約咗朋友係附近食飯, 經過此店時被其他人手上拎住嘅生煎包所吸引, 此店面積算是寬闊, 位置剛剛好夠坐, 能吸引那麼多人, 好應該試一試佢!正宗上海生煎皇既生煎包, 價錢係18蚊兩個，價錢便宜。生煎包熱辣辣, 生煎包面上灑上蔥花, 可以自己加醋及豆瓣醬, 一咬落去湯就流出黎, 非常多肉汁而且肉汁清甜。生煎包面鬆軟, 底部又煎得脆脆的, 口感非常好。 難怪咁多人排隊! 四喜烤麩是道功夫菜，事前要花上很多功夫去處理，半煎炸完又要瀝油份瀝得夠乾，再加入汁醬煮的時候，又需焗得夠長時間，才可令烤麩更鬆軟而入味，是日吃到的烤麩味濃鬆身兼帶爽勁，非常不錯呢；雖然不太看到有金針和鮮冬筍, 但麵筋香軟索晒醬汁，甜中帶鹹，而木耳夠爽、冬菇清甜。一籠灌湯小籠包，共有四粒。小籠包摺位細造工又很工整！ 而且看起來大小都是一樣！更正的是, 夾起時小籠包沒有穿，咬開層皮都算幾薄，豬肉餡很鮮甜！肉汁豐盈！ 勝在味道及內餡取得唔少分數！ 最後朋友未夠飽, 於是我地又 order 了一客川麻雞中翼菜飯, 雞中翼香口又富有肉感

我特別鍾意食上海野，特別係生煎包同小籠包，所以成日都會搵好食嘅生煎包同小籠包. 剛剛好今天約了朋友一起到 CWB shopping, 就立刻諗起正宗上海生煎皇咁出名嘅生煎包當然要試一下啦.今次我叫咗必食嘅上海生煎包, 口水雞, 同埋 麻辣魷魚鬚.招牌生煎包一上台就已經聞到好香的肉香味, 一咬落去熱辣辣，爆曬汁，而且皮好薄同埋煎得好脆口，建議小心d食，先試真d湯嘅香味，如果唔係真係熱到個嘴。而餡料方面，都幾多肉，而咬落唔會死實口水雞, 雞肉香滑, 口水雞醬汁不會辣得霸道. 放入口隔左一陣就已經有好多口水源源不絕咁係咁湧出來, 且有一種越食越起勁的衝動, 此醬汁很適合撈白飯.飲過兩杯水後, 我地就食埋個麻辣魷魚鬚, 魷魚鬚質感十分彈牙, 配上麻辣醬汁後就好似一條又一條的魷魚刺身在嘴裡活動咁, 辣香不停跳動又穿過牙逢進入喉嚨. 如果其他人喜歡食辣的話, 一定要來試試.佢除左生煎包口水雞, 同埋麻辣魷魚鬚之外仲有其他小食，下次一定會再去試埋佢. 另外, 我留意到現場d 座位都不會太擠擁. 員工都幾有禮貌下, 講好多唔該和謝謝之類的 XD.

聞名已久，終於有機會一試。今晚凍冰冰，雖然有點餓，但又不想吃太多，只想有點熱暖的東西到肚，在銅鑼灣逛著逛著，來到這裡。店內雖然已經很多人，但近門口的位置還有幾個位可以讓我一人吃點東西。坐下後，店員給我點餐紙。我不肯定有沒有餐牌，反正看得懂繁體中文，對上海菜式也不陌生，在點餐紙上剔選想吃的，對我來說沒有難度。最後點了一客4件的生煎包、一份雞絲粉皮，和一杯凍豆漿。生煎包有一份2隻和一份4隻，我選了一份4隻。其實我不知道傳統上海生煎包的皮應該有多厚或多薄，這份口感尚算可以，生煎包的封頂部份煎得香口，但若然個皮能薄20%，相信口感會更佳。因為剛剛做好，包內湯汁熱燙，店主員奉上時也有提醒。一份生煎包又好像太少，所以多加一份雞絲粉皮。店員奉上時，我真的有點愕然，賣相毫不吸引；把雞絲粉皮放進口裡，心裡暗叫中伏。本來打算下次來試小籠包，因為看到鄰座點了一客，熱騰騰，很吸引，但因為一段小插曲，大大影響我的食慾，決定以後都不會再光顧。話說我在席間享用晚餐之時，有一位外籍人士跟在門側的店員(落單兼收銀)有點爭執，我不太清楚實際情況，只見店員用英語(雖然不是流利，但是能作基本溝通的)向外籍客人說因為天氣凍，食

今朝跑渣馬，女友黎左終點接我，跑完都差不多11點，拿拿聲搵食先跑完馬拉松銅鑼灣維園嗰邊都好多人，一於行遠啲到登龍街，見到呢間正宗上海生煎皇，之前喺大埔都食過好好味，一於食你啦裝修都好新淨，有晒poster介紹嘢食招牌生煎包，即叫即整熱辣辣酸辣湯味道好正宗排骨菜飯跑完步醫肚一流，大滿足蔥油撈麵，好邪惡，不過好好味食上海野梗係要叫小籠包啦，啲皮夠晒薄，隻隻都啖啖湯女又話想食冷盤，叫咗個海蜇青瓜，好清新

明星效應的關係，之前一直好想試試，這天吃過後，才發覺這店的成功不在於明星的關係，而是真正有質素保證。在食肆林立的登龍街，這店都算搶眼，招牌好sharp好有氣勢，一眼就見到。店內好熱鬧，人客很多，更有一大枱外國人在用餐。想不到小店的格局，環境也挺舒適整潔。食物選擇原來蠻多的，一般上海店有的食品都幾乎有，而且價錢亦非常貼地。桌上貼有吃生煎包步驟的指引，插圖好可愛。食物即叫即有，不用等，可說是快靚正。雞絲粉皮好爽滑，麻醬夠多，涼涼的口感，幾醒胃。上海生煎包確實非常出色，包的厚度剛剛好，包底煎得金黃香脆，包面的葱和芝麻好香，令個包加添左更多味道，更有層次。包裡湯汁滿溢，輕輕一咬已噴射式爆出，好像吃小籠包般滿口是湯。包內的肉餡頗多，口感嫩滑，好美味。凍豆漿質感香滑，沒有雜質，也富豆味，冰冰涼涼的，好喝。蟹粉小籠包也好有水準，皮薄得來又不易穿，真難得。內裡湯汁亦很多，餡料充滿啖啖蟹肉的鮮味，正。

早前有不少報導推介此店，今日慕名而來，跟很喜歡吃上海菜的家人試試正宗上海生煎皇！小店生意不錯，星期日下午2:00的時間，店舖裡都滿多人的，幸好大家都是速戰速決的，等了大概5分鐘就可以安排入座。 上海菜中我最喜歡小籠包、雞絲粉皮、口水雞、上海炒年糕，一般都會點以上幾樣，今日當然都會選擇招牌菜生煎包，就連檯上都貼了生煎包的正確吃法，我怎會錯過這個人氣推介。雞絲粉皮有點特別，欣賞他們選擇用日式麻醬作調味醬料，有新鮮感且十分開胃。橙色的口水雞看上去不太辣，但很麻，份量都很多，雞皮很鮮嫩。灌湯小籠包熱騰騰的，夾起的時候要小心點，外皮薄薄的，刺穿了就浪費了精髓，裡面的上湯有肉的鮮甜，肉餡味道不錯，$36 有4 粒，很抵食。小巧的生煎包上面灑上芝麻，入口有芝麻香味。依照檯上的生煎四步曲，先慢慢咬開外皮，外皮酥脆，肉汁都好香！最後就是上海炒年糕，有大白菜，肉絲和冬菇絲，醬汁色濃，年糕非常煙韌

今日同朋友去開銅鑼灣，講講下話想食上海菜，記得有間出名食生煎包的上海菜又平又好食，就帶左朋友黎啦。menu 好簡單，價錢優惠酸辣湯好濃味，又酸又辣，岩晒重口味既我仲有必點嘅生煎包，果然充滿肉汁，好食！小籠包亦屬水準之作，皮薄肉厚我哋仲叫咗個厚切排骨配菜飯，個排骨炸得好香，分量亦不少，好抵食仲有上海菜嘅另一特色菜式蔥油撈面，呢個面撈得好香，汁料好夠味，配料有大量嘅聰同蝦米成個口感好豐富！再加啲豆瓣醬咁食味道一流

今日同太太好想食上海嘢所以去咗登龍街生煎皇， 未嚟之前已經聽過同事講話啲生煎包好好味，今日等我嚟試吓!最鍾意見到餐廳用開放或廚房!可以見到制作過程生煎皇原來都唔只得生煎包，仲有其他特色嘅上海小食例如係口水雞,小炒粉麵~首先叫返兩個小食先!一味係口水雞食落有非常香嘅花椒味有少少辣入到口香痳嘅感覺令人好開胃!當然唔少得我最愛嘅雞絲粉皮，痳醬帶少少酸味,雞絲都好滑夾埋爽口嘅粉皮,咬落去有3種唔同嘅層次感!估唔到小龍包都做得好好，外皮師傅整得唔會太薄或者太厚做到有少少彈牙咬落去啲湯汁即刻爆出嚟,食嘅時候真係要攞定隻匙羹主角終於上場!上到枱熱辣辣真係好想一嘢咬落去!但係我唔能夠將舊百幾二百嘅生煎包放落個口到所以我等咗一陣，咬落去外皮煎得好脆冇油益味都係用靚油去煎但最勁係包入面濃濃嘅肉汁加埋鬆軟嘅肉餡!滿足上海年榚做得好Q口呀食埋呢個就啱啱好飽

在銅鑼灣行完街， 老公很貼心地找來一間吃上海生煎包的小店， 因為我最喜歡吃上海菜 。這間小店最大的好處， 是可以只要兩隻生煎包 ，很適合我們倆小口子。生煎包內沒有湯汁，外皮煎得很香， 但我覺得有點硬， 可能煎久了一點 。還有雞絲粉皮， 碟頭很少 ，我覺得不值。 另外點了炸醬麵， 炸醬很惹味， 配上青瓜絲 ，很夾 ！醉雞很甜 ，但是很多骨，好像沒有什麼雞肉。 最後叫了一碗擔擔麵， 麵條不錯， 但沒有 花生的香味也不夠辣， 面上的肉醬反而很美味！

四川擔擔麵 $45本來係登龍街諗住食拉麵 排排下隊過左對面排擔擔麵 都有一排無食上海菜 例牌叫左碗擔擔麵:- 賣相standard- 麵質太淋 明明見啲伙記手脚幾快照計唔會浸得太耐... - 湯底幾好 微辣 擔擔麵最獨特既花生味都出- 份量一般 反正大食之人一定唔夠 不過食得上海菜又點會唔另叫點心小菜食- 價錢可以接受 如果U$40更好小結 麵質係硬傷 其他方面水平都有average 特別適合對麵質無太高要求既朋友灌湯小籠包 $34好好食既一份小籠包! 門口排隊果陣係芝士小籠同灌湯小籠之間摇擺 揀定左入鋪坐底先見牆身貼住話係招牌菜本人都幾鍾意食小籠包 衡量小籠包質素不在特別 只在幾項基本野:- 湯汁: 湯汁係小籠包質素最重要既一項指標 幾款小籠之間揀左呢款都係俾"灌湯"兩個字吸引 結果無失望 肉汁多且鮮 溫度微燙正好放入口 一啖一粒咁食猶為滿足- 皮: 皮薄餡靚特別適合形容小籠包 如果大家厚薄皮都試過 可能都會覺得皮太實太韌有礙口感 我覺得最理想係塊皮厚薄度剛剛足夠夾起而不破 可以完美地鎖住肉汁 呢碟小籠既皮就真係足夠薄- 餡: 肉餡本身品質高唔高好難試得出 我對小籠包用既肉餡只有最低