正斗粥麵專家 (ELEMENTS圓方)

营业中

休息中

想吃炸兩。剛剛在這裡見到。走進去才發覺，好像不是很便宜。叫了一客炸兩、一碗艇仔粥。炸兩的油條有點硬，有點點失望。收幾十蚊，期望比大排檔好吃。粥是很不錯，味道適中。這個普通的配搭，成為百三元。

比咁嘅價錢真係貼錢買黑面服務，對住啲阿嬸經理真係食飯背脊骨落，永遠貼錢買難受！食物牛腩唔稔，腰膶唔沙，麵唔爽，冇下次！兩個人食兩碗麵，一碟腰潤，一碟牛腩，一碟油菜，成四百蚊，貴！茶壺冇茶葉，叫浸水原來剩送真係浸水，水又唔熱又坐得唔舒服，我叫白灼牛肉鮮牛面同埋雲吞麵，雲吞麵整出嚟仲衰過係街邊食，白灼牛肉整出嚟，咬唔入。以正斗明明都幾好食嘅，而家每况越下，真係失望睇見啲阿嬸都唔開胃！在Elements 剩日開裝修靚有鬼用咩！

很久沒有吃雲吞麵，所以今日專程來正斗食碗雲吞麵。雖然價錢不是平，大雲吞麵要$60+ 一碗，不過勝在水準平穩。 份量不算大，女仔剛好，男仔可能會不夠飽。雲吞放在碗底，傳統上菜方式。雲吞一啖一隻，size唔算大，雲吞尾是散的。麵質ok冇鹼水味，個湯有大地魚味。 另一必食的是白灼魚皮。魚皮爽滑，有蔴油香，連花生同吃，一流。不過魚皮未必人人接受，如好此道者，必叫。

先唔理價錢，正斗既粥品相當不錯，夠綿夠滑，是日叫左個魚片牛肉粥，魚片新鮮，牛肉都好霖炒粉麵碟碟都好大碟，麵質是幼身麵，感覺是似雲吞麵那種比較彈牙的麵底。純粹個人口味覺得太幼身太彈牙既麵用來炒唔係好夾。不過炒得夠乾身，如果要選一，豉油皇炒麵比較香同好食。星州炒米都唔錯， 蝦仁叉燒芽菜韮皇都齊哂好足料。炸両無影相，油炸鬼夠脆，不過略嫌脆得來是硬而不夠鬆化其實整體食物不錯，不過價錢好貴，炒粉麵一碟都要$108, 再要加埋一。味道跟一般酒樓茶記其實無話好大分別。所以下次去都係食粥就算。（但一個雙併粥都要$6X 再加一加茶錢。總結如果唔理價錢，食物其實是不錯的，特別是粥品，不過考慮埋性價比就好低。

圓方這個名牌商場，內裡餐廳大部份都是貴氣的，就算是粥粉麵店「正斗」都貴人一大截，相應，換來的是好環境及好招呼，食物質素如何，要吃過才知。今回家人發辦，我就坐享其成。「七彩子薑靚皮蛋」是老一輩人的美食，皮蛋晶瑩，其半凝的蛋漿甘香濃滑，伴以爽脆子薑同吃，又真的不錯，頗有風味。「酥炸蜆芥鯪魚球」就合眾人心水，因為夠香口，鯪魚球炸得色澤誘人，外層酥脆，伴以蜆芥，鹹鮮突出，鯪魚球打得十分彈牙，鯪魚肉味濃，吃得叫人滋味。雖然沒有點粉麵，但「巧製南乳炆豬手」是愛吃的東西，豬手炆得入味，陣陣南乳香，而且，軟腍好吃，皮下的骨膠原萬歲。最後，點了店家招牌的「干炒牛河」，雖然河粉炒得均勻，牛肉也很腍滑有肉香，而且也十分惹味，只是大家也覺得有點油。環境及服務的確很好，食物質素都算得上是中上水平，只是性價比不高。

吾理間野好吾好食， 第一件事入間餐廳就係接觸reception 攞檯。 話說今日黎食飯，我地拎左排隊ticket等到佢number到我地準備入座。門口reception(如圖）問: 是否搭檯，因為家人有感冒，吾想同人同檯影響人地，所以決定吾搭檯，再慢慢等下。 其實我地已經吾介意等多陣，但門口reception 仲補一句說話俾我地：「禁您慢慢等啦！！！」嘩！我已經話吾介意等， 佢仲補一句禁無禮貌既說話。 真係不知所謂！呢間餐廳起正圓方商場，吾係起旺角街邊檔，禁既reception attitude 吾止影響餐廳，我直頭覺得攪到圓方商場都cheap埋！簡直不知所謂！

牛河，對於大部份香港人來說，只是一道平凡的菜式。黎生都是這麼的想法。但正斗就將這道平凡的菜式，做得不平凡，不平凡就是指很好味，牛肉嫩滑有牛味，河粉很美味，不油膩，最不平凡是那個芡汁，吃到最後都不會變成水狀。做得不平凡的美味，就有著不平凡的價錢，不平凡的價錢，就是指索價過百元的菜遠牛河。值嗎？黎生認為值得，數年前吃過了，今時今日吃到，仍是昔日出色的水準。一百三十大元一碟滑蛋蝦仁飯，的確是離地。但又的確美味，大大隻蝦仁爽口彈牙，份量合理，飯粒炒出來粒粒煙靭，滑蛋真如其名，蛋白蛋黃豐富，火喉拿捏準繩，亦不如其他茶餐廳的水狀乳白般的滑蛋。總結就是非常美味。使上多點錢換來質素，換來出色的廚藝，換來食店該有的誠意，偶一吃之，絕對值得。

這店本想試很久的了，但一是很多人排隊、一是太趕、所以到今晚才試度。講真服務態度很一般，不知是不是接近關門。因我們來到已經九時半有多，但坐不到一個小時便結帳了。先來的香妃雞，未吃單看買相已經很差，價錢不算不合理，但是雞皮每個毛孔都是凸起的，雖然我倆都不吃雞皮，但看了真的很倒胃，(可惜忘了影相。)那侍應小姐真幽默，問我們為什麼"吃晒"，是不是很好吃。我倆一起答"不是"，因不想浪費食物。(我們是沒有夾過的，真是心中那句。)叫的是鮮牛肉伊麵，來的卻是生麵。對她說下單時以說是伊麵。第一句便說要加錢。梗知啦、那有"免費午餐"的呢？那碗牛肉伊麵來了，也是一樣不要抱有期望。只有那碟豬潤腸粉，是三碟裡最正常的一碟。下次：有人請或免費也不會再來。

豪華的店舖裝修，環境舒服乾淨，第一次來圓方分店。先點了牛腩撈麵，牛腩夠冧又入味，麵就一般；炸兩就好脆。干炒牛河衹達標準無咩特別，價錢貴$105。及第粥底夠綿豬潤夠爽，值得推介。鲩魚皮未夠新鮮同爽口，薑絲少，魚皮偏撻撻，毫無彈性。話明著名雲吞，叫了雙拼雲吞水餃，雲呑好細粒，豬肉好實，而且水餃爽口但內裡的荀有渣不夠爽囗。蘿蔔糕一般無咩餡料，同酒樓一樣無咩特別好食，但是這裡的辣醬好夠辣好好味，點蘿蔔糕同炒牛河就一流。總體來說是好一般，不會再來食。價錢多方面衹有貴，因為裝修費。

今晚剛在 Elements 看完電影, 已 9:30pm, 朋友提議去小食, 經過 正斗粥麵專家, 入去試試.此粥麵店裝修華麗, 我們以為身在中國呢 !環境好, 甚有格調, 燈飾好精緻.座位舒適, 燈飾美, 好像一家酒家設計.餐牌設計不錯, 價錢和裝修成正比.我們只点了兩款, 粥和麵.正斗鮮蝦雲吞麵 $40-上枱時,  看似淨麵, 賣相不及格.我把雲吞找出來, 才見到主角!    麵爽口煙韌,  雲吞 size OK,   蝦爽口彈牙, 只算一般水準.羊城荔灣艇仔粥 $58-賣相吸引, 食材也好, 粥底夠綿, 入口的漿感好, 粥的味道鮮甜, 魚肉香, 土魷香, 不錯.因為座位舒適, 招呼也好, 不失為一家好店子!

圓方消費極高，affordable既選擇其實唔多... 3個人想搵個叫餸share既餐廳，所以就揀左呢度試試。點知...少少中伏😵 可以叫黎share既菜式其實唔多，主要都係一人份既碟頭飯。但試諗下，一個人又點會俾100蚊食個碟頭飯呢？呢間餐廳既定位真係好奇怪😅唔太肚餓，叫左一個煲仔飯，豉椒炒牛肉，油菜。煲仔飯都算有水準，夠香有飯焦，可怕份量極少，即刻追加個魚香茄子炆米。個炆米就出事喇，份量少都唔係重點，問題係勁淡，魚香茄子本應係好濃味既，佢竟然可以煮到完全食唔出係咩...Anyway，服務都好既，即使我地要求多多 員工都仲好好態度☺️👍🏻

今日同媽媽去element行街，行之前梗係食d嘢醫肚先 。媽媽想食粥麵，帶咗佢嚟正斗食～我哋叫咗一個干炒牛河，一個艇仔粥。個粥好足料，粥好棉，唔錯！跟住上牛河，一嚟就聞到好香豉油味，d豉油係頭抽味，唔同一般好咸嘅味。食落口真係唔咸，牛肉還可以，整體都係好嘅！

ifc個間有食開，覺得唔錯，今次係elements食，令人失望而回牛肉湯麵，牛肉一望就知鞋，食落as expected咁鞋，湯好淡，麵完全唔爽口彈牙蝦腸好"蝦人"，稍為整得差d 都會覺得難食。諗住收六十幾蚊唔差得去邊啦。。。turn out 腸粉皮唔夠滑，蝦仲有少少腥添炸雲吞最令人失望！明明ifc個間好好食，次次必叫，點知今次上枱一睇就知同ifc爭好多皮！ifc係金黃色，呢到係啡色！炸得老，碟底有餘油！最後係綿花雞。唯一優點係上枱熱辣辣，但依然係無味的(可能我重口味掛) 。。。 收四十幾蚊喎，雞件去埋骨都唔係好高要求姐，賣相又唔係靚餐廳裝修怪怪咁(無影相), 上面一支支野隊落黎，加埋黑白色調，令人聯想起疑似澳門賭場用黎掠土豪水既風水陣。。。不過坐得唔逼，卡位仲好闊落添彈左咁耐，要讚一讚服務，雖然食物差過ifc好多，但服務同ifc一樣算唔錯(員工親切有禮) ，挽回少少分數啦！建議要食就去ifc, 暫時仍然對ifc有期望

KAKA成日諗一間食店點樣先可以拎到米芝蓮呢? 今日去開圓方買野就試下呢間再次拎米芝蓮既食店, 正斗. 其實雲吞麵看似普通既食物, 但係其實真係一D都唔簡單架~ 點樣做到一條脆口彈牙既麵真係要好多經驗. 湯底亦係好重要既~ 佢地個湯底真係好味~好清, 係用大地魚煲成~ 再加埋粒雲吞, 簡直係perfect! 另一樣招牌野就係干炒牛河啦~ 干炒牛河係茶餐廳都有得食, 有咩咁特別呢~ 特別在於佢係冇咩油, 就算放左一陣, 個碟一樣係冇油的~ 而且條條河粉都一樣色, 火喉要夠, 再炒得夠均衡, 牛肉仲要係嫩, 一D都唔UN~ 真係好正~ 

今日又要同同事外出辦事，肚餓出街揾食唔知食咩嘅時候，行到正斗附近，我好似有系雜志見過介紹呢家出品，好似話唔錯咁，環境都幾好，我地去到剛好有臺，真系太幸運喇，居然系飯點時候都有空臺，呢度服務都可以，但菜價都D偏貴小小。蝦仁炒蛋，睇個樣幾好食，蝦好大只，又好新鮮，仲幾彈牙，蛋炒得好滑啊，食落口又爽口又香滑，唔錯，不過分量偏細，但味道的確幾好。白灼豬腰豬肝，呢個我覺得幾有特色，好似比較少見飯店將豬肝同豬腰用白灼呢種做法，雖然無加其他配料落去炒或者蒸，就咁白灼又估唔到幾好食喔，再蘸D豉油，幾有味道，豬腰同豬肝都灼得剛剛夠時間，所以好嫩，豬腰仲有D爽口，如果接受食內臟嘅朋友可以試下，感覺幾特別。