江蘇銘悅

营业中

休息中

Walk in dinner 竟然可以俾到一間房我哋我哋三個大人食因為唔係太肚餓 點咗四樣嘢only: 一口熏魚一籠小籠包樟茶鴨鷄絲煨麵首先個熏魚係個前菜我欣賞佢冇骨方便我呢啲唔鍾意食魚嘅人跟住就係佢個口感好脆味道都好濃郁其實可以送飯😂小籠包，正常情況好味樟茶鴨因為多骨啱晒鍾意食骨嘅我佢連啲骨都好入味其實係好正不過我哋因為今次唔係太肚餓所以冇叫到飯就咁食熏魚同個鴨其實就有啲鹹所以最後都打包左少少走煨麵都好好食但係就估佢唔到咁細碗😂😂

OpenRice到Book左12:15，冇講到會當日12點前再打一次電話confirm booking先有枱，咁啱果朝開緊會聽唔到電話，之後去到就話因為冇聽到電話confirm取消左冇枱，咁嘅服務可以black list！唔想人去食好心就唔好開放OpenRice booking啦，直接電話都唔好留，逼人全部walk in丫嘛！排到門口全部都係客感覺仲受歡迎啊！洗唔洗教埋你marketing？真心好嬲，好彩即刻樓下泉章居有位！一粒星都俾多！

最近兩次屋企聚會都去咗呢度食，因為呢度食物質素唔錯，擺盤精緻，環境舒服，而且每次啲姐姐服務都好好，態度友善，雖然我哋唔係食啲貴價菜式，但都感受到服務殷勤，會就住我哋速度慢慢起菜，咁就唔會攤到凍晒。陳醋海蜇頭酸酸甜甜開胃前菜砂鍋雲吞雞份量都唔少，六個人分享半煲，啱啱好一人一碗花雕銀鱈魚鱈魚肉質好滑，花雕酒味香濃宮保蝦球生煎包樟茶鴨仲有食咗肴肉，脆鱔，味道唔錯次次見到menu個杭州富貴雞都好想食，但係要提早預訂，下次要記得訂嚟試下

🇭🇰江蘇銘悅·呢間上海菜嘅餐廳都幾好食 而且坐得好舒服 服務都唔錯😎不過因為個次太多朋友仔啦 我一開始有啲怕羞 所以唔係全部餸都有影相🤣·南非鮮鮑魚燒麵$380 l 招牌灌湯小籠包$88/4粒佢個鮑魚燒麵都幾好食 而且佢呢個份量好多 我哋八個人都每人分到一碗 仲有半隻鮑魚😈佢個鮑魚係煮到入晒味 質感都啱啱好 之後個麵口感都唔錯 不過我有朋友話覺得佢個味有啲似indomie😂😂之後佢個小籠包都做得好好食 佢個皮厚薄度剛剛好 而且入面真係超多汁🤤·砂鍋雲吞雞$580/1份 l 原條松鼠菊花桂魚球$528之後呢個雲吞雞都超級大份 我地係每人有兩大碗 超誇張 所以大家人少啲嗌例牌/半份都夠🤣佢個雲吞雞湯啲精華係真係落晒去 好好飲 而且啲雞都嫩 雲吞都好大粒😍😍之後佢個桂花魚都整得好好食 佢個魚肉係真係好滑好嫩 而且嗰調味係剛剛好 夠味得黎唔會話太甜或者太漿口 我自己幾鍾意🐟·京城脆皮雞$228/半隻 l 古法樟茶鴨$240/半隻兩個我自己就覺得個脆皮雞好食啲 呢個個雞肉嫩啲 而且個脆皮好好味 不過呢個我就冇影到相🙈😂反而我有影相嘅樟茶鴨我自己無咁鍾意 我覺得呢個偏乾身少少🫢🫢·#rbyeat#

日本菜就食多得，江蘇菜仲要係高質既真係唔多。今日中午黎到上環人來人往後面既街道，入口完全唔起眼既舊式商廈2樓，隱藏住一間高級既餐廳—江蘇銘悅。話說江蘇菜係中國八大菜係之一，有獨特既風味同多元化，已經有成二千年歷史。今次一行五人，主要係商務性質，店員推介左一個四位套餐+1位。🥢銘悅三小碟🐟🐥🍖有三款小食，包括巧手一口燻魚、麻辣口水雞、陳醋肴肉。燻魚魚身吸收左濃郁嘅醬汁，又唔會過鹹。肴肉軟身爽口鮮甜，口水雞辣辣地幾開胃。🥢松茸花膠螺頭湯🍲非常之鮮甜，飲落熱辣辣，仲有滋陰補腎，潤肺安神既功效。🥢頭抽珍菌爆雙鮮🍤大大粒帶子同蝦仁，肉身豐厚，爽口鮮甜彈牙。🥢酒糟蒸鱈魚球🐠比較少見用酒糟黎煮既菜，即係用釀酒後剩餘既渣滓。呢個做法另到成個鱈魚球一上枱就有超濃烈嘅酒味。鱈魚球新鮮香甜帶有酒既香味，值得推薦。🥢蔥白燒日本遼參😚好大隻既日本遼參！！！真係要用刀叉切開一片片食，新鮮彈牙，冇得輸。🥢茶皇脆皮雞🐥真正做到外脆內軟，外皮有茶香，肉質鮮嫩，想食多幾件。🥢招牌小籠包🥟黑色外皮上面仲有金箔，包住新鮮湯汁，皮薄餡靚，味道一流。🥢棗泥拉糕😋最後就係棗泥拉糕作為甜品，外型相當精緻，食落好有紅棗既甜味，但係又唔

*有水準江蘇菜！夜晚都有點心食🤩*今日同朋友去了位於上環的中菜餐廳江蘇銘悅，主打蘇浙菜。餐廳裝飾優雅，一坐低服務員就好親切咁介紹食物。首先上的是兩個前菜：無錫雙魚兒和梅子美味雞。無錫雙魚兒是香脆可口炸魚條，配上酸酸甜甜的醬汁，真的相當開胃，一條又一條完全停不了口。 梅子美味雞是一碟鮮嫩醉雞，皮香肉滑。吃完前菜，接著上兩個主菜，分別是鱈魚片和紅燒一字排。鱈魚片材料非常新鮮，味道非常鮮甜，米酒更吊出魚的鮮味，有畫龍點睛嘅感覺。紅燒一字排也是相當出色，肉質鮮嫩，肥瘦適中，滿滿醬料香，幾好食！主食係嫩雞燴麵，湯底是濃郁的雞湯，每條麵條都吸曬雞湯精華，真係好正！跟著呢到夜晚都可以食點心，點了傳統奶黃包和小籠包。奶黃包的奶味相當濃郁，小籠包則是湯汁濃厚，輕輕一咬，滿滿的湯汁已經溢出，配上香醋令人回味無窮。今餐蘇浙菜水準相當好，值得下次再來。如果多人去嘅話，仲可以安排獨立房～

新年過後相約大學同學食晚飯，佢作為一名港漂，比起我呢啲陀地更識捐窿捐罅搵食。同時，佢哋對中菜好講究🇨🇳，知道邊啲先係接近正宗口味。呢晚我就跟佢去咗位於上環嘅「江蘇銘悅」，呢度環境似會所餐廳，設有包箱房間。餐廳所提供嘅菜式選擇繁多，有齊各種經典菜餚🥢，點心類以至山珍海味小菜等一應俱全，當中並加入新派元素。恰巧我哋都唔肚餓，所以主要嗌輕食，可以一次過試多幾味。江南麻辣口水雞($108)，🐔口水雞係冷盤，屬例牌份量。雞件都算厚肉、兼肉質滑；充份浸泡於醬汁之中。口水醬偏辣，如果麻味重啲更佳🌶。招牌灌湯小籠包($88/4件)，食上海菜一定唔少得小籠包🥟。小籠包皮薄均勻，入面裝住湯汁同鮮肉，熱辣辣食有爆漿嘅效果💦。無錫雙魚兒($118)，🐟雙魚係指白飯魚拼黃鱔，兩款魚炸起上嚟都幾巨型，望落好似炸到有啲硬🤔。不過非也，而且用咗糖醋炒乾，食落香脆。金盞牛柳粒鍋巴卷($78)，脆鍋巴整成甜筒嘅形狀🍦，入面塞滿牛柳粒同三色椒等🥩，味道唔錯，但略嫌兩者剁得比較碎，欠缺口感。孜然香辣花菜($198)，椰菜花用煲仔上🥦，保到暖之餘，亦保留到鑊氣。菜花孜然味突出、微微辣，再加埋煙肉粒，鹹香味濃🥓，但唔重口味。香蕉

/江蘇銘悦🇭🇰/#sa上環篇 ➖➖➖<經濟商務午市套餐🍽️> ➖➖➖難得又一次食中菜嘅體驗☺️係新年前揀左呢間位於上環嘅江蘇菜印象中以前去旅行可能都有食過～江蘇菜包含: 上海、江蘇同浙江 最為人熟悉嘅例如有小籠包😝原來小籠包以外都可以菜式都幾多元化價錢大概係$498 /1位 ➖➖➖1️⃣ 淮揚三小碟 :陳醋肴肉、甜梅酒醉雞、無骨燻魚平時會配海鹽流心蛋 當日無晒 轉左做燻魚 醉雞 雞肉嫩滑 酒味突出之餘都偏向甜 容易入口 第一次食燻魚 唔會過咸 無骨✨反而最鍾意肴肉🫶🏻平時少食到 特別係有層啫喱狀嘅肴肉～酸酸甜甜😆➖➖➖2️⃣ 松茸螺頭燉湯個湯鮮甜足料～ 唔會好油膩👍🏻有瘦肉、螺頭同菇等食材➖➖➖3️⃣ 乾燒虎蝦球 蝦球夠晒彈牙😋酸酸甜甜 又會帶微辣😎➖➖➖4️⃣ 三蔥煎炸鱈魚片個汁同蝦球幾似 鱈魚厚厚一片但唔會太厚炸粉 魚肉鮮嫩 個汁好似平日食到嘅咕嚕肉😚➖➖➖5️⃣ 鮮鮑角櫻桃肉第一次聽櫻桃肉呢個term 😳係類似牛柳粒～幾鍾意個角仔 口感酥化鬆脆 一齊食會無咁油膩😆➖➖➖6️⃣兩頭烏奶油高山菜食完肉食番清清地嘅 高山菜即類似黃芽白個汁好有奶香😛➖➖➖7️⃣招牌小籠包平時最愛嘅小籠包小籠包皮厚薄均勻

原諒我比較傳統團年都係想食返中菜所以今年揀左食江蘇菜同屋企人團年江蘇係漁米之鄉所以江蘇菜擅以江河湖海水為主愛魚嘅爸爸最啱我地三個每人一份晚市套餐唔駛爭！淮安三小碟陳醋肴肉酸酸甜甜，正好開胃一口燻魚酥脆魚肉味濃甜膩甜梅酒醉雞梅酒先係靈魂！呷一口酒再食雞肉更醇更香松茸螺頭燉湯一口暖湯暖心暖胃燉湯清潤乾燒虎蝦球蝦球絕不敷衍攤開應該足一隻手掌長！蝦肉厚實彈牙配香濃醬汁口感好豐富🥰糟溜鱈魚球呢道菜反而比較清淡嫩滑魚球喺淡淡酒香配襯下更顯鮮美！金盞牛柳粒鍋巴卷將鍋巴炸成卷狀盛載牛柳碎粒入口啖啖肉仲食到青椒紅椒香味幾特別！小籠包合格皮唔會太厚湯汁豐富兩頭烏奶油高山菜似忌廉但更滑溜娃娃菜淋滑甜品係棗蓉糕紅棗味香濃糕體煙韌👍👍👍爸爸媽媽非常滿意團年最緊要食得開心！

同客戶傾完工作進度，已經晚上七點多，他請我哋去附近食晚飯，地址係上環干諾道中130-136號誠信大廈2樓，名字叫江蘇銘悅。接待員安排我們坐在大廳，坐低之後觀看四周環境，好有江南氣色，優雅高貴，好舒服感覺。客戶點了幾個餸菜，傾咗一陣第一道菜開始來到，係古法樟茶鴨。起筷夾咗件鴨胸入口，皮香肉嫩好入味制作出色。令人不禁食多幾件。金鈎蔥油開洋拌麵材料有蝦米等如金鈎，蔥段，醬油的味道又唔錯。拌麵比湯麵更香更入味。我個人鍾意食拌麵多啲。原條松鼠菊花桂魚球，賣相夠吸睛，睇得岀師傅刀工好好。伴碟有球狀哈密瓜和蕃茄、青瓜片墊底，條魚仲出緊煙證明是啱啱炸起。魚肉球外脆內軟，金黃色嘅外皮，酥脆又香口，加上個甜酸汁，簡直係絕配。非常好食。炸銀絲卷炸得外皮有啲脆再加上煉奶超正。另外我都有食佢哋嘅懷舊爆汁生煎包，咬落去真係有爆汁嘅感覺！生煎包底香脆，包又鬆軟，口感好豐富。再飲番幾杯龍井茶，我感覺今晚的晚飯，環境又舒服，餸菜又豐富，味道又出色，我已經好滿足，有空再來。

最近同朋友都好想食中菜，咁啱呢排網上見到位於上環有間專食江蘇菜嘅中菜餐廳。今次同朋友都食得幾盡興，叫咗好多特色小菜食下。我幾鍾意餐廳嘅環境，唔單止空間寬敞，金碧輝煌。仲有啲富有中國特色嘅裝飾加插喺環境之中，整體氣氛好適合同朋友聚會。招牌灌湯小籠包小籠包飽嫩多汁，湯汁完美咁鎖住喺入面。再叫埋薑絲加醋，真係好開胃。我覺得食小籠包一定要一啖過食，咁先唔會流失咗當中嘅湯汁。呢個質素果然係招牌菜！乾貝蛋白絲苗朋友好滿意呢份蛋白炒絲苗飯，炒飯鑊氣十足，絲苗粒粒分明。蛋白都炒得夠滑，再加埋乾貝一齊炒，有助提升炒飯嘅鮮味，好有水準！酸豆雞米叉子呢款小菜我係第一次食，估唔到一樣咁有驚喜！餡料真係好豐富，有酸豆、松子仁、芹菜等，所以整體口感都好特別。將所有餡料放晒入叉子燒餅一齊食，呢份滿足感真係好難得㗎，啖啖都係精華！蒿山香乾馬蘭頭平時喺其他地方都好少見馬蘭頭，今次難得見到當然要食。呢個小菜真係可以食到食材當中嘅原汁原味，馬蘭頭嘅菜鮮味配上豆乾嘅豆味，真係好匹配，食到停唔到口！奶黃流沙包流沙包一向係我嘅最愛。餐廳嘅奶黃包餡料真係夠晒飽滿，仲要係新鮮出籠。誘人嘅奶黃香味確實係無法抵抗！如果大家都鍾意食中菜嘅

🌕Hello我係Moon🌕中菜就食得多啦，不過江蘇菜真係好少食！😳有啲江蘇嘅菜式會喺部份酒樓食過，但係感覺都唔係好正宗！🤔上環呢條街有好多中菜館，😝有好多係正宗中菜館！依間餐廳係朋友一早訂定位，帶我食😎上到餐廳嘅時候真係比依度嘅裝修驚艷到，😚依度嘅格局好舒服，🥰周圍嘅佈置都好有高貴典雅嘅感覺，😆佢哋就聯繫餐碟餐具都有一種江山水墨畫嘅風格，💕坐喺度真係好舒服嘅感覺！😳前菜嘅部分，就食咗蒿山香乾馬蘭頭，😍開胃又好味嘅涼拌菜，😗其實佢就係將切好嘅豆腐乾同埋馬蘭頭攪勻，😜再加入調味料，😙製作簡單，但係味道絕對有驚喜！😝食完開胃菜，就想暖吓個胃，😋我哋一人一碗砂鍋雲吞雞，熱辣辣飲落肚，😏真係好暖心！☺️雲吞嘅部分皮薄餡靚，😝雞肉都唔會好乾柴！湯嘅味道都好鮮甜！😳肉類方面，我哋都食咗好多，🫣不過我最推薦就係古法樟茶鴨！🤭平時真係好少喺中菜館會見到有依樣嘢食，😤而且都好少中菜館會整，因為佢嘅工序真係好複雜！😳我以前都有睇過佢嘅製法，佢係經醃、燻、蒸、炸四道工序製成，🤓再以樟樹葉同埋花茶葉煙燻鴨！🤩上菜嘅時候，😗餐廳會以燻好後嘅鴨要先斬段後整形，靚靚嘅擺盤真係好適合打卡！😋入口鴨肉嫩滑肉味香！😏樟茶燻得

品嚐美食能令人開心滿足！在一個舒適環境下享用美食！更能令人身心愉悅！位於上環干諾道中130-136號誠信大廈2樓的這間名叫（江蘇銘悅）的江蘇美食餐廳。就能讓食客有這種愉悅心境去享用美食！餐廳裝修風格給人舒服的感覺，坐位舒適！餐檯間隔寬闊！空間感十足！坐低先飲番一杯熱茶，當天來一杯熱茶，真係好合時！原條松鼠菊花桂魚球賣相極佳的松鼠菊花桂魚球，非常吸引眼球！色香味俱全！廚師精心製作，嫩滑的魚肉酸甜適中，還保留了魚肉的鮮味！口感外酥內嫩，令人上癮！哈蜜瓜與車厘茄的清新感配合得相當好！底部仲有少少青瓜片，非常清新！🤤這款江南名菜絕對可以讓你回味無窮！😏巧手一口燻魚廚師精心製作的燻魚味道香濃，調味亦都剛剛好，好似有一啲甜甜地嘅味，亦都食到魚嘅鮮味，😳喜歡吃燻魚的食客不容錯過！雪菜河蝦煨麵雪菜的鹹香令人感到胃口大開，河蝦的口感彈牙👍估唔到佢蝦肉嘅份量都幾多，麵條滑溜偏幼身，所以掛汁力都好強！😜乾貝蛋白絲苗香噴噴的炒飯，吃起來口感十足！佢嘅份量都好足夠！乾貝的鮮加上蛋白絕對可以讓你的味蕾提升！配料好足夠每一啖食落口都係豐富嘅口感！😚陳皮豆沙小酥餅只看賣相已令人食指大動！即叫即製，有金黃色嘅外皮！外皮

移居外地嘅好友最近回港除左地道港式小食精緻江蘇菜都係佢嘅口袋名單畢竟外國粵菜川菜餐館比較流行上網搵到間江蘇菜私房菜格局但價格平易近人就同朋友黎試試餐館客人不會太多座位安排得宜各人自有空間可以同朋友輕鬆享受美食餐牌選擇足夠但我地不願多想就揀左兩份晚市套餐有齊前菜，湯品，主食，甜品份量足夠淮安三小碟陳醋肴肉最得我心酸甜有致啫喱狀肴肉入口肴滑燻魚無骨入口啖啖肉亦會唔乾硬化松茸螺頭燉湯湯頭清甜無油湯料嘅瘦肉粒亦不柴乾燒虎蝦球長長蝦肉卷成巨型蝦球一口都不能盡攬🤪蝦肉新鮮彈牙配甜味醬汁好juicy!糟溜鱈魚球呢道菜令我留下深刻印象糟溜令魚肉帶微微酒香僻腥之餘又可提鮮一絕！👍金盞牛柳粒鍋巴卷鍋巴卷香脆牛柳粒帶椒香兩頭烏奶油高山菜高山菜淋滑醬汁濃而不膩不知不覺就吃了一盤小籠包皮薄饀靚就算拎住蕩下蕩下打卡都唔爛🤪入口肉汁豐富合格以上甜品係棗蓉拉糕入口煙韌棗味濃濃不化味道不太甜做甜品好好味可惜得每人一粒😂我同朋友都好滿意今餐侍應服務殷勤換碟斟茶勤快上菜時亦有略略介紹食物總括而言性價比超高👍

📍 江蘇銘悅 Jiangsu Club📍 上環 𝗦𝗵𝗲𝘂𝗻𝗴 𝗪𝗮𝗻 • 干諾道中130-136號誠信大廈2樓〔 follow me on instagram @sikbaobaola ! ^^ 〕-Jiangsu cuisine is one of the 8 great cuisines of China. 🇨🇳 As its name suggests, it is derived from the culinary styles of the Jiangsu Province. Shanghai was formerly a part of Jiangsu, so Shanghai cuisine is sometimes classified as part of the cuisine group too.Now at < Jiangsu Club >, you can taste traditional Jiangsu dishes with a contemporary twist in an elegant setting.Great venue fo