泰海鮮 (已結業)

因疫症之下，再次沒有夜晚堂食，跟朋友聊天時突然想起之前在屯門三聖吃海鮮，非常懷念多萬的海鮮晚餐。其實三聖有不少餐廳，這間餐廳評價都不錯所以過來是試試看。式海鮮，當然不能少了海鮮湯。這個海鮮湯用了極多，所以味道很香濃，趁熱吃非常暖胃。然後芝士焗龍蝦。芝士相當多，然後非常之香濃，蝦肉非常彈口，好好吃。酥炸帶子，帶子一絲絲的明顯是新鮮來貨，炸得非常香口，皮又不厚。非常鮮甜。豉油蠔，豉油煮法並常吃。吃下覺非常惹味又不會太過。避風糖蟹也很棒，炒過後非常夜魅，蟹蓋的糕也很多，蟹肉也鮮甜的，香濃加鮮甜，別有一番滋味。

朋友特登來屯門食海鮮即刻叫我哋一齊，我哋就係三聖海鮮檔買咗好多海鮮，有蟶子、台山蠔、花螺、鮑魚、日本扇貝、花甲～跟住去咗泰海鮮加工，雖然話加工但有啲都係店舖特別加工做法，我哋就咁煮：豉汁蟶子配米粉底薑蔥生蠔辣酒煮花螺鮑魚煲粉絲蒸扇貝白酒忌廉花甲烏冬底呢幾款就係加工，另外再叫咗:椒鹽鮮油同埋蒜蓉包當然都要啤啤佢啦！佢食物加工質素都幾高，價錢尚算合理，服務都好殷勤，間唔中食下都可以嘅👍🏻

朋友話想吃海鮮，仲話佢有朋友食過有間唔錯，咁緊係要去試下啦！青山灣焗龍蝦一上檯見到隻龍蝦就已經流哂口水! 差唔多有手板咁大隻，上面鋪左芝士再焗，味道與蝦肉非常之夾! 而且肉質爽口又啖啖肉，食得好開心😆海鮮湯湯料勁多, 有好多海鮮又有些少蔬菜調味, 所以飲落覺得好濃郁, 夠香夠暖肚! 冬天飲一流~辣羔炒肉蟹隻蟹對我呢個唔太食到辣嘅人黎講辣左少少，但真係好惹味! 而且肉蟹夠肉，炒到好香口好食🤤砵酒煮蠔要趁熱食！醬汁惹味，隻蠔又好新鮮唔會腥，仲要夠大隻啖啖肉豉油王蝦味道十足, 雖係豉油但又咸度適中, 夠曬惹味! 如果中意配飯食既朋友一定好中意呢道菜!豉汁蟶子配煎米粉底蟶子睇得出係大隻嘅，不過醬汁濃咗少少，如果淡返少少嘅話就更加可以突出鮮甜味。鮮炸帶子炸到金黃色非常吸引，入口粉漿薄，帶子肉彈牙鮮甜冇得頂！

講起食海鮮，大家可能都會想到西貢、鯉魚門、長洲等地區。其實屯門三聖邨亦是食海鮮的熱點，共有數十間海鮮檔，每檔各有特色，海鮮種類豐富，價錢亦比上述地區便宜一大截。不少食客都會在附近的海鮮檔自行購買鮮活海鮮，泰海鮮就可以因應客人的口味要求烹調。如你沒有任何頭緒，店員也會提供意見，把海鮮與最好的手藝結合，讓你吃到海鮮真正滋味。招牌燒鵝清蒸阿拉斯加蟹蒜蓉粉絲蒸元貝豉椒炒蟶子果皮蒸鮑魚避風塘瀨尿蝦清蒸東星斑鹽焗花螺白酒煮花甲酒焗桶蠔椒鹽魷魚XO

同朋友聚一聚想食海鮮，佢地提議黎呢間泰海鮮😆可能因為平日去所以唔算多人，座位間隔都夠寬落，坐得舒服炸帶子粉漿夠薄，帶子又大粒，趁佢新鮮炸好即食🤤口感外脆內軟，正!豉椒蟶子皇米粉底米粉底整到好似薄餅咁，夾埋豉椒蟶子皇一齊食嘅口感好豐富，蟶子皇夠彈牙，但美中不足嘅係豉椒汁有少少重味海鮮湯海鮮湯同料分開上，見到除左蕃茄薯仔外，仲落左魚、蝦同埋蜆仔去煲，湯落左胡椒去辟腥味，所以飲落唔腥仲暖胃!豉油王蝦蝦夠新鮮，肉質實深，食落啖啖肉🤤砵酒焗桶蠔蠔夠大隻，唔會焗到過老，肉質仲keep到軟滑😆正!食完真係非常之飽又好滿足，下次可以再試!

去過十九幾次，你問我厭唔厭？我又真係唔厭。 今次帶我阿媽去食，原來去咗咁多次都未試過帶阿媽去三聖食海鮮，就挑戰下。 阿媽最愛魚湯，海鮮湯係不二之選，淨係嗰一堆料，就知道有幾足料。 泰式香茅瀨尿蝦，基本上喺呢度嘅首選，每次必點，滿滿係膏嘅瀨尿蝦，食到人會覺得非常滿足。 辣油煮花螺，選嘅係細細粒嘅花螺，相對大嘅東風螺，叫細嘅吸辣吸油得多，此時此刻，究竟飲白酒好定飲啤酒好。 油鹽焗奄仔蟹，最傳統嘅煮法，當然試過月嘅法式牛油焗之後，油鹽焗好似欠缺左一種油香，但當然，呢度嘅表現都唔會太差。 白酒忌廉煮花甲烏冬底，阿媽未食過，就話呢個超好食，我就當然有少少厭，始終太飽了。 同場加映上次冇食嘅上湯焗龍蝦，伊麵底係必須，龍蝦重拳出擊，食完點會唔飽。 又係煲，換左食美國蠔，又肥美又香，食完一定好有反應。 另外試咗薑蔥鮑魚煲，除咗薑蔥之外，佢竟然加咗白胡椒，成個味道唔同晒。 阿媽表示滿意，咁就好，呢啲選擇最穩定，又不會出事，遲啲冬至做節新年食飯必選。 泰海鮮 屯門三聖街6號三聖商場地下5-8及14-16舖

最鍾意就係同班水友食飯，做運動之餘，可以食好嘢，又可以聯誼一舉兩得。每個月頭就會搵一間餐廳食飯，以屯門三聖邨係熱門海鮮嘅選擇，係因為平靚正又抵食所以次次都會去。每一次我都會選擇一至四平日夜晚來食飯，因為貪人少，可以傾偈，而且坐得舒服。好似今日一班人浩浩蕩蕩去街市掃下貨買下嘢，跟住選擇餐廳。平日都成日去大排檔式嘅中菜館，今日有人想話食泰式嘢，於是順理成章揀咗泰海鮮。先整隻上湯龍蝦伊麵，食完點會唔滿足，揀咗隻本地龍蝦，平靚正。呢度處理龍蝦真係有一手。我自己就選擇左最鍾意食嘅東風螺，加上辣醬，好得。我仲特登將個辣汁拎走，外賣返去俾女婿煮麵食。點了鮑魚煲，個鮑魚煲好重白胡椒味，香噴噴而且剛剛好。另外都叫咗奄仔蟹，仲以為過咗時間冇得食，但係蟹膏依然咁精彩。仲有又係叫咗白汁蜆烏冬，有個朋友基本上次次都會點，佢話從未失手，我自己就喜歡食飯多一點，頭先鮑魚煲嗰啲薑蔥，送飯一流。跟住最後有非常大隻嘅瀨尿蝦，用避風塘咁嘅炒法，再加埋炸腰果-一流，最緊耍啲瀨尿蝦好大隻又有膏。埋單每人都係$500 ，絕對係超值水準，食完再過去龍門食甜品。

可能你話，三聖村點解可以咁多人講，又唔係特別平，唔係特別精彩，原來係乜？我又覺得同文化地域都有關。朋友係屯門大西北的朋友，佢屋企好鐘意海鮮，而佢地以前出香港九龍真係隨時要一個半小時，可能你約左但因係公路塞車塞一個小時的那個年代，就算西貢平靚正，都未必會走入去食海鮮。因此，佢地會加一兩間餐館和海鮮檔做擔，熟悉後就可以食得開心。就好似今日咁，同一班大西北朋友，佢哋都話好熟泰海鮮同廣東名門 。因為廣東名門價錢夠為貴，於是乎泰海鮮就順理成章成為我的選擇了。一定要食龍蝦，芝士焗係膽？不是呀，上湯才是正貨，選了本地龍蝦，加伊麵底。海鮮湯又係必點的，人人飲又點會不夠好，咁多次食又有咁多料都無乜點錯。泰式香茅瀨尿蝦用上靚瀨尿蝦就會精彩。辣油煮花螺，以前常來吃，食佢送個白飯，好得。油鹽焗奄仔蟹同之前食過用牛油焗的都有少少相似，不過我愛鮑魚同蠔煲多點。我一定要點白酒忌廉煮花甲烏冬底，呢個曾紅到發癲的主菜，不吃無話題。今日配上關財記海鮮，和泰海鮮廚，絕佳配搭。網址: https://s.openrice.com/QrbS0XLS100地址: 屯門三聖街6號三聖商場地下5-8及14-16舖

去東涌行吓街，因為有隧道嘅關係，揸車由屯門去東涌實在太方便，於是就決定由入去三聖食海鮮。今日又係去買海鮮，不過因為實在去食過好多次，我發現其實喺嗰度叫海鮮其實平好多。我係應該後叫醒我兩樣海鮮，自己又買咗幾樣海鮮。發個價錢都係喺嗰度大件夾抵食。海鮮湯，基本上係每次必點，全部海鮮嘅鮮甜味，加上蕃茄薯仔，好得。點了一個鮑魚，用豉油王，做到煙韌無比。大家都知道呢度嘅泰式食品係處理得好好，泰式香茅瀨尿蝦基本上每次都必吃，我個人覺得，呢個唔使喺海鮮檔買，佢嘅來貨，有質素保證。辣油煮花螺，每一次都想帶一個公仔麵嚟煮，本身冇諗住嗌，又係見到隔離枱食，就想食。我以為過咗時令，都仲有得食油鹽焗奄仔蟹。本身話叫酥炸生蠔，但來了薑蔥蠔煲，都做得不錯。尾聲當然要叫個白酒忌廉煮花甲烏冬底，今次應該係做得最好嘅一次，完全唔漏，又唔會有好濃嘅忌廉味。次次食都真係幾開心，都係五六百蚊一位，食完去行街或者去黃金海岸睇吓星都開心。

食海鮮一定要多人食先至正，可以試多幾款，今日同屋企人喺屯門買咗啲海鮮就入去三聖邨食，二間餐廳食咗幾次次次都唔會令我哋失望 ！手工費價錢合理，服務態度好，又快手。除咗返煮海鮮，佢哋啲招牌菜都好值得一試👍🏽👍🏽

第一次咁樣體驗食海鮮🤣入到餐廳呀姐先同我地講除咗套餐之外其實都係加工架咋！海鮮要自己帶嚟🤣 就叫我地出去出面三聖啲海鮮檔買過嚟我地去揀完海鮮之後就落埋order點樣煮喇食咗蟶子、瀨尿蝦同奄仔蟹新鮮好食好滿足！

今日一行四人去屯門三聖邨嘆海鮮，揀咗一間叫泰海鮮試下！環景都不錯，酒樓格局。今日天氣有啲涼，一坐低我哋揀咗個海鮮湯暖一暖身，湯底十分鮮味, 有賴尿蝦同蜆豆腐蕃茄。之後我哋食咗個炸帶子同豉油王中下, 炸帶子外脆內軟, 恰到好處， 仲蝦就十分惹味。最精彩嘅就係青山灣焗龍蝦，龍蝦表面有一層芝士焗，蝦肉厚身兼且彈牙，全晚最好食嘅一味。最特別嘅係豉椒蟶子皇米粉底，底層係煎向左嘅米粉，配上豉椒汁竟然係好夾喎！加分！至於酒焗桶蠔夠大隻，而且焗得啱啱好，一d都冇過火。最後避風塘炒肉蟹就有係一貫嘅水準，好香好入味！整體全個晚餐都好飽，好有泰國特色, 唔係一般清蒸嘅貨色，讚！

周末假期中午同老婆加兩個朋友入左屯門三聖食番餐海鮮大餐，識揀一定揀中午時分唔洗同人逼～泰海鮮 位於海鮮街最頭頭果間，非常易搵，中午時間都有營業！今次最想食到瀨尿蝦，因為自己係家好難整到！泰式香茅瀨尿蝦第一次食到，淡淡香茅味，同瀨尿蝦爽甜又幾夾！海鮮湯 用左大量雜魚、蜆肉、蕃茄、薯仔提鮮，最犀利仲有剛剛食過嘅瀨尿蝦熬湯。鮑魚用左豉油皇煮，鮑魚入晒味質地仲非常爽彈。桶蠔用最大路煮法薑蔥蠔煲，再加入黑椒調味，蠔肉脹卜卜，鮮味十足！奄仔蟹 通常都會油鹽焗，可以保留晒所有蟹膏，蟹肉都非常鮮甜！辣酒煮花螺 平時食唔得辣嘅我食唔到，不過朋友們都話唔係太辣，螺肉唔會過硬，食落陣陣酒味！白酒忌廉煮花甲配烏冬fushion 配搭，忌廉味好濃郁，花甲亦非常足料又無沙，大家對呢碟都讚不絕口！

海鮮海鮮🦞，對海鮮冇敏感嘅人都必定鍾意食海鮮，龍蝦🦞、蟹🦀、虾🦐、賴尿蝦、扇貝、螺、魚🐟等等而食靚海鮮大家都好會去西貢、鯉魚門，、流浮山，但屯門三聖邨都好出名，可以自己買海鮮去附近飯店度整，我嚟親都只會嚟呢間 -泰海鮮- 食，因為佢地整既芝士龍蝦🦞係非常出色，佢哋做嘅酥炸蠔都係相當吸引🤤今日主力食幾樣海鮮，芝士龍蝦🦞、鹽焗東風攞、清蒸九節蝦、椒鹽賴尿蝦、鹽焗奄仔蟹、蒸扇貝、仲叫咗碟我最愛嘅咕嚕肉❤️‍🔥每樣幾錢真係計唔到💰成餐飯大約$2000左右，每人@500 係基本 🤪🤪🤪

自從做左新界牛就多d 機會接觸到更特別嘅餐廳，難得好耐嘅朋友相約到黎屯門三聖食海鮮泰海鮮係果度最頭頭嘅一間，上網睇到佢地嘅海鮮料理方法最創新同特別，就選左呢間！加工餐牌制作勁多選擇。率先飲碗蕃茄薯仔海鮮湯 除有蕃茄酸味，亦鮮味十足，忍唔住飲左3碗！用料實在，有大大一整隻瀨尿蝦、蜆仔、大量雜魚熬製而成！豉油皇鮑魚介晒花煮得惹味，肉質彈牙！黑椒薑蔥桶蠔煲 呢排超想食蠔，薑蔥惹味蠔肉飽滿肥美！辣酒煮花螺 酒嘅香氣四射濃郁，唔算好辣，細細隻螺肉入味易咬！油鹽焗奄仔蟹 蟹有幾當造行一轉街市都知，爆膏油香充斥口腔內！泰式香茅瀨尿蝦 比一般經常食到嘅椒鹽/避風塘多了香茅嘅香氣，亦不會蓋過瀨尿蝦嘅鮮甜！白酒忌廉煮花甲烏冬底忌廉烏冬底真係勁creamy掛汁，好似係西餐廳先會出現到嘅味道，花甲超多舖滿整個大碟肉質鮮甜無沙！