泰海鮮 (已結業)

或者有時同你不是常見，但知道你的近況我也是很傷心的。 記得之前常常和你來三聖食海鮮，你最愛的士入，的士出，因為你話公司有得claim 唔搭唔安樂，於是搭車去屯門好像就是一個指定動作。 然後通常你都會只係選擇某一兩間餐廳食，因為你始終喜歡相熟嘅餐廳，而且每次都係搵嗰幾個侍應，每次都係搵侍應之前你就會俾貼士，因為你話咁樣先至可以令的次次你都有賓至如歸嘅享受。 而其中泰海鮮就係一間你成日去嘅餐廳。 今晚又來到泰海鮮，飲著海鮮湯，你說你老婆最鍾意飲，所以愛屋及烏，次次都點。 我也會記得泰式香茅瀨尿蝦，因為也是你們的共同興趣 辣油煮花螺，我們都笑說要每次都煮過公仔麵來撈汁，店家次次選的花螺都出色得很，肥美得得，不過似你唔似你老婆。 豉油皇鮑魚就乾身一點，但都是預期的精彩。 講起奄仔蟹又到季節了，油鹽焗奄仔蟹次次都做得咁好，不能不點，都是選料和廚司的隱定性高。 黑椒薑蔥桶蠔煲隻隻都夠肥夠勁，我又想起你們的一個笑話，可惜相信你們現在聽到這笑話只有後悔。 尾聲的白酒忌廉煮花甲烏冬底，那白酒底會令人想一飲而醉，忘記甚麼是天生一對，又可能忘記兩個人的

椒鹽瀨尿蝦😋😋😋😋新鮮，夠味，I like芝士焗龍蝦(伊麵底)😋😋😋正常發揮白酒忌廉汁煮花甲王(烏冬底)😋😋😋😋芝士龍蝦伊麵食到嫌？試下白汁烏冬啦淡淡酒香既忌廉汁配鮮甜的花甲再有埋掛汁的烏冬豉椒炒蟶子😋😋😋正常發揮鹽焗蟹😋😋😋D膏好多但又唔係話好香，蟹肉食落都幾鮮花雕蛋白蒸蟹😋😋😋蛋白比蟹好食先常識吧！蛋白盡吸蟹的精華.... 飯桶曼頭的送飯之選

之前到三聖食海鮮通常都係去海x， 今次諗住試下新嘢但真係有啲失望。 我哋都係自己買海鮮攞去加工。 先講啲蝦，個夥記好想叫我哋白芍因為其實白芍好容易做，不過白灼我喺屋企都成日食啦，邊使出去食。 我見橫掂都畀錢堅持唔要白芍揀咗豉油王。其實都幾好味嘅。 蒜蓉粉絲蒸扇 係ok嘅 。另外，叫咗個油浸筍殼， 真係失望。 以為油浸結果都係炸嘅， 搞到啲肉鞋颯颯。 個鹽焗蟹就有啲過份。 等咗個幾鐘先出。 而且同炸嘅咸蟹冇乜分別。 超鹹超油而且過熟，嘥曬我啲蟹。 另外點咗兩個餐廳餐牌嘅餸，都係一般般。 環境有少少污糟， 等咗好耐， 味道、 服務又一般， 所以真係唔係幾明點解咁多好評。

每次到三聖食海鮮一定會先去街市揀海鮮。但今次玩到謝晒皮既我地決定做一次癈人，直接係餐廳叫餸。意外地有驚喜，海鮮有街市自己買既質素，勝價比高，重點係方便快捷。炸帶子 – 呢個似餐前小食，其實我好怕帶子一煮耐少少就好un，所以今次另我對帶子有新睇法，師傅炸得啱啱好，做都內裡嫩滑。豉油皇中蝦 – 似係花竹蝦, 大大隻啖啖肉, 肉質爽嫩，味道啱啱好，唔會咸。砵酒焗桶蠔 – 又係大大隻，外層有口感，內裡又勁juice，但絕對唔係一層生粉包着，讚!豉椒蟶子皇米粉底 – 係我今餐最愛，蟶子皇超大隻，惹味鮮甜，炒得啱啱好，爽脆唔會un。青山灣焗龍蝦 – 一人半隻, 但都大過我隻大掌，面層有香口既芝士，重保持內裡的溫度，熱焫焫，啖啖肉，內質厚實鮮甜。避風塘炒肉蟹 – 又係超級惹味，明顯師傅落足料，炒得好干身入晒味，隻蟹又係大大隻勁新鮮厚內，重有少少膏。不過有小小辣，食唔到辣既要留意，但我就好鐘意。海鮮湯 – 每次食海鮮都一定會加，係屋企好少會有咁夠料去煲餐湯，鮮又甜正。

有咩節目好得過食好野😋今日幾個閨蜜遠道而來屯門，我地決定今次去屯門三聖食海鮮餐💃🏼💃🏼💃🏼💃🏼「豉油皇中蝦」火喉剛好🥰爽！野味👍🏻👍🏻「砵酒焗桶蠔」超級好味😍😍外脆內軟，味道香濃😋😋「炸帶子」脆粉簿簿的🤓「豉椒蟶子皇米粉底」好野味👍🏻 大大條蟶子，少有地底層有炸米粉餅，香脆😍配上豉椒汁🤤「芝士海邊龍蝦」炸至金黃色，外層香脆芝士味😍😍 「海鮮湯」「避風塘炒肉蟹」相當野味，有辣椒香👍🏻備註：🔺鄰近有海鮮街，買海鮮即煮，方便👍🏻🔺樓上近酒樓有廁所

有朋友住係三聖所以平時都會去搵佢食下海鮮，因我住係九龍區，好少入嚟屯門所以入得嚟就多數會去比較出名嘅南記，好少試其他餐廳。但因有朋友話想試下其他餐廳，咁我地就係Openrice search下有邊間好評，就揾到呢間泰海鮮都幾多人like，不過我地都唔抱太大期望點知竟然有驚喜！我地4人行叫咗7道菜先嚟有花生一碟—花生好脆，應該係自己炒，因有少少油，但好香可接受1:海鮮湯—用好多殼類海鮮熬成湯底，都幾鮮味2:炸帶子—用新鮮帶子外脆內軟唔會over cook3:豉油皇中蝦—比餃濃味，蝦好新鮮勁有鮮味4:青山灣焗龍蝦(2隻開邊4份)—芝士味焗但唔會搶咗龍蝦本身嘅鮮味5:豉椒蟶子皇米粉底—米粉底好脆，蟶子勁新鮮，豉椒比較濃味但都無搶賓奪主，好正6:砵酒焗桶蠔—呢個要強烈推介蠔勁鮮甜，好juicy,勁好味7:避風塘炒肉蟹—外殼汁濃味但保全到肉質鮮甜總括嚟講全部海鮮都無over cook唔會韌剛剛熟，因本人好怕海鮮煮得太熟over cook咗廚師煮法都比較濃味但完全冇搶咗海鮮嘅味道，食落去海鮮係好有鮮味。所以下次都會再同朋友去多次

想食海鮮，一諗就諗起屯門三聖！朋友就推介呢間泰海鮮呢碟花生幾好食喎，好香又夠脆！黎到屯門食海鮮，見到餐牌咩都想食，點知真係叫左所有野都係海鮮先黎個海鮮湯用左瀨尿蝦+好多魚一齊熬，味道好清甜豉油王中蝦一碟有8隻，上檯已經聞到好香每隻蝦肉質都好實淨，口感爽彈！夠哂新鮮砵酒焗桶蠔桶蠔好大隻，唔會焗得太熟中間仲好juicy！口感非常軟滑，重點係外層粉漿完全唔厚可以食到桶蠔嘅質感！豉椒蟶子皇米粉底蟶子皇好大隻呀口感爽彈鮮甜，煮得岩岩好不過美中不足嘅係米粉唔夠脆！炸帶子呢個賣相就比較單調，粉漿與帶子有啲分離～青山灣焗龍蝦面頭有啲牛油芝士香，肉質Q彈嫩滑一起肉就已經啖啖肉，非常滿足避風塘炒肉蟹味道辣辣地，又夠香，好有鑊氣肉蟹肉質結實，好鮮甜。仲有好大塊蟹膏添

久不久就會入嚟屯門食海鮮，泰海鮮師傅係我嘅唯一選擇。屋企人又愛，朋友又喜歡去，最好係價錢公道，你就算買海鮮過嚟或者就咁喺呢度嗌海鮮都唔會殺到你一頸血。呢個晚上一班人黎食個便飯，慶祝生日，開心下，又平又好食。今次點嘅菜單，芝士焗龍蝦，真心好精彩。加埋伊麵，絕對係小朋友最愛之作，小時候，最愛食龍蝦，澳洲來的，肉質勁精美。奄仔蟹多膏之餘，肉質都好鮮甜美味。辣酒花螺，撈飯一流。仲有薑蔥蠔，係我吃過很多次最好一次。另外白汁蜆烏冬同埋瀨尿蝦，又係非叫不可嘅美食。

大家幫襯支持記住問清楚來了加工費佢哋門口寫住來料加工費每斤56當時喺門口問 佢話總共計.等我哋有四味餸 總共兩斤半 佢話當三斤計。 咁佢話 清蒸56 其他 整法就78首先我 拎咗瀨尿蝦4隻貴妃蚌一隻 龍蝦四條聖子總共四味餸首先原來佢哋的 來料加工費是每樣送計咁我哋總共就要畀咗 78 x4冇錯 清湯整四隻貴妃蚌 加工費 78清蒸四橋聖子 加工 費78椒鹽瀨尿蝦加工費 78清蒸龍蝦加工費 78一碟花生15元茶位 四個共40以後我哋問佢點解當時話 兩斤半 當3斤。佢話從來冇講過， 所以大家喺門口問清楚先。頭先講番佢哋清蒸龍蝦 我哋講明開邊上 佢就整碎上 好明顯偷工減料。食落完全唔新鮮懷疑係 換咗 急凍龍蝦其次就係清蒸貴妃蚌 真到好韌 蒸 時間配合得唔好， 非常令人失望。清蒸蟶子算係不過不失 合理水平希望大家下次入去喺門口問清楚最好錄埋音

長者帶幼童入內食午飯, 因幼童食量佷少, 故只叫一份午餐, 但被職員要求叫兩份餐, 長者已解釋, 職員話今次讓長者叫一份餐, 下次不可以。長者和幼童用完餐後, 因跟餐有一杯餐茶, 長者便叫一杯餐茶, 職員話兩人食一份餐, 故不會給餐茶。餐牌指明一份午餐跟一杯餐茶, 長者只係一份午餐叫一杯餐茶, 為何扣起這一杯餐茶? 這樣欺負長者幼童食客, 有幾好美食都無用,  無人情味的餐廰,  不值光顧!

第一次寫食評，用左呢餐海鮮餐小試牛刀星期日同朋友四人一行入左屯門三聖邨，抽筋突然想食海鮮又無訂位，見到發記門口人山人海。。。試下去泰海鮮問問，好彩勉強比到張檯仔我地OK, let’s go,發記 I am coming可能仲係休魚期，蝦只有赤米，但好想食蝦，呢款赤米今日唔貴，先來斤半，再來龍蝦北寄具鮑魚花甲扇貝，少少地今日買住咁多先好耐之前食過一次泰海鮮，今次D野點煮好呢？白灼海蝦海蝦赤米一定白灼點豉油難唔到師傅，蝦新鮮就一定好食，細細隻鮮甜有味打開我個黑洞胃油鹽水浸花甲因為今日天氣熱大家無咩胃口食飯麵類，咁來個油鹽水浸花甲，花甲無沙，加左黑胡椒去煮，清甜鮮味蒜蓉粉絲蒸北寄貝比心機食呀，D野不斷上緊檯！到北寄貝上檯喇。。。what!!!8隻點解咁大個碟？原來一開二，一人食4邊 on my god!好好好大隻，蒜蓉粉絲蒸真係無得輸，好多蒜蓉好多粉絲，但食落又唔會失左北寄貝的鮮味！我真係好鐘意食海鮮呀脆皮芝士焗龍蝦主角好快好快又上檯一斤一隻澳龍真係抵食夾大件，都唔知多謝邊個喇，總知就大家開開心心有平澳龍食，食過龍蝦都知道本地龍蝦同澳龍絕對不能同波士頓龍蝦比美！脆皮芝士焗大大件好香口，唔算油

之前同事帶過我去三聖村食海鮮，難得同老公响黃金海岸Staycation，就同佢去食海鮮，睇見呢間响Openrice 評語唔錯 (好過我上次去嗰間)，於是去試試唔同嘅口味。我地先去海鮮檔買海鮮，買咗四樣野，共$960。花甲唔錯，大大隻，無沙，個味呢？幾特別，好香酒味，但又唔係好食到追住食蒸海鮮最穩陣，鮮甜！薑蔥蟹都無問題，但好似爭少少，唔夠野味...最貴嘅賴尿蝦！味道上唔到賴尿蝦度，做出嚟嘅肉質有欠鮮嫩，香茅味只係响腰果度食到，好失望~除咗四個海鮮，再加咗一樽啤酒同通菜。通菜炒過龍，偏黃同林，啤酒無得錯啦? 都唔係架，埋單計咗兩樽！全單$56x ，因為碌咗咭先見到，佢地退返$2x 現金俾我地 (1樽啤酒嘅錯，無退加一)。簡單d講，貪得意試下~可以！但一定無下次！

2O21年3月26日一行四人先到北河街，街市買左兩隻澳龍，八隻鮑魚，兩斤蟶子皇合共$6oo多元，跟住坐車入三聖邨泰海鮮開餐，本來食開南記因為越食越差，所以今次轉場，除左自來海鮮仲叫左個四人海鮮餐內有約半斤新鮮白灼蝦，八隻肥美砵酒焗生蠔，仲有每人半邊芝士焗脆皮龍蝦再加上 四隻 蒜蓉粉絲蒸大扇貝 單尾有揚州炒飯 上湯蒜子浸白菜仔 切片西瓜一碟 再加埋自來清蒸澳洲龍蝦 豉椒炒蟶子皇 薑蔥黑椒鮑魚煲 合共埋單1635 元 每樣餸都整得非常好味 侍應換骨碟的速度亦非常快 感覺是一餐超值及愉快的晚餐 值得推薦

今日係二人限最令嘅第二日...！我同老友一早已經約好今天要去食餐好食嘅海鮮佢介紹三聖有一間餐廳除咗可以自來海鮮烹調外..！還有一些套餐供客人選擇我哋兩個人叫咗$680嘅海鮮套餐...而且叫多一個外來嘅聖子王...一斤係$170....加工費係$78先來白灼蝦...味道都爽口彈牙再嚟一個砵酒焗生蠔...蠔雖然超級大隻...但味道較為鹹咗少少再嚟一個主角脆皮芝士焗龍蝦呢個食法都幾新鮮特別真係啖啖肉呢個就係我哋帶來的一斤聖子王用蒜蓉粉絲蒸的確幾好味...而且一斤有六大隻...一人仲有一隻大扇貝...都幾新鮮另外仲有多一個炒飯埋單每人都係五百幾蚊...都算幾抵食

基本上我好少會去咁遠食飯，之前有老闆請食飯就話去，每次佢哋講開去三聖邨食飯，我都真係覺得非常之煩。都唔明點解老闆咁鍾意去到咁遠，基本上兩三個月一聚嘅team building都係話要食海鮮，去親食海鮮都話去屯門，點解不是香港仔，鯉魚門都冇咁遠。次次我仲要搭Van仔入去坐車坐勁耐，最慘嘅係返屋企都好浪費時間，而有幾個同事都係住元朗屯門區，因此特別羨慕，而且來食飯都會覺得有啲厭惡。不過好嘅係，呢度嘅食材都算幾好食，就算遠，都令人放下心頭嘅不忿。當晚依舊食咗幾個唔同嘅海鮮，例如有呢個鮑魚，真係好大隻好好食。當然仲有勁大隻嘅香茅賴尿蝦，賴尿蝦一個人食一隻都唔過分。跟住我哋仲點左個烏冬，呢個係老闆指定菜式。仲有老闆佢成日話食蠔可以壯陽，次次都要叫，俾我食都唔知有乜用，我咁後生。諗住有得試吓大閘蟹，點知又係食奄仔蟹，又真係幾好食。最後叫埋個魚湯，簡單一餐飯傾吓計幾支啤酒，之後又要搭返一個鐘車出九龍。唯有安慰自己食一餐好嘢啦。