泰海鮮 (已結業)

去老鼠洲食海鮮可能無咩人知,其實就是現在的青山灣,近來四處和食家朋友去試時令的奄仔蟹,今次揀了三聖邨的這家滲入泰式煮海鮮的店子,特別揀了手扳咁長嘅瀨尿蝦用香茅泡油,端上枱時香味十足勁多香料和香脆的腰果做配菜,好味到差些忘了主菜是啖啖肉鮮甜的瀨尿蝦。當然必要試的油鹽焗奄仔蟹,勁多羔又厚肉,"正"。吃完這兩重味的海鮮,店員端來一盅海鮮湯,完全是奶白色的足料海龍王做配料加上番茄薯仔淆湯,喝到停不了。繼續不要停,再來的是爽口彈牙的豉油皇鮑魚,且也很大隻,另一惹味的薑蔥焗蠔煲,其實已經大半飽了,朋友再叫了一個辣酒煮花螺,頗有泰式風味够辣,店員更介紹一個fusion菜,白酒忌廉煮花甲配烏冬底,口味新奇又好味,大家竟然也可以清晒枱,實在是大滿足。下次才試它的名菜芝士龍蝦!

聽講三聖既海鮮好岀名 所以去左呢間食~叫左一個4人海鮮套餐 開頭會俾一兜花生 後尾先知成$15加1…而且啲茶凍既 仲收我地每位$10而且叫佢俾杯熱水都臭臭串串白灼蝦係人都識 無難度可言 我估吾到呢道菜會係最好食個道。。。。呢道椒鹽鮮魷係伏左 淋哂又吾熱 好失望。。菜就正正常常喇 呢個芝士焗龍蝦食到嬲嬲地 咸到痴線 肉又整到鞋哂實哂浪費左個龍蝦。。炒飯都食到嬲 係 啲飯係一粒粒 但完全無味 又乾 完全食吾落扇貝好難整得吾好食 呢間吾係吾好食 係入面全部都係沙 店員仲話吾會有沙？好明顯廚房洗得吾乾淨喇鮑魚都係無洗乾淨 全部都係屎 我真係著著地 值錢既嘢又吾整好啲 大佬我地特登黎食呢啲垃圾？個店員仲問我西瓜好無食 我差啲同佢講成個套餐西瓜最好食。。禁既嘢就要1500蚊？我究竟食左啲咩。。拍無服務可言仲收我加1…

難得約到好友假期遊車河,順道到青山灣在海邊看日落,差不多是晚飯時間,看見路邊的幾間海鮮店裝修豪華,想必一定很貴,既然主要都是食海鮮的質素,就嘗試找了這間前身是小食亭的泰海鮮,一坐下店員就端來一大盅足料的海鮮湯,湯料有大蜆、瀨尿蝦和一堆不知名的魚,湯味濃郁又鮮甜,感覺是一個好的開始,另外大大隻的椒鹽瀨尿蝦和鹽焗奄仔蟹都是太座的至愛,兩樣菜色都很惹味兼鮮甜,而我就叫了較少煮法的豉油皇鮑魚,爽口彈牙,朋友就叫了薑蔥焗蠔也很肥美,另外,那個辣酒煮花螺細細隻,正正合我口味,因為太大隻略嫌難消化,單尾要了一個西式煮法的白酒忌廉煮花甲配以烏冬底,正好為這頓美味的海鮮晚飯做一個完美的句號。

屋企人特登入嚟屯門食海鮮，點知服務咁差，我勸你哋千祈唔好去，完全唔值得咁樣洗錢買難受。我知道入得呢間度食嘢，都係食佢嘅味道而唔係服務，所以一開始係完全冇期望，但係都冇諗過成件事會咁離譜。7:45pm 一入到去，就話得門口位我哋，我哋四個人，但係嗰張其實係兩人位嚟囉坐到好迫好唔舒服。張枱似係臨時加出嚟，地下真係好污糟平時一定冇抹嗰個位，碗筷嘅污跡洗唔乾淨，凳都好多灰塵，我嗰張凳上面仲有牙籤添。地下有啲不知名物體，我唔知道係海鮮嘅殻定係昆蟲殻，有半張枱嘅位係橫樑壓頂之餘完全冇燈嘅。我哋坐咗45分鐘，都冇夥計得閒過嚟，問佢地淨係話有時間秤完海鮮就會過嚟。期間後面有張比較好嘅枱空左出嚟，我媽咪就問可唔可以換枱，既然乜嘢餸都未上（其實係連落單未得閒幫我哋落）有個阿伯夥計即刻好冇禮貌咁話唔可以換，話一開始唔想坐就出聲唔好勉強。之後終於有另一個男人問我哋想點整，但佢都係好冇禮貌㗎。好快落完海鮮單就想走，之後我哋同佢講話仲想再炒個菜，佢又好冇禮貌咁講：「仲有其他咩要食㗎？嗱嗱聲講埋啦！」之後再等咗一個鐘，第一味餸終於上，係我哋個炒通菜。我哋食嗰碟菜食咗半個鐘之後先上另一道海鮮。嗰陣時已經覺得佢哋個廚師

呢間餐廳又再一次令一般唔寫食評既我要寫一寫佢原本見到咁多好評就係眾多餐廳中簡左佢黎試試，點知食到一肚氣！見到個個寫個白酒汁烏冬好似好好食咁，黎到梗係想試下，諗住1半整豉椒炒花甲，1半整白酒汁，點知職員話呢個汁無返貨～ 其實無返貨都好平常姐，所以我就問佢，“咁芝士汁烏冬底做唔做到？” 侍應阿哥好清楚咁答我“呢個得！同埋你咁分開一半一半整，我都係要收你兩款既加工費架！” 見佢出力咁建議我地只做1味，咁我地就簡左芝士味烏冬底 佢覆單都無錯既…… 點知最後就黎左碟😪豉椒炒花甲烏冬底 （🤔我心諗： 呢個究竟係咩組合！）搵個侍應姐姐黎問下…… 其實都唔預佢可以換返一碟俾我，因為d海鮮係要自己出去買，但係點都係要同佢反映一下既～ 🙄點知得到既答案係👉“師傅話芝士汁做唔到烏冬底，咁而家點好？ 幫你取消左個烏冬佢啦～” （咁點解你餐牌同侍應都話得呢？如果係錯 點解唔認左佢？做唔到就可以自己話事變另一個菜式？？？）蒜蓉粉絲蒸聖子～ 勁油鹽焗奄仔蟹～ 得蟹自己既原味，好似食緊蒸蟹咁豉椒炒花甲～ 有d鹹，🤦‍♀️最失敗就係個烏冬底菠蘿雞粒炒飯～ 算正常，不過d雞都係無咩味蒜蓉炒菜芯～ 本身其實係叫生菜，點知佢

三聖有好多間酒家，基本上都差唔多，但係今次試咗呢間，舖名有個泰字，果然有新做法。冬蔭公湯煮花甲本身已經鍾意飲冬蔭公，但原來加咗花甲好鮮甜，好一個新食法。青山灣焗龍蝦厚厚芝士焗配花龍，每人半隻剛剛好。本身花龍又比澳龍鮮味，加埋芝士看噴噴又惹味。豉油皇鮑魚豉油皇加埋香䓤鮑魚，香口又入味。豉椒蟶子皇米粉底聖子大大隻但非常爽甜，另外配煎米粉底香趣但唔膩。砵酒焗桶蠔砵酒焗蠔自己屋企比較難整，最好出街食。之前喺流浮山食過用本地蠔，係鮮甜少少但唔夠厚肉，而家用桶豪整就口感好好多。辣羔炒蟹有泰式風味嘅炒蟹，但下次再食落單話辣少少就再好味啲。海鮮湯送咗個海鮮湯，好足料，又濃又甜，湯渣都一大碟。

男友呀B星期六和我到屯門黃金海岸玩，之後帶我去屯門三聖邨的泰海鮮吃美味海鮮，真的抵讚!泰海鮮座位舒服，環境也不錯，我們太餓了，急不及待地點了數個海鮮!首先叫了一個海鲜湯，份量很多，不但鮮甜而且又滿滿鮮味，我們喝到停不了口!酥炸生蠔有6隻，而且每隻也很大，我覺得炸得很脆而且蠔味十足，我們一下子吃光光了!油鹽焗醃仔蟹，每隻開了，蟹膏很香口而且很鮮味，因為當季的關係，實在值得一嘗!今天男友的安排，我真的覺得泰海鮮性價比高，而且海鮮真的口感一流，吃過番尋味!

今日一行4人去完黃金海岸沙灘遊水，跟住去左屯門三聖買海鮮再去【泰海鮮】加工，侍應推薦左出面較小既煮法比我地如：「冬蔭公湯煮花甲」同「青山灣焗龍蝦」，大路煮法就有：「豉椒蟶子皇米粉底」、「香辣炒肉蟹」、「砵酒焗桶蠔」、「豉油王鮑魚」，另外加咗個海鮮湯，呢度加工水準一流，每款上枱的海鮮火喉十足🔥食材烹調恰到好處唔會煮到過熟，盡顯師傅功架， 個冬陰公煮花甲食倒花甲既鮮甜味外，冬陰公湯亦好惹味我到每人都飲左一碗tim， 個青山灣焗龍蝦釀左好多🧀芝士去焗做到外皮脆蝦肉爽滑，比傳統出面一般嘅芝士焗龍蝦嘅做法更勝一籌，其他海鮮菜式都係水準之作， 呢度厨房師傅手勢好， 加工價錢合理又公道，下次都會再嚟返兜。

今個月中約左朋友聚餐去左位於屯門三聖邨既《泰海鮮》食海鮮餐，朋友一早book左枱，當晚1800準時到達入座，睇完餐牌花多眼亂，大家又好似有選擇困難証諗唔倒食乜😂，最後我地就問侍應有咩是日推价並介紹左以下菜式有：海鮮湯、冬蔭公湯煮花甲、豉椒蟶子皇米粉底、辣糕炒肉蟹、砵酒焗桶蠔、豉油皇鮑魚、青山灣焗龍蝦，海鮮陸陸續續送上，最後食完呢餐大家都非常滿足，每碟餸都用料新鮮火喉十足，正所謂中國人食飯最緊要有鑊氣👍🏻👍🏻 呢度完全做得到，個人特別喜愛青山灣焗龍蝦，肉質飽滿之餘配埋個脆皮芝士好香口好夾好好食，另外海鮮湯雖然其貌不揚，其實係禾稈冚珍珠集海鮮精華於一身，必飲👍🏻呢間食物質素真係冇得彈👍🏻現場侍應服務係好既，一定會再幫襯😋😋

尋日入左屯門三聖食海鮮，我地一行4人就去左一間叫泰海鮮的酒家，之前有住喺屯門既朋友推介的，食過話價錢公道同用料新鮮，所以就簡左呢間，現場環境係好典型懷舊式的海鮮酒家格局，真係別有一番風味，睇餐牌都有幾多選擇，最後叫左以下菜式：1, 海鮮湯-(湯味香濃匯集海鮮的精華，必叫之選) 2, 豉油皇鮑魚-(火喉掌握得好好，唔會韌同口感好好，用豉油提鮮帶出鮑魚的鮮味)3, 冬蔭公湯煮花甲-(好少食到用冬陰功嘅煮法，原來配埋花甲係咁夾)4, 青山灣焗龍蝦-(屯門三聖既招牌煮法，龍蝦啖啖肉芝士脆皮夠香口，店員會畀埋刀叉你去食，真係名乎其實既刀叉享受)5, 豉椒蟶子皇米粉底-(蟶子好嫩滑，個米粉底配埋豉椒汁非常好食)6, 砵酒焗桶蠔-(酒味香濃做到外脆內嫩)7, 辣羔炒肉蟹 (煮得唔會太辣，微辣返而帶出蟹嘅鮮味，淨係食個大大隻的蟹鉗已經好滿足了)整體呢間泰海鮮食材用料新鮮，廚房師傅嘅功力相當有水準，服務方面都好好店員亦會時常換碟同加茶加水，所以下次嚟開三聖食海鮮一定會揀返泰海鮮。

今日約咗老友去屯門食海鮮。三聖邨聽就聽得多，但就從未嚟過，都唔知邊間好食。朋友係識途老馬，佢帶咗我去泰海鮮，佢話呢間上次食過，做得唔錯，今日約齊腳，再過嚟食多次。我地叫咗幾個餸，有我的至愛酥炸生蠔，另外仲有辣酒煮花螺，白酒忌廉花甲烏冬底，油鹽焗奄仔蟹…油鹽焗奄仔蟹叫咗兩隻，每人有半隻。半隻好夠喇，啲膏多到呢，張住個口，簡直齒頰留香，正呀。酥炸生蠔啲蠔大大隻，炸得又香又脆，唔會好油，隻隻都脹卜卜，肥嘟嘟， 蠔味十足，果然冇令我失望。白酒忌廉花甲烏冬底用白酒忌廉嚟煮花甲真係唔錯喎。啲花甲除咗鮮味之外，仲有陣陣白酒忌廉香。其實反而最驚喜就係啲烏冬，烏冬食落好彈牙，應該係貴價靚烏冬，再加埋白酒忌廉，同花甲啲鹹鮮味落咗去烏冬到，啲烏冬轉個頭就畀人夾曬，一條不剩，大家果然識食。老友果然冇介紹錯，泰海鮮性價比高。下個星期中秋可以帶埋屋企人再入嚟食返餐。

今日中午跟朋友去屯門三聖村食海鮮。以往每年都會到這邊幾次，邊吃海鮮邊逛逛，但疫情之後一整年未有來過，不知這裡變化可大。我們去了泰海鮮，在商場附近。今次沒有去海鮮檔買海鮮來料加工，就在餐廳裏點幾道愛吃的。泰式香茅瀨尿蝦避風塘瀨尿蝦就常吃，但這個香茅瀨尿蝦則是第一次試。一碟有兩隻，大大隻。賣相跟避風塘差不多，但吃進口就知不同，少少辣之餘，又有陣陣香茅味。蝦肉彈牙又多膏，非常好吃。油鹽水浸貴妃蚌貴妃蚌勁大隻，亦好新鮮。只需簡單煮法，就可以帶出貴妃蚌的鮮味。油鹽水浸簡簡單單的，煮出來勁好味，貴妃蚌既爽口又鮮甜，值得一試。海鮮湯湯底以蕃茄薯仔為基調，再加上大量海鮮，怪不得湯味如此濃郁。看，湯渣裡有很多小小瀨尿蝦，還有許多許多許多魚碎，所有魚肉精華都溶進湯中，味鮮得欲罷不能，我一連喝了三碗。飲飽食醉，泰海鮮比預期的要更好，秋涼時分，要再來試多次。

趁而家疫情放寬，可以同朋友聚下，就諗到去屯門三聖邨食海鮮，眾裏尋他，我哋就選擇了泰海鮮試一試。我們一行四人，點左海鮮湯、油鹽水貴妃蚌、泰式香茅瀨尿蝦、辣酒煮花螺、油鹽焗奄仔蟹、酥炸生蠔同白酒忌廉煮花甲烏冬底。首先上場的是海鮮湯，因為配料充足材料新鮮，所以湯味濃郁、鮮甜無比。跟住嘅貴妃蚌，亦都因為食材新鮮，不用加什麼調味料，用油鹽水勺，已經好鮮甜了，保留住蚌嘅鮮味。我嘅至愛賴尿蝦，唔用傳統嘅椒鹽，改用泰式香茅，特別惹味，配料嘅腰果也不錯呢。奄仔蟹，充滿黃黃嘅肥膏，鍾意食膏蟹嘅朋友，係唔錯嘅選擇。酥炸生蠔，外脆內滑，上碟時熱騰騰的，小心盪手。辣酒煮花螺，螺肉爽有咬口，唔太辣。最後，大大隻嘅花甲，用忌廉汁撈上烏冬，真係食到捧住個肚了！

好多人都話屯門三聖嘅芝士焗龍蝦好正，今次特登入去食呢個芝士焗龍蝦伊麵，不過朋友唔識叫叫錯咗唔係最出名嘅三星芝士焗，有點可惜，但我哋搵咗一隻兩斤幾嘅波士頓大龍蝦，非常新鮮，而且個芝士麵做得非常之唔錯。其他嘅菜式例如瀨尿蝦同煮花螺係我最鍾意嘅一個菜式。尤其是個辣汁，花螺煮得非常之入味。夏天就最適合食奄仔蟹，油鹽焗就剛剛適合，肥得來，吃盡所有嘅蟹膏。當然仲有桶蠔同白酒蜆，次次都一定會叫。當然仲有海鮮湯，全部都維持泰海鮮水準。

今次又有老友生日，當然要慶祝下，係香港仔同三聖之間，我還是選擇了屯門。食香港仔有個好，最少係多左西多士，仲有交通方便。三聖無咁方便，但我就係想遊車河，再加上可以去屯門其他地方食甜品。先來大雜燴海鮮湯，乜都有，落足料，最正係呢堆海鮮都有排你食。豉油皇鮑魚大大隻，原汁原味。朋友次次要泰式香茅瀨尿蝦，貪佢香口嘢味，但我告訴你，其實呢度油鹽水都唔錯。辣油煮花螺，又係送飯送公仔麵的時候。時令油鹽焗奄仔蟹，選料上乘，啲羔香滑，一個字-正！黑椒薑蔥桶蠔煲，隻隻肥美大件，肉質飽滿。人人都話食白酒忌廉煮花甲烏冬，呢個係食咁多次最好，不會太肥，太過杰身。花甲大隻冇砂，一定係時令。今次坐房，可以開懷暢飲，特別開心，咁又一次海鮮聚會。