泰源獅城風味

营业中

休息中

在旺角下班，我同事看看附近有什麼餐廳可以晚飯，留意到這一間新開的新加坡餐廳，想起很久沒有看過肉骨茶的我便和同事晚飯餐廳採用QRcode下單，店員推薦他們主打的新加坡派系白肉骨茶，湯底有別於馬來西亞派系的黑色，入口胡椒味香濃，帶有肉香味，有點像豬骨湯的濃厚版本，而且即使不是點了份量最多的，仍然有三根大排骨，入口鬆軟不柴，另外驚喜的的是他們的肉骨茶是無限任添，性價比高和同事額外再點了小菜，他們的小菜分量超多，酸辣土豆絲，入口酸酸辣辣而且鑊氣重，土豆絲爽脆香口炒通菜，鑊氣重的小炒的確滿意，通菜醬香味濃另外這間餐廳還提供滷水小菜，點了滷水豬手，豬手肉質軟熟，滷水底處理得亦不錯，味道香濃不咸，是一道滿意的滷水豬手此外也想讚賞一下店員，他們的態度有禮，細心講解他們的肉骨茶派系和菜式推薦，值得再來

放假落大雨，邊度都唔想去！唯有屋企附近搵食，見到旺角有間新餐廳有肉骨茶飲就入去試下！特選大排骨湯$58湯汁色澤淡黃，原來係潮州式白肉骨茶同平時見到嘅黑肉骨茶唔同！由瘦肉、豬骨、香料和藥材熬製而成，胡椒味香濃！新加坡海南雞飯配油飯$86軟嫩的雞肉沾上醬汁好惹味，配香氣四溢的油飯，味道更加豐富。星洲喇沙炒貴刁$58QR CODE落單見到可轉米粉或轉麵，所以就揀左炒麵，原來係炒即食麵🤭滷水大豬腳（半隻）$68肉質鮮嫩多汁，皮Q彈有嚼勁，滷汁浸透了豬腳，口感豐富，不僅有咸香的味道，還有淡淡的甜味

餐廳新店開張不久，座位舒適，餐牌選擇種類算不少，除了有海南雞飯之外，更有我很喜歡的肉骨茶、特色滷水拼盤等等，而且價錢相宜。 新加坡海南雞配油飯$78午餐包括一碗湯及飲品，海南雞飯份量很多，海南雞肉質滑嫰，雞油會慢慢喺口入面滲出來，都幾香口。 肉骨茶 特選大排骨(套餐)$78呢度肉骨茶係可以無限添湯，肉骨茶湯底並非藥材湯底，係胡椒湯，但又唔會好辣，有少少似胡椒豬肚湯，但有蔬菜嘅鮮甜味，有三條大排骨，好多肉，好易咬開，而且都有油炸鬼俾你放落湯，油炸鬼炸到脆卜卜，好食。滷水三拼盤$68其實有多款嘅滷水拼盤可以選擇，但我見到哩個三拼盤，係我每樣都中意食嘅，有豬腸 、五花腩、雞旦，底下鋪滿了豆腐，其實可以話叫滷水四拼盤豬腸滷得好入味，最底下嘅豆腐吸收哂滷水汁，超級入味。

早幾天，新加坡有大貨回舖，匆匆忙忙收拾好就開舖。體力消耗太多，肚子很快就很餓。午飯時候，和Foo一起去食新加坡風味的餐廳，各叫了一個套餐，再叫多兩客小食，實行肚子先滿足，再努力工作，哈哈。人均消費大概$133。麻辣香鍋套餐 $81 有跟一碗大白飯。牛肉片，牛柏葉，雞肉片，金針菇，鮮魷魚等都不算辣，可能因為叫了微辣，所以帶有刺激味蕾效果，但平時少食辣的朋友又食到。配料烹調時間適中，不會炒得過老，咬口嫩中帶辣，餸飯入口滋味。肉骨茶套餐 $68有3至4支排骨，隨餐有油條附跟，沾醬/沾肉骨茶湯，各有特色。肉骨茶偏重胡椒味，但不辣，有暖胃感。滷水大豬腳（半隻）$68本來以為半隻應該只有4至5片，怎知原來份量都不小，有一碟滿滿的，而且啖啖肉。肉質呈粉嫩色，有彈性有咬口。滷水豬耳 $48份量同樣多，哈哈，一樣是一碟滿滿的。豬耳滷得都夠入味，但不算鹹，所以空口不停吃也不會過鹹。豬耳的軟骨較軟，隨口咬兩下就可吞下。

見公司樓下有新開餐廳 就試吓下午茶同事點冬陰功海鮮米粉我點肉骨茶米線仲叫多份牛油咖椰多士Share試咗同事個冬陰功湯底一啖味道唔錯 望落份量都好多 個碗勁大🤣海鮮有蝦、魷魚、蟹柳、青口$42下午茶餐嚟講 性價比高餐廳招牌寫住新加坡 肉骨茶 我心諗咁有信心所以我就算見到上一個食評咁差 都要點嚟試一試以前係新加坡食過 湯色都係淺嘅 但好重胡椒味而我嗰個肉骨茶 哈哈哈 藥材味我就食唔出 我同事試咗話有少少我淨係食到有胡椒味 但唔算好濃所以我都要叫職員俾個辣醬我加落去食$45 嚟講 米線比得好足不過我就唔推介肉骨茶 味道較清淡牛油咖椰多士 我無影到但我咬咗一啖 淨係食到牛油味一啲咖椰味都無 所以就問職員男職員較新手 唔識處理 對答都幾有趣 不過尚算有禮貌女職員經過見狀 就過嚟幫手解決問咗廚房之後回覆可以幫我哋換過一份但我食咗一啖又唔想浪費 所以叫佢淨係”筆”啲醬比我就得 我自己搽返當個醬嚟到之後就尷尬 我望一望個包見到隻色 其實佢都有搽咗一浸 但就好薄好薄🫣搞到我自己覺得好似呃咗人個醬但我強烈建議 餐廳想改善嘅話個醬要搽多少少 （我少少甜味都食唔到）埋單$122Overall 嚟講 性價比高不

早幾日經過旺角做嘢，見到呢一間舖頭，門口擺咗隻獅子魚幾得意，於是就走去睇吓佢啲餐牌有咩食，突然有個男仔走咗出嚟，佢話埋嚟試吓啦有位喎，然後就開始介紹肉骨茶套餐同香鍋套餐，見天氣咁熱佢又咁落力我就試吓啦。呢度係QR code自助落單，坐低之後另外一個男仔攞咗QR code同埋一杯水俾我，然後佢同我講有需要可以搵返佢幫手，咁我就開始自己落單，嚟到梗係試佢哋主打肉骨茶啦！上菜嘅時候，又係嗰個後生仔，佢好有禮貌咁講咗個餐名，然後慢慢放低，問我仲有冇其他需要，又話我知肉骨茶係無限添湯，叫我有需要嘅時候再嗌佢，然後就開始食喇呢個肉骨茶同我印象中嘅唔係好同，下一個呢個肉骨茶係胡椒味嘅，於是我就問吓個職員，佢話我知呢個係白肉骨茶係胡椒味重同埋偏清淡嘅，其實佢唔講我真係以為佢求其俾咗碗例湯我肉骨茶入邊有幾條骨，有少少鞋口，不過嗰醬都OK嘅，但係講真個湯真係有啲淡，可能係特色啩整體來講，佢哋嘅服務態度好好，雖然職員好似比較年青，但係服務都唔錯，起碼冇好似出面嗰啲咁西口西面，食物方面我個人認為個湯真係淡咗少少，或者呢個真係佢哋嘅特色，係我唔太識欣賞啫😅不過下次我都會再去，因為我見餐牌上面嗰啲川菜好似幾吸引，

中午時間，天氣又熱，想搵間餐廳坐底食下野，咁岩行過見到寫住正宗肉骨茶，我老婆話想食，咁就入去坐低啦，開頭態度都ok，咁餐廳用qr code落單，咁我地就揀左肉骨茶同奶醬豬，之後想落單但個qr code落唔到，就叫職員落單。好戲正式開始，職員打完單比我睇，佢打左奶油豬，咁我就好好態度同佢講，唔好意思，我想要奶醬豬，幫我改返，唔該，咁職員都好好態度，到第二次佢拎返張單黎我在睇，佢就打左奶醬多士，咁我又在叫佢改返啦，之後佢出餐都係拎左奶醬多士比我，咁我在講多次係奶醬豬仔包，咁職員都係咁同我講唔好意思，咁算啦，佢都係打工，到第二個職員將肉骨茶放係枱面，問咩事，我地都好好禮貌話佢打錯單，出錯左奶醬多比我，但依個男職員態度就好差，佢就話，換過比你咪得囉，我同老婆都呆左，我話係你地同事落錯單出錯餐，但我地都冇講啲乜野，我地講完依句，佢就西住面咁走，到我地望個肉骨茶（嬲得制冇影相）個肉骨係煲湯豬肉好硬好柴，而唔係排骨，因為得肉冇骨，個茶就仲大獲，因為根本唔係茶，係豬肉煲出黎既湯，因為個湯係白色。因為種種原因我地就開始嬲啦，叫個老啲既職員過嚟，我指住個肉骨茶問佢，依個係肉骨茶？個肉柴既，個茶係湯黎，另外

同同事知道公司附近又開咗間新嘅餐廳，一向鍾意試新嘢嘅我哋今日晏晝又去試吓先。「泰源」依個名第一眼睇落去我哋仲以為係食泰國菜，細心一望原來佢係主打任飲排骨湯同埋麻辣乾鍋。我揀左自選麻辣干鍋（微辣：大腸，豬肚，土豆，花腩，豆卜）跟公仔面比想像中唔會好油膩，微辣呢對我嚟講就啱啱好喇如果鍾意食辣嘅你可以選少辣，豬肚爽，大腸肥，土豆同豆卜正，花腩反而比較靭口；跟鍋有得揀米線飯公仔麵烏冬，唔知點解覺得四樣都唔係好夾，但係最後我揀咗公仔麵，唔係好索到汁。另外同事叫嘅排骨湯飯，試飲咗幾啖，排骨湯嘅味道有啲似胡椒豬肉湯，佢可以無張添加，但老實講又唔會令你想encore多碗咁。至於環境服務呢都係好嘅，座位係舒服嘅。