泰 (已結業)

行過一試的黃大仙小店，價錢公道性價比不錯Lunch set加7蚊的咸檸七，啖啖咸檸肉，係有落足料的飲品豬肉丸船河，湯底味道濃郁，蘿蔔吸左湯汁好唸好juicy, 豬肉丸味道幾特別，整體不錯

一行4人同朋友相約食晚飯，無睇餐牌全由佢地發板叫乜就食乜。小食拼盤掛住食，唔記得左影相，失策🤣。🍴香葉包雞有兩件，比人搶哂無食到。泰式春卷脆口好食。🍴泰式蝦餅彈牙有蝦味。🍴暹羅炸魚餅口感紮實，魚味香。磯燒海鮮叫左蜆、鮑魚、蟶子😀。🍴自己親自燒，聽到卜卜聲就食得啦，蜆肉新鮮帶甜味。🍴鮑魚用筷子輕碰邊位，明顯郁動，證明夠新鮮，食落都好彈牙。🍴蟶子處理乾淨，就算乜都唔落但食落都有鮮甜味。

今日嚟到黃大仙工作， 同事話搵間好嘢一齊食lunch，佢就介紹食泰國嘢，本身我就話泰國嘢梗係九龍城喇,黃大仙乜有㗎咩，我真係少見多怪，今次嘅黃大仙之旅，又一驚喜作品。招牌泰式海南雞半隻，完全冇諗過咁滑，正正做得返泰國嘅口味同埋味道，完全出色過咩心嘅sir滑雞。泰式菠蘿雞肉炒飯， 佢就唔係原個菠蘿上，不過用料十足，入面淨係有提子乾呢樣，已經夠驚喜，甜甜地更易入口，更加美味。泰式炒金邊粉， 本身都有啲猶疑唔想叫， 因為驚炒嘢太過油膩， 冇諗過嚟到咁乾身， 食落個底都係有少少油， 不過完全可以接受係喺範圍之內。泰式奶茶同泰式其實有少少出入， 不過佢好過好多茶餐廳嘅奶茶，茶味十足，又不失奶味。最後走嘅時候仲俾我見到有得外賣，海南雞，下次揸車經過，真係要買返去加料。

今日同朋友喺黃大仙附近搵嘢食，見到有間泰國菜外面裝修幾有特色，於是入去試吓。入邊裝修都幾有特色，有一個酒櫃，同一個project喺度播演唱會。我哋坐低左叫咗個set A二至三人餐，入邊有肉碎生菜包豬肉，燒豬頸肉，泰式炒飛天通菜，蝦醬炒飯，明火例湯。過咗一陣，明火例湯首先送上，佢用一大個碗裝住啲湯送上，入邊材料主要有白菜同南北杏。跟住泰式炒飛天通菜亦都送上，通菜上邊有少少辣椒，啲通菜食落有少少辣，味道唔錯。跟住係肉碎生菜包豬肉，肉碎同生菜放喺同一個碗度送上，一碗大概有6片生菜。啲肉幾入味，啲生菜都幾新鮮，味道幾正宗。之後燒豬頸肉亦都送上，上面有朵花做伴碟，豬頸肉份量唔少，豬頸肉燒得啱啱好，咬落去有啲肉汁係入邊。最後係蝦醬炒飯，炒飯上邊有隻炒蛋同埋豬肉鬆，加上隔離有腰果，可以撈埋啲飯一齊食，啲飯蝦醬味都幾重，加埋腰果同蛋個組合味道唔錯。

慈雲山偶然發現一間泰國食府，因為岩岩泰國阿姨喺門口，令到我好想入去試一試。餐廳入面牆壁畫了大象，充滿清邁的感覺。第一次嚟，試下廚房啲手勢有幾泰國風味。 食落味道比較清淡，所以我更加覺得佢係清邁的泰國菜。泰式肉碎生菜包豬 : 真係幾好食。瘦肉多過肥肉，味道清淡而帶有酸味。熱辣辣用生菜包住食，食多兩啖，都唔覺漏，啱曬健康嘅我。招牌泰式海南雞 : 雞肉又嫩又滑，再配埋佢嘅海南雞醬就特別好味，連佢個豉油醬汁都特別好味 ; 我覺得佢好食過水門街嘅雞醬。泰式紅咖哩豬肉 : 少少辣，勝在材料十足。大人細路都啱食，如果加埋白飯仲冇得頂。這是港式奶茶，味道比好多茶餐廳更好。可能好多香港人都唔鍾意泰國茶嘅味道，所以佢哋改良咗。不過勝在夠大杯，飲都飲唔曬。喺門口見到有啲套餐同火鍋，下次可以再嚟試清楚。

係黃大仙黎講 呢間泰式野算唔錯架喇 因為黃大仙本身都少泰國錯 份入到黎叫左串燒有雞有牛有豬 都唔錯 燒得幾好 另外都叫左個波羅炒飯 炒飯好食 波羅味重 仲有生蝦 呢個係必食既 新鮮 環境都幾好坐

<好味泰菜lunch set >#fafafoodblog黃大仙 🍴泰式炒金邊粉 58 蚊 🔥🍲炒得好夠鑊氣既金邊粉 足足有3 隻蝦碌 🦐 仲有細蝦肉 麵根 葱花芽菜 煎蛋🥚 材料豐富 醬汁好香豉油醬味 咸甜兼備 加埋清檸汁 大葱 花生碎 增加清新度同口感 正 😍🍴泰式海南雞飯 55 蚊🍚🐤 用泰式黃飯 黃飯米粒好夠油香 口感軟熟 🍚 雞肉凍食無論皮肉都好 嫩滑 雞有雞味 加埋蕃茄青瓜配菜 🥒🍅正🍴泰式豬頸肉半份🐷跟lunch set加25 蚊豬頸肉薄切長身 豬肉爽滑 好有口感😃 帶有啖啖豬油香 薯角 大件厚香脆 好香口熱辣辣 🥔 正🍴泰式春卷 🔥lunch set加15 蚊春卷炸得好香口香脆 而且皮夠薄 入面有豬肉同椰菜🐷🌿 味道唔會話太濃都幾清新😃🍹柚子蜜糖 熱飲既柚子蜜糖蜜糖味偏多 幾香甜 柚子味帶點酸甜 味道好match 🍸龍眼冰龍眼冰入面落足料 有好多 龍眼肉 所以味道好香濃 😆Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻V

今日我地黎到黃大仙搵好嘢食，一向覺得黃大仙冇咩好嘢食，可能唔熟呢頭！但係上網一搵就發覺呢頭其實都好多正嘢食，尤其係近黃大仙同慈雲山附近嘅地方，就正正係環鳳街呢一頭。而家凍凍地嘅天氣，除咗食打邊爐之外，食辣野都非常一流，所以我哋揀咗一間泰國菜，享受我哋呢一晚嘅晚餐。呢度嘅環境都好好，除咗夠大之外，呢一度都有分室內同室內，店舖入邊有好多酒類飲品，而且有一個好大嘅電視螢幕，可以一齊享受食物之餘，可以一路睇電視，甚至係睇一啲足球嘅球賽，啱晒一班三五知己收工嘅時間或者放假嘅時候黎。呢度有好多套餐選擇，包括二人套餐，三人餐，四人餐，連10至12個人嘅餐都有，不過我哋今次選擇散叫，可以試多啲唔同嘅嘢食，二來可以叫d套餐都冇嘅嘢食。頭盤我哋叫左一個生蝦，碟嘅佈局都好靚，生蝦都十分新鮮同大隻，配上辣椒同蒜頭，加埋佢哋嘅醬汁，食過返尋味。咁嘅食物質素，亦都令我哋十分期待嚟緊嘅嘢食。之後我哋再叫咗一個生菜包，生菜包肌肉碎同辣椒混合埋一齊， 好醒神開胃，雖然係有d辣，但係咁嘅天氣食都好暖笠笠。主打嘅我哋就係叫咗一個燒倉魚，呢個都係必食推介，因為倉魚廚師燒得好香口，而且皮脆肉嫩，再點埋酸辣汁，連我平時都唔太食魚

Here we have for tonight the Tom Yum Goong hot pot for dinner. Sadly my hubby can’t join for he has to attend some event in a short notice.Good to start with Satay pork chicken and beef.Roasted oysterI have been here twice before and the Tom Yum Goong hot pot really impressed me. The soup has good flavour of tomato and enough sweetness. For the pot of Tom Yum Goong soup only $88.Then We have such big portion of food and a dish of fresh chicken slices for $198 only. But we waited forty five minut

天氣咁熱，想搵間坐得舒服既餐廳食得好 先有動力工作嘛經過依間泰式餐廳見佢裝修又新又靚wor餐廳牆上有些壁畫 提升了格調見餐牌價錢唔算貴 一於試下啦我叫左海南雞飯賣相唔錯啖啖雞肉不過飯略嫌硬了些少-朋友叫左豬手飯都算大件呢但味道一般咸了些少-我地加多左款小食酸辣鳳爪酸酸甜甜少少辣唔會食到兩行鼻水😂幾惹味幾鍾意-跟餐還有菜湯同紫米糖水菜湯清清淡淡，都幾多菜可減輕主菜既油膩感糖水亦唔會偏甜紫米有口感奶香味重-

之前食過兩次見幾好食，今晚試下外賣個炒飯。等左十幾分鐘，一攞起已覺得咁輕嘅。返到屋企打開個飯盒見到真係想攞返落去退錢，得個半盒都唔知有無。等咁耐，唔知係咪等埋啲餐嘅炒飯一齊炒，求其分啲落個外賣飯盒，個客見咁少都無得追究。

最近和老婆打邊爐，不小心吃到冬蔭公湯底，令我回想起去年和朋友在黃大仙吃過的一個冬蔭公火鍋。很可惜當時拍下的照片因為電話故障全失去了，但那種味道仍然記憶猶新，更促使我執筆記下那種美味。當天是下雨的晚上，我遲到了。到達的時候有點驚訝，怎麼食泰菜的地方感覺卻如西式酒吧？頗有趣有新穎的格調令我留下深刻印象。坐下時已經見到滿桌的菜式，有一個很豐富的拼盤，海鮮、肉類、蔬菜缺不了。最重要是中間有一個火爐，爐上是一鍋冬蔭公湯。冬蔭公的香味四溢，濃郁卻不刺鼻。沒有想到，冬蔭公也可以用來做火鍋湯底。坦白說，當時也有懷疑。但當我們正式開動時，我就知道是我過慮了。冬陰公既酸且甜，和一點微辣。海鮮和肉類吸收了湯底的精華後，很惹味。這個湯底比起一般的冬蔭公湯稍為清淡一點點，因為火鍋滾起時湯底的味道會越見濃厚。當中我印象最深刻的是粉絲，粉絲配上冬蔭公湯底實在是絕配！實在很難忘的一次體驗，是難以忘懷的味道。那次以後，每當我在火鍋店吃到冬陰公湯底都會稍稍作出比較。還是那間黃大仙的小店做得最出色。或許又是時候和那位住黃大仙的朋友一聚了！

我們一家8人第一次喺到食晚飯。雖然裝修不錯，但如果唔係我個女跌咗野落地，我都唔知個地板油淋淋當時只係晚上6點多，我地係第一枱客。無理由咁油！叫完餸等既時候有好大陣嗅渠味維持咗有5-10分鐘我地點咗：1. 蝦醬炒飯 - 味道一般2. 馬拉盞炒通菜 - 味道好、菜唔會炒到黃3. 一打雞串燒同半打牛肉串燒 - 雞串先到味道好、唔會乾好有肉汁，但無配沙爹汁。10分鐘後再上牛肉串，來到先上一小碟沙爹汁。因為我地人多我老公叫佢俾多碟汁都要叫兩次先俾。十分珍貴！4. 紅咖哩雞配薄餅 - 咖哩不太辣味道香口，薄餅好油5. 蒜蓉包 - 包唔脆、食落啖啖油、 蒜蓉味唔多。不叫也罷！6. 炒金邊粉 - 味道一般7. 酸辣鳳爪沙律 - 好辣，但味道適中唔會太酸食物大至上一般服務係好唔掂！我地係坐長枱。其中一位待應上菜每次都要喺我1歲半既女旁邊上菜。到埋單，個待應話搵晒成間舖都無原子筆，佢攞咗支雙頭筆俾我地簽卡單。我見到即時講：「雙頭筆係唔會過底架！」但我家人已簽。個待應睇返張底單發現無過底自己講：「係喎！」要我家人喺袋到搵支筆再簽過。如果食物普通，服務差都不值再去！

Poohpooh成日話要帶我去佢鍾意食嘅餐廳 講左好耐終於試左呢間係環鳳街嘅泰國野.門口有D露天嘅座位 雖然只係對住街 望落好似都幾寫意啊可惜有少少熱 所以我地都係座室內.唔係好肚餓所以我地share左一碗冬陰功豬頸肉河粉 原來晚市無做湯河架 不過侍應姐姐好好人話破例一次做埋比我地.河粉個冬陰功湯底真係好好飲我唔好辣唔記得叫小辣都頂得順 好惹味 椰汁同香茅味都好出 豬頸肉好爽口一D都唔肥 仲有D草菇.另外我地仲叫左泰式炒雜菜同埋蝦膠皮蛋 兩個都極力推介 原來皮蛋同蝦餅嘅口感都可以好夾

同朋友打任天堂 switch 打到天昏地暗，孖寶賽車實在太好玩！完全忘記咗食飯時間，上次食完老字號上海店，今次要再食隔離嗰間泰國菜。真係打機打飽咗所以叫咗少少嘢食！招牌河南雞飯 $68海南雞肉質偏瘦順滑，但雞味豐富，值得推介！可能要就返附近冇街坊嘅健康，飯味偏淡，差咗少少！泰式炸蝦餅 $988嚿金黃色嘅炸蝦餅相當吸睛，外脆內嫩，啖啖肉爽脆有口感，蝦味豐富，送啤酒一流！馬拉盞炒通菜 $68上咗年紀多多少少都要食番啲菜，呢個炒通菜 味道濃郁，又唔會太林，煮得啱啱好！兩個人70蚊80蚊左右，性價比極高！ 因為要繼賽車，所以冇飲啤酒！ 作為一個專業嘅車手，我哋係唔會酒後駕駛！但下次玩薩爾達 就好難講...