浦東晉家門

营业中

休息中

同老公成日行經呢間中國風格既餐廳一直都好想試，今日終於走入去試一試！西餐為主，但餐廳內外為中國風格，十分別緻有特式，播放住柔情既英文情歌，十分有情調！先黎個小食「水牛城雞翼」$68雞翼香胞可口，加上芥末醬一齊食好開胃！再黎個「蒜味蕃茄芝士意粉」$68意粉上鋪滿我至愛既芝士粉，整個意粉有蒜香味外仲有超濃郁既芝士，蕃茄食得出新鮮似是採用有機蕃茄，整個意粉都十分出色！最後黎個主打菜「安格斯西冷」$420老公唔食太生，但我又覺得西冷要5成先好食，原本落單時叫左8成，最後廚師好好人行出黎問多最後決定要8成？我話想要5成，老公最後話7成都可以，廚師話7成幫你整到無血水啦！呢個廚師超利害，真係無血水，而且老公仲接受到，真係難得老公食得到，仲可以成塊食哂🤣西冷雖然7成熟，但肉質仍然嫩滑多汁有口感，沙律菜一樣美味香甜！

俾朋友仔帶左黎呢度食飯由個名 到裝飾 都以為係食中餐但打開餐牌先發現 原來食西餐前菜我地叫左個水牛城雞翼辣味醬汁配上炸得香脆熱辣嘅雞翼上枱時係剛整好 黃金色嘅雞翼可見廚師俾足心機主菜有黑松露野菌雜菜意大利飯黑松露味道濃郁 野菌鮮甜飯煮得軟硬度啱啱好忌廉香濃得來唔太油膩另一個主菜係穀飼加拿大牛仔架因為呢個主菜需要嘅時間比較耐大家可以考慮預早叫定雖然係要等耐啲但一切都係值得嘅個牛仔架焗到medium切開淡粉紅色 但無血水肉質鮮美而且柔軟無筋 除左講好好味 我已經諗唔到要講乜飲野我地無揀啤酒 但呢度名有自釀啤如果下次同飲酒嘅朋友黎會再試我叫左草莓香蕉沙冰好香甜嘅香蕉味加上清新嘅草莓味道朋友就叫左朱古力曲奇個朱古力味比出面用oreo打嘅香濃應該有加左朱古力粉 用料十足

經過太子晚飯， 穿過地鐵後街，整條街都係食店，就畀呢間門口嘅裝修吸引住， 紅色嘅門口好配合中國風， 就快新年就入去應下節啦。呢間酒吧、cafe 原來唔係食中餐， 係食西餐…… 真係估你唔到。入面嘅佈置都好中式座位都好寬敞，呢一個角落可以坐到十個人， 我覺得幾唔錯。呢度係食西餐， 呢度嘅食物多樣化，想食豐富啲嘅有扒、有飯、意粉同pizza, 輕易啲嘅選擇就有雞翼、多士、甚至all day breakfast， 再冇心機食正餐， 可以揀甜品鬆餅、蛋糕， 飲品類都有咖啡、沙冰或者酒精類， 總之好多選擇。你哋試過喺中式牌匾之下飲焦糖朱古力未呀？感覺好特別。黑松露野菌雜菜意大利飯， 黑松露好香 汁好creamy， 意大利飯好煙韌。珍寶帶子墨汁意粉， 帶子煮到啱啱好， 意粉煮到軟硬適中， 味道剛剛好。茴香白酒煑青口，好多忌廉汁， 拆咗粒青口出嚟點汁可keep到熱辣辣。第一次食鵝肝多士塊多士咁大塊，仲要咁鬆脆， 真係好鬼死個引。馬火腿蜜瓜沙律， 蜜瓜熟到好香甜， 配上鹹香嘅巴馬火腿，yummy yummy。

今日朋友帶我去太子一間酒吧餐廳叫【浦東晉家門】，個名已經夠中式，餐廳裝潢都係中國風嘅古色古香，門口嘅仿古木雕木門、室內嘅牌匾、木枱，唔睇門口個餐牌以為係去食中菜。【雲呢嗱朱古力$36】天氣又轉冷，先飲返杯朱古力熱飲，暖笠笠不過冇乜雲呢嗱味，太甜。【龍蝦忌廉汁煮海鮮意大利飯$108】 好Creamy嘅意大利飯，食材有青口、墨魚、蝦。 當中墨魚最好食，口感鮮爽唔似一般食到橡皮咁韌；青口同蝦都鮮甜。【穀飼加拿大牛仔架$320】好大碟，有三大件，仲有多多洋蔥圈、薯角、沙律，啱晒share食。 牛仔架叫咗五成，肉質超嫩滑，肉汁超豐富。隻牛仔可能太「好食好住」，肥膏多咗啲，不過油香+肉香嘅誘惑又真係好難抵擋。 伴菜嘅洋蔥圈、薯角亦相當高水準，熱辣辣皮又脆，亦唔會過鹹。 最後食埋個沙律，開胃又中和返啲油膩感。【朱古力香蕉鬆餅$78】又係大堆頭～鬆餅夠鬆軟，蛋香味濃； 蘸埋朱古力雪糕食，好正。仲有朱古力醬香蕉。咁大份甜品只係$78，CP值高。中國風裝潢食西餐，幾特別，真係打卡勝地。

今日喺太子收工，同男朋友決定是但去一間餐廳食晚飯，見到呢間浦東晉家門好似唔錯，所以就食呢間。我地叫左辣汁蕃茄蒜香長通粉（$78）個汁辣得黎唔會太嗆喉，唔錯。水牛城雞翼（$68）食得出係即叫即做，夠曬香口~煙肉蘑菇芝士蛋薄餅（$108）我最鍾意呢個餅底夠薄夠脆，溝埋蛋汁口感好豐富。香草三文魚免翕排（$108）三文魚肉質好鮮嫩，男朋友就最like呢個!~飲品方面，男朋友飲嘅係芒果熱情果凍茶（$36）而我飲嘅就係芒果菠蘿沙冰（$45）呢到幾特別，裝修係中國風;播嘅係懷舊歌曲;食嘅係西餐XD

晚上途經一間門外古式裝飾的食店，以為是吃中菜的，在門外擺放的餐牌看看，原來是一間中式佈置西式食物的食店，入內還看到1枝咪stand 及唱K 的設備，彼有趣！廚師用心工作，又出來招待客人焗意式芝士煙肉磨菇吐司 配 雜菜沙律 $68原想點pizza, 但不想吃薄批，故改了吐司，效果與pizza 差不多，會拉絲的芝士麵飽，另一半讚沙律汁好味，今晚所有沙律菜都給吃光。卡邦利煙肉意粉$88味道香濃，看下去有很多汁，當白汁溫度慢慢下降會變得較杰身，且會掛在意粉中，汁便會越來越少的，如果汁不足，意粉會乾及漿口。穀飼加拿大牛仔架$320一碟有2件牛仔架，外表煎得香，一肥一瘦，肥的較嫩滑，但有些位置是肥而不膩，吃起來彼腍的，牛味一般，另一件牛仔架肉內沒多油脂紋理，所以咀嚼起來較有咬口，因只點7成熟，也算腍身，薯仔洋蔥圈炸得香脆，有味，不肥膩。芒果菠蘿沙冰$45看到隔離枱剛上了一杯沙冰，吸引我們也點，不過我們的沒凸出小山仔啊！沙冰不夠濃密，稀了一點點，味道可以。

農曆新年即將來臨，係時候買番啲新嘅衫褲鞋襪，因假期要返工趕貨，所以揀咗平日嘅時間去行街掃貨，特登收早啲约埋太太係旺角地鉄站等，然後先一齊去睇吓有乜靚嘢，由旺角行到去太子，太太同我都買咗少少心頭好，見有啲肚餓就係咐近揾間餐廳，食埋飯先回家，咁啱見到前面有間叫(浦東晉家門)嘅意大利菜餐廳，就入去睇吓有冇位，好在時間尚早，唔使等就有位，侍應俾我地自己揀位坐，跟住再放底餐牌，太太選擇咗個 意式鮮茄肉丸意粉，我就要咗至愛 安格斯肉眼扒，同埋一個小食 係水牛城雞翼，先上嘅係水牛城雞翼，皮炸得好香脆，配埋嗰醬，特別惹味，跟住意粉同安格斯肉眼扒都來了，意粉軟硬適中，肉丸加茄汁，更加無得頂，安格斯肉眼扒我叫咗五成孰，肉質好冧，牛味好濃郁，沾少少克椒汁，更加正。重有個配菜炸薯仔圈都好脆，下次可以再同太太來。

今晚黎到太子呢間餐廳開飯, 齋睇門面, 完全係中式嘅設計, 唔知仲以為佢係食中菜, 其實佢嘅真身係間 Pub & Café 黎介 !!店內環境簡直係中西合壁, 非常特別。餐牌封面設計亦充滿中國風, 但 Menu 上全部都係西餐菜式。洋蔥圈洋蔥圈色澤金黃, 炸到非常乾身, 外酥內嫩, 口感酥脆, 份量又多。辣汁番茄蒜香長通粉以 Creamy 嘅忌廉番茄汁煮長通粉, 長通粉唔會煮到過淋, 味道酸酸辣辣, 非常開胃。香草三文魚免翕排同一般嘅三文魚排有 D 唔同, 呢塊三文魚嘅肉質比較嫩, 口感一 D 都唔乾唔 “鞋”, 而且仲啖啖肉, 基本上已然冇咩魚骨, 簡單用香草調味烹煮, 令三文魚味更突出, Simple And Delicious !!豬肉腸酥皮卷上菜時, 店員會作簡單介紹, 呢款菜式每日只會賣大約 4 份, 以酥皮捲起自家特製嘅豬肉腸, 然後拎去焗。豬肉腸酥皮卷色澤金黃, 口感鬆脆, 豬肉腸肉汁豐富, 而且細嚼後, 回味中仍帶有香濃嘅肉汁味道。紫薯香蕉鬆餅完全感受到廚師嘅用心製作, 花形嘅鬆餅上逐一鋪上香蕉片, 加上忌廉 & 朱古力雪糕, 再擠上朱古力漿 & 煉奶, 齋睇已經好靚。

新年伊始，到酒吧相聚開懷吃喝絕對是好選擇。是夜到太子這裏裝潢充滿古典中華風的酒吧用膳。這裏提供門神的手工啤，區區點了加入可可的黑啤，甘香幼滑。露荀溫泉蛋沙律，簡單以醋汁調味，溫暖蛋香配上沙律，口感豐富。白酒青口肉身厚實又不過鹹，鮮味足。帶子墨汁意粉質素不錯。帶子表面煎得香脆，中間鮮嫩。意粉煙韌帶點鹹鮮香。另一主菜三文魚免翁扒，煎得香脆中間比較結實。簡單以酸汁調味，價錢超值。飯後來壺玫瑰花茶。想不到有點誠意，有乾花瓣加上紅茶包，香醇又有陣陣花香。這裏食物酒水價錢不貴，且環境舒適，值得一試。

家住太子的我時常經過砵蘭街見到呢間餐廳充滿中國風嘅牌匾招牌，加上嗰條街好多食火鍋烤魚等中式嘅餐廳，令我一直以為呢間鋪頭係食中式火鍋，點知我琴日去到先知，原來佢入面食嘅全部都係西式新派菜，反差之大真係令我驚喜萬分😱入面嘅環境除咗走型格中國風之外，仲會一邊過住一啲懷舊嘅經典歌，另一方面見到老闆喺度自誤自樂，格局裝潢應該都係出自老闆的心思。我同朋友先點左兩個小食:水牛城雞翼($68)同埋芝士洋蔥煙肉焗薯皮($68), 雞翼有五隻，炸得夠脆，每隻上面仲點有芝士醬夠惹味。 另外芝士洋蔥焗薯皮共有三件，洋蔥比較多，煙肉唔算好多，不過不失。我們仲點左佢嘅漁人海鮮pizza（$108）都不錯喔👍，酥皮很脆而且薄薄的很易入口，Pizza上面嘅海鮮不算太明顯，應該有魚有蝦等，但入口卻有滿滿嘅鮮味！加上濃郁嘅芝士令人係咁食完一片再接一片😋仲有一個煮食就係珍寶帶子墨魚意大利粉（$108）佢嘅珍寶帶子都煎得啱啱好，入口幾嫩，不過個墨魚麵就淡咗啲，而且唔係我哋一般食開有墨魚汁嗰隻，佢嘅醬汁比較清淡，仲諗住可以食到成口都黑色添😅最後就係我好期待嘅豬肉腸焗酥皮卷（$128），我睇Menu已經好想食，嚟到嘅時候熱辣辣兩

朋友約食，見到個名時仲一心以為係上海菜。門面同裝修都好古色古香，有紅木門框同屏風，又掛住大紅燈籠，有文藝 feel 。一望餐牌，竟然係食西餐架喎！從沙律到甜品都有齊，就係冇小籠包榖飼加拿大牛仔架 $320主菜叫左牛仔架，香草醬汁上枱已經勁香喇！側面睇，牛仔架好有「厚度」，好有牛香，肉質夠淋唔會韌，功架十足。伴碟仲有洋蔥圈同焗薯，全部新鮮炸起，襯熱食呀喂巴馬火腿火箭菜薄餅 $118巴馬火腿一向係我的至愛，呢間食得出係有返咁上下熟成月份的靚火腿，大大片舖滿 pizza 面，夠豪氣濃濃芝士完全 cover 左薄餅底，有別於一般脆底pizza ,佢既餅底的係軟身的薄底，幾得意的。玫瑰花茶 $45用左英式茶包配上風乾玫瑰花，無添加，又解油膩。而且越浸越出味，仲免費加熱水，幾 ‘come’ 飲。草莓鬆餅 $78甜品鬆餅好大份，有四件鬆餅，兩大球雪糕，好多士多啤梨。士多啤梨似韓國品種，食得出獨有的香甜。鬆餅即做熱辣辣，建議叫一份兩人share 就啱啱好，因為真係幾多吓，好抵食。誠意西餐，食物足料又好味，而且好細心擺盤。冇趕客 no hurry, 慢食吹水好啱。

近日經過開旺角發掘到間神袐小店，發現了原來太子砵蘭街一帶滿多餐廳的。一個寧靜的舊式住宅區，沒有商業化的感覺，就這樣成為了特色主題餐廳試試水溫的地方。一道充滿著濃濃中國色彩的大門，經過亦會不禁多看兩眼，名字是中國風《浦東晉家門》。餐廳位置係砵蘭街420號地下舖，太子地鐵站D岀口，行大約2分鐘就到《浦東晉家門》聽個名都都知道應係食中菜，但當我細心一看menu，嘩然了一聲，原來中國味道甚濃的餐廳是一間西式酒吧，是一間食西餐的餐廳。對的！無花無假既西餐廳！入面既設計就主要時中式風味，唔知餐廳既設計來源係咩既概念，燈光有一點陰暗，好有酒吧風情，裡裡外外都是中式的，小小像清末民初，不過反正今日就係黎食西式菜，就先睇睇餐牌有咩食先。食物款式方面，浦東既菜式夠晒豐富多選擇，餐牌內有多款意粉、扒類、薄餅、意大利飯 、小食、鬆餅、蛋糕等，夠晒多元化。亦設有全日早餐、法式牛角包等輕食。薄餅共有12種口味供選擇，例如有烤雞、煙三文魚、巴馬火腿等，而素食者亦可揀選蕃茄芝士，即叫即製既薄餅雖然就係要等耐小小，但係勝在多熱辣辣！煙三文魚、莎樂美腸、蘑菇烤雞薄餅 $128我就揀左煙三文魚、莎樂美腸、蘑菇烤雞薄餅，感覺

門面通花木門好吸睛，亦見店內正有一對外國人happy hour，就咁入咗去食晚餐！一入去店內裝潢更有層次，好有中國風。相信每個客人一入到店都會被裡面既環境吸引，自自然然整個人既情操會提升幾級。柯打咗一個寛條面、Pizza⋯期待試個鬆餅。上食物既時間恰到，等一陣先黎過大蝦寛條面，蝦彈牙麵條煙un都不錯，之後上pizza⋯都好正喔，底係薄底唔係脆果種，芝士好拉絲，熱哄哄好正。食物份量偏少，所以可以柯打埋份鬆餅。所有食物即整，比個機會消化下可惜鬆餅未有太出色，餅哄燶咗少少，同埋太薄，其實同街邊格仔餅冇分別而且只係配兩球普雪糕⋯收費偏高黎講，水準叫差，以後唔會係度食甜品。因為價錢偏貴，我當價格係比埋個環境，整體來說是接受，不過短期內未必再來光顧。

美食係需要發掘的，今次就同老友去太子食好西去！地點在太子非常近地鐵出口，放工約朋友就最適合啦！❤️浦東晉家門的裝修相當特別，完全是走中國風懷舊路線，令我滿心的期待呀！餐牌有別於一般西餐廳，比中菜館的餐牌更精美呢！食物以西式的為主香草三文魚免翕排大家都是愛海鮮之人，所以選擇了三文魚作主菜！賣相十分精美，三文魚肉製成圓型的三文魚扒，先用香料調味，再把它煎香！外層煎成金黃色香脆，內裡三文魚肉結實，魚味濃郁，配上醬汁真的不錯！意式海鮮意粉材料十足，內有大蝦、青口、魷魚等，大蝦十分彈牙爽口！意粉軟硬度適中，醬汁份量剛好，輕輕排在意粉上，不會太乾身！芝士味很重，愛濃味人士必選呀！水牛城雞翼光看色澤就知雞翼煎得好完美，外層是金黃色，咬下去肉質仍然嫩滑好juicy! 上面有一點混了芝士的醬汁，為雞翼的咸香味加了不少分數！薄荷朱古力凍冰冰的天氣就最適合啦！餐廳有一專業PR，為客人帶了不少歡樂呢，十分可愛呀！❤️❤️❤️

肥妹仔好多時經過太子砵蘭街都會見到呢一間餐廳，佢嘅外貌睇落去好似食中菜，因為佢嘅裝修好中式化，充滿古色古香，但係原來揭開佢嘅menu睇係食西餐嘅，咁樣真係吸引到肥妹仔去試一試啦。荔枝芒果熱情果茶  $40呢一杯可茶飲落去好香荔枝芒果同熱情果味，真心覺得調得不錯。雲呢拿朱古力  $36同行嘅朋友怕凍所以叫咗杯熱朱古力飲。 佢嘅朱古力味亦算香濃。熱檸檬茶  $28露筍溫泉蛋沙律  $98呢一個露筍溫泉蛋沙律入面有沙律菜，鮮嫩嘅露筍，再加上一隻溫泉蛋，淋上沙律醋，食落去味道好夾好fresh，沙律菜新鮮，露筍煮得剛剛好。煙三文魚莎樂美腸pizza $128呢一個pizza餅底做得不錯，係薄身餅底，食落去唔一啲都唔厚粉。而佢嘅煙三文魚同莎樂美腸分量都幾多，每一啖pizza都食到三文魚同沙樂美腸嘅味道， pizza焗得香脆可口。龍蝦忌廉汁意大利飯  $108佢嘅意大利飯煮得剛剛好，唔會太淋，亦都唔會太硬。而佢嘅龍蝦忌廉汁煮到好creamy，好香白汁味，每一粒飯都沾上忌廉汁，食落去好smooth好silky， 龍蝦汁味亦都好濃。配料有青口，大蝦，帶子，八爪魚等等，非常多料，而且每一種海鮮都好新鮮。蒜